საქართველოს თავდაცვის მინისტრი ოფიციალური ვიზიტით აზერბაიჯანის რესპუბლიკაში იმყოფება

ესპანეთის პრემიერ-მინისტრის, პედრო სანჩესის მეუღლეს კორუფციის ბრალდება წაუყენეს.ბეგონია გომესის წინააღმდეგ გამოძიება ორი წელი მიმდინარეობდა. მას გავლენის ბოროტად გამოყენებაში, კორუფციასა და სახსრების მითვისებაში ადანაშაულებენ.ესპანეთის პრემიერ-მინისტრი პედრო სანჩესი მეუღლის დანაშაულს უარყოფს.ესპანური მედიის ცნობით, საქმე ეხება ესპანეთის პრემიერ მინისტრის მეუღლის პროექტს, კერძოდ, მადრიდის უნივერსიტეტში კათედრას სახელწოდებით „კონკურენტუნარიანი სოციალური ტრანსფორმაცია.“ გამომძიებლები ამტკიცებენ, რომ ამ კათედრის გახსნის მიზნით რექტორებზე ზეწოლა მოახდინეს. აღსანიშნავია, რომ საგამოძიებო მოქმედებების დაწყების შემდეგ ეს კათედრა საერთოდ დაიხურა.2024 წლის ოქტომბერში ამ საქმეზე გამოძიება გაფართოვდა, როდესაც ესპანეთის პრემიერ-მინისტრის მეუღლეს ულტრამემარჯვენე ორგანიზაციამ უჩივლა და  ბეგონია გომესი მადრიდის უნივერსიტეტის პროგრამული უზრუნველყოფის მითვისებაში დაადანაშაულა.ესპანეთის პრემიერ-მინისტრის მეუღლეს ასევე ბრალად სდებენ სახელმწიფო მოხელის, კრისტინა ალბარესის საკუთარ ბიზნეს პროექტებში ასისტენტად გამოყენებაში.ესპანეთის მთავრობის მეთაური მისი მეუღლის წინააღმდეგ ბრალდებას პოლიტიკურად მოტივირებულს უწოდებს და ამბობს, რომ გომესის წინააღმდეგ კამპანია მემარცხენე ოპოზიციამ წამოიწყო, რომელსაც მისი მთავრობის დესტაბილიზაცია სურს.

იმპერატორ თეოფილეს მეფობის პერიოდში (829-842) ბიზანტიის იმპერიაში ხატმებრძოლეობის საშინელი ერესი მძვინვარებდა. იმპერატორის ბრძანებით, იმპერიის ყველა სოფელსა და ქალაქში მხედრები ეძებდნენ გადამალულ ხატებს და ანადგურებდნენ.ნიკეის მახლობლად ცხოვრობდა ერთი კეთილმორწმუნე ქვრივი, რომელიც ფარულად ინახავდა ყოვლადწმიდა ღვთისმშობლის ხატს. იმპერატორის გამოგზავნილმა მხედრებმა იპოვეს ეს ხატი, ერთერთმა მათგანმა „მახვილი დასცა პირსა ხატისა”. მოხდა სასწაული: ნაიარევიდან სისხლმა იფეთქა. შეშინებული მხედრები იქაურობას გაეცალნენ.ქვრივი მთელი ღამე ლოცულობდა ყოვლადწმიდა ღვთისმშობლის ხატის წინაშე, დილით კი, ღვთის განგებით, მან ხატი ზღვასთან მიაბრძანა და ლოცვის შემდეგ წყალში ჩაუშვა. ხატი ზღვის ტალღებზე აღმართული, დასავლეთისკენ გაემართა.გამოხდა ხანი. ერთხელ, მიმწუხრისას, ათონის ივერთა მონასტრის ბერებმა ზღვაზე ნათლის სვეტი იხილეს. ეს ხილვა რამდენიმე დღე გაგრძელდა. წმიდა მთის მამები შეიკრიბნენ და თქვეს: „რაჲმე იყოს მნთებარე ესე წყალთა შინა?” ზღვის ნაპირზე ჩავიდნენ და ნახეს, რომ ნათლის სვეტი ღვთისმშობლის ხატს ადგა, მაგრამ როცა მიახლოება გადაწყვიტეს, ხატი ზღვის ნაპირს გაშორდა.ივერთა მონასტერში მოღვაწეობდა ერთი ქართველი ბერი, გაბრიელი (ცხოვრება იხილეთ 12 ივლისს). წმიდა მთის მამებს ყოვლადწმიდა ღვთისმშობელი გამოეცხადა და აუწყა, რომ მხოლოდ გაბრიელ ივერიელი იყო ღირსი წმიდა ხატის ზღვიდან გამოყვანებისა. იმავდროულად, დედა ღვთისა თავად გაბრიელსაც გამოეცხადა და უთხრა: „შემოდი ზღვაში, ტალღებზე რწმენით გაიარე და ყველა იხილავს ჩემს სიყვარულს და წყალობას თქვენი სავანისადმი”.ათონის ბერებმა ქართველთა მონასტერს მიაკითხეს, მოძებნეს გაბრიელი და გალობით და საკმევლის კმევით ზღვის ნაპირთან ჩავიდნენ. გაბრიელი ზღვაში შევიდა, ტალღებზე, როგორც ხმელეთზე ისე გაიარა და წმიდა ხატი ნაპირზე გამოაბრძანა.ეს მოხდა ბრწყინვალე შვიდეულის სამშაბათს. ზღვიდან გამოსვენებული ხატი დააბრძანეს და სამადლობელი პარაკლისი გადაიხადეს. იმ ადგილას ცივმა და საამო წყარომ ამოხეთქა. ამის შემდეგ ხატი ეკლესიაში შეაბრძანეს და საკურთხეველში დაასვენეს. მეორე დილით, კანდელის დასანთებად ბერებს ხატი ადგილზე არ დახვდა. ძებნის შემდეგ იგი მონასტრის კარიბჭის კედელზე აღმოაჩინეს, ჩამოაბრძანეს და ისევ საკურთხეველში შეასვენეს. ასე განმეორდა რამდენჯერმე. ბოლოს, ყოვლადწმიდა ქალწული ისევ გამოეცხადა გაბრიელს და უთხრა: „გამოუცხადე ძმათა, რათა ამიერიდან უმეტეს არღა გამხდიდნენ მე, რამეთუ მე მნებავს არა იგი, რათა მიცავდეთ თქვენ, არამედ რათა თვით მე გფარვიდეთ თქვენ, არა მხოლოდ ამა ცხოვრებასა შინა, არამედ მომავალსაცა და ვიდრემდე იხილვებოდეს სავანეს ამას შინა ხატი, არა მოგაკლდეს თქვენ მადლი და წყალობა ძისა ჩემისა”.ბერები გამოუთქმელი სიხარულით აღივსნენ, იქვე ააგეს პატარა ტაძარი სადიდებლად ყოვლადწმიდისა ღვთისმშობლისა და საკვირველთმოქმედი ხატი შიგ დაასვენეს.პორტაიტის, ანუ ივერიის ღვთისმშობლის სასწაულთმოქმედი ხატის მადლით მრავალი სასწაული აღესრულება.ტროპარი:წმიდისაგან ხატისა შენისა, ჰოი დედუფალო ღვთისმშობელო, სიმრთელენი და კურნებანი უხვად მოეცემიან ყოველთა სარწმუნოებითა და სიყვარულით მისდა მოლტოლვილთა, ამისთვის ჩემსაცა უძლურებასა მოხედე და შეიწყალე სული ჩემი, სახიერო, ხოლო ხორცით განმკურნე მადლითა შენითა, ყოვლადწმიდაო.ტროპარი:საკვირველსა შენსა მფარველობასა, პორტაიტისაო, რომლისა მიერ გამოგვიხსენ ჩუენ ყოვლისაგან ჭირისა, შევუვრდებით და მხურვალედ ვღაღადებთა ყოვლადვე: ვითარცა ძველად აჩვენე მადლი შენი ჩვენ ზედა, ეგრეთვე აწცა, დედოფალო, ნუ დაგვიტევებ სრულიად, რამეთუ აღთქუმულ გაქვს შენ დაფარვაი და დაცვაი მათი, რომელი შეუორგებელითა სულითა მოვლენან შენდა.კონდაკი:ვითარცა მეოხსა და დამფარველსა და ზედამდგომელსა, გიგალობს შენ მარადის, პორტაიტისაო, სახელდიდი მწყობრი შენი სამღვდელოთა და სიღრმეთაგან სულისათა ხმობს შენდამი დაუცხრომელად: დამიცევ მე დედოფალო.

აშშ-ის ვიცე-პრეზიდენტის, ჯეი დი ვენსის განცხადებით, აშშ მხარს უჭერდა ვიქტორ ორბანს, რადგან ის ერთ-ერთი ლიდერია იმ მცირერიცხოვანი სიიდან, რომელიც ბრიუსელის ბიუროკრატიას ეწინააღმდეგება. ამის შესახებ ჯეი დი ვენსმა „ფოქს ნიუსის“ ეთერში განაცხადა.ჟურნალისტმა ვენსს ჰკითხა: „ღირდა თუ არა ბუდაპეშტში ჩასვლა და ორბანის მხარდაჭერა არჩევნებამდე, მისი დამარცხებისა და იმ ფაქტის გათვალისწინებით, რომ ორბანი ევროპაში ერთ-ერთია მცირე ნაწილს შორის, ვინც მხარს უჭერს რუსეთის პრეზიდენტ ვლადიმერ პუტინს?“ვენსმა ბუდაპეშტში თავის ვიზიტს მართებული უწოდა და აღნიშნა, რომ ორბანის მხარდაჭერა არც რუსეთს და არც ევროპას არ ეხებოდა.„ჩვენ წავედით, რადგან სწორი საქციელი იყო, მხარი დაგვეჭირა ადამიანისთვის, რომელიც ამდენი ხნის განმავლობაში გვიჭერდა მხარს. ასე რომ, საქმე არც რუსეთს ეხებოდა და, არსებითად, არც ევროპას. საქმე ეხებოდა შეერთებულ შტატებს და იმ ფაქტს, რომ ის კარგი პარტნიორი იყო როგორც ჩემთვის, ასევე პირადად პრეზიდენტისა და შეერთებული შტატებისთვის. რა თქმა უნდა, ვიცოდით, რომ ძალიან მაღალი ალბათობა არსებობდა, ვიქტორს წაეგო არჩევნები, მაგრამ ჩვენ ეს გავაკეთეთ, რადგან ის ერთ-ერთია მცირერიცხოვანი ევროპელი ლიდერების სიიდან, რომელსაც ვხედავდით, როგორც მოწინააღმდეგეს ბრიუსელის ბიუროკრატიის, რომელიც ძალიან საზიანო იყო შეერთებული შტატებისთვის. მაგალითად, როდესაც ხედავთ, რომ ევროპელი ბიუროკრატი ამერიკულ კომპანიას ესხმის თავს, ზოგჯერ ერთადერთი ხმა, რომელიც ამ ამერიკული ინტერესების დასაცავად გამოდიოდა, ვიქტორ ორბანის იყო“, – აღნიშნა ვენსმა.

სოროსის ორგანიზაციამ უნგრეთი ხელში ჩაიგდო, – ამის შესახებ მილიარდერი ილონ მასკი წერს.სოციალურ ქსელ „იქსში“ მასკი წარმოშობით უნგრელი ფინანსისტის, ჯორჯ სოროსის ვაჟს, ალექს სოროსს გამოეხმაურა, რომელმაც „იქსში“ დაწერა, რომ უნგრელმა ხალხმა ქვეყანა დაიბრუნა.„რუსებო, წადით სახლში! უნგრელებო, დაბრუნდით სახლში.უნგრელმა ხალხმა თავისი ქვეყანა დაიბრუნა! ეს არის მტკიცე უარყოფა ფესვგადგმული კორუფციისა და უცხოური ჩარევის მიმართ“, – წერს ალექს სოროსი „იქსზე“.

ჩვენ განვვლეთ წმინდა დიდი მარხვის პერიოდი, როცა ქრისტიანები მკვდრეთით აღდგომილ მაცხოვართან შესახვედრად ემზადებიან, თუმცა ამ მზადების დროს ჩვენი გულები მწუხარებამ მოიცვა, დიდი მარხვის ჯვრის თაყვანისცემის კვირაში ღვთივ მიიცვალა სრულიად საქართველოს კათოლიკოს-პატრიარქი, უწმინდესი და უნეტარესი ილია მეორე, – ამის შესახებ სრულიად საქართველოს საპატრიარქო ტახტის მოსაყდრის, სენაკისა და ჩხოროწყუს მიტროპოლიტის, შიოს (მუჯირი) სააღდგომო ეპისტოლეშია ნათქვამი.როგორც მიტროპოლიტ შიოს სააღდგომო ეპისტოლეშია ნათქვამი, მისი უწმინდესობისა და უნეტარესობის, ილია მეორის მამობრივი სიყვარული, ლოცვა და ზრუნვა ეფინებოდა მთელ საქართველოს, თითოეულ ადამიანს.„ჩვენ განვვლეთ წმინდა დიდი მარხვის პერიოდი, როცა ქრისტიანები მკვდრეთით აღდგომილ მაცხოვართან შესახვედრად ემზადებიან; ლოცვითა და მარხვით ვესწრაფოდით სულის განწმენდას, რათა მიახლებულნი ყოვლადმოწყალე უფალს, ღირსნი გავმხდარიყავით მისი სიტყვების მოსმენისა: „მოვედით ჩემდა ყოველნი მაშვრალნი და ტვირთმძიმენი და მე განგისვენო თქვენ“ (მთ. 11, 28). თუმცა ამ მზადების დროს ჩვენი გულები მწუხარებამ მოიცვა, დიდი მარხვის ჯვრის თაყვანისცემის კვირაში ღვთივ მიიცვალა სრულიად საქართველოს კათოლიკოს-პატრიარქი, უწმინდესი და უნეტარესი ილია II. ამიტომ ახლა, როცა საყვარელი მამის გარდაცვალებით დაობლებულნი ვხედავთ ქრისტეს აღდგომით დამარცხებულ სიკვდილს, განსაკუთრებით გვანუგეშებს დავით მეფსალმუნის სიტყვები: „პატიოსან არს წინაშე უფლისა სიკვდილი წმინდათა მისთა“ (ფს. 115, 6), რადგან ჩვენთვის, ქრისტიანთათვის, გარდაცვალება არა წარწყმედა, არამედ ცხონებისა და მარადიული ნეტარებისკენ მიმავალი გზაა. სწორედ ეს არის აღდგომის სიხარულის საზრისი, თითოეული ადამიანის სასოებისა და სიხარულის საფუძველი…მისი უწმინდესობისა და უნეტარესობის 49-წლიანი მოღვაწეობის გზა ამ სიხარულისა და იმედის მომნიჭებელი იყო ყოველი ჩვენგანისთვის. მისი მამობრივი სიყვარული, ლოცვა და ზრუნვა ეფინებოდა მთელ საქართველოს, თითოეულ ადამიანს…არ ყოფილა მსუბუქი კათოლიკოს-პატრიარქობის მრავალწლიანი ღვაწლი და ჯვარი. მოწამებრივი გზა და თავგანწირვა იყო მისი ყოველდღიური ცხოვრება, ყოველი საქმე, ყოველი ფიქრი. მან ათეისტური რეჟიმისგან დევნილი, დაკნინებული, შევიწროებული მემკვიდრეობა ჩაიბარა და დაგვიტოვა აღშენებული ეკლესია, რომელიც დღეს უმნიშვნელოვანეს როლს ასრულებს ქვეყნისა და საზოგადოების ცხოვრებაში“, – ნათქვამია მეუფე შიოს სააღდგომო ეპისტოლეში.