რატი იონათამიშვილი-რატომ ვუჭერ მხარს გენდერული კვოტირების საკითხს?

კათოლიკე ეკლესიის საინფორმაციო სააგენტოს ინფორმაციით, ვატიკანის დელეგაცია უკვე საქართველოშია. ქრისტიანთა ერთობის ხელშეწყობის დიკასტერიის პრეფექტს, კარდინალ კურტ კოხისა და ამავე დიკასტერიის თანამშრომელს, მონსენიორ ლადრაპა იარომირს, თბილისის საერთაშორისო აეროპორტში პაპის დესპანი, მთავარეპისკოპოსი ანტე იოზიჩი, მრჩეველი – მონსენიორ ალექსანდრ რაჰინია და ვატიკანის საელჩოს წარმომადგენლები დახვდნენ.კარდინალი და მისი თანმხლები პირები ვატიკანიდან პატრიარქ ილია მეორის დაკრძალვისთვის ჩამოვიდნენ. კარდინალი აეროპორტში მოინახულა მართლმადიდებელი ეკლესიის პროტოპრესვიტერმა გიორგი ზვიადაძემ.კარდინალი კოხი საქართველოს უკვე მესამედ სტუმრობს. პირველად 2014 წლის ბოლოს იმყოფებოდა. შეხვდა საქართველოში რელიგიის საკითხთა სახელმწიფო სააგენტოს თავმჯდომარეს, სადაც განიხილეს კათოლიკურ ეკლესიასთან დაკავშირებული რამდენიმე მნიშვნელოვანი საკითხი. მათ შორის, კონფესიების დაფინანსებისა და რუსთავში კათოლიკური ეკლესიის მშენებლობის შესახებ. მეორე ვიზიტით სასულიერო პირი საქართველოს 2016 წელს ეწვია.

დეკანოზმა, მამა ვლადიმერ (ვახტანგაძემ) "რუსთავი 2-ის" ეთერში, იმ შესამოსლის შესახებ ისაუბრა, რომლითაც, ტრადიციისამებრ, მამამთავრები იკრძალებიან.ასევე სასულიერო პირმა ყურადღება გაამახვილა იმ სამოსზეც, რომელიც ისტორიულია, პატრიარქიდან პატრიარქს გადაეცემა, და რომლითაც მომავალი კათოლიკოს პატრიარქის აღსაყდრებაც მოხდება."მამამთავრები იკრძალებიან სრული შესამოსლით. ისინი არიან შემოსილნი ისე, როგორც ლიტურგიაზე, ეს არის - ომოფორი, რომელიც არის მწყემსმთავარის უმთავრესი ატრიბუტი, სამღვდელმთავრო კვერთხი და მიტრა, რომელიც თავსაბურავია ლიტურგიკული მსახურებისთვის.საქართველოს კათოლიკოს-პატრიარქის მიტრა, ტრადიციულად, ორნაწილედია, ერთი არის სამღვდელმთავრო ნაწილი, მას აქვს ასევე გვირგვინის ნაწილიც, რომელიც თავის თავში აერთიანებს, როგორც სამღვდელმთავრო, ისე სამეფო ღირსებას. რა თქმა უნდა, ეს სამეფო ღირსება, ამ შემთხვევაში, გადატანითი მნიშვნელობით - ეს არ არის პირდაპირ გაგებით მონარქიისა. ანტიოქიური ეკლესიის ტრადიციული სკოლაც სწორედ ივერის ეკლესიის მწყემსმთავარიც გამორჩეული თავსაბურავით, რომელსაც მიტრა ჰქვია, არის შემოსილი და ისევე, როგორც ლიტურგიის დროს, სრული სამღვდელმთავრო ატრიბუტით ხდება კათოლიკოსების და ზოგადად ეპისკოპოსები დაკრძალვა.გარდაცვლილი კათოლიკოს პატრიარქი შემოსილი არის ლიტურგიკული შესამოსლით, ამას ხაზი უნდა გავუსვათ. რაც შეეხება ყოველდღიურ ატრიბუტებს, ეს გახლავთ საპატრიარქო კუნკულ- ბარტყული ისტორიული, რომელიც რჩება და მომავალი პატრიარქის აღსაყდრებაც სწორედ ამ კუნკულ - ბარტყულით მოხდება. ისტორიული ჯვარ-პანაღია - ჯვარი და ყოვლად წმინდა ქალწული ღვთისმშობლის და ასვე მაცხოვრის გამოსახულებით პანაღია, რომელიც მამამთავართა გულ-მკერდს ამშვენებს, ალბათ ეს გინახავთ სხვა დროსაც. ჩვენ გვაქვს ისტორიული კუნკულ -ბარტყული რომლითაც საქართველოს ეკლესიის მწყემსთმთავრები იკურთხებიან და ასევე ჯვარ-პანაღია, კვერთხი.ის შესამოსელი, რომელიც ისტორიულად ძველი კათალიკოსებიდან მომდინარეობს რჩება და კიდევე ერთხელ ვიტყვით, რომ ამ ნაწილით იკურთხება მომავალი მწყემსმთავარი ივერიის უწმინდესი მართლმადიდებელი ეკლესიისა.რაც შეეხება იმ შესამოსელს, რომლითაც განისვენებს კათალიკოსი, ეს არის ყოველდღიური ლიტურგიული შესამოსელი და მას ისტორიული მნიშვნელობა არ გააჩნია, ეს არ არის ისტორიული ნაწილი. ხოლო ის, რაც ზემოთ მოგახსენეთ, ეს გახლავთ თაობიდან თაობას, კათალიკოსიდან კათალიკოს რომ გადაეცემა და მისი ინტრონიზაცია და კურთხევა ხდება ამ შესამოსელში, რომელიც, თუ არ ვცდები, ახლა სამების საპატრიარქო ტაძარში, ხატთან უნდა იყოს დასვენებული", - გააცხადა დეკანოზმა, ვლადიმერ (ვახტანგაძემ)

საქართველოს კათოლიკოს-პატრიარქის, ილია მეორის სიონის ტაძარში დასვენებიდან დაკრძალვამდე, საქართველოს ყველა მოქმედ ტაძარში სამგლოვიარო ზარები დაირეკება.„სრულიად საქართველოს კათოლიკოს-პატრიარქის გამოსვენება სამების საკათედრო ტაძრიდან მოხდება კვირას, 22 მარტს, სავარაუდოდ 15:00 საათისთვის და პროცესია სიონის საკათედრო ტაძრისკენ გაემართება.სიონის ტაძარში მისი უწმინდესობის დასვენების შემდეგ მცხეთა-თბილისის ყველა ეკლესიას და ეპარქიებში მოქმედ ეკლესია-მონასტრებს ვთხოვთ, დარეკონ სამგლოვიარო ზარები დაკრძალვამდე“, – ნათქვამია საქართველოს საპატრიარქოს ინფორმაციაში.

მეუფე საბამ სამების საკათედრო ტაძარში ქადაგებისას იმ ადამიანებს უპასუხა, რომლებიც მძიმე წუთებში ნიშნის მოგებით საუბრობენ. ხონისა და სამტრედიის მიტროპოლიტმა გულისტკივილი გამოთქვა იმ სასულიერო პირებისა თუ ეკლესიას განდგომილი ადამიანების მიმართ, რომლებიც ამბობენ, რომ ილია მეორემ არ შეასრულა პირობა, რომ „არ წავიდოდა, ვიდრე საქართველო არ გამთლიანდებოდა“.„ამ ტკივილიან და მწუხარე დღეებში აღმოჩნდნენ ისეთი ადამიანებიც, სამღვდელო პირი თუ ღვთისგან განდგომილი ადამიანები - არ მეშინია ამ სიტყვების თქმის, რომლებმაც ნიშნის მოგებით თქვეს, „აბა, სად არის პატრიარქის ის პირობა, როდესაც მან ბრძანა, „მე უფალი მანამდე არ წამიყვანს ამ ქვეყნიდან, ვიდრე საქართველო არ გამთლიანდება და სამშვიდობოს არ გავა“. მე დავსვამ კითხვას, რა არის ეს, თუ არა სამშვიდობოს გასვლა, რასაც ჩვენ დღეს ვხედავთ ჩვენს ქვეყანაში. რა არის ეს თუ არა პატრიარქის პირობა, აწ უკვე აღსრულებული - „მე წაგიძღვებით თქვენ უფლისკენ მიმავალ გზაზე, მე არ მიგატოვებთ თქვენ არასდროს, ვიდრე უფალთან ერთობით არ განვისვენებთ სამუდამოდ მარადიულობაში. ასე რომ, ძალიან ცდებიან ადამიანები, თუ ფიქრობს ვინმე, რომ პატრიარქმა სიტყვა შეუსრულებელი დატოვა“, - განაცხადა მეუფე საბამ.

უკვე რამდენიმე დღეა, თბილისში ორი მდინარე ; პირველი — მარადიული მტკვარი, რომელიც მაღალი მთების ძირში იღებს სათავეს და მდორედ მოედინება; მეორე — ხალხის ნაკადი, რომელიც პატივის მისაგებად ქალაქის ქუჩებიდან, უბნებიდან და მოედნებიდან უწყვეტად მიედინება თბილისის შემაღლებული ადგილისკენ — წმინდა სამების ტაძრისკენ. ხალხის ეს ნაკადი მხოლოდ ერთობლივი მოძრაობა არ არის; ეს არის ღრმა რწმენის, ერთგულებისა და იმ კავშირის გამოხატულება, რომელიც ხალხსა და მათ სულიერ წინამძღოლებს შორის არსებობს. თითქოს დრო წამით შეჩერდა, რათა ხალხმა მდუმარე დიდებულებით გამოხატოს მადლიერება წლების განმავლობაში მიღებული სულიერი წინამძღოლობის, მოთმინებისა და სიბრძნისთვის. ამ დღეებში თბილისი მხოლოდ ქალაქი არ არის; იგი სარკედ იქცა — სარკედ, რომელშიც შესაძლებელია ერის ნამდვილი სახის დანახვა. ეს ერი მწუხარების ჟამს უფრო მეტად ერთიანდება და რწმენის მეშვეობით აღმოაჩენს საკუთარ მისიას. ეს ორი მდინარე — ერთი წყლისა და მეორე ხალხის —სიცოცხლეზე მოგვითხრობს: ერთი ბუნების მარადიულობის შესახებ, მეორე კი — სულის უკვდავებაზე. ეს ჩვენთვის, ირანელთათვის, რომელთაც არაერთხელ გაგვიცილებია ბოლო გზაზე ჩვენი სულიერი ლიდერები, ნაცნობი რამ არის-წერს ირანის ელჩი საქართველოში ალი მოჯანი.