რუსეთმა ევროპელი დიპლომატების გაძევება დაიწყო

საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტზე ქართული დიპლომატიის დღე აღინიშნა. ღონისძიების ფარგლებში ასლან აბაშიძისა და გიორგი ლობჟანიძის წიგნის - „დიპლომატიური და საკონსულო სამართალი“ - პრეზენტაცია გაიმართა.ინფორმაციას საქართველოს ტექნიკური უნივერსიტეტი ავრცელებს.უნივერსიტეტის ცნობით, გამოცემა წარმოადგენს პირველ ქართულენოვან ნაშრომს, რომელშიც დიპლომატიური და საკონსულო სამართალი ერთიან სასწავლო კონტექსტშია წარმოდგენილი. წიგნის მიზანია, სტუდენტებს მიაწოდოს საგარეო ურთიერთობათა სფეროში სპეციალიზებული ცოდნა და ხელი შეუწყოს საერთაშორისო სამართლის ამ ორი ურთიერთდაკავშირებული მიმართულების საფუძვლიან შესწავლას.სტუ-ის სამართლისა და საერთაშორისო ურთიერთობების დეკანის, პროფესორ ივანე გიორგაძის თქმით, წიგნში განხილულია დიპლომატიური და საკონსულო სამართლის ძირითადი პრინციპები, ნორმები და ინსტიტუტები. ამასთანავე, გადმოცემულია სხვადასხვა სახელმწიფო ორგანოს შექმნისა და ფუნქციონირების სამართლებრივი საფუძვლები, რომელთა საქმიანობაც, საერთაშორისო სამართლის ზოგად პრინციპებთან ერთად, დიპლომატიური და საკონსულო სამართლის ნორმებით რეგულირდება.„ქართული დიპლომატიის დღის აღნიშვნა და წიგნის - „დიპლომატიური და საკონსულო სამართალი“ - წარდგენა ჩვენი ფაკულტეტისთვის განსაკუთრებული მნიშვნელობის მოვლენაა. ეს გამოცემა მნიშვნელოვანი შენაძენია ქართულენოვანი აკადემიური ლიტერატურისთვის, რადგან დიპლომატიურ და საკონსულო სამართალს ერთიან სასწავლო-სამეცნიერო კონტექსტში წარმოაჩენს და მკითხველს საშუალებას აძლევს, სიღრმისეულად გაეცნოს საგარეო ურთიერთობათა სამართლებრივ საფუძვლებს, შესაბამის ინსტიტუტებსა და საერთაშორისო პრაქტიკას. განსაკუთრებით მნიშვნელოვანია, რომ ნაშრომი ხელს შეუწყობს სამართლისა და საერთაშორისო ურთიერთობების მიმართულების სტუდენტებისთვის პროფესიული ცოდნის გაღრმავებას და ამ სფეროში ქართულენოვანი საგანმანათლებლო რესურსების გამდიდრებას.თანამედროვე საერთაშორისო ურთიერთობების პირობებში დიპლომატიური და საკონსულო სამართლის ცოდნას განსაკუთრებული მნიშვნელობა ენიჭება. შესაბამისად, მსგავსი აკადემიური ნაშრომების შექმნა არა მხოლოდ სასწავლო პროცესის ხარისხის გაუმჯობესებას, არამედ დარგში სამეცნიერო კვლევების განვითარებასა და მომავალი დიპლომატებისა და სამართლის სპეციალისტების პროფესიულ მომზადებასაც ემსახურება“, - განაცხადა ივანე გიორგაძემ.სტუ-ის ინფორმაციით, გამოცემა მკითხველს სთავაზობს დიპლომატიური და საკონსულო საქმიანობის სამართლებრივი მექანიზმების სისტემურ მიმოხილვას და მნიშვნელოვან სასწავლო რესურსს წარმოადგენს როგორც საერთაშორისო ურთიერთობების, ისე სამართლის მიმართულებით. წიგნი განკუთვნილია სამართლისა და საერთაშორისო ურთიერთობების ფაკულტეტების სტუდენტებისთვის, დიპლომატიურ სამსახურში დასაქმებული პირებისთვის, დარგის სპეციალისტებისა და საკითხით დაინტერესებული მკითხველთა ფართო წრისთვის. გამოცემის რედაქტორები არიან საქართველოს მეცნიერებათა ეროვნული აკადემიის აკადემიკოსი როინ მეტრეველი და პროფესორი რომან შენგელია, ხოლო რეცენზენტები - პროფესორები დავით გეფერიძე და ნინო ბოჭორიშვილი.

აშშ-ის ყოფილი პრეზიდენტის, ბარაკ ობამას განცხადებით, შაულედურ არჩევნებში ამომრჩეველმა მხარი იმ ლიდერებს დაუჭირა, რომლებიც არსებულ გამოწვევებს კონკრეტული გადაწყვეტილებებით უპასუხებენ.„დღეს საღამოს ამერიკელი ხალხის გზავნილია, რომ მათ სურთ პოლიტიკა, რომელიც ხალხს აერთიანებს და არა ყოფს“, – წერს აშშ-ის 44-ე პრეზიდენტი.მისივე თქმით, ახლა მნიშვნელოვანია შემდგომი ზიანის თავიდან აცილება.„მიუხედავად იმისა, რომ ამ ადმინისტრაციას კიდევ ორი წელი აქვს, ახლა ჩვენი საქმეა აქტიური მუშაობა, შევიტანოთ ცვლილებები ყველგან, სადაც ამის შესაძლებლობა გვაქვს, თავიდან ავიცილოთ შემდგომი ზიანი და ჩავუყაროთ საფუძველი მომავალს“, – განაცხადა ობამამ.ცნობისთვის, 3 ნოემბერს აშშ-ში შუალედური არჩევნები გაიმართა. პირველადი შედეგებით, როგორც სენატში, ისე წარმომადგენელთა პალატაში დემოკრატიული პარტია ლიდერობს. ხმების დათვლა კვლავ მიმდინარეობს.

საქართველომ მართლმსაჯულების სისტემის ფართო რეფორმა უნდა დაიწყოს, – ამის შესახებ ევროკომისიის ანგარიშშია ნათქვამი, რომელიც დღეს უნდა გამოქვეყნდეს.ამასთან, არსებული ინფორმაციით, ანგარიშში ნათქვამია, რომ იუსტიციის უმაღლესი საბჭო ვენეციის კომისიის რეკომენდაციების შესაბამისად უნდა გარდაიქმნას.„გარდა ამისა, უნდა შეიქმნას კეთილსინდისიერების შემოწმების საგანგებო სისტემა, რომელშიც საერთაშორისო ექსპერტებს გადამწყვეტი როლი ექნებათ. შემოწმება უნდა შეეხოს როგორც კანდიდატებს, ისე მართლმსაჯულების სისტემაში ყველა მაღალ თანამდებობაზე ამჟამად დანიშნულ პირებს, განსაკუთრებით იუსტიციის უმაღლესი საბჭოს წევრებს, უზენაესი სასამართლოსა და საერთო სასამართლოების თავმჯდომარეებს“, – ნათქვამია ევროკომისიის ანგარიშში, რომელიც დღეს უნდა გამოქვეყნდეს.გაფართოების შესახებ ევროკომისიის ანგარიში დღეს უნდა გამოქვეყნდეს, თუმცა მანამდე ვრცელდება ანგარიშის სხვადასხვა ნაწილი. ანგარიშში აღნიშნულია, რომ „პრეზიდენტმა შეიწყალა რამდენიმე პირი, რომლებიც საქართველოში აქციებთან დაკავშირებით უკანონოდ იყვნენ დაკავებული და დანაშაული აღიარეს, მიუხედავად ამისა, ბევრი სხვა პირი პატიმრობაში რჩება“. ამასთან, დოკუმენტში ნათქვამია, რომ „საქართველოს პრემიერის განცხადება, რომ მთავრობა 2028 წლამდე არ იმოქმედებს გაწევრიანების მოლაპარაკებების გახსნის მიმართულებით, ეწინააღმდეგება კონსტიტუციით განსაზღვრულ პრიორიტეტებს“. ანგარიშში ასევე აღნიშნულია, რომ „ხელისუფლების გაცხადებულ სწრაფვას საქართველოს ევროკავშირში გაწევრიანებისკენ ეწინააღმდეგებოდა ჩართულობა მტრულ რიტორიკაში, მანიპულაციურ ნარატივებსა და შეთქმულების თეორიებში“.

მომავალი წლის ბიუჯეტის პროექტის ირგვლივ მოლაპარაკებების ჩაშლას ბელგიაში სამთავრობო კრიზისი მოჰყვა. პრემიერ-მინისტრმა ბარტ დე ვევერმა მეფე ფილიპეს გადადგომის განცხადებით მიმართა. ბელგიის მონარქის განცხადებით, მმართველი კოალიციის სხვა პარტიებთან კონსულტაციებს გამართავს და მათთან ამ საკითხზე იმსჯელებს.მმართველ კოალიციაში შემავალმა პარტიებმა, თვეების განმავლობაში, ვერ მოახერხეს შეთანხმება 2027 წლის ბიუჯეტის 10 მილიარდი ევროს ოდენობით შემცირებისა და გადასახადების გაზრდის საკითხზე, რაც სახელმწიფო ფინანსების სტაბილიზაციისთვის არის საჭირო.ერთ მხარეს არიან დე ვევერი, რომელიც ფლამანდიელ ნაციონალისტებს უდგას სათავეში, და ცენტრისტულ-მემარჯვენე „რეფორმისტული მოძრაობა“, რომლებიც ხარჯების შემცირებას ემხრობიან. მათ სოციალისტები და ცენტრისტები უპირისპირდებიან.ევროპის სხვა ქვეყნების მსგავსად, ბელგიას მძიმე ტვირთად აწევს სულ უფრო მზარდი სახელმწიფო ვალი, მაშინ როდესაც საპროტესტო აქციებზე სულ უფრო ხმამაღლა გაისმის მოთხოვნა, მეტი სახსრები გამოიყოს ისეთი სერვისების გასაუმჯობესებლად, როგორიცაა განათლება.დემონსტრანტებსა და პოლიციას შორის შეტაკებები, სხვა ქვეყნების მსგავსად, ბელგიაშიც მოხდა.ბარტ დე ვევერს მეფე ფილიპესთან მომდევნო შეხვედრა პარასკევს ექნება, და თუ გადადგომის შესახებ მისი თხოვნა დაკმაყოფილდება, ამას კოალიციური მთავრობის ფორმირების ახალი მცდელობა ან ახალი, რიგგარეშე არჩევნები მოჰყვება.

4 ოქტომბრის საქმეზე მსჯავრდებულმა, მურთაზ ზოდელავამ პენიტენციური დაწესებულება დატოვა. ის ციხიდან საპროცესო შეთანხმების გაფორმების საფუძველზე გათავისუფლდა.მასთან ერთად დღეს უნდა გათავისუფლდეს კიდევ ერთი მსჯავრდებული ლაშა ბერიძეც.ლაშა ბერიძისა და მურთაზ ზოდელავას გარდა, საპროცესო შეთანხმება მათთან ერთად კიდევ ორ მსაჯავრდებულს, გური ჟვანიასა და ირაკლი ჩხვირკვიას გაუფორმდა.საპროცესო შეთანხმების თანახმად, ოთხივე მსჯავრდებულს 3 წლითა და 1 თვის ვადით მიესაჯათ თავისუფლების აღკვეთა, საიდანაც რეალური სასჯელის სახით 1 წელი და 1 თვე პენიტენციურ დაწესებულებაში მოიხადეს, ხოლო 2 წელი ჩაეთვლებათ პირობითად.მსჯავრდებულებიდან ირაკლი ჩხვირკია პენიტენციურ დაწესებულებას 6 ნოემბერს, გური ჟვანია კი 16 ნოემბერს დატოვებს.ცნობისთვის, თბილისის საქალაქო სასამართლოს განაჩენის თანახმად, 2025 წლის 4 ოქტომბრის მოვლენების ორგანიზატორებიდან ლაშა ბერიძესა და მურთაზ ზოდელავას - 7-7 წლით თავისუფლების აღკვეთა ჰქონდათ მისჯილი. მურთაზ ზოდელავას ბრალდება საქართველოს სისხლის სამართლის კოდექსის 19-222-ე მუხლის მე-2 ნაწილის “ა“ ქვეპუნქტით წარედგინა, რაც სტრატეგიული და განსაკუთრებული მნიშვნელობის ობიექტების ხელში ჩაგდების და ბლოკირების მცდელობას გულისხმობს ჩადენილს ჯგუფურად. მას ასევე ბრალი წარდგენილი ჰქონდა სსსკ-ის 225-ე მუხლის პირველი ნაწილით, რაც ჯგუფური ძალადობის ორგანიზებასა და ხელმძღვანელობას გულისხმობს. მას ბრალი წარდგენილი ჰქონდა სსსკ-ის 317-ე მუხლითაც, რაც გულისხმობს მოწოდებას საქართველოს კონსტიტუციური წყობილების ძალადობით შეცვლისკენ და სახელმწიფო ხელისუფლების დამხობისკენ, რაც სასჯელის სახედ და ზომად 9-წლამდე თავისუფლების აღკვეთას ითვალისწინებს.ლაშა ბერიძეს ბრალდება საქართველოს სისხლის სამართლის კოდექსის 19-222-ე მუხლის მე-2 ნაწილის “ა“ ქვეპუნქტით ჰქონდა წარდგენილი, რაც სტრატეგიული და განსაკუთრებული მნიშვნელობის ობიექტების ხელში ჩაგდების და ბლოკირების მცდელობას გულისხმობს ჩადენილს ჯგუფურად. მას ბრალდება ასევე წარდგენილი ჰქონდა სსსკ-ის 225-ე მუხლის პირველი ნაწილით, რაც ჯგუფური ძალადობის ორგანიზებასა და ხელმძღვანელობას გულისხმობს.რაც შეეხებათ ირაკლი ჩხვირკვიასა და გური ჟვანიას, მათ, 5-5 წლით მიესაჯათ თავისუფლების აღკვეთა.