სამშაბათი, ივლისი 15, 2025

საქართველოს ტექნიკური უნივერსიტეტის რექტორი „სტუ-ტონუსს“ წყალბურთის საერთაშორისო ტურნირში გამარჯვებას ულოცავს

საქართველოს ტექნიკური უნივერსიტეტის რექტორი, აკადემიკოსი დავით გურგენიძე, საუნივერსიტეტო საზოგადოებისა და სტუდენტების სახელით, წყალბურთელთა გუნდს – „სტუ-ტონუსი“ (თბილისი) წყალბურთის საერთაშორისო ტურნირში გამარჯვებასა და „ქუთაისის თასის“ მოპოვებას ულოცავს. ინფორმაციას საქართველოს ტექნიკური უნივერსიტეტი ავრცელებს.

სტუ-ის ცნობით, საერთაშორისო ტურნირზე, რომელსაც ქუთაისის ოლიმპიური საცურაო აუზი მასპინძლობდა, საქართველოს ტექნიკური უნივერსიტეტის გუნდმა – „სტუ-ტონუსი“ ღირსეულად იასპარეზა, ფინალურ შეხვედრაში კი ქუთაისის გუნდს სძლია და „ქუთაისის თასს“ დაეუფლა. გარდა ამისა, ჟიურის გადაწყვეტილებით, „სტუ-ტონუსის“ წყალბურთელები – ივა ჭუბაბრია და სანდრო ბაბიაშვილი ტურნირის საუკეთესო მოთამაშედ და მეკარედ აღიარეს.

როგორც საქართველოს ტექნიკური უნივერსიტეტის რექტორი აღნიშნავს, წყალბურთის საუნივერსიტეტო გუნდმა მორიგი მნიშვნელოვანი წარმატება მოიპოვა. რექტორის განცხადებით, წყალბურთელთა გამარჯვება ინტენსიური წვრთნებისა და საუკეთესო საწვრთნელი ბაზის არსებობითაც არის განპირობებული.

„საქართველოს ტექნიკური უნივერსიტეტი ახალგაზრდებში ჯანსაღი ცხოვრების წესს უწევს პოპულარიზაციას. ვცდილობთ, სწავლის პარალელურად, ისინი აქტიურად ჩაერთონ სპორტის სხვადასხვა სახეობაში, მონაწილეობა მიიღონ როგორც ადგილობრივ, ისე საერთაშორისო ტურნირებში. სასიხარულოა, რომ ახალგაზრდული სპორტული აქტივობები მუდამ მხარდაჭერილია საქართველოს მთავრობის, პირადად პრემიერ-მინისტრ ირაკლი კობახიძის, კულტურისა და სპორტის სამინისტროს, თბილისისა და რეგიონების მუნიციპალიტეტების მერიების და სპორტის ეროვნული ფედერაციების მხრიდან. აღსანიშნავია, რომ “სტუ-ტონუსის” წყალბურთელები საუკეთესო საწვრთნელი ბაზით არიან უზრუნველყოფილი, რისთვისაც მინდა მადლობა გადავუხადო თბილისის მერიას, პირადად კახა კალაძეს, რომელმაც მხარი დაუჭირა უნივერსიტეტის ადმინისტრაციის ინიციატივას, წინა ხელისუფლების მიერ ჩამორთმეული საცურაო აუზი საქართველოს ტექნიკურ უნივერსიტეტს დაბრუნებოდა. ჩვენი სტუდენტების და პროფესორ-მასწავლებლების სახელით, ვულოცავთ საუნივერსიტეტო გუნდს – „სტუ-ტონუსს“ წყალბურთის საერთაშორისო ტურნირში მორიგ მნიშვნელოვან გამარჯვებას და მომავალშიც არაერთ წარმატებულ ასპარეზობას ვუსურვებთ”, – აღნიშნავს რექტორი, აკადემიკოსი დავით გურგენიძე.

ცნობისაათვის, საერთაშორისო ტურნირს წყალბურთში – „ქუთაისის თასი“ – 18-20 ოქტომბერს ქუთაისმა უმასპინძლა. ტურნირი, რომელშიც მონაწილეობდნენ გუნდები: „სტუ-ტონუსი“ (თბილისი), ქუთაისის „ქუთაისი“, სომხეთის „არმენია“, თურქეთის „გირესუნი“, ბათუმის „ბათუმი“ და კვიპროსის „ლარნაკა“, ქუთაისის მუნიციპალიტეტის მერიისა და საქართველოს საწყლოსნო სახეობათა ეროვნული ფედერაციის მხარდაჭერით გაიმართა.

ქეთევან ნინუაhttp://tiflisnews.ge
საინფორმაციო სააგენტო tiflisnews.ge კონტაქტი- ☎️ 555 100 929

დონალდ ტრამპი – აშშ დაუყოვნებლივ მიაწოდებს იარაღს უკრაინას

აშშ დაუყოვნებლივ მიაწოდებს იარაღს უკრაინას, – ამის შესახებ აშშ-ის პრეზიდენტმა, დონალდ ტრამპმა თეთრ სახლში ნატო-ს გენერალურ მდივანთან, მარკ რუტესთან საუბრის შემდეგ განაცხადა.„ჩვენ ვაპირებთ, ნატო-ს დიდი რაოდენობით მივაწოდოთ იარაღი. ისინი მიაწოდებენ იარაღს და გადაიხდიან იარაღის 100 პროცენტს. ეს სრულად არის დამტკიცებული. ეს გაკეთდა. ჩვენ გავუგზავნით მათ ბევრ, ყველა სახის იარაღს და ისინი ამ იარაღს უკრაინას დაუყოვნებლივ მიაწოდებენ. ისინი გადაიხდიან 100 პროცენტს“, – განაცხადა ტრამპმა.ამასთან, ტრამპმა კიდევ ერთხელ გაიმეორა, რომ თუ 50 დღეში შეთანხმება არ მიიღწევა, რუსეთს ძალიან მკაცრ სანქციებს დაუწესებს.„50-დღიანი ვადის ბოლოს თუ ჩვენ არ გვექნება შეთანხმება, მაშინ ჩვენ ამას გავაკეთებთ. ჩვენ არ გვექნება არჩევანი. ეს საკმაოდ მკაცრი სანქციებია, ამის გაკეთება არ გვინდა, მაგრამ ვნახოთ, რა მოხდება. ჩვენ ვფიქრობდით, რომ შეთანხმება გვქონდა“, – განაცხადა ტრამპმა.

დონალდ ტრამპი – არაერთხელ ვფიქრობდი, რომ პუტინთან შეთანხმებას მივაღწიე

აშშ-ის პრეზიდენტ დონალდ ტრამპის თქმით, ის არაერთხელ ფიქრობდა, რომ პუტინთან შეთანხმებას მიაღწია. აღნიშნულია შესახებ აშშ-ის პრეზიდენტმა თეთრ სახლში, ბიზნესლიდერებთან სამიტის დროს განაცხადა.„სახლში რომ დავბრუნდებოდი, პირველ ლედის ვეუბნებოდი, ვლადიმერთან ძალიან მშვენიერი საუბარი მქონდა, მგონი დავასრულეთ. შემდეგ ვრთავდი ტელევიზორს, ან მელანია მეტყოდა: „ეს უცნაურია, რადგან ახლახანს მოხუცებულთა თავშესაფარი დაბომბეს““,- განაცხადა ტრამპმა.ამასთან აშშ-ის პრეზიდენტმა ხაზგასმით აღნიშნა, რომ ნატო-ს გენერალურ მდივანთან, მარკ რუტესთან შესანიშნავი შეხვედრა ჰქონდა.

რუსეთში, 5.0 მაგნიტუდის სიმძლავრის მიწისძვრა მოხდა

რუსეთში ძლიერი მიწისძვრა მოხდა. ბიძგების სიმძლავრემ 5.0 მაგნიტუდა შეადგინა.ეპიცენტრი ბერინგის ზღვა, რუსეთის სანაპიროსთანაა.როგორც საინფორმაციო პორტალი წერს, მიწისძვრის სიღრმის დადგენა ვერ მოხერხდა, მაგრამ ვარაუდობენ, რომ ღრმა არ არის. ეპიცენტრთან ახლოს რყევები იგრძნობოდა.

სადგურის მოედანზე ნანგრევებში კიდევ ერთი გარდაცვლილი იპოვეს-უახლესი ინფორმაცია ტრაგედიის ადგილიდან

სადგურის მოედნის მიმდებარე ტერიტორიაზე, ნანგრევებში კიდევ ერთი დაღუპულის ცხედარი იპოვეს. ამის შესახებ ჟურნალისტებს თბილისი პოლიციის დეპარტამენტის დირექტორმა, ვაჟა სირაძემ განუცხადა.ამ დროის მონაცემებით, ნგრევის შედეგად, ორი ადამიანია დაღუპული.„ინტენსიურად გრძელდება სამუშაოები. ახლა დამატებით უკვე ნაპოვნი იქნა ერთი გარდაცვლილი. როგორც თავიდან მოგახსენეთ, ერთი გადაცვლილი იყო, ახლა დაემატა კიდევ ერთი გარდაცვლილი. ვაგრძელებთ სამუშაოებს და შესაბამისად, დამატებით მოგახსენებთ სხვა დეტალებს. ამ ეტაპისთვის, ჩვენს ხელთ არსებული ინფორმაციით, არის ორი ადამიანი გარდაცვლილი, ერთი მამაკაცი, ერთი ქალბატონი. ერთი ქალბატონი არის სამედიცინო დაწესებულებაში“, – განაცხადა ვაჟა სირაძემ.მისი თქმით, ადგილზე სამუშაოები გრძელდება. რაც შეეხება კლინიკაში მოთავსებული დაშავებულის მდგომარეობას, ვაჟა სირაძის ინფორმაციით, მის ჯანმრთელობას საფრთხე არ ემუქრება.სადგურის მოედნის მიმდებარე ტერიტორიაზე, საცხოვრებელ კორპუსის ნაწილი რამდენიმე საათის წინ ჩამოინგრა.

საქართველოს ჭადრაკის ფედერაცია სამწუხარო ინფორმაციას ავრცელებს

საქართველოს ჭადრაკის ფედერაცია ქუთაისში, ავარიის დროს დაღუპული ახალგაზრდა გოგოს, მიმი გიორგაძის გარდაცვალებასთან დაკავშირებით, მწუხარებას გამოთქვამს და  სამძიმრის წერილს აქვეყნებს.„ღრმა მწუხარებას გამოვხატავთ და თანავუგრძნობთ საქართველოს ჭადრაკის ფედერაციის პირველ ვიცე-პრეზიდენტს, გიორგი გიორგაძეს, შვილიშვილის — მარიამის ტრაგიკულად გარდაცვალების გამო“,- ნათქვამია ინფორმაციაში.ცნობისთვის, ტრაგედია ქუთაისში გვიან ღამით დატრიალდა. ორი მსუბუქი ავტომობილი ტრაილერს შეეჯახა. მსუბუქი ავტომობილების ორივე მძღოლი ადგილზე დაიღუპა.

ბოლო სიახლეები