საკურთხეველთან მიტოვებული პატარძალი, გრანდიოზული ქორწილი ჩაიშალა

სწორედ ზელენსკის ერევანში ვიზიტმა აჩვენა სომხეთის მოქალაქეებს ის მომავალი, რასაც ევროკავშირი მათ უმზადებს, – ამის შესახებ რუსეთის საგარეო საქმეთა სამინისტროს პრესსპიკერმა, მარია ზახაროვამ განაცხადა.რუსეთის საგარეო უწყების წარმომადგენლის თქმით, სომხეთმა ტრიბუნა დაუთმო ნეონაცისტური კიევის რეჟიმის ლიდერს.„რუსულმა საზოგადოებამ ღრმა აღშფოთებითა და გაუგებრობით არა მხოლოდ დაინახა, არამედ უპირველეს ყოვლისა დაიმახსოვრა ის ფაქტი, რომ სომხეთი, რომელსაც ჩვენ მეგობრულ, ძმურ ქვეყნად მივიჩნევთ, ვისთვის იყო პლატფორმა? ტერორისტისთვის, ნეონაცისტური კიევის რეჟიმის ლიდერისთვის, რომელიც ერევანში საკმაოდ თბილად მიიღეს. ზელენსკიმ ისარგებლა სომეხი მასპინძლების ამ გაუგებარი თავაზიანობით, რათა პოლიტიკური ძილიდან გამოსულიყო და თავისი რუსოფობიური თავდასხმები გაეხმოვანებინა. სწორედ ზელენსკის ერევანში ვიზიტმა აჩვენა სომხეთის მოქალაქეებს ის მომავალი, რასაც ევროკავშირი მათ უმზადებს. არა, ეს შეცდომა არ არის. ეს ნამდვილი საჩუქარია. სომეხ ხალხს ვაჩვენოთ ბრიუსელელი შვილობილი, რომელიც ნამდვილად გახდა იმის განსახიერება, რასაც ევროკავშირი აკეთებს ე.წ. ახალგაზრდა დემოკრატიებთან“, – აღნიშნა მარია ზახაროვამ.რუსეთის საგარეო საქმეთა სამინისტროს პრესსპიკერმა განაცხადა, რომ სომხეთის ხელისუფლებამ დაარღვია დაპირება, რომ რუსეთის წინააღმდეგ ზომებს არ მიიღებდა.„სომხეთის ხელმძღვანელობამ და, სხვათა შორის, მოსკოვში ბოლო ვიზიტების დროს დაგვარწმუნა, რომ რუსეთის წინააღმდეგ არანაირ ნაბიჯს არ გადადგამდნენ. თუ მათი გარანტიები ასეა, მაშინ ეს ნიშნავს, რომ სომხეთის ხელმძღვანელობა ასე იქცევა არა მხოლოდ მოსკოვში და არა მხოლოდ რუსეთის მოქალაქეებთან, არ ასრულებს თავის დაპირებებს“, – თქვა მარია ზახაროვამ.

„დინამოს“ პრეზიდენტის, რომან ფიფიას ინიციატივით გაიმართა შეხვედრა ბორის პაიჭაძის სახელობის ეროვნული სტადიონის „დინამო არენის“ ავტორებთან – ინფორმაციას ცნობილი არქიტექტორების, გია და არჩილ ქურდიანების სტუდია ავრცელებს.არსებული ინფორმაციით, რომან ფიფიას ინიციატივით დაიწყო არსებული სტადიონის პრობლემების, თანამედროვე მოთხოვნებთან შესაბამისობისა და მათი გადაჭრის შესაძლო გზების განხილვა. სტადიონის ავტორებმა, გია და არჩილ ქურდიანების არქიტექტურულმა სტუდიამ კი განახლებული „დინამო არენის“ კონცეფცია შეიმუშავა.„დინამო არენის“ ისტორია, ეს პირველ რიგში სტადიონის აშენების დღიდან მისი მუდმივი რეკონსტრუქციის და არქიტექტურული ტრანსფორმაციის 90-წლიანი ისტორიაა და ამ ყველაფერს, 1936 წლიდან დაწყებული ქურდიანების არქიტექტურული დინასტიის ოთხი თაობა ახორციელებს.განიხილება „დინამო არენის“ ტევადობის 70 000-მდე გაზრდა; გადახურვის განახლება თანამედროვე დიზაინით; სარბენი ბილიკების გაუქმება და არენის წმინდა საფეხბურთო სტადიონად გადაქცევა; პირველი იარუსის სრული სახეცვლილება; დამატებითი შესასვლელები; საპარკინგე ადგილების შექმნა.

ჩვენ უკრაინის საკითხში რუსეთის მოკავშირეები არ ვართ, – ამის შესახებ სომხეთის პრემიერ-მინისტრმა, ნიკოლ ფაშინიანმა განაცხადა.სომხეთის მთავრობის ხელმძღვანელმა გაიხსენა, რომ სომხეთმა უკრაინას ჰუმანიტარული დახმარება გაუგზავნა.უკრაინის პრეზიდენტის, ვოლოდიმირ ზელენსკის მიერ აზერბაიჯანისთვის 2020 წლის ომის შემდეგ მილოცვის შესახებ დასმულ კითხვაზე პასუხის გაცემისას, ფაშინიანმა აღნიშნა, რომ აზერბაიჯანს „კოლექტიური უსაფრთხოების ხელშეკრულების ორგანიზაციის“ წევრებმაც მიულოცეს, როგორიცაა ბელარუსი.ნიკოლ ფაშინიანის თქმით, ალმა-ათის დეკლარაციას სომხეთისთვის ფუნდამენტური მნიშვნელობა აქვს და ერევანი აზერბაიჯანთან ურთიერთობების დამყარებისას ამ დეკლარაციას ეყრდნობა.სომხეთის პრემიერ-მინისტრმა აღნიშნა, რომ 2022 წლის 6 ოქტომბრის პრაღის განცხადებამდე რუსეთის პრეზიდენტმა ორჯერ თქვა, რომ ყარაბაღი აზერბაიჯანის ნაწილია.

მეტრო საბურთალოს ხაზი გაჩერებულია. 300 არაგველზე ლიანდაგებში მგზავრი ჩავარდა.უცნობია ჯერ მგზავრის მდგომარეობა.

ირანი მზადაა, ომის დასასრულებლად დიპლომატიური არხებით იმოქმედოს, თუმცა ირანელი ერის უფლებების დაცვას დაჟინებით მოითხოვს, – ამის შესახებ ირანის პრეზიდენტმა, მასუდ ფეზეშქიანმა, საფრანგეთის პრეზიდენტთან, ემანულ მაკრონთან საუბრის დროს განაცხადა.ირანული მედიის თანახმად, ქვეყნის პრეზიდენტმა ასევე გამოხატა თეირანის ღრმა უნდობლობა „თეთრი სახლის მიმართ ვაშინგტონის მიერ მოლაპარაკებების დროს განხორციელებული უცვლელი აგრესიის გამო“.სატელეფონო საუბრისას, პრეზიდენტებმა რეგიონში არსებული სტრატეგიული სიტუაცია განიხილეს, კერძოდ, ჰორმუზის სრუტის საკითხი და დროებითი ცეცხლის შეწყვეტის შესახებ შეთანხმებისა და ირანსა და შეერთებულ შტატებს შორის მიმდინარე მოლაპარაკებების პროგრესი.თეირანის მიერ ვაშინგტონის მიმართ უნდობლობაზე ფეზეშქიანმა განაცხადა, რომ ეს ამერიკული მხარის მტრული ქმედებებით არის გამოწვეული.„ეს უნდობლობა ამერიკული მხარის მტრული ქმედებების შედეგია, რომელთაგან ბოლო იყო ორი თავდასხმა ჩვენს ქვეყანაზე მოლაპარაკებების დროს, რამაც ფაქტობრივად ზურგში დანა ჩაგვარტყა“, – აღნიშნა მასუდ ფეზეშქიანმა.