რა ახალი დეტალებია ცნობილი ხაშურის ტრაგედიაზე

ისრაელმა უკრაინას „პეტრიოტის“ სისტემები გადასცა. როგორც უკრაინაში ისრაელის ელჩმა, მიხაილ ბროდსკიმ განაცხადა, აშშ-ის მიერ ისრაელისთვის გადაცემული „პეტრიოტის“ სისტემები ახლა უკრაინაშია.მისი თქმით, აღნიშნული სისტემები ისრაელის შეიარაღებული ძალების არსენალში 1990-იანი წლების დასაწყისიდან ირიცხებოდა.„ჩვენ დავთანხმდით უკრაინისთვის მათ გადაცემას და ამის შესახებ, სამწუხაროდ, ბევრი არ უსაუბრიათ. თუმცა, როდესაც ამბობენ, რომ ისრაელი არ დაეხმარა სამხედრო თვალსაზრისით, ეს ასე არ არის. ეს სიმართლე არ არის“, – განაცხადა დიპლომატმა.ელჩს არ დაუკონკრეტებია, როდის მოხდა ამ სისტემების გადაცემა.

გიორგი ფერაძე უმცროსმა იქორწინა. მისი რჩეული ქსენია ბეზუგლოვაა. ხელი ქსენიას ერთი წლის წინ სთხოვა. ერთად ცხოვრება კი წყვილმა ახლა გადაწყვიტა."ავდექით და ვიქორწინეთ" - ასე "სთორავს" მსახიობი და ქორწინების ამსახველ ბეჭდებიან ფოტოს.ქსენია ბეზუგლოვა ფეისბუქით პირველად შარშან გააცნო საზოგადოებას, როდესაც პრემიერა ითამაშა. დონ კიხოტის როლში მყოფმა ფერაძემ, ერთი წლის წინ, ამგვარი ტექსტი წარუმძღვარა ფოტოს."რომ არა ჩემი დულსინია, ჩემს თვალებში ასეთი სხივი არ იქნებოდა..."საყვარელ ქალს ხელი შარშან ივლისში სთხოვა."მან თქვა - კი! მიყვარხარ!ბოლო მომენტამდე ყველაფერი საიდუმლოდ იყო შენახული. და ეს მოხდა კინოფესტივალის დასკვნით საღამოზე. მან არ იცოდა, არ ელოდა, ვერ ხვდებოდა, თუმცა შინაგანად მზად იყო, ისევე, როგორც მე!ჩვენი პირველი შეხვედრის დღიდან მე ზუსტად ვიცოდი, რომ ის სწორედ ის იქნებოდა, ვისაც ხელს ვთხოვდი. მადლობა ყველას, ვინც გვერდით გვყავდა... მადლობა შენ (გია მიმართავს საქორწინო ბეჭდის იუველირს) იმ შედევრისთვის, რომელსაც ქსენია საერთოდ აღარ იხსნის" - წერდა გიორგი ფეისბუქზე.ქართველი არტისტის - გია ფერაძის უმცროსი ვაჟი რუსეთში ცხოვრობს. ის გაჭრილი ვაშლივით ჰგავს გარდაცვლილ მამას, რომელიც ერთხელ ჰყავს ნანახი, ხუთი წლის ასაკში, ციხეში...ქსენიასთვის ეს მეორე ქორწინებაა. მას სამი შვილი ჰყავს.

NATO-ს გენერალური მდივანი მარკ რუტე აცხადებს, რომ რუსეთი NATO-ს წინააღმდეგ სამხედრო ძალის გამოსაყენებლად ხუთ წელიწადში მზად იქნება.რუტეს თქმით, რუსეთი  სამ თვეში აწარმოებს საბრძოლო მასალების იმ რაოდენობას, რასაც NATO მთელი წლის განმავლობაში.„რუსეთმა ძალები გააერთიანა ჩინეთთან, ჩრდილოეთ კორეასთან და ირანთან. ისინი აფართოებენ შეიარაღებული ძალებსა და შესაძლებლობებს. პუტინის სამხედრო მანქანა შენელების ნაცვლად სწრაფდება. რუსეთი თავის ძალას ჩინური ტექნოლოგიების გამოყენებით აღადგენს, უფრო სწრაფად აწარმოებს იმაზე მეტ იარაღს, ვიდრე გვეგონა. თავს ნუ მოვიტყუებთ, ახლა ჩვენ ყველა აღმოსავლეთ ფლანგზე ვართ. რუსული რაკეტების ახალ თაობას შეუძლია, იფრინოს სიჩქარით, რაც ბევრჯერ აღემატება ბგერის სიჩქარეს. ევროპის დედაქალაქებთან დისტანცია რამდენიმე წუთის საკითხია. აღარ არსებობს აღმოსავლეთი ან დასავლეთი – არის მხოლოდ NATO“, – განაცხადა რუტემ.

ანრი ოხანაშვილი იმყოფებოდა ბორტზე, რომლითაც მომიტაცეს, – ამის შესახებ თანაინვესტირების ფონდის ყოფილმა ხელმძღვანელმა, გიორგი ბაჩიაშვილმა თბილისის საქალაქო სასამართლოში განაცხადა.ბაჩიაშვილის თქმით, ის ყველა ნორმის დარღვევით ჩამოიყვანეს საქართველოში.„ბიძინა ივანიშვილმა როდესაც ნახა, რომ პირდაპირ ვერ შემიყვანა მის სახელმწიფო სამსახურში, მომთხოვა, დამეწყო ანტიდასავლური და ანტიქართული წერილების გამოქვეყნება, რომელსაც დღემდე შათირიშვილი აქვეყნებს. ანუ, ზუსტად მანდ ჩაეყარა საფუძველი იმ დაპირისპირებას, რომელიც ჩვენ შორის შემდეგ გაიზარდა. ამ უარის შემდეგ გავხდი მიუღებელი, შესაბამისად, ივანიშვილმა მომიწყო სასამართლო პროცესის იმიტაცია, რომელსაც გავდიოდი წინა ორი წლის განმავლობაში. ერთადერთ გზად დამიტოვა საკუთარი ბედის ხელში აღება, ამაში არის მთელი უბედურება. თუმცა ესეც არ ეყო. შემდეგ მიმართა კრიმინალურ მეთოდს, მოტაცებას. იმ მეთოდს, რომლითაც 90-იანებში მას ძმა მოსტაცეს, მეთოდს, რომლითაც კალაძეს ძმა მოსტაცეს ზუსტად იმავე მიზნით, ფულის გამოძალვის მიზნით. ერთადერთი სხვაობა ის იყო, რომ იმ გამომძალველებს და მომტაცებლებს სახელმწიფო არ ჰქონდათ მიტაცებული. ყველა ნორმის დარღვევით, თავზე ტომარაწამოფარებული, უკანონოდ, საერთაშორისო სამართლისა და ქართული სამართლის დარღვევით ჩამომიყვანეს საქართველოში. ეს იყო ივანიშვილის მიერ შეთხზული და სუს-ის მიერ შესრულებული სპეცოპერაცია. ანრი ოხანაშვილი იმყოფებოდა ბორტზე, რომლითაც მომიტაცეს. ალბათ თქვენთვის გასაკვირი არ არის, მაგრამ ამ დანაშაულს იძიებს ანრი ოხანაშვილი. ანუ, სუს-ი იძიებს თავის მიერ ჩადენილ საერთაშორისო დანაშაულს. გამაგებინეთ, როგორ ვიპოვო სამართალი, სად დავიცვა თავი? როგორ ვანდო ჩემი თავი და სამართალი იმ ხელისუფლებას, რომელიც შეფის კარზე ატუზული მყავს ნანახი? როგორ ვანდო თავი იმ სასამართლოს, რომელმაც, ივანიშვილის ზეპირი ჩვენების საფუძველზე, ორი წელი ჯოჯოხეთი მოგვიწყო მე და ჩემ ოჯახს? ეგ იყო ერთადერთი მტკიცებულება ჩემს საქმეში. როგორ გენდოთ იმ სისტემას, რომელმაც ორად გაყავით საქართველო და ერთს სხვა სამართალს უწყობთ, მეორეს – სხვას? მალე ალბათ ორი კონსტიტუცია იქნება მიღებული ჩვენთვის. ზოგიერთები ტელევიზიით ამბობენ, რომ რა კარგია, ხომ ხედავთ წამება არ არისო. აბა, ჰკითხეთ ჩვენს მშობლებს, თუ არ არის წამება? ჰკითხეთ იმ დაჭერილი ახალგაზრდების მშობლებს, სინდისის პატიმრების მშობლებს, მათ ოჯახებს, მზია ამაღლობელის ოჯახს, თუ არ არის ეს წამება“, – განაცხადა გიორგი ბაჩიაშვილმა.

კოალიცია "ძლიერი საქართველოს" ერთ-ერთმა ლიდერმა, ბადრი ჯაფარიძემ "ღამის კურიერის" ეთერში განაცხადა, რომ საბოლოო გადაწყვეტილება თვითმმართველობის არჩევნებში მონაწილეობის მიღების შესახებ მიღებული არ აქვთ.მისივე თქმით, გადაწყვეტილებას მას შემდეგ მიიღებენ, რაც დასრულდება კონსულტაციები ყველა დაინტერესებულ მხარესთან.„ჯერ ვერ ვიტყვით , რადგან შესაბამისი ფორმალური გადაწყვეტილება ჯერ არ მიგვიღია. ამაზე ვიმსჯელებთ მას შემდეგ, რაც დასრულდება კონსულტაციები ყველა დაინტერესებულ მხარესთან. რა თქმა უნდა, ის პრობლემები, რომელიც დღეს ჩვენს თანამოქალაქეებს აწუხებთ, მოითხოვს ყურადღებას, რადგან ცხადია, რომ მთავარი საკითხები, სამწუხაროდ, რჩება პოლიტიკური განხილვების მიღმა, - ეს არის ეკონომიკური პრობლემები, გაზრდილი ფასები, უმუშევრობა, უამრავი ახალგაზრდის გადინება ქვეყნიდან. სამწუხაროდ, ეს პოლიტიკური დებატები, ყურადღების მიღმა ტოვებენ იმ საკითხებს, რომელიც ჩვენს თანამოქალაქეებს ძალიან აწუხებს,“ - აცხადებს ბადრი ჯაფარიძე.