საქართველოს საფეხბურთო ნაკრები 24 მარტს ლიტვას უმასპინძლებს

შიდასახელმწიფოებრივი მნიშვნელობის ზუგდიდი-ჯვარი-მესტია-ლასდილის საავტომობილო გზის კმ179-კმ182 მონაკვეთზე (კალა-უშგული) დროებით იკრძალება ავტოტრანსპორტის მოძრაობა.საქართველოს ინფრასტრუქტურის სამინისტროს საავტომობილო გზების დეპარტამენტის ინფორმაციით, აკრძალვის მიზეზი ქვის ცვენა და ზვავსაშიშროება გახდა.აკრძალვა ყველა სახის ავტოტრანსპორტს ეხება.

ექიმი ნუტრიციოლოგი, კვების ეროვნული ცენტრის დირექტორი მარი მალაზონია გადაცემაში "პირადი ექიმი მარი მალაზონია" საუბრობს, როგორი ჭურჭელი უნდა გამოვიყენოთ სხვადასხვა პროდუქტის შესანახად:ხის, მინის, კერამიკისა და თიხის ჯამი ერთმანეთს შევადაროთ. რა თქმა უნდა, ხის მასალა ძალიან სასარგებლოა. ძალიან მნიშვნელოვანია მისი ბუნებრივი თვისებების გამოყენება. მათ შორის, საგემოვნო თვალსაზრისით. მაგრამ, ხორც-პროდუქტებისათვის ხის ჭურჭლის ან ხის დაფის გამოყენება შეიძლება, მაღალი რისკის შემცველი იყოს, რადგან ესა თუ ის მიკროორგანიზმი, მიკრობი დარჩეს ამ მასალაში და ძალიან სერიოზული პრობლემა შეიქმნას ამ ჭურჭლის ხელმეორედ გამოყენების დროს.მინის ჭურჭელი ძალიან ეფექტიანად გამოიყენება როგორც შესანახად, ასევე თერმული დამუშავებისთვისაც, მაგრამ შეგვიძლია, ყველანაირი ცხიმი შევინახოთ ისეთ გამჭვირვალე ჭურჭელში, რომელიც ხელთ მაქვს? - არა.

ამერიკის შეერთებული შტატების ხედვაა და ჩვენ ველოდებით, რომ მსოფლიოს ყველა ქვეყანა იმოქმედებს თავისი ეროვნული ინტერესების შესაბამისად. ეს არის ის, რაც ქვეყნებმა უნდა გააკეთონ, – ამის შესახებ აშშ-ის სახელმწიფო მდივანმა, მარკო რუბიომ ბრატისლავაში, სლოვაკეთის პრემიერ-მინისტრთან, რობერტ ფიცოსთან ერთად  გამართულ პრესკონფერენციაზე განაცხადა.მისივე თქმით, ამჟამად სლოვაკეთისა და აშშ-ის ინტერესები ერთმანეთს ემთხვევა და ქვეყნები თანამშრომლობას გააღრმავებენ.„ჩვენ ორივეს გვყავს შესანიშნავი გუნდები და ადამიანები, რომლებიც ძალიან ბევრს მუშაობენ და მუდმივად ურთიერთობენ, მაგრამ პირდაპირი ჩართულობის დონის შემცვლელი არაფერია. ცენტრალურ ევროპაში ჩართულობა არის ის, რასაც ამერიკის შეერთებული შტატებისგან უნდა ელოდოთ. ბატონო პრემიერ-მინისტრო, თქვენ ახსენეთ ვიშეგრადის ჯგუფი (V4), ეს არის ის, რაშიც ჩვენ მოუთმენლად ველოდებით ჩართულობას, როგორც ფორუმს, სადაც შეგვიძლია, ვიპოვოთ სფეროები, სადაც შეგვიძლია, ერთად ვიმუშაოთ და მივაღწიოთ თანამშრომლობას. თქვენ ახსენეთ კიდევ ერთი რამ, რაც არ ვიცი, რატომ გახდა საკამათო, მაგრამ მნიშვნელოვანია, ყველას შევახსენოთ. ტრამპის პრეზიდენტობის დროს ამერიკის შეერთებული შტატების ხედვაა და ჩვენ ველოდებით, რომ მსოფლიოს ყველა ქვეყანა იმოქმედებს თავისი ეროვნული ინტერესების შესაბამისად. ეს არის ის, რაც ქვეყნებმა უნდა გააკეთონ. ეს არის ის, რასაც მათი ქვეყნების ლიდერები აკეთებენ.  ახლა, როდესაც ჩვენი ეროვნული ინტერესები ემთხვევა, მაგალითად, როდესაც შეერთებული შტატების ეროვნული ინტერესები და სლოვაკეთის ეროვნული ინტერესები ემთხვევა, ეს თანამშრომლობისა და პარტნიორობის არაჩვეულებრივი შესაძლებლობაა. სწორედ აქ ჩნდება პარტნიორობა. სწორედ აქ ვცდილობთ ერთმანეთის წინსვლის გზის პოვნას. ამაში საკამათო არაფერია, სულ მცირე, ვიდრე პრეზიდენტი ტრამპი თეთრ სახლშია. თქვენი თვალსაზრისი და ის თვალსაზრისი, რომელიც გამოთქვით როგორც ჩემთვის, ასევე საჯაროდ, დაფუძნებულია როგორც თქვენს გეოგრაფიაზე, ასევე თქვენს ისტორიაზე. და ეს ძალიან მნიშვნელოვანი თვალსაზრისია, რომელიც უფრო ფართო კონტექსტში უნდა იქნეს გათვალისწინებული“, –  განაცხადა მარკო რუბიომ.

ევროპა უნდა ჩამოყალიბდეს გეოპოლიტიკურ ძალად, რომელიც შეერთებულ შტატებს „პირდაპირ და მკაფიოდ“ ესაუბრება ტრანსატლანტიკური ურთიერთობების გადახედვის პროცესში, – ამის შესახებ ლატვიის პრემიერ-მინისტრმა, ევიკა სილინამ გამოცემა „პოლიტიკოსთან“ ინტერვიუში განაცხადა.„პოლიტიკოს“ მიხედვით, აშშ-ის პრეზიდენტის, დონალდ ტრამპის მხრიდან გრენლანდიის ანექსიასთან დაკავშირებული მუქარების ფონზე ლატვიის პრემიერ-მინისტრმა აღნიშნა, რომ „საქმეები ჩვეულ რეჟიმში აღარ გაგრძელდება“.„გრენლანდიისა და დანიის მხარდაჭერაში როდესაც ჩვენ ერთიანობა გამოვავლინეთ, ვფიქრობ, ურთიერთობები ცოტათი შეიცვალა. სერიოზულად უნდა მოგვეკიდონ ჩვენ, როგორც კოლექტიურ ევროპულ ქვეყნებს“, – განაცხადა ლატვიის პრემიერ-მინისტრმა.სილინას განცხადებით, მიუნხენის კონფერენციაზე აშშ-ის სახელმწიფო მდივანმა, მარკო რუბიომ აჩვენა, რომ ევროპა და აშშ ერთად დგანან „უფრო ძლიერი, უსაფრთხო და მდიდარი მომავლისთვის“, თუმცა, როგორც ლატვიის მთავრობის მეთაურმა აღნიშნა, „მსოფლიო ახლა განსხვავებულია“.მისი თქმით, ეს ნიშნავს, რომ ორივე მხარემ უნდა განსაზღვროს წესები, „როგორი საქმიანი ურთიერთობები ექნება ევროპას აშშ-თან და აშშ-ს ევროპასთან“.ცენტრისტულ-მემარჯვენე პოლიტიკოსმა ასევე განაცხადა, რომ მზად არის, ჩაერთოს ევროპული ბირთვული შეკავების მექანიზმის თაობაზე მიმდინარე განხილვებში.„ჩვენს წინა ვალდებულებებს თუ გავითვალისწინებთ, რატომაც არა?“ – განაცხადა ლატვიის პრემიერ-მინისტრმა.მისივე თქმით, უკეთ შეიარაღებული და უფრო შემართული ევროპა მეტ პატივისცემას დაიმსახურებს.„ეს ნიშნავს, რომ აშშ-თან ურთიერთობაში ჩვენ მზად ვიქნებით, პასუხი უფრო პირდაპირი და მკაფიო ფორმით გავცეთ. ჩვენ ეს ტანგო გვექნება, მაგრამ შესაძლოა, ახალი მოძრაობებიც დაემატოს“, – განაცხადა სილინამ.

როცა დოკუმენტები პოლიტიკაზე მეტს ამბობენ- ამის შესახებ ირანის ისლამური რესპუბლიკის ელჩი საქართველოში სეიედ ალი მოჯანი წერს.''ჩემი ერთ-ერთი მთავარი ინტერესი დროის იმ ხანმოკლე პერიოდში, რაც თბილისში ვასრულებ სამსახურეობრივ მისიას, ირან–საქართველოს ურთიერთობების ისტორიისა და დოკუმენტების შესწავლაა. თითქმის ყოველ შაბათ-კვირას სისტემატურად ვეცნობი ისტორიულ წყაროებს. ახლახან დავასრულე საქართველოს ეროვნული არქივის ერთ-ერთი დოკუმენტის ხელახალი დამუშავება, რომელიც 1705 წლის 26 მარტით თარიღდება და სეფიანთა ეპოქას ეკუთვნის. დოკუმენტი ეხება თბილისის ერთ-ერთი აბანოსთან დაკავშირებულ სამართლებრივ დავას. აღნიშნული აბანო ადრე ეკუთვნოდა საქართველოს მართლმადიდებელ ეკლესიას და იქიდან მიღებული შემოსავალი მონასტერში ბერების საარსებო სახსარს ხმარდებოდა.  იმდროინდელმა ერთ-ერთმა სახელმწიფო მოხელემ, ისლამური ვაკფის მოტივებით, ეს აბანო საკუთრებაში გადაიფორმა. საქართველოს ეკლესიის პატრიარქმა ეს ამბავი გაასაჩივრა. მისი საჩივრის შემდეგ ირანის სამეფო კარზე საკითხი განიხილეს და სეფიანთა შიიტმა შაჰმა, დაადგინა რა პრეტენზიის უსაფუძვლობა, ისპაჰანიდან გასცა ბრძანება, რომ აბანო დაუყოვნებლივ ჩამოერთმიათ აღნიშნული პირისთვის და დაებრუნებინათ საქართველოს მართლმადიდებელ ეკლესიისათვის, ხოლო მისი შემოსავალი კვლავ ძველი წესის მიხედვით მოხმარებოდა ეკლესიის საჭიროებებს. ეს მაგალითი იმიტომ კი არ მოგვიყვანია, რომ წარსული შევაფასოთ, არამედ იმიტომ, რომ ყურადღება გავამახვილოთ ისტორიის დოკუმენტური და მრავალმხრივი გააზრების აუცილებლობაზე. სეფიანთა მმართველობის შეფასება საქართველოში სერიოზულ კვლევას საჭიროებს, რომელიც უნდა დაეფუძნოს ავთენტურ წყაროებს, ასევე ირანელ და ქართველ მკვლევართა ერთობლივ თანამშრომლობას. მხოლოდ ასეთი მიდგომით არის შესაძლებელი ერთიანი, სამეცნიერო და სანდო ნარატივის ჩამოყალიბება და სტერეოტიპების, ბრალდებებისა და იდეოლოგიური ინტერპრეტაციების თავიდან აცილება. ისტორია არ არის პოლიტიკური განაჩენების სივრცე; იგი ადამიანის გამოცდილების გააზრების სფეროა დროის კონტექსტში, გამოცდილებისა, სადაც გეოგრაფიული და კლიმატური ფაქტორები, ასევე ძალაუფლების სტრუქტურები ერთდროულად მოქმედებს. ისტორიკოსს მხოლოდ ამ სირთულეების გათვალისწინებით შეუძლია სწორად აღიქვას წარსული. როგორც ირანის ისლამური რესპუბლიკის ელჩს საქართველოში და როგორც ირანისა და მისი მეზობელი ქვეყნების ისტორიის სფეროში მრავალწლიანი კვლევითი გამოცდილების მქონეს, მჯერა, რომ დადგა დრო ორ ქვეყანას შორის ღრმა აკადემიური დიალოგის დასაწყებად. ერთობლივი კვლევითი მექანიზმების, განსაკუთრებით ისტორიული კვლევების კომიტეტების შექმნა, ხელს შეუწყობს არქივების სისტემურ შესწავლას და საერთო ისტორიული ნარატივის მეცნიერულად გამყარებას. წარსულის დოკუმენტური და ყოვლისმომცველი გააზრება არა ტრავმების გამეორებისთვის, არამედ მომავალი თაობების ცნობიერების ასამაღლებლად და თანაცხოვრების, სოციალური გამძლეობისა და თანამშრომლობის გასაძლიერებლად არის აუცილებელი. ირანისა და მისი მეზობლების მომავალი ურთიერთობები ვერ აშენდება კულტურული მემკვიდრეობის მითვისებაზე ან წარსულის ემოციურ ინტერპრეტაციებზე; ისინი შეიძლება ჩამოყალიბდეს მხოლოდ სიღრმისეული აღქმის, აკადემიური დიალოგისა და საერთო ადამიანური გამოცდილების მიმართ პასუხისმგებლიანი დამოკიდებულების საფუძველზე. თუკი არქივებს მივცემთ საუბრის შესაძლებლობას, პოლიტიკა იძულებული გახდება ნაჩქარევი მსჯავრის გამოტანაზე ხელი აიღოს და ისტორიულ აღქმას დაემორჩილოს, ხოლო ეს, ალბათ, პირველი ნაბიჯი იქნება ჩვენს რეგიონში უფრო რაციონალური, ჰუმანური და მდგრადი მომავლის შესაქმნელად''-ამის შესახებ ირანის ისლამური რესპუბლიკის ელჩი საქართველოში სეიედ ალი მოჯანი წერს.