რას ნიშნავს, თუ სახლში პეპელა შემოფრინდება – როდის არის მათი გამოჩენა ბედნიერების წინასწარმეტყველი

რომის პაპი ლეო XIV ისრაელს ღაზის სექტორში ჰუმანიტარული დახმარების შეშვებისკენ მოუწოდებს.რომის პაპმა ანკლავში არსებულ ვითარებას შემაშფოთებელი და დამამწუხრებელი უწოდა.„კვლავ გულმხურვალედ მოვუწოდებ, რათა დაშვებული იყოს ჰუმანიტარული დახმარება და დასრულდეს საომარი მოქმედებები, რომლის გამანადგურებელ ფასს იხდიან ბავშვები, მოხუცები და ავადმყოფები“, – განაცხადა რომის პაპმა, ლეო XIV-მ.მანამდე, ისრაელის პრემიერ-მინისტრმა, ბენიამინ ნეთანიაჰუმ განაცხადა, რომ „ჰამასის“ დამარცხების გეგმის ფარგლებში ისრაელი მთელ ღაზის სექტორს გააკონტროლებს.

საქართველოს ტექნიკურ უნივერსიტეტში სტუდენტური საუნივერსიტეტო შემოქმედებითი გაერთიანება „MUSIC ART HOUSE“-ის მუსიკალური ჯგუფის - „მარე“ - სოლო კონცერტი გაიმართა. ინფორმაციას საქართველოს ტექნიკური უნივერსიტეტი ავრცელებს.სტუ-ის ცნობით, კონცერტი, ცოცხალი შესრულებით, „სტუდფესტი 2025“-ში საქართველოს ტექნიკური უნივერსიტეტის მონაწილე სტუდენტების მხარდასაჭერად, პირველი სასწავლო კორპუსის ტერიტორიაზე, ღია სივრცეში მოეწყო.კონცერტი, რომელსაც ესწრებოდნენ უნივერსიტეტის სხვადასხვა ფაკულტეტის სტუდენტები, რექტორი, აკადემიკოსი დავით გურგენიძე, კანცლერი, პროფესორი კარლო კოპალიანი, უნივერსიტეტის სამეთვალყურეო საბჭოს პრეზიდენტი, პროფესორი ზურაბ გუდავაძე, ვიცე-რექტორები - თამარ წერეთელი და თამარ ლომინაძე, დეკანები და პროფესორ-მასწავლებლები, სტუდენტმა - DJ ლაშა სულთანიშვილმა გახსნა.ჯგუფ „მარემ“ - დავით კიკნაძის, ლევან ზუზაძის, საბა ბასიაშვილის, ალექსანდრე თურმანიძის, ნინო ქიბროწაშვილის, გიორგი დობაძიშვილისა და ელენე ფარტენაძის შემადგენლობით - ცნობილ ქართველ კომპოზიტორთა და ჯგუფის საავტორო კომპოზიციები შეასრულა.საუნივერსიტეტო შემოქმედებითი ჯგუფის - „MUSIC ART HOUSE“ მუსიკალურმა პროდიუსერმა გიორგი ქურასბედიანმა სტუდენტური შემოქმედების მხარდაჭერისა და ხელშეწყობისთვის უნივერსიტეტის რექტორსა და ადმინისტრაციას მადლობა გადაუხადა. მისი თქმით, კონცერტმა, რომელიც „სტუდფესტი 2025”-ის მონაწილეთა გასამხნევებლად და შემოქმედებითი მუხტის ასამაღლებლად გაიმართა, უნივერსიტეტის სტუდენტების, მათი მეგობრების და პროფესორ-მასწავლებლების დიდი მოწონება დაიმსახურა, რაც „მარეს“ წევრებს მოტივაციას უქმნის კიდევ უფრო მეტად დახვეწონ და გაამრავალფეროვნონ თავიანთი რეპერტუარი.„ტექნიკური უნივერსიტეტი შემოქმედებითი ჯგუფების - ფოლკლორული და საესტრადო მომღერლების, ჯაზისა და როკის ერთ-ერთი უძველესი და ტრადიციული კერაა საქართველოში. ის ფაქტი, რომ ძველი საუნივერსიტეტო ტრადიციები დღესაც ღირსეულად გრძელდება, მრავალ გარემოებაზე მეტყველებს. მადლობას ვუხდით საქართველოს ტექნიკური უნივერსიტეტის რექტორს, აკადემიკოს დავით გურგენიძეს, უნივერსიტეტის ადმინისტრაციას, სტუდენტური სერვისების, კულტურისა და სპორტის დეპარტამენტს მხარდაჭერისთვის, სტუდენტური შემოქმედების პოპულარიზაციისა და საუნივერსიტეტო სივრცეში კომფორტული გარემოს შექმნისთვის. ხარისხიანი განათლების მიღებასთან ერთად, სწორედ ეს ფაქტორებიც გვიქმნის მოტივაციას, შემოქმედებითი აქტივობები პროფესიონალურ დონეზე ჩავატაროთ, მეტი ნიჭიერი სტუდენტი მოვიზიდოთ, ახალი ჯგუფები ჩამოვაყალიბოთ და ორიგინალურ რეპერტუარებზე ვიმუშაო“, - აღნიშნა გიორგი ქურასბედიანმა.ჯგუფი „მარეს“ სოლისტის, სამშენებლო ფაკულტეტის სტუდენტ დავით კიკნაძის შეფასებით, საღამო დაუვიწყარი იქნება როგორც ჯგუფის წევრებისთვის, ასევე, მაყურებლისთვის.„მოხარული ვართ, რომ ჩვენი სოლო კონცერტი, თავისი ემოციებით და განწყობით, დაუვიწყარი იქნება მაყურებლისთვის. მრავალი კომპლიმენტი მივიღეთ სტუდენტებისგან, ჩვენი მეგობრებისა და პროფესორ-მასწავლებლებისგან. ვფიქრობთ, კონცერტი უნივერსიტეტის რექტორსაც და კანცლერსაც ძალიან მოეწონათ. მადლობა უნივერსიტეტის ადმინისტრაციას ხელშეწყობისთვის, მხარდაჭერისთვის. ჩვენთვის ბევრს ნიშნავს, როცა ახალგაზრდულ კონცერტს რექტორიც ესწრება და მეტიც, ბოლომდე რჩება ამ კონცერტზე. მთავარია, მთლიანად ვართ გაჯერებული იმ ძლიერი მუხტით, რაც მაყურებლისგან მივიღეთ. მადლობას ვუხდით ყველას!“, - აღნიშნა კონცერტის დასრულების შემდეგ დავით კიკნაძემ.სტუ-ის ცნობით, უნივერსიტეტში შემოქმედებითი ჯგუფებისა და კოლექტივების საანგარიშო კონცერტები მიმდინარე სასწავლო წლის ბოლომდე გაგრძელდება.

ომის გახანგრძლივების საპასუხოდ რუსეთზე ზეწოლა ძალიან ძლიერი უნდა იყოს, - ამის შესახებ უკრაინის პრეზიდენტი, ვოლოდიმირ ზელენსკი სოციალურ პლატფორმა X-ზე წერს.უკრაინის პრეზიდენტის, ვოლოდიმირ ზელენკის განცხადებით, პოლონეთის პრემიერ-მინისტრთან, დონალდ ტუსკთან სატელეფონო საუბრისას “პოლონეთის საპრეზიდენტო არჩევნების, მშვიდობის მისაღწევად საჭირო შემდგომი ნაბიჯებისა და უკრაინის ევროკავშირში გაწევრიანების პროცესში მოლაპარაკებების კლასტერების გახსნის საკითხები” განიხილა.“მნიშვნელოვანია, რომ პოლონეთი ჩვენს სანდო პარტნიორად და მეგობრად რჩება. ჩვენს ერთიანობაზე, საერთო პოზიციასა და კოორდინირებულ მოქმედებებზე ბევრი რამ არის დამოკიდებული, განსაკუთრებით მაშინ, როდესაც საქმე უსაფრთხოებას ეხება”, - წერს ვოლოდიმირ ზელენსკი.პოლონეთის პრემიერ-მინისტრის, დონალდ ტუსკის ცნობით, ვოლოდიმირ ზელენსკისთან რუსეთის წინააღმდეგ ახალი სანქციების დაწესების საკითხზე ისაუბრა.“პრეზიდენტმა ზელენსკიმ მაცნობა ბოლოდროინდელი მოლაპარაკებების, სამომავლო მშვიდობის პირობებისა და რუსეთის წინააღმდეგ ახალი სანქციების შემუშავების შესახებ. ამ პროცესში პოლონეთის, საფრანგეთის, გერმანიის, დიდი ბრიტანეთის, იტალიისა და აშშ-ის მონაწილეობა უაღრესად მნიშვნელოვანია”, - წერს დონალდ ტუსკი.

ჩინეთი სერიოზულად შეშფოთებულია აშშ-ის „ოქროს გუმბათის“ პროექტის გამო და მოუწოდებს ვაშინგტონს, უარი თქვას მის განვითარებაზე, – სააგენტო „როიტერის“ ინფორმაციით, ამის შესახებ ჩინეთის საგარეო საქმეთა სამინისტროს წარმომადგენელმა, მაო ნინმა განაცხადა.„შეერთებული შტატები, რომელიც მისდევს აშშ-ის პირველ ადგილზე დაყენების პოლიტიკას, ცდილობს საკუთარი აბსოლუტური უსაფრთხოების უზრუნველყოფას. ეს ძირს უთხრის გლობალურ სტრატეგიულ ბალანსსა და სტაბილურობას. ჩინეთი სერიოზულად შეშფოთებულია ამის გამო“, – განაცხადა მაო ნინმა.ჩინეთის საგარეო საქმეთა სამინისტროს წარმომადგენელმა მოუწოდა ვაშინგტონს, რაც შეიძლება სწრაფად თქვას უარი ამ სისტემის განვითარებაზე და გადადგას ნაბიჯები ნდობის გასაძლიერებლად.შეგახსენებთ, აშშ-ის პრეზიდენტმა, დონალდ ტრამპმა განაცხადა, რომ დაამტკიცა 175 მილიარდი დოლარის ღირებულების პროექტი, რომლის სახელწოდებაა „ოქროს გუმბათი“.

დანაშაულებზე პასუხები არ აქვთ და საგამოძიებო კომისიის სხდომაზე მოსვლაც ამიტომ არ უნდათ. ახლა ცდილობენ, პოლიტიკურ წამებულებად წარმოაჩინონ თავი, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.ვოლსკის თქმით, „ის გზა არჩიეს, რაც მათ რევოლუციურ გეგმას სრულად შეესაბამება“.„გაცილებით მძიმე იქნება ის ზარალი, რასაც კონკრეტული ფიგურები მიიღებენ, როგორც ადამიანები, პოლიტიკოსები, რადგან კითხვებზე პასუხი არ აქვთ. ის გზა არჩიეს, რაც მათ რევოლუციურ გეგმას სრულად შეესაბამება. ახლა ცდილობენ, პოლიტიკურ წამებულებად წარმოაჩინონ თავი. დანაშაულებზე პასუხები არ აქვთ და კომისიის სხდომაზე მოსვლაც ამიტომ არ უნდათ“, – განაცხადა გია ვოლსკიმ.