საქართველოს ნაკრები 23-წლამდელთა შორის გუნდურ ჩათვლაში მსოფლიოს მოქმედი ჩემპიონია

ჩვენ არ გვჭირდება ადამიანები, რომლებიც ომებში ჩვენი გამარჯვების შემდეგ ერთვებიან, – ამის შესახებ აშშ-ის პრეზიდენტი დონალდ ტრამპი სოციალურ ქსელში წერს და აღნიშნულით ბრიტანეთის პრემიერს, კირ სტარმერს მიმართავს.როგორც აშშ-ის პრეზიდენტი სოციალურ ქსელში წერს, დიდი ბრიტანეთი, „ბოლოს და ბოლოს, სერიოზულად ფიქრობს“ ახლო აღმოსავლეთში ორი ავიამზიდის გაგზავნაზე, თუმცა ტრამპი შეთავაზებაზე უარს ამბობს.„გაერთიანებული სამეფო, ოდესღაც ჩვენი დიდი მოკავშირე, შესაძლოა, ყველაზე დიდიც, ბოლოს და ბოლოს, სერიოზულად ფიქრობს ახლო აღმოსავლეთში ორი ავიამზიდის გაგზავნაზე. ნუ შეწუხდებით, პრემიერ-მინისტრო სტარმერ, ჩვენ ისინი აღარ გვჭირდება – მაგრამ ჩვენ ამას დავიმახსოვრებთ. ჩვენ არ გვჭირდება ადამიანები, რომლებიც ომებში ჩვენი გამარჯვების შემდეგ ერთვებიან!“ – წერს ტრამპი.

ეს არის ომი, რომელიც არასდროს უნდა მომხდარიყო, ომი, რომელიც არავისთვის იქნება სასარგებლო, –  ამის შესახებ ჩინეთის საგარეო საქმეთა მინისტრმა, ვანგ იმ განაცხდა.მისი თქმით, ჩინეთი ყოველთვის მშვიდობისა და თანამშრომლობის მომხრე იყო და ხაზი გაუსვა, რომ ყველა მხარე, რაც შეიძლება სწრაფად უნდა დაუბრუნდეს მოლაპარაკებების მაგიდას.„როგორც ახლო აღმოსავლეთის ქვეყნების გულწრფელი მეგობარი და სტრატეგიული პარტნიორი, ჩინეთი მზადაა, ითანამშრომლოს მათთან გლობალური უსაფრთხოების ინიციატივების განსახორციელებლად, ახლო აღმოსავლეთში წესრიგის აღსადგენად, მისი ხალხებისთვის სიმშვიდისა და მსოფლიოში მშვიდობის დასამყარებლად. სუვერენიტეტი ამჟამინდელი საერთაშორისო წესრიგის ქვაკუთხედია. ირანისა და სპარსეთის ყურის რეგიონის სხვა ქვეყნების სუვერენიტეტი, უსაფრთხოება და ტერიტორიული მთლიანობა პატივისცემით უნდა იყოს გათვალისწინებული და ხელშეუხებელი“, – განაცხადა ვანგ იმ.ამასთან, ჩინეთის საგარეო საქმეთა მინისტრმა აშშ-ისა და ჩინეთის ურთიერთობებზეც ისაუბრა და აღნიშნა, რომ აშშ-ჩინეთის დიალოგი სასიცოცხლოდ მნიშვნელოვანია გლობალურად დამაზიანებელი შეცდომების თავიდან ასაცილებლად.„თუ ორი ქვეყანა ერთმანეთთან არ ითანამშრომლებს და დიალოგი არ გაგრძელდება, ეს მხოლოდ გაუგებრობებსა და არასწორ შეფასებებს გამოიწვევს, რაც საბოლოოდ კონფრონტაციამდე მივა და მთელ მსოფლიოს დააზარალებს“, – განაცხადა ვანგ იმ.მისივე თქმით, მიმდინარე წელი, შესაძლოა, მნიშვნელოვანი აღმოჩნდეს ჩინეთ-აშშ-ის ურთიერთობებისთვის, რადგან უკვე დაგეგმილია მაღალი დონის შეხვედრები. ვანგ იმ აღნიშნა, რომ პეკინი მზად არის თანამშრომლობისთვის, თუმცა ურთიერთობის გაუმჯობესება ორივე მხარისგან მოითხოვს ნაბიჯებს.„ჩინეთის პოზიცია ყოველთვის პოზიტიური და ღიაა. მთავარი არის, რომ აშშ-მაც იმავე მიმართულებით იმუშაოს ჩინეთთან ერთად“, – განაცხადა ვანგ იმ.

ილია თოფურია UFC-ს ისტორიაში ყველაზე მასშტაბური ღონისძიების მთავარი მონაწილე იქნება. 15 ივნისს ქართველი მებრძოლი ვაშინგტონში, თეთრ სახლში ამერიკელ ჯასტინ გეიჯის მსუბუქი დივიზიონის ქამრისთვის დაუპირისპირდება, – ინფორმაციას ორგანიზაცია ავრცელებს.თეთრ სახლში გასამართ ღონისძიებას UFC Freedom 250 ეწოდა, ის აშშ-ს დამოუკიდებლობის 250-ე წლისთავს მიეძღვნება. ღონისძიება ექვსი ბრძოლისგან შედგება, ხოლო თოფურიასა და გეიჯის შეხვედრა ბოლო იქნება.29 წლის ილია თოფურია UFC-ს ორი წონის ჩემპიონია. 2024 წლის თებერვალში მან ქვემსუბუქი დივიზიონის (66კგ) ქამრისთვის ბრძოლაში ალექსანდერ ვოლკანოვსკი დაამარცხა. მსუბუქი წონის (70კგ) ჩემპიონი ქართველი 2025 წლის ივნისში გახდა, მან ბრაზილიელ ჩარლზ ოლივეირას სძლია. რაც შეეხება 37 წლის ჯასტინ გეიჯის, ამჟამად ის დივიზიონის დროებით ქამარს ფლობს.თოფურია მსუბუქი დივიზიონის საჩემპიონო ქამრის პირველად დაცვას სწორედ ვაშინგტონში, თეთრი სახლის ტერიტორიაზე შეეცდება. ის შერეულ ორთაბრძოლებში აქამდე არ დამარცხებულა და 17 გამარჯვება აქვს.

უნგრეთის პრემიერ-მინისტრმა, ვიქტორ ორბანმა პირობა დადო, რომ მისი ქვეყანა უკრაინას მილსადენ „დრუჟბასთან“ დაკავშირებულ დავაში დაამარცხებს.ორბანმა კიევი ენერგომომარაგების შეზღუდვით ბუდაპეშტზე ზეწოლის მცდელობაში დაადანაშაულა.„საბოლოოდ, მათ ფული უფრო ადრე ამოეწურებათ, ვიდრე ჩვენ ნავთობი. ამ საკითხში მათ დავამარცხებთ. ბოდიშს არც ველოდები, საკმარისია მილსადენის გახსნა“, – განაცხადა ორბანმა.ამასთან, უნგრეთის საგარეო საქმეთა მინისტრმა, პიტერ სიიარტომ განაცხადა, რომ ქვეყანა შესაძლო ენერგეტიკული კრიზისისთვის მზად არის და ნავთობის მარაგები შევსებულია.„უკრაინელები საკუთარი თავისთვის და არა ჩვენთვის იბრძვიან. ამიტომ, ჩვენ უკრაინელების ვალი არ გვაქვს, აბსოლუტურად არაფრის ვალი. უკრაინის არც ჯარისკაცების, არც იარაღის, არც ფულის და არც ევროკავში წევრობის ვალი გვაქვს. უკრაინელებმა იციან, უნგრეთში თუ დარჩება სუვერენული ეროვნული მთავრობა, უნგრეთი ომში არ ჩაერთვება, ჯარისკაცებს არ გაგზავნის უკრაინის ფრონტზე, არ დაუშვებს უნგრელი ხალხის ფულის იქ წაღებას და უკრაინელები ვერასდროს გაწევრიანდებიან ევროკავშირში. შემიძლია, აქვე განვაცხადო, რომ ჩვენ მზად ვართ შესაძლო ენერგეტიკული კრიზისისთვის, რეზერვები შევსებულია, მივაღწიეთ შეთანხმებებს სლოვაკებთან და სერბებთან. ჩვენ მოვიგერიებთ ნავთობის ბლოკადას, მოვიგერიებთ ამ თავდასხმას უნგრეთზე. ამავდროულად, წარუმატებლობის დანახვის შემდეგ, უკრაინელებმა გადაწყვიტეს შემდეგ ეტაპზე გადასვლა. ძვირფასო მეგობრებო, პრეზიდენტმა ზელენსკიმ სასიკვდილო მუქარა გააჟღერა უნგრეთის პრემიერ-მინისტრის მიმართ. ერთი მხრივ, ეს ინდივიდის კულტურის ნაკლებობის დასტურია, მეორე მხრივ, აჩვენებს, როგორები არიან სინამდვილეში უკრაინელები. ძვირფასო მეგობრებო, ისინი ასეთ შანტაჟს ახორციელებენ და ემუქრებიან, მაგრამ ჩვენ გვახსოვს უკრაინელი ბანდიტები, გვახსოვს უკრაინული მაფია. ახლა იგივე ხდება, მხოლოდ პრეზიდენტის დონეზე“, – განაცხადა სიიარტომ.

ახლო აღმოსავლეთში მიმდინარე კონფლიქტმა შესაძლოა, უკრაინას გარკვეული უპირატესობა მისცეს, – ამის შესახებ ფინეთის პრეზიდენტმა, ალექსანდრ სტუბმა განაცხადა. ინფორმაციას „ბლუმბერგი” ავრცელებს.სტუბის განცხადებით, ახლო აღმოსავლეთში მიმდინარე დაძაბულობამ შესაძლოა, უკრაინას გარკვეული უპირატესობა მისცეს, რადგან ეს ვითარება ხელს უშლის რუსეთისა და ირანის სამხედრო თანამშრომლობას.სტუბის თქმით, აშშ-ისა და ისრაელის მიერ ირანზე განხორციელებული დარტყმები, ასევე თეირანის საპასუხო შეტევები ახლო აღმოსავლეთში მდებარე ამერიკულ სამხედრო ბაზებზე ნიშნავს, რომ ამ ეტაპზე რუსეთსა და ირანს სარაკეტო და თავდაცვითი ინდუსტრიის სფეროში სრულფასოვანი თანამშრომლობა უჭირთ.„ირანი და რუსეთი ახლა ვერ ახერხებენ თანამშრომლობას სარაკეტო და თავდაცვითი ინდუსტრიის მიმართულებით”, – განაცხადა სტუბმა.მისივე თქმით, გლობალური ყურადღების ირანისკენ გადატანამ შესაძლოა, უკრაინის საკითხზე დიპლომატიური პროცესისთვის სივრცე შექმნას.„ამან შეიძლება, მოლაპარაკებების პროცესს გარკვეული შესაძლებლობა მისცეს, რათა მოლაპარაკებების მონაწილეებმა შეძლონ რაიმეს მოფიქრება მაშინ, როცა ისინი მსოფლიო ყურადღების ცენტრში აღარ არიან”, – აღნიშნა ფინეთის პრეზიდენტმა.ამასთან, სტუბის თქმით, რუსეთს უკვე აქვს ორი ქარხანა, სადაც ირანული ტექნოლოგიების გამოყენებით „შაჰედის“ ტიპის დრონებს აწარმოებენ.ფინეთის პრეზიდენტის შეფასებით, ახლო აღმოსავლეთის კონფლიქტის შესაძლო უარყოფითი შედეგი შეიძლება, იყოს ნავთობის ფასების ზრდა, რაც რუსეთის ეკონომიკასა და სამხედრო შესაძლებლობებს გააძლიერებს.„ნავთობის ფასების ზრდა, ფაქტობრივად, რუსეთის ომის მანქანას დააფინანსებს, რადგან რუსეთი ნავთობის ერთ-ერთი ყველაზე დიდი მწარმოებელი და ექსპორტიორია”,- განაცხადა სტუბმა.ფინეთის პრეზიდენტმა ასევე აღნიშნა, რომ უკრაინაში ომი შესაძლოა, უფრო ადრე დასრულებულიყო, თუ კიევს საჰაერო თავდაცვის სფეროში ისეთივე ძლიერი მხარდაჭერა ექნებოდა, როგორსაც სპარსეთის ყურის რეგიონი იღებდა ახლო აღმოსავლეთში ომის პირველი შვიდი დღის განმავლობაში.სტუბმა სამხედრო ხარჯებიც შეადარა და აღნიშნა, რომ ირანთან კონფლიქტის პირველ კვირაში სამხედრო ოპერაციებზე დაახლოებით 40 მილიარდი დოლარი დაიხარჯა, რაც დაახლოებით იმ თანხას უტოლდება, რასაც ევროპული ქვეყნები უკრაინის დახმარებაზე ერთ წელიწადში ხარჯავენ.