სამშაბათი, ივლისი 8, 2025

რომან კაკულია – „მეგობარი აქტით“ გვედავებიან, რომ დემოკრატიის ხარისხი კრიტიკას იმსახურებს, რა თქმა უნდა, იმსახურებს კრიტიკას, თუმცა არა ისეთს, როგორც არის და ჩვენც გვაქვს ინტერესი, ეს გაუმჯობესდეს

„მეგობარი აქტის“ შეფასებაში ჩვენ უნდა დავფიქრდეთ ერთადერთ რამეზე, შეძლებს თუ არა ჩვენი საზოგადოება, შინაგანად გამოიმუშაოს თვისება, რომ რამე დოკუმენტის, თუ პოზიციის ოფიციალური წარმოჩენა როდესაც ხდება ჩვენ წინაშე, მარტო რაც ითქმება, იმის მიხედვით გავაკეთოთ დასკვნები, თუ დავფიქრდეთ ხოლმე, ამის უკან რამე სხვა მოტივაცია ხომ არ დგას, – ამის შესახებ საზოგადოებრივი ორგანიზაცია „პოლიტიკური არჩევანის“ დამფუძნებელმა, რომან კაკულიამ საქართველოს პირველი არხის გადაცემაში „დღის თემა“ განაცხადა.

„მოდით, ერთი სათაურის ქვეშ მოვაქციოთ ის, რაზეც ისინი გვედავებიან ამ დოკუმენტით და დავარქვათ მას დემოკრატიის ხარისხი, არჩევნების თემა და გნებავთ ის ადამიანები, რომლებიც დაპატიმრებული არიან აქ მიმდინარე აქციებთან დაკავშირებით. მთლიანობაში, ამას დავარქვათ დემოკრატიის ხარისხი და ისინი დაობენ, რომ საქართველოში დემოკრატიის ხარისხი კრიტიკას იმსახურებს. კი ბატონო, დემოკრატიის ხარისხზე ჩვენ შეგვიძლია, ვისაუბროთ, ალბათ, მისი სრულყოფაც შეიძლება და რა თქმა უნდა, ის იმსახურებს კრიტიკას, თუმცა არა ისეთს, როგორც არის. მაგალითად, 50-ივე პოლიტპატიმარი როგორ არის ახლა? შეიძლება, არც სამართალწარმოების უმაღლესი სტანდარტით არის ყველა საქმე გაკეთებული, მაგრამ ჩვენ რაც ვნახეთ, შეტევები პოლიციელებზე, ეს არ არსებობდა? აქაც გაზვიადებულია ეს, მაგრამ ეს კი არ არის მთავარი შეკითხვა? მთავარი შეკითხვაა, ეს მთავარი მიზეზი, თუ საბაბია, რათა შემდეგ დავუშვათ, მიღწეული იქნას მთავარი შედეგი და მთავარი შედეგი რა არის? თუ პროქსი ომი უკრაინის და რუსეთის შემთხვევაში არსებული რეალობა იყო, როგორც თავად ტრამპი ამბობს, ხომ არ არსებობს იმის სურვილი, რომ საქართველოში იყოს ისეთი ხელისუფლება, რომელიც შეიძლება, დღეს არ იყოს საჭირო მეორე პროქსი ომის წარმოება, კი ბატონო, მაგრამ იდეაში, ესენი რომ გვანან ისეთ ხელისუფლებას, რომელიც პროქსი ომის თემაში გამოგყვება და შენი ინტერესების ბოლომდე გამტარებელი იქნება, ეს ეჭვი რომ არსებობდეს, ამის უფლება ხომ გვაქვს?“, – განაცხადა კაკულიამ.

„მინდა, მათ ერთ-ერთი მთავარი მოწოდება შევახსენო ლიბერალიზმზე, რომ ჭეშმარიტებაზე მონოპოლია არავის არ უნდა გვქონდეს, რომ ამაზე ააშენეს დასავლეთი და ამ მოსაზრებას არსებობის უფლება ნამდვილად აქვს; რომ დემოკრატიის ხარისხის კრიტიკა, რომელიც არის თითქოს მთავარი განხილვის საგანი ჩვენთან მიმართებაში, ჩვენც გვაქვს ინტერესი, რომ დემოკრატიის ხარისხი გაუმჯობესდეს, სიამოვნებით შევიდოდით კონკურენციაში, დავუშვათ, შეიქმნებოდა ახალი ძალა და უნდა შეიქმნას კიდეც, რომელიც კონკურენციაში შევა „ქართულ ოცნებასთან“, მაგრამ ამ კონკრეტულ ძალას უნდა ჰქონდეს აბსოლუტურად რეალისტური წარმოდგენა იმ გეოპოლიტიკურ გამოწვევებთან დაკავშირებით, რომელიც ნიშნავს, რომ არ გვინდოდეს, პროქსი ომში ჩათრეული ქვეყანა ვიყოთ და ეჭვი მაინც გვქონდეს, ვინმეს ხომ არ აქვს ეს ინტერესი. იმიტომ კი არა, რომ ცუდები არიან და რაღაც საოცრებას წარმოადგენენ? უბრალოდ, მათი ინტერესი ასეთი შეიძლება, იყოს“, – განაცხადა კაკულიამ.

მისი თქმით, როდესაც ჩვენ ვიწყებთ საუბარს, რომ მაგალითად, ურთიერთობის გადატვირთვა გვინდა ამერიკასთან, ვთქვათ, მიიღეს ეს აქტი, ან არ მიეღოთ, მთავარი ის არის, ამერიკას რა პოლიტიკა შეიძლებოდა, ჰქონოდა ჩვენი ქვეყნის მიმართ.

„ეს გამოვიდოდა იმ სისტემიდან, რომ თუ შეკავების პოლიტიკა შევიდა ძალაში და ის შევიდა ძალაში, მაშინ რუსეთის მთავარი მიზანი ხდება, გახდეს დომინანტი ამ რეგიონში, ამერიკის მთავარი მიზანი კი ხდება, რომ არავითარ შემთხვევაში არ მისცეს მას იმის საშუალება, ის გახდეს დომინანტი ამ შემთხვევაში“, – განაცხადა კაკულიამ.

გადაცემის წამყვანის შეკითხვაზე, როგორ შეაფასებს ხელისუფლების განცხადებებს, რომ აქვთ აშშ-თან ურთიერთობების გადატვირთვის მოლოდინი, რომან კაკულიამ განაცხადა, რომ მან ბოლომდე ვერ გაიგო, რას ნიშნავს გადატვირთვის პოლიტიკა.

„გადატვირთვის პოლიტიკა თუ ნიშნავს ურთიერთობას აშშ-თან, ამას არსად არ მიაქვს ის მთავარი შეკითხვა, კარგი ურთიერთობა რას ნიშნავს, რომ ისინი არ შეეგუებიან რუსეთის ამბიციას, იყოს დომინანტი ამ რეგიონში და ჩვენ აღმოგვიჩენენ სათანადო მხარდაჭერას, რათა რუსეთის სივრციდან მოვწყდეთ და დასავლეთის ჩვენს მისწრაფებას ვუპასუხოთ? ამას ნიშნავს გადატვირთვა და კარგი ურთიერთობა? და უკრაინის მაგალითი? ჩვენ ასე რომ გვეფიქრა, ის პროქსი ომი ტყუილად არ გავიხსენე, ამის საფუძველს არ გვაძლევდა, ხომ? ამიტომ, ჩემთვის ისედაც გაუგებარია, რას ნიშნავს გადატვირთული ურთიერთობა ამერიკასთან. ჩვენ აუცილებლად მოგვიწევს მაინც აღდგენა დასავლეთთან ურთიერთობის. ამას წინათ, ბატონი დავითაშვილი იყო შტატებში და რომ ჩამოვიდა, მის კომენტარში ერთი საინტერესო მომენტი მომხვდა ყურში და დავიმახსოვრე. სწორი თქვა მან, როდესაც განაცხადა, ამერიკა დღეს თავისი საგარეო პოლიტიკის ფორმირების დროს ეკონომიკურ თემას ძალიან დიდ მნიშვნელობას ანიჭებსო. ეს იყო ჩვენი ნიშა, მაგრამ ამ ნიშასთან შენ ვერ მიხვალ, თუ ის ძირითადი გეოპოლიტიკური თემა არ გადაწყდა, ანუ შეკავების პოლიტიკაში ამერიკა რა პოლიტიკას ირჩევს რუსეთთან მიმართებაში და რა როლს მოგანიჭებს შენ, მთავარი გადასაწყვეტი ეს არის“, – განაცხადა კაკულიამ.

ამასთან, კაკულიამ აღნიშნა, რომ რუსეთი გაძლიერდა და მას არსად არ გაუქრება პრეტენზია, იყოს დომინანტი ჩვენ რეგიონში და ამერიკა თუ მას ამის უფლებას მისცემს, ეს ჩვენთვის პრინციპში, არ არის მისაღები თემა, რადგან რუსეთს დღეს შეიძლება, ჩვენთვის არ სცალია, მაგრამ ხვალ და ზეგ მისი ამბიციები სადამდე მივა, ეს გასაგებია.

„ისე გვიხსნიან ამას, თითქოს ვინმემ არ იცოდეს ეს, მაგრამ ლაპარაკია იმაზე, ამის დამაბალანსებელი ძალა დასავლეთიდან რომ ვერ ვიპოვეთ, ამან გვაიძულა, შეგვემუშავებინა ისეთი პოლიტიკა, რომელიც შეიძლება, მათთვის გასაგები და მისაღებიც არ იყო. რა თქმა უნდა, როდესაც ის დასავლეთის კრიტიკაზე იყო დაყრდნობილი, იმის გამო, რომ ისინი სათანადოდ ვერ დაგვეხმარებოდნენ, ეს რუსეთის ინტერესებში შედიოდა და ამიტომ თუ დაარქმევ ახლა ამ პოზიციას პრორუსულს, კი ბატონო, ეს შედის რუსეთის ინტერესებში, რადგან ის მიმართულია დასავლეთის კრიტიკისკენ“, – განაცხადა კაკულიამ.

ქეთევან ნინუაhttp://tiflisnews.ge
საინფორმაციო სააგენტო tiflisnews.ge კონტაქტი- ☎️ 555 100 929

უახლესი ცნობები კლინიკიდან-როგორია თორნიკე რიჟვაძის ჯანმრთელობის მდგომარეობა

თორნიკე რიჟვაძე პირველ საუნივერსიტეტო კლინიკაში რჩება. აჭარის მთავრობის ყოფილი თავმჯდომარე რეანიმაციაში კვლავ მართვით სუნთქვაზე იმყოფება. კლინიკის ინფორმაციით, მისი მდგომარეობა მძიმეა, თუმცა დინამიკა დადებითია.შეგახსენებთ, თორნიკე რიჟვაძე საგარეჯოდან თბილისში გუშინ დილით გადმოიყვანეს. ყოფილ მაღალჩინოსანს ცეცხლნასროლი ჭრილობა გულმკერდის არეში, კერძოდ ფილტვში აქვს.სავარაუდოდ, დღეს წარუდგენენ ბრალს საზღვაო ტრანსპორტის სააგენტოს უფროსს, ალექსი ახვლედიანს, რომელსაც თორნიკე რიჟვაძის საქმესთან დაკავშირებით ცეცხლსასროლი იარაღის დაუდევრად შენახვას ედავებიან. პოლიციამ ალექსი ახვლედიანი გუშინ დააკავა და ამ დრომდე ავჭალის დროებითი მოთავსების იზოლატორში იმყოფება.შეგახსენებთ, რომ შემთხვევა სწორედ ახვლედიანის სახლში მოხდა - საგარეჯოში, სადაც საგამოძიებო მოქმედებები გუშინ მთელი დღის განმავლობაში მიმდინარეობდა.საქმეზე მოკვლევა სისხლის სამართლის 115-ე და 238-ე მუხლებით მიმდინარეობს, რაც თვითმკვლელობამდე მიყვანასა და ცეცხლსასროლი იარაღის დაუდევრად შენახვას გულისხმობს.

ბენიამინ ნეთანიაჰუ – აშშ-თან ძალიან მჭიდროდ ვმუშაობთ, რათა ვიპოვოთ ქვეყნები, რომელთაც სურთ, განახორციელონ ის, რასაც ყოველთვის ამბობენ – პალესტინელებისთვის უკეთესი მომავლის მიცემა

ისრაელის პრემიერ-მინისტრმა, ბენიამინ ნეთანიაჰუმ ღაზის მომავლისა და მისი მოსახლეობის გადასახლებასთან დაკავშირებით დონალდ ტრამპის ხედვას „ბრწყინვალე“ უწოდა.ამის შესახებ ნეთანიაჰუმ თეთრ სახლში აშშ-ის პრეზიდენტ განაცხადა.„ამას ეწოდება თავისუფალი არჩევანი. ადამიანებს დარჩენა თუ უნდათ, შეუძლიათ დარჩნენ, მაგრამ თუ წასვლა უნდათ, უნდა შეძლონ წასვლა“, – განაცხადა ნეთანიაჰუმ.ისრაელის პრემიერ-მინისტრმა აღნიშნა, რომ ღაზა „ციხესიმაგრეს“ არ უნდა ჰგავდეს, არამედ „ღია ადგილი“ უნდა იყოს, რათა ადამიანებს თავისუფალი არჩევანი ჰქონდეთ.„ჩვენ ვმუშაობთ შეერთებულ შტატებთან ძალიან მჭიდროდ, რათა ვიპოვოთ ქვეყნები, რომელთაც სურთ, განახორციელონ ის, რასაც ყოველთვის ამბობენ – პალესტინელებისთვის უკეთესი მომავლის მიცემა“, – განაცხადა ნეთანიაჰუმ.ცნობისთვის, მანამდე, დონალდ ტრამპმა გამოთქვა ინიციატივა ღაზაში მცხოვრები დაახლოებით ორი მილიონი პალესტინელის დროებით ან მუდმივად მეზობელ ქვეყნებში – ეგვიპტესა და იორდანიაში გადასახლების შესახებ.

ირანის პრეზიდენტი აცხადებს, რომ ისრაელმა მისი მოკვლა სცადა

ირანის პრეზიდენტმა, მასუდ ფეზეშქიანმა ისრაელი მისი მკვლელობის მცდელობაში დაადანაშაულა. ამის შესახებ ფეზეშქიანმა ამერიკელ ჟურნალისტთან, ტაკერ კარლსონთან ინტერვიუს დროს განაცხადა.„კი, ისინი ცდილობდნენ. შესაბამისად მოიქცნენ, მაგრამ ვერ შეძლეს“, – აღიშნავს ირანის პრეზიდენტი.ჟურნალისტის კითხვაზე, იყო არა ამაში ირანის პრეზიდენტი დარწმუნებული, ფეზეშქიანმა აღნიშნა: „რა თქმა უნდა, ეს არ იყო შეერთებული შტატები, რომელიც ჩემი სიცოცხლის წასართმევას ცდილობდა… ეს იყო ისრაელი. მე ვიყავი შეხვედრაზე… ისინი ცდილობდნენ იმ ადგილის დაბომბვას, სადაც ჩვენ ვატარებდით შეხვედრას“, – განაცხადა მასუდ ფეზეშქიანმა.ირანის პრეზიდენტმა არ დააკონკრეტა აღნიშნული სავარაუდო მკვლელობის მცდელობის თარიღი და არც ის, მოხდა თუ არა ეს ბოლოს მიმდინარე კონფლიქტის დროს. ირანის პრეზიდენტმა ასევე განაცხადა, რომ თავისი ქვეყანა „არ ეძებს ბირთვულ იარაღს“ და დაადანაშაულა ნეთანიაჰუ, რომ „1984 წლიდან შექმნა ცრუ მენტალობა, რომ ირანი ეძებს ბირთვულ ბომბს“.ფეზეშქიანის თქმით, ისრაელმა „ყველა ამერიკელ პრეზიდენტს თავში ეს აზრი ჩაუნერგა“ ბირთვულ მოლაპარაკებებთან დაკავშირებით. ფეზეშქიანმა კარლსონს უთხრა, რომ მისი ქვეყანა „ვერ ხედავს პრობლემას“ ბირთვულ მოლაპარაკებებში შეერთებულ შტატებთან კვლავ ჩართვაში, თუმცა მოითხოვს ნდობის აღდგენას.„არის პირობა. მოლაპარაკებების ხელახლა დაწყებისთვის. როგორ ვენდო ხელახლა შეერთებულ შტატებს?“, – აცხადებს ირანის პრეზიდენტი.

„წალკაში, დაბმულ ქალს 9 წელი აუპატიურებდნენ, შვიდი შვილი გააჩინა…“ – თამუნა მუსერიძე ტრეფიკინგის საქმეზე

თამუნა მუსერიძე უმძიმეს ტრეფიკინგის საქმეზე საუბრობს.„წალკაში 9 წელი ქალი ჰყავდათ დაბმული; 9 წელი აუპატიურებდა სხვადასხვა კაცი. ცხრა წლის განმავლობაში გააჩენინეს შვიდი შვილი, რომელიც გაყიდეს. ქალი იყო დაღესტნელი, რომელიც ქართველმა შეყვარებულმა წამოიყვანა საქართველოში. ეს იყო ჩემთვის ბრაზის, ზიზღის, დაუცველობის შეგრძნება ერთად. ამ ქალს ამ უბედურებას ვუკეთებდით ქართველები. ყველა ბავშვი ვიპოვეთ — არც ერთს არ უნდა დედასთან ურთიერთობა, სცხვენიათ დედის ისტორიის...“ — ამბობს თამუნა მუსერიძე.

თეთრი სახლის ცნობით, სტივ უიტკოფი ღაზის საკითხზე მოლაპარაკებების წინსვლის მიზნით დოჰაში გაემგზავრება

ახლო აღმოსავლეთში აშშ-ის სპეციალური წარმომადგენელი სტივ უიტკოფი მიმდინარე კვირის განმავლობაში დოჰაში გაემგზავრება, რათა ღაზაში ცეცხლის შეწყვეტისა და მძევლების გათავისუფლების შეთანხმებაზე მუშაობა განაგრძოს. ინფორმაციას თეთრი სახლი ავრცელებს.„სტივ უიტკოფი აპირებს მიმდინარე კვირაში დოჰაში გამგზავრებას, სადაც დისკუსიებში განაგრძობს ჩართულობას. კატარელები და ეგვიპტელები ძალიან მნიშვნელოვანი პარტნიორები იყვნენ ამ მოლაპარაკებებსა და დისკუსიებში მედიაციისთვის“,- აღნიშნავს თეთრი სახლის პრესმდივანი ქეროლაინ ლივიტი.მისივე თქმით, ისრაელის მიერ მხარდაჭერილი ცეცხლის შეწყვეტის წინადადება მოლაპარაკებების მაგიდაზე დევს და ლივიტი „ჰამასს“ მოუწოდებს, იგივე ნაბიჯი გადადგას.მანამდე, „ჰამასში“ განაცხადეს, რომ დადებითად პასუხობენ წინადადებას, თუმცა სამი პუნქტი შეიტანეს, რომლის მიღებაზეც ისრაელის პრემიერ-მინისტრი ბენიამინ ნეთანიაჰუ უარს ამბობს.

ბოლო სიახლეები