რამდენია შაქრის დღიური ნორმა

აშშ-ისა და უკრაინის მთავრობებს შორის უკრაინულ-ამერიკული საინვესტიციო ფონდის შექმნის შესახებ შეთანხმება 57 მინერალს ეხება. დოკუმენტში ასევე საუბარია აშშ-ის სამხედრო დახმარებაზე. ამის შესახებ ინფორმაციას უკრაინული გამოცემა „ევროპეისკაია პრავდა“ ავრცელებს, რომელიც დოკუმენტს გაეცნო.გამოცემის ცნობით, ვაშინგტონში ხელმოწერილი ორმხრივი შეთანხმება ადგენს ორი ქვეყნის მთავრობებს თანამშრომლობის პოლიტიკურ პარამეტრებს საბადოების დამუშავებაზე, წიაღისეულის გაყიდვაზე და ამერიკულ დახმარებაზე, მათ შორის სამხედრო დახმარებაზე, რომელსაც უკრაინა მომავალში მიიღებს.ამასთან, როგორც „ევროპეისკაია პრავდა“ წერს, შეთანხმების ბევრი დეტალი განსაზღვრული იქნება ტექნიკურ შეთანხმებაში, რომელიც ამჟამად ჯერ არ არის მზად ხელმოსაწერად.მედიასაშუალება აღნიშნავს, რომ 30 აპრილს გაფორმებული დოკუმენტი სულ 12 გვერდისგან შედგება მაშინ, როდესაც წინა პროექტი, რომელიც აშშ-მა უკრაინას მარტში გადასცა, 90-გვერდიანი იყო.„ევროპეისკაია პრავდა“ ასევე წერს, რომ ხელმოწერილი შეთანხმების პარამეტრები შეესაბამება იმ ძირითად პუნქტებს, რომლებიც პრემიერ-მინისტრმა დენის შმიგალმა წინა დღეს გაასაჯაროვა. შეთანხმება ნამდვილად დეტალურად აღწერს გარანტიებს, რომ ის არ ეწინააღმდეგება უკრაინის ევროკავშირთან გაფორმებულ შეთანხმებებს და უკრაინის მისწრაფებებს ევროკავშირის  წევრობისკენ. უკრაინის ევროკავშირში გაწევრიანების შეთანხმებასთან წინააღმდეგობის შემთხვევაში, შეერთებულ შტატებთან შეთანხმების დებულებები უნდა გადაიხედოს.მნიშვნელოვანია, რომ დოკუმენტი უკრაინას არ უქვემდებარებს ამერიკულ სამართლებრივ სისტემას – დავები წყდება კონსულტაციების საფუძველზე. ასევე, დოკუმენტი არ ითვალისწინებს უპირატესობის უფლებას ამერიკული კომპანიებისთვის უკრაინაში მინერალური რესურსების მოპოვების ლიცენზიის მისაღებად. ამავე დროს, ამერიკულ კომპანიებს უნდა ჰქონდეთ წვდომა წიაღისეულის შესაძენად აუქციონებზე ან მოლაპარაკებებზე სხვა მყიდველებზე არანაკლები პირობებით.დოკუმენტში შესულია იმ წიაღისეულის ჩამონათვალი, რომლის მოპოვებასაც ეხება შეთანხმება. სიაში 57 წიაღისეულია: ალუმინი, სტიბიუმი, დარიშხანი, ბარიტი, ბერილიუმი, ბისმუთი, ცერიუმი, ცეზიუმი, ქრომი, კობალტი, სპილენძი, დისპროზიუმი, ერბიუმი, ევროპიუმი, ფტორი, ფლუორიტი, გადოლინიუმი, გალიუმი, გერმანიუმი, ოქრო, გრაფიტი, ჰაფნიუმი, ჰოლიუმი, ინდიუმი, ირიდიუმი, ლანთანი, ლითიუმი, ლუტეციუმი, მაგნიუმი, მანგანუმი, ნეოდიმი, ნიკელი, ნიობიუმი, პალადიუმი, პლატინა, კალიუმი, პრაზეოდიმი, როდიუმი, რუბიდიუმი, რუთენიუმი, სამარიუმი, სკანდიუმი, ტანტალი, ტელური, ტერბიუმი, თულიუმი, კალა, ტიტანი, ვოლფრამი, ურანი, ვანადიუმი, იტერბიუმი, იტრიუმი, ცინკი, ცრკონიუმი, ნავთობი, ბუნებრივი გაზი.ამასთან, საუბარია მხოლოდ ახალ საბადოებზე, რომელთა დამუშავების ლიცენზიებს უკრაინა შეთანხმების ამოქმედების შემდეგ გასცემს. მხარეთა შეთანხმებით შესაძლებელია წიაღისეულის ჩამონათვალის გაფართოება.შეთანხმება არ მოიცავს უკრაინული ინფრასტრუქტურიდან შემოსავლებს, როგორც ეს თავდაპირველად ამერიკული მხარის შემოთავაზებაში იყო. უკრაინა საერთო ფონდში ჩადებს ლიცენზიების გაყიდვიდან და წიაღისეულის მოპოვებიდან მიღებული გადასახადებისგან შემოსავლებს.უკრაინისთვის აშშ-ის დახმარების ღირებულება ჩაითვლება კაპიტალის შენატანად, მათ შორის დახმარება შეიარაღების სისტემებით, საბრძოლო მასალებით, ტექნოლოგიებით ან წვრთნით.ამასთან, როგორც „ევროპეისკაია პრავდა“ აღნიშნავს, პრემიერ-მინისტრის მიერ გამოცხადებული ზოგიერთი პუნქტი შეთანხმებაში გაწერილი არ არის. მაგალითად, მასში არ არის ნახსენები ფონდის მართვის პრინციპი, ასევე აშშ-ის ვალდებულება, არ გაიტანოს ფონდიდან შემოსავლები ათი წლის განმავლობაში, არამედ სახსრების 100 პროცენტი უკრაინის აღდგენაში დააბანდოს. აღნიშნული პუნქტები მომდევნო შეთანხმებაში უნდა გაიწეროს, რომლის ტექსტზეც მუშაობა მიმდინარეობს.

ჩვენთვის ძალიან მნიშვნელოვანია ჩვენს ძირითად პარტნიორებთან დიალოგი და ურთიერთობების გადატვირთვა, რადგან, ამ შემთხვევაში, ღიად უნდა ვისაუბროთ, რომ აშშ-თან ურთიერთობები სასურველ ნიშნულზე არ იყო, განსაკუთრებით წინა ადმინისტრაციის ბოლო პერიოდში, – ამის შესახებ საქართველოს პირველმა ვიცე-პრემიერმა, ლევან დავითაშვილმა აშშ-ში ვიზიტის შესახებ საუბრისას მთავრობის სხდომის დასრულების შემდეგ ბრიფინგზე ჟურნალისტებს განუცხადა.ლევან დავითაშვილის თქმით, მნიშვნელოვანია, ეს ვითარება შეიცვალოს, გამოსწორდეს და ასევე მნიშვნელოვანია, რომ, როგორც საქართველო, ისე აშშ-ი პრაგმატულად დაინტერესებულია, ეს ურთიერთობები იყოს უფრო მეტად მჭიდრო და ურთიერთხელსაყრელი.„ჩვენ ზუსტად ამაზე გვქონდა აქცენტი. დიალოგი ამ თემის გარშემო მიმდინარეობს ჩვენს პარტნიორებთან, რომ თანამშრომლობა გავხადოთ უფრო მეტად ურთიერთხელსაყრელი და ეს რაციონალური და პრაგმატული მიდგომა აბსოლუტურად მისაღებია ახალი ადმინისტრაციისთვის. აშშ-ში ჩვენი ვიზიტი ძირითადად იყო საერთაშორისო საფინანსო ინსტიტუტებში. ეკონომიკური ბლოკი ვიყავით წარმოდგენილი. ეროვნულ ბანკთან ერთად გვქონდა პარტნიორებთან საინტერესო შეხვედრები. ეს არის საგაზაფხულო სესიები, როგორც წლიური შეხვედრები, რომლებიც ყოველთვის საინტერესოა, რადგან ჩვენ ვიგებთ მიმდინარე წლის ძირითად ტენდენციებს, რაც საერთაშორისო საფინანსო სისტემაში ხდება. ასევე, საერთაშორისო საფინანსო ორგანიზაციების პრიორიტეტებზე შეგვიძლია, მივიღოთ მეტი ინფორმაცია. მათ მიიღონ საქართველოში არსებულ ეკონომიკურ პროცესებზე ობიექტური ინფორმაცია, უმაღლესმა გადაწყვეტილებების მიმღებმა პირებმა, რათა ეს თანამშრომლობა საერთაშორისო საფინანსო ორგანიზაციებთან იყოს კიდევ უფრო მჭიდრო და ეფექტიანი.ჩვენთვის ეს ძალიან მნიშვნელოვანია, რადგან ეს მაღალი ეკონომიკური ზრდა და პოზიტიური დინამიკა ეკონომიკაში შევინარჩუნოთ, დაფინანსების მუდმივი და პროგნოზირებადი წყაროები საქართველოს გააჩნდეს საინტერესო პრიორიტეტული პროექტებისთვის. რა თქმა უნდა, ამაზე ძალიან ბევრი ინფორმაციის ურთიერთგაცვლა მოხდა მთელი კვირის განმავლობაში. ჩვენ როდესაც ვიზიტი გვაქვს აშშ-ში და საქართველოს მთავრობის წარმომადგენლები არიან წარმოდგენილი, აუცილებელია ორმხრივი შეხვედრები და ორმხრივი შეხვედრები გვქონდა ასევე ეკონომიკურ ბლოკთან. გვქონდა ვაჭრობის სამინისტროში, სავაჭრო წარმომადგენლის ოფისში, ფინანსთა სამინისტროში. ასევე თეთრ სახლში, სახელმწიფო დეპარტამენტში. მიუხედავად ბევრი სპეკულაციისა, ეს დიალოგი არის ძალიან პოზიტიური, ძალიან ბევრ საკითხში ახალ ადმინისტრაციასთან არის პოზიციების თანხვედრა და ვფიქრობ, ახალ ადმინისტრაციასთან გვაქვს თანამშრომლობის ძალიან დიდი პერსპექტივა. მე ამის იმედი მაქვს. ვისაუბრეთ ძალიან კონკრეტულ ეკონომიკურ ინიციატივებზე, რომელიც უნდა იყოს ურთიერთხელსაყრელი და ზუსტად ამაზე კეთდება აქცენტი, რომ ჩვენ გვექნება უფრო მჭიდრო თანამშრომლობა და ეს იქნება საქართველოსა და ამერიკის ეკონომიკური ინტერესების გათვალისწინებით“, – განაცხადა ლევან დავითაშვილმა.

რუსეთის უშიშროების საბჭოს თავმჯდომარის მოადგილემ, დიმიტრი მედვედევმა განაცხადა, რომ კიევის ხელისუფლებას აშშ-ს სამხედრო დახმარებისთვის ეროვნული სიმდიდრეებით გადახდა მოუწევს.მისივე თქმით, დონალდ ტრამპმა ამ საკითხზე კიევის „გატეხვა“ შეძლო.„ტრამპმა გატეხა კიევის რეჟიმი, რომ ამერიკული დახმარებისთვის წიაღისეული რესურსებით გადაიხადოს. ახლა სამხედრო დახმარებისთვის მათ გადახდა გაქრობის პროცესში მყოფი ქვეყნის ეროვნული სიმდიდრეებით მოუწევთ“, – დაწერა მედვედევმა „ტელეგრამის“ არხზე.ცნობისთვის, 30 აპრილს აშშ-მა და უკრაინამ ვაშინგტონში ხელი მოაწერეს სასარგებლო წიაღისეულის შესახებ შეთანხმებას, რაც ერთობლივი საინვესტიციო ფონდის შექმნას ითვალისწინებს.

„გუშინ საქართველოს თავდაცვის ძალების დაფუძნების დღე იყო და მინდა მივულოცო თითოეულ ჯარისკაცს, ოფიცერს, გენერალს, სამშობლოს თითოეულ დამცველს, მათ, ვინც ყოველთვის იბრძოდა და იბრძვის სამშობლოსათვის ყველგან, სადაც ეს საჭირო იყო“, - განაცხადა პარლამენტის ვიცე-სპიკერმა და პარტია „ხალხის ძალის“ თავმჯდომარემ სოზარ სუბარმა.მისი თქმით, სააკაშვილმა კოდორის ხეობა, მთელი აფხაზეთი და შიდა ქართლის გული - ცხინვალის რეგიონი - ჩააბარა მტერს უგუნურებით ან სულაც შეგნებული განზრახვით, ამას კი ნათელს სწორედ კომისია მოჰფენს.„ჩვენი გმირი ჯარისკაცები და ოფიცრები აფხაზეთსა თუ ცხინვალის რეგიონში, 90-იან წლებშიც და 2008 წელსაც იცავდნენ სამშობლოს, იმ დროს, როცა სააკაშვილი და მისი რეჟიმის წარმომადგენლები სამშობლოს გაყიდვით იყვნენ დაკავებულები.90-იან წლებში, როდესაც ჩვენი გმირი ჯარისკაცები და მოხალისეები იბრძოდნენ აფხაზეთში, მიხეილ სააკაშვილი გამოცდებს აბარებდა კგბ-ს უმაღლეს სკოლაში, კიევში. კგბ-ს უმაღლეს სკოლას რომ წარმატებით დაამთავრებ, ბუნებრივია, რომ მათი აგენტი ხარ. ამიტომაც გაყიდეს ასე ადვილად სამშობლო და ამიტომაც ჩააბარეს ასე ადვილად მტერს საქართველოს ტერიტორიის 20 პროცენტი.კომისიის გუშინდელ სხდომაზე გავიხსენე სააკაშვილის ინტერვიუ, სადაც მან 2011 წელს, ომის დამთავრებიდან სამი წლის შემდეგ (ანუ, არა ცხელ გულზე, არამედ - კარგა ხნის შემდეგ), ჟურნალ The Independent-ს მისცა ინტერვიუ, სადაც თქვა, რომ იმ ტერიტორიას, რომელიც დავკარგეთ, ნულოვანი ფასი აქვს და ეს არის ქვების გროვა, რომელიც ერთადერთი რამისთვის თუ გამოდგება, რომ ამ ტერიტორიიდან რუსეთმა დანარჩენ საქართველოს შეუტიოს... გუშინაც ვთქვი, ჰკითხოს, ერთი, გენო პეტრიაშვილს, ჩვენს გმირ ოლიმპიელს და ჩვენს კოლეგას პარლამენტში, რომელიც იმ რეგიონიდან არის - მისთვისაც ქვების გროვაა ეს ტერიტორია თუ მისი სულისა და გულის ნაწილია? და თითოეული ჩვენგანისთვისაც ასეა. კოდორის ხეობა, აფხაზეთი მთლიანად, შიდა ქართლის ეს გული, სადაც საქართველოს ისტორია იჭედებოდა ყოველთვის - აი, ეს ტერიტორიები ჩააბარა სააკაშვილმა მტერს, მისი, სულ ცოტა, უგუნურებით და დიდი შანსია, რომ არა მხოლოდ უგუნურებით, არამედ, შეგნებული განზრახვით. ამას კი, გარკვეულწილად მაინც, ნათელს მოჰფენს კომისია“, - აღნიშნა სოზარ სუბარმა.

მარტში ეკონომიკურმა ზრდამ შეადგინა 9% და პირველი კვარტლის საერთო მაჩვენებელი არის 9,3%, ასევე პირველ კვარტალში, საგადასახადო შემოსავლების გეგმა შესრულდა 120 მლნ ლარის გადაჭარბებით, რაც ეკონომიკური ზრდის შედეგია, – ამის შესახებ საქართველოს პრემიერ-მინისტრმა, ირაკლი კობახიძემ მთავრობის სხდომაზე განაცხადა.პრემიერის თქმით, მთავრობის ეკონომიკურ გუნდს მიღწეული შედეგებისთვის მადლობას უხდის.„გუშინ გამოქვეყნდა სტატისტიკის ეროვნული სამსახურის მონაცემები. მარტში ეკონომიკურმა ზრდამ შეადგინა 9% და პირველი კვარტლის საერთო მაჩვენებელი არის 9,3%, ასევე პირველ კვარტალში, საგადასახადო შემოსავლების გეგმა შესრულდა 120 მლნ ლარის გადაჭარბებით, რაც ეკონომიკური ზრდის შედეგია. ამისთვის მადლობა მინდა გადავუხადო ჩვენს ეკონომიკურ გუნდს, ჩვენი ერთ-ერთი უმთავრესი პრიორიტეტი არის ქვეყნის ეკონომიკური განვითარების უზრუნველყოფა. ამ მიმართულებით კიდევ ბევრი გვაქვს გასაკეთებელი. გავაგრძელებთ მუშაობას იმისათვის, რომ ეკონომიკური ზრდა კიდევ უფრო მეტად დავაჩქაროთ“, – განაცხადა პრემიერმა.