კვირა, ივლისი 13, 2025

რა მოუვა ორგანიზმს, თუკი ყოველდღე საუზმეზე 2 კვერცხს მიირთმევთ?

არსებობს მოსაზრება, რომ კვერცხი ჯანმრთელობისთვის მავნეა, თუმცა ეს პროდუქტი ბევრს უყვარს და მის გარეშე საუზმეც ძნელად წარმოსადგენია…
ის, რომ კვერცხი ცილის შესანიშნავი წყაროა, ყველამ კარგად ვიცით, მაგრამ, გარდა ამისა, კვერცხი შეიცავს A, D, E და B12 ვიტამინებს, რკინას, კალცს, მინერალებსა და იოდს. ასევე, დღეში რამდენიმე კვერცხის მიღება შეგიძლიათ იმ შემთხვევაში, თუკი სისხლში ქოლესტერინი დაბალი გაქვთ.
აუმჯობესებს მეხსიერებას.
კვერცხის გული შეიცავს ქოლინს – რაც შესანიშნავია ნერვული იმპულსებისთვის, რომლებიც დეტალების დამახსოვრებას უწყობს ხელს. მაგალითად, უკეთ დაიმახსოვრებთ, სად დადეთ მანქანის გასაღები ან სად დაგრჩათ მობილური ტელეფონი. კვლევებმა აჩვენა, რომ რაციონში ქოლინის საკმარისი რაოდენობა აუმჯობესებს მეხსიერებას და სწრაფად რეაგირების შესაძლებლობას.
აუმჯობესებს მხედველობას
კვერცხის გული შეიცავს ლუტეინს, რომელიც იცავს თვალს მზის სხივების მავნე ქმედებისგან და ამცირებს კატარაქტის წარმოქმნის რისკს.
ამაგრებს ძვლებსა და კბილებს
კვერცხი მდიდარია D ვიტამინით, რომელიც სისხლში კალციუმისა და ფოსფორის დონეს არეგულირებს. კვერცხის მიღება ეხმარება ორგანიზმს კალციუმის ათვისებაში. სწორედ კალცი ამაგრეს ძვლებს და ხელს უშლის ოსტეოპოროზის წარმოქმნას.
აუმჯობესებს სახის კანის, თმისა და ღვიძლის მდგომარეობას
ფოლიუმის მჟავის ნაკლებობას, ძირითადად, ის ქალები განიცდიან, რომლებიც B ვიტამინს საკმარისი რაოდენობით არ იღებენ. საბედნიეროდ, კვერცხი ამ ვიტამინის შესანიშნავი წყაროა. ფოლიუმის მჟავა ხელს უწყობს ამინომჟავების გადამუშავებას, რაც აუცილებელია ერითროციტების ფორმირებისთვის.
ამცირებს გულის დაავადებების რისკს
ამერიკელი მკვლევარების ჯგუფმა დაადგინა, რომ კვერცხით მდიდარი რაციონი ხელს უშლის გულ-სისხლძარღვთა და კიბოს დაავადებების წარმოქმნას. საიდუმლო სწორედ კვერცხის გულშია, რომელიც ორ მნიშვნელოვან ანტიოქსიდანტს შეიცავს. ესენია: ტრიფტოფანი და თიროზინი.
ხელს უწყობს წონაში კლებას
კიდევ ერთი შესანიშნავი სიახლე! კვერცხი დიდი ხნით ანაყრებს ორგანიზმს. რა თქმა უნდა, დანაყრების შეგრძნება წონაში კლებისთვის აუცილებელი პირობაა.
ანელებს ორგანიზმის დაბერების პროცესს
კვერცხი შეიცავს ამინომჟავებს, რომელიც მუდმივად აახლებს უჯრედებს. ასაკთან ერთად, ჩვენი მოთხოვნილება D ვიტამინის მიმართ იზრდება. 60 წლის ზემოთ ადამიანებისთვის D ვიტამინის რეკომენდებული ნორმაა 10 მკგ. ერთი კვერცხი კი, დაახლოებით, 0,7 მკგ D ვიტამინს შეიცავს.
აძლიერებს იმუნურ სისტემას
გსურთ, დიდხანს შეინარჩუნოთ ჯანმრთელობა? მიირთვით კვერცხი! კვლევებმა აჩვენა, რომ მხოლოდ ორი კვერცხი დღეში საკმარისია იმისთვის, რომ საკუთარი ორგანიზმი ინფექციებისგან, დაავადებებისა და სხვადასხვა ვირუსებისგან დაიცვათ.
ზრდის დაორსულების შანსს
E ვიტამინი, რომელსაც კვერცხი შეიცავს აუმჯობესებს სპერმის ხარისხს კაცებში. სპეციალისტების განმარტებით, ორსულ ქალებში E ვიტამინს შეიცავს სითხე, რომელშიც ემბრიონია მოთავსებული. ასევე, კვერცხში შემავალი ფოლიუმის მჟავა ამცირებს ანემიის წარმოქმნის რისკს და ხელს უწყობს ნაყოფის განვითარებას ორსულობის პერიოდში.

 

ქეთევან ნინუაhttp://tiflisnews.ge
საინფორმაციო სააგენტო tiflisnews.ge კონტაქტი- ☎️ 555 100 929

პირველად ისტორიაში, ქართველი ფეხბურთელი მსოფლიო საკლუბო ჩემპიონატის ფინალში ითამაშებს – ხვიჩა კვარაცხელიას “პსჟ” ლონდონის “ჩელსისთან” დაპირისპირებისთვის ემზადება

პირველად ისტორიაში, ქართველი ფეხბურთელი მსოფლიო საკლუბო ჩემპიონატის ფინალში ითამაშებს. ხვიჩა კვარაცხელიას "პსჟ" ლონდონის "ჩელსისთან" დაპირისპირებისთვის ემზადება.კვარაცხელია პირველი ქართველი ფეხბურთელი გახდა, ვინც ლიგის ფინალში გოლი გაიტანა და ამჯერად ახალი მიზანი აქვს - მსოფლიო საკლუბო თასის აღმართვა. გუნდებს წინ რთული თამაში ელით. "პსჟ"-ს მთავარმა მწვრთნელმა, ლუის ენრიკემ, თამაშამდე ტრადიციულად პრესკონფერენციაზე ისაუბრა."პარი სენ ჟერმენის" ფეხბურთელები "ჩელსის" მოთამაშეებს ძლიერ მეტოქეებად მიიჩნევენ. პარიზელები მოედანზე გამარჯვებისთვის გადიან. სურვილი კი ყველას ერთი აქვს - კონკურენტის დამარცხება და თასის მოპოვება."პსჟ"-ს გზა თითქმის იდეალური იყო. ფრანგებმა მსოფლიო საკლუბო ჩემპიონატის ნახევარფინალში, მადრიდის "რეალი" დამაჯერებლად, 4:0 დაამარცხეს. მიუხედავად იმისა, რომ ხვიჩა კვარაცხელიას საოცნებო გუნდთან გოლი არ გაუტანია, ფრანგული მედია მოედანზე ქართველი ფეხბურთელის თამაშს განსაკუთრებულად გამოეხმაურა და მაღალი ქულაც დაუწერა.მსოფლიოს საკლუბო ჩემპიონატის ფინალში, "პსჟ" ლონდონის "ჩელსის" ხვალ, 13 ივლისს, ნიუ-ჯერსის შტატის ქალაქ ისტ რუზერფორდში, "მეტლაიფ სტედიუმზე" დაუპირისპირდება.

მიხეილ სააკაშვილი – „ვარდების რევოლუციას“ ორი-სამი წელი ვამზადებდით, დღეს მთავარია, არ გავიმეოროთ ბელარუსის ოპოზიციის შეცდომები, არ შემოვიფარგლოთ პასიური პროტესტით და ნახევარი ნაბიჯებით

ხშირად მესმის, რომ სიტუაცია ისეა დაძაბული, რეჟიმი იმდენად არის ჩამოშლის პირას, რომ აუცილებლად რაღაც მოხდება და ყველაფერი შეიცვლება, მინდა, ჩემი გამოცდილება გაგიზიაროთ, „ვარდების რევოლუციას“  2-3 წელიწადი ვამზადებდით, – ამის შესახებ ყოფილი პრეზიდენტი მიხეილ სააკაშვილი სოციალურ ქსელში წერს.მისი თქმით, მთავარია, საქართველოში ოპოზიციამ ბელარუსის ოპოზიციის შეცდომები არ გაიმეოროს და არ შემოიფარგლოს პასიური პროტესტით და ნახევარი ნაბიჯებით.„ხშირად მესმის, რომ სიტუაცია ისეა დაძაბული, რეჟიმი იმდენად არის ჩამოშლის პირას, რომ აუცილებლად რაღაც მოხდება და ყველაფერი შეიცვლება.მინდა, გაგიზიაროთ ჩემი გამოცდილება. „ვარდების რევოლუციას“ ჩვენ ვამზადებდით 2-3 წელიწადი. მე მოვინახულე სერბეთი, სადაც შევხვდი და მრავალი საათი ვესაუბრე მილოშევიჩის წინააღმდეგ წარმატებული ორგანიზაციის „ოტპორის“ ლიდერებს, არაერთხელ ვიყავი კიევში „უკრაინა კუჩმას გარეშე“ საპროტესტო ტალღის აქტივისტებთან სასაუბროდ.„ვარდების რევოლუციის“ ტაქტიკა დაფუძნებული იყო ხელისუფლების მოქმედებების ზუსტ პროგნოზირებაზე და ჩვენი ადეკვატური პასუხების დაგეგმვაზე. უფრო მეტიც, ჩვენს პრაქტიკულ ნაბიჯებზე, რომელიც აიძულებდა შევარდნაძეს შეცდომები დაეშვა.ახლა ივანიშვილი არის ძალიან პროგნოზირებადი, მაგრამ იქმნება შთაბეჭდილება, რომ ბევრი ყოველ ჯერზე გაკვირვებულია რეჟიმის მიერ გადადგმული ნაბიჯებით. არადა საკმარისია შეხედო იგივე ბელარუსს და მიხვდე, თუ რა იქნება აქაური რუსული რეჟიმის შემდგომი ქმედება. მთავარია, ჩვენ არ გავიმეოროთ ბელარუსის ოპოზიციის შეცდომები და არ შემოვიფარგლოთ პასიური პროტესტით და ნახევარ ნაბიჯებით.თუმცა, რა თქმა უნდა, ჩვენმა ახალგაზრდებმა და ჟურნალისტებმა აჩვენებს ნამდვილი გმირობის მაგალითები. მხოლოდ მწყობრი კოორდინირებული ტაქტიკა მოგვიტანს საბოლოო გამარჯვებას. რა თქმა უნდა, აუცილებლად გამოჩნდება „შავი გედებიც“, მაგრამ ჩვენ მათ ვერ დაველოდებით. შეიძლება, ამასობაში საქართველო დავკარგოთ“, – წერს მიხეილ სააკაშვილი.

„დედიკომ თავის ადგილიც და სიცოცხლეც თქვენ დაგიტოვათ…“ – რა ვიდეოს აქვეყნებს პატარა  შოშიების მამიკო 

ტყუპებზე მშობიარობის შემდეგ გარდაცვლილი შორენა ონიანის მეუღლე, გიგა ცხელიშვილი ტყუპების, უსაყვარლესი დანიელის და დაჩის კადრებს თავის გამომწერებს უზიარებს.ცხელიშვილი ემოციურად წერს, რომ სწორედ იმ ჰამაკზე ქანაობენ უდედოდ დარჩენილი ტყუპები, სადაც მათი დედა ხშირად იჯდა ხოლმე:„დედიკოსაც ჰქონდა აქ ჰამაკი, თავის ადგილიც და სიცოცხლეც თქვენ დაგიტოვათ“, – წერს გიგა ცხელიშვილი. 

რა თქვა მეუფე შიომ დღევანდელ ქადაგებაზე

მართლმადიდებელი ეკლესია პეტრეპავლობას აღნიშნავს. ყველა მოქმედ ტაძარში წირვა აღევლინა. სამების საკათედრო ტაძარში მსახურება მეუფე შიომ აღასრულა. წირვის დასრულების შემდეგ მღვდელმთავარმა მრევლს ქადაგებით მიმართა და დღევანდელი დღის მნიშვნელობაზე ისაუბრა:„სული წმინდის გარდამოსვლის შემდეგ პეტრე მოციქული იყო პირველი, რომელმაც დაიწყო ხმამაღლა ქადაგება ქრისტესი და მრავალი ადამიანი მოაქცია სარწმუნოებაზე. დიდი იყო პავლე მოციქულის ქადაგების ძალა. ძალიან ბევრი იღვაწა მან სახარების გავრცელებისთვის. მართალია, იგი არ იყო მოციქულთა შორის იესო ქრისტეს მიწიური სიცოცხლის დროს, მაგრამ მან თავისი ნათელი გონებით, ჩასწვდა იმას, რომ იესო ქრისტე არის აღთქმული მესია, რომელიც მოვიდა კაცობრიობის სახსნელად. სიტყვა მოციქული ნიშნავს წარგზავნილს და ჩვენც ყველანი წარგზავნილები ვართ ღვთის მიერ ამ ქვეყნად, რომ შევიმეცნოთ და დავამოწმოთ ჭეშმარიტება ჩვენი ცხოვრებით. ესე იგი, ვიცხოვროთ უფლის მცნებებით, რაც ჩვენ გვაახლოებს მოციქულებთან, განსაკუთრებით კი მოციქულ პეტრესთან და მოციქულ პავლესთან“, - აღნიშნა მეუფემ.

შალვა პაპუაშვილი – ვნახეთ, რომ გახარიას მინისტრობის პირობებში, 2019 წლის 20 ივნისს აქციის დაშლა მოხდა ისეთი მეთოდებით, რამაც ზიანი მიაყენა მოქალაქეებს, მნიშვნელოვანია, ეს საქმე...

სტრასბურგის სასამართლომ დაადგინა, რომ 2019 წლის 20 ივნისს, დაშლის ოპერაციის დროს გადაცდომებთან დაკავშირებით გამოძიება არ იყო სრულყოფილი, შესაბამისად, პროკურატურა იძიებს ამ საკითხს, – ამის შესახებ პარლამენტის თავმჯდომარემ, შალვა პაპუაშვილმა განაცხადა.მისივე თქმით, ამ საქმის ხელახალ გამოძიებას ქვეყანას სტრასბურგის სასამართლოს გადაწყვეტილება ავალდებულებს.„შესაბამისად, პროკურატურა იძიებს ამ საკითხს. 2019 წლის 20 ივნისს პარლამენტზე შტურმი რომ იყო, ეს დაადგინა სტრასბურგის სასამართლომ. ამავე სასამართლომ დაადგინა, რომ შემდეგ, დაშლის ოპერაციის დროს გადაცდომებთან დაკავშირებით გამოძიება არ იყო სრულყოფილი.ჩვენ გვაქვს სტრასბურგის სასამართლოდან ორი მოცემულობა. ერთი, დადგინდა, რომ ეს იყო შტურმი, რომლის მოტივი და მიზანი იყო ხელისუფლების დამხობა. აბა, პარლამენტს სიამოვნების გამო არავინ შტურმით არ იღებს. აქვე გავახსენებ ყველას, რომ ევროკავშირი თავად იყო ჩართული, რომ ამ შტურმის მონაწილეები გარეთ ყოფილიყვნენ. შეგახსენებთ, ნიკა მელიას გირაო ბრიუსელს აქვს გადახდილი, იმიტომ იყო ის გარეთ. ბრიუსელს ჰქონდა გადახდილი იმ ადამიანის გირაო, რომელიც იმ შტურმში მონაწილეობდა, რომელზეც სტრასბურგმა თქვა, რომ ეს იყო შტურმი პარლამენტზე. აქაც კიდევ ერთხელ ისმის კითხვის ნიშნები ბრიუსელის მიმართ, რა პროცესებთან გვქონდა საქმე და რას ახალისებდა; მეორე, არის უკვე კანონიერ საზღვარს გაცდენილი აქციის დაშლის ოპერაცია და ღონისძიება. ამ საკითხს იძიებს ახლა პროკურატურა. ჩვენ ვნახეთ, რომ, ზუსტად გიორგი გახარიას მინისტრობის პირობებში, ამ აქციის დაშლა მოხდა ისეთი მეთოდებით, რომელმაც ზიანი მიაყენა მოქალაქეებს. მნიშვნელოვანია, ეს საქმე იყოს გამოძიებული“, – განაცხადა პაპუაშვილმა.

ბოლო სიახლეები