პარლამენტის თავმჯდომარემ საორგანიზაციო დეპარტამენტის უფროსი დააჯილდოვა

ხალხი დაირაზმა და ვიღაცამ თავი მეფედ გამოაცხადა, ვიღაცამ პრეზიდენტად, ვიღაცამ დამოუკიდებელ სახელმწიფოდ სახელმწიფოში, ეს ამერიკაში მოხდა. როცა ხდება გარკვეული ძალების კონცენტრაცია, რომ სახელმწიფო ინსტიტუტები არალეგიტიმურად გამოაცხადონ, კონსპირაციული გეგმები ამუშაონ და ამ გეგმის განხორციელებისთვის ხდება გარედან თანხების ჩადება, ამაზე რეაგირებაა საჭირო, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.ჟურნალისტებთან საუბარში გია ვოლსკი გამოეხმაურა საკითხს, აკრძალული უნდა იყოს თუ არა სახელმწიფო ორგანოების არაკონსტიტუციურად ცნობა.„მსოფლიოში ურთულესი სიტუაციაა შექმნილი და არავინ იცის, ეს პროცესები როგორ განვითარდება. ვხედავთ ევროკავშირის საგარეო პოლიტიკის ცვლილების სრულ წინაპირობებსაც, რაც ჩინეთთან და რუსეთთან ურთიერთობის განვითარებას ითვალისწინებს. ამ ფონზე უზარმაზარი ძალისხმევაა იმისკენაც, რომ რუსეთ-უკრაინის ომი არ დასრულდეს, რადგან ასობით მილიარდია დახარჯული. ამის რევიზია ბევრს არ აწყობს, მათ შორის საკმაოდ გავლენიან ძალებს. საქართველოში კონკრეტული ადამიანების ძალისხმევა დესტაბილიზაციისკენ როცა არის მიმართული, რასაკვირველია, კანონით უნდა იმოქმედო და ამას წესი დაუპირისპირო.არიან ადამიანები, რომლებმაც შეიძლება, თავი მეფედ გამოაცხადონ, მაგრამ არიან ისეთებიც, ვინც არსებულ პროცესებს საქართველოს საწინააღმდეგოდ იყენებენ. არ შეიძლება, ადამიანი პრეზიდენტის დროშით დადიოდეს და ამ დროს პრეზიდენტად არავინ ცნობდეს, მათ შორის არც მისი მხარდამჭერი და არც მოწინააღმდეგე. ამას თუ მოსდევს პროცესი, რაც ქვეყნის სტაბილურობას უპირისპირდება, აქ კანონმა უნდა იმოქმედოს. გედი ფოფხაძეც ამბობს, შევიჭრათ, ჩამოვანგრიოთ და დავიჭიროთო, მაგრამ მას პასუხს არავინ სთხოვს, რადგან არ განუხორციელებია კონკრეტული ქმედებები, რომ საქართველო მართლა დააზიანოს. არიან ადამიანები, რომლებიც სხვებს სიკვდილს უსურვებენ, მაგრამ ეს პასუხისმგებლობის საკითხი არ არის. ევროპაში კი პასუხისმგებლობის საკითხია და ისჯება. საქართველოში ასე არ არის. ამ საკითხზე ვმსჯელობთ. ზოგი ფიქრობს, რომ კონკრეტულმა ადამიანებმა ან გამომძიებელს უნდა გასცენ პასუხი, ან ფსიქიატრს. ზოგი ფიქრობს, ეს გამოხატვის თავისუფლებაა, სხვადასხვა აზრია, ამაზე კამათი გაგრძელდება“, – აღნიშნა გია ვოლსკიმ.

Marca-მ ილია თოფურიასა და მისი ყოფილი მეუღლის, ჯორჯინა უსკატეგის სასამართლო პროცესთან დაკავშირებით ახალი ინფორმაცია გაავრცელა. ავტორიტეტული ესპანური გამოცემა იტყობინება, რომ სასამართლომ ვერდიქტი გამოიტანა და „ელ მატადორი“ გაამართლეს.„ილიასთვის ბოლო თვეები საკმაოდ ქაოტური იყო, თუმცა ყველაფერი ბედნიერად დასრულდა. როგორც ჩვენთვის გახდა ცნობილი, საქმე დახურულია. თოფურიას ყოფილმა მეუღლემ და ილიამ შეთანხმებას მიაღწიეს“.შეგახსენებთ, რომ ილიას მიერ განქორწინების სარჩელიდან სამი კვირის შემდეგ, ჯორჯინამ სასამართლოს მიმართა. მან თოფურიას ბრალი დასდო „ოჯახურ და გენდერულ ძალადობაში“, ასევე „სხეულის დაზიანებების მიყენებაში“. გარდა ამისა, „ელ მატადორს“ საკუთარი ქალიშვილი ნანახი რამდენიმე თვე არ ჰყავდა და მისი ნახვის უფლებას ითხოვდა. საბოლოოდ, ყველაფერი ილიას სასარგებლოდ დასრულდა და სასამართლომ მისი პოზიცია დაიკავა.წყარო: crystalsport

ჩვენ გვაქვს სათანადო ეკონომიკური გარემო და კანონმდებლობა, დაბალი გადასახადები, რაც არის ძალიან მომგებიანი ბიზნესის კეთებისთვის ჩვენს ქვეყანაში, –  ამის შესახებ საქართველოს  პრემიერ-მინისტრმა, ირაკლი კობახიძემ დუბაიში ქართველ ჟურნალისტებს განუცხადა.მთავრობის მეთაურის შეფასებით, უკვე ჩანს, რომ საქართველო  ამ კუთხით იმსახურებს მაღალ ნდობას.„ყველა ობიექტური რეიტინგის თანახმად საქართველოს უჭირავს ძალიან მაღალი პოზიციები. არის მარტივი ბიუროკრატია, რაიმე დაბრკოლების გარეშე არის შესაძლებელი ბიზნესის წამოწყება, ბიზნესის კეთება ჩვენს ქვეყანაში და კორუფციისგან თავისუფლების კუთხითაც ძალიან მაღალი პოზიციები გვიჭირავს სხვადასხვა საერთაშორისო რეიტინგში, პრაქტიკულად ყველა ობიექტურ საერთაშორისო შეფასებაში. აქედან გამომდინარე, ყველანაირი გარემო არის შექმნილი იმისათვის, რომ საქართველოში განხორციელდეს საინვესტიციო და ეკონომიკური აქტივობები. მომავალშიც მაქსიმუმს გავაკეთებთ იმისათვის, რომ ამ პროცესს მხარი დავუჭიროთ. ასევე, ყველა ხედავს, რომ ჩვენს ქვეყანას აქვს ძალიან მაღალი ეკონომიკური ზრდა. ამ მაჩვენებლით ვართ პირველ ადგილზე ევროპაში. გასული 5 წლის განმავლობაში საშუალო ეკონომიკურმა ზრდამ შეადგინა 9.3%. ასეთი მაჩვენებელი არ აქვს არავის. ასეთ პირობებში, ყველა ხედავს, რომ საქართველოში მომგებიანია ფულის დაბანდება და ბიზნესის კეთება. ამას მაქსიმალურად ხელი უნდა შევუწყოთ და ამ გარემოებით მაქსიმალურად ვისარგებლოთ“, – განაცხადა ირაკლი კობახიძემ.

რაიმე განსაკუთრებულად ორგანიზებული, ბანდიტურ დანაშაულებრივი ჯგუფების კონსოლიდაცია, რაიმე ორგანიზებული შემოტევა, შტურმი, კონტრშეტევები, რაიმე ასეთი ნახეთ მანდ? იმ დღეს, 4 ოქტომბერს, ათონელის მოედანზე? - ასე მიმართა 4 ოქტომბრის საქმეზე დაკავებულმა ოპოზიციონერმა პოლიტიკოსმა, მურთაზ ზოდელავამ, სპეცრაზმელ იოსებ როსტიაშვილს, რომელიც საქმესთან დაკავშირებით სასამართლო სხდომაზე იკითხება.როგორც ზოდელავამ აღნიშნა, სპეცრაზმელი დეტალურად ჰყვება იმ პროცესების შესახებ, რაც ზოგადად, აქციის თანმდევია, თუმცა არ აღწერს ისეთ სურათს, რაც დაადასტურებდა, რომ 4 ოქტომბერს განსაკუთრებული შეტევა მოხდა.„სხვა დროსაც მიგიღიათ მონაწილეობა აქციების თანმდევ პროცესებში, როგორც უფლებამოსილ პირს. საქართველოს მოქალაქე ხართ და ასევე გინახავთ სხვა აქციები, თვალი მიგიდევნებიათ მაინც. თქვენ, თქვენი საქმიანი გამოცდილების ფარგლებში მონაწილეობდით აქციებში, მიგიღიათ მონაწილეობა აქციებში, გინახავთ ბევრი აქცია, ბევრი შეხლა-შემოხლა და ხართ ამ აქციის, ათონელის მოედანთან მიმდინარე აქციის თვითმხილველი. თქვენს პასუხებში იყო თვითმხილველის პოზიცია, როგორც გდდ-ის თანამშრომლის და ადამიანის, რომელმაც დაინახა პროცესი როგორც აქცია, შეხლა-შემოხლა და აქციის თანმდევი პროცესი. რაიმე განსაკუთრებულად ორგანიზებული, ბანდიტურ დანაშაულებრივი ჯგუფების კონსოლიდაცია, რაიმე ორგანიზებული შემოტევა, შტურმი, კონტრშეტევები, რაიმე ასეთი ნახეთ მანდ? იმ დღეს, 4 ოქტომბერს ათონელის მოედანზე? მაგალითები მოვიყვანოთ, ე.წ. მოლოტოვის კოქტეილი არავის გაუტყორცნია ხომ 4 ოქტომბერს? თქვენ ეს არ გინახავთ იმიტომ, რომ აღწერეთ კარგად, ხატოვნად ქვის ტყორცნის მომენტები, შეხლა-შემოხლა, ეს ვითარება რაც ზოგადად დამახასიათებელია აქციისთვის საქართველოში და კვაზი დემოკრატიულ ქვეყნებშიც კი, სადაც დემოკრატია ხეიბრის დონეზეც არსებობს, რაიმე ასეთი ხომ არ შეგიმჩნევიათ? ხომ არ იყო განსაკუთრებული მომენტი? ინვენტარი, ორგანიზებული ჯგუფები? იარაღი გავიგეთ, რომ არ იყო და ვერ იქნებოდა.როგორც პროკურორმა, მეც ასე აღვიქვი, რომ თქვით, ეს იყო ჩვეულებრივი აქცია თავისი შეხლა-შემოხლებით“,- განაცხადა ზოდელავამ.ცნობისთვის, მურთაზ ზოდელავას, პაატა ბურჭულაძეს და ირაკლი ნადირაძეს ბრალდება საქართველოს სისხლის სამართლის კოდექსის 19-222-ე მუხლის მე-2 ნაწილის “ა“ ქვეპუნქტით წარედგინათ, რაც სტრატეგიული და განსაკუთრებული მნიშვნელობის ობიექტების ხელში ჩაგდების და ბლოკირების მცდელობას გულისხმობს ჩადენილს ჯგუფურად. მათ ასევე ბრალი წარდგენილი აქვთ სსსკ-ის 225-ე მუხლის პირველი ნაწილით, რაც ჯგუფური ძალადობის ორგანიზებასა და ხელმძღვანელობას გულისხმობს. მათ ბრალი წარდგენილი აქვთ სსსკ-ის 317-ე მუხლითაც, რაც გულისხმობს მოწოდებას საქართველოს კონსტიტუციური წყობილების ძალადობით შეცვლისკენ და სახელმწიფო ხელისუფლების დამხობისკენ, რაც სასჯელის სახედ და ზომად 9- წლამდე თავისუფლების აღკვეთას ითვალისწინებს.

უკრაინა და რუსეთი შეთანხმდნენ, გაცვალონ 314 ტყვე. ეს პირველი გაცვლაა ბოლო ხუთი თვის განმავლობაში, – ამის შესახებ დონალდ ტრამპის სპეციალურმა წარმომადგენელმა, სტივ უიტკოფმა სოციალურ ქსელ X-ში დაწერა აბუ დაბიში გამართული სამმხრივი მოლაპარაკებების მიმდინარეობისას.„მიუხედავად იმისა, რომ წინ კიდევ ბევრი სამუშაოა, მსგავსი ნაბიჯები აჩვენებს, რომ მუდმივ დიპლომატიურ ჩართულობას რეალური შედეგები მოაქვს და ხელს უწყობს უკრაინაში ომის დასრულებისკენ მიმართულ ძალისხმევას“, – დაწერა სტივ უიტკოფმა.მისი თქმით, დიალოგი გაგრძელდება და უახლოეს კვირებში პროგრესია მოსალოდნელი.