პუტინი ომის დამნაშავეა – აშშ-ის სახაზინო დეპარტამენტის ხელმძღვანელი სკოტ ბესენტი

არაფერი საწინააღმდეგო რევოლუციის არ მაქვს, უბრალოდ, მე ვნახე ამის რესურსები გვაქვს თუ არა, რამდენჯერმე. რატომ უნდა ვილაპარაკოთ იმაზე, რასაც არ აქვს პერსპექტივა. ჩანს, რომ ეს ასე არ არის - ამის შესახებ „კოალიცია ცვლილების“ ერთ-ერთმა ლიდერმა ნიკა გვარამიამ „ტვ ფორმულას“ ეთერში, გადაცემაში „ნამდვილი ამბავი“ განაცხადა.როგორც გვარამია აცხადებს, საზოგადოებაში რევოლუციური სცენარის დაკვეთა და საკმარისი მხარდაჭერა არ არსებობს და მიაჩნია, რომ ამის სურვილს მხოლოდ ცალკეული ადამიანები გამოთქვამენ.„ვიღაცას ჰგონია, რომ რევოლუცია გადაწყვიტა.. არაფერი საწინააღმდეგო რევოლუციის არ მაქვს, უბრალოდ, მე ვნახე ამის რესურსები გვაქვს თუ არა, რამდენჯერმე. არ მაქვს აჩემებული მაინც და მაინც 4 ოქტომბერი. რაღაცები მანამდეც ხომ ხდებოდა?! რატომ უნდა ვილაპარაკოთ იმაზე და ვიმსჯელოთ და ვიმკითხაოთ, რასაც არ აქვს პერსპექტივა. ჩანს, რომ ეს ასე არ არის. საკუთარ საზოგადოებას უნდა იცნობდე, როდესაც ლაპარაკობ და პოლიტიკოსი ხარ და მოწოდებები გაქვს. არ არის ამის დაკვეთა ადგილზე.არის ამის სურვილი ცალკეულ ადამიანებში, ზოგიერთს სულსწრაფობით, ზოგიერთს რადიკალიზმით. არაფერს ვზრახავ, რადიკალიზმს ვგულისხმობ, სწრაფი და ერთჯერადი ნაბიჯით გადაწყვეტილების მიღების სურვილს და არა იმ თვალსაზრისით, რასაც „ქართული ოცნება“ ამბობს, მაგრამ სურვილი რჩება სურვილად. და ის, რომ ბევრი ადამიანი სოციალურ ქსელში ამას დაწერს, ადამიანები, რომლებიც ძირითადად უცხოეთიდან წერენ, ან აქ არიან და აქციაზე ხან არიან, ხან არ არიან ან საერთოდ არ არიან. ჩართულები ან არიან ან არ არიან საერთო მოძრაობაში და ძირითადად ლაპარაკობენ იმაზე, რატომ ვერ შედგა 4 ოქტომბერი, როდესაც თვითონ არ დაუდგნენ იმ ხალხს გვერდით“- განაცხადა გვარამიამ.

გუშინ უდიდესი დღე იყო ჩვენი საზოგადოებისთვის. სვეტიცხოვლის ტაძარში, ანდრია პირველწოდებულის დაარსებული ქართული ეკლესიის წმინდა კათედრაზე, აღსაყდრდა კათოლიკოს-პატრიარქი შიო მესამე. მინდა, მივულოცო მის უწმინდესობას და უნეტარესობას აღსაყდრება და ვუსურვო, მძიმე ჯვარი, რომელიც მან გადმოიბარა ჩვენი წმინდა პატრიარქის, ილია მეორისგან, ატაროს ისე, რომ სრულად აღსრულებულიყოს მთავარი ღირებულებები, რომლებიც ჩვენს რწმენაშია ჩადებული, – ამის შესახებ პარლამენტის თავმჯდომარემ, შალვა პაპუაშვილმა პლენარულ სხდომაზე განაცხადა.როგორც პაპუაშვილმა აღნიშნა, საზოგადოება იშვიათი ისტორიული მოვლენის მოწმე გახდა და ეს დღე განსაკუთრებული სიხარულით აღინიშნა.„ჩვენ ვიყავით ისეთი მომენტის მომსწრე, რომელიც იშვიათად ხდება ადამიანის ცხოვრებაში და, რა თქმა უნდა, ყველა განსაკუთრებული სიხარულით ვიყავით და ვრჩებით აღვსილი. მინდა, ყველას გისურვოთ, რომ კიდევ მრავალი წელი ჩვენი ეკლესიის საჭეთმპყრობლად მოგვეხსენიებინოს შიო მესამე, მისი უწმინდესობა და უნეტარესობა. მინდა, თქვენი სახელით მივულოცო მას და სრულიად საქართველოს ეს განსაკუთრებული, უდიდესი დღე“, – განაცხადა შალვა პაპუაშვილმა.

ირანის ბოლო შაჰის შვილი რეზა ფეჰლევი აშშ-ის პრეზიდენტს,  დონალდ ტრამპს ირანთან დაკავშირებით განსხვავებული სიგნალების გაგზავნის გამო აკრიტიკებს. ინფორმაციას ამის შესახებ „პოლიტიკო“ ავრცელებს.რეზა ფეჰლევის განცხადებით, აშშ-ის პრეზიდენტმა უნდა შეწყვიტოს ირანის ომში თავისი განზრახვების შესახებ ურთიერთგამომრიცხავი შეტყობინებების გაგზავნა და ამის ნაცვლად „დაასრულოს“ თეირანის ისლამისტური რეჟიმის დამხობის საქმე.„პოლიტიკოს“ ცნობით, ფეჰლევიმ, რომელიც ზოგადად მხარს უჭერს ტრამპს, განაცხადა, რომ აშშ-მა და ისრაელმა უნდა გააგრძელონ საჰაერო დარტყმები და სხვა თავდასხმები ირანის სამიზნეებზე, ვიდრე ირანის მოქალაქეები საკმარისად ძლიერად არ იგრძნობენ თავს, რათა ქუჩებში გავიდნენ და სახმელეთო ჯარების სახით იმოქმედონ რეჟიმის დამხობის მიზნით.„ახლა, როცა მხეცი დაჭრილი არის, ეს არის შესაძლებლობა, რომელიც არ უნდა გაუშვა ხელიდან, რათა საქმე დაასრულო და ბოლომდე მიიყვანო. უნდა მიეცეს თუ არა დიპლომატიას შანსი? რა თქმა უნდა, უნდა მიეცეს. თუმცა, მეორე მხრივ… ჩვენ უკვე ვიცით, რომ თავისი დნმ-ის მიხედვით არ შეუძლია თავისუფალ დემოკრატიულ საზოგადოებასთან თანაარსებობა. მისი მისიაა იდეოლოგიის ექსპორტი“, – აღნიშნა რეზა ფეჰლევიმ.

დასაქმების ხელშეწყობის სახელმწიფო სააგენტოს სარეგისტრაციო პლატფორმაზე 2025 წლის განმავლობაში, 13 ათასზე მეტი სამუშაოს ახალი მაძიებელი დარეგისტრირდა, - ამის შესახებ ჯანმრთელობის და სოციალური დაცვის მინისტრის მოადგილე გიორგი ცაგარეიშვილმა სოფლის მეურნეობის კომიტეტის სხდომაზე „დასაქმების პოლიტიკის დაგეგმვისა და განხორციელების 2025 წლის ანგარიშის“ წარდგენისას განაცხადა.მისი თქმით, 2025 წელს დასაქმების ხელშეწყობის სახელმწიფო სააგენტოსთვის მიმართვიანობა მნიშვნელოვნად გაიზარდა.„2025 წელს მოქალაქეთა მომართვიანობა იყო გაზრდილი, ეს ჩვენი სერვისების ხელმისაწვდომობას და გეოგრაფიული დაფარვის ზრდას მოჰყვა. 59%-ით გაიზარდა მომართვიანობა, სარეგისტრაციო პლატფორმაზე 13 ათასზე მეტი სამუშაოს ახალი მაძიებელი დარეგისტრირდა.ხაზგასასმელია, რომ ძალიან გაიზარდა ქალებისა და ახალგაზრდების აქტივობა- რეგისტრირებულთა შორის 62% ქალია, ხოლო 13,4% ახალგაზრდაა, რომელიც აქტიურობს ჩვენს პლატფორმაზე.2025 წელს ამოქმედდა და ახლა განვითარების პროცესშია სამუშაოს მაძიებელთა სარეგისტრაციო პორტალი work.net. ეს არის ახალი საპილოტე ვერსია, მისი სრულად განვითარება და დანერგვა 2026 წლის ბოლოსკენ იგეგმება და ახლა საპილოტე რეჟიმში მუშაობს. პროექტი ჩვენ განვავითარეთ მსოფლიო ბანკის მეშვეობით.ასევე ძალიან წარმატებული და მოთხოვნადი პროგრამაა ანაზღაურებადი სტაჟირების პროგრამა. 2025 წელს სააგენტომ გაზარდა სტაჟირების ანაზღაურების თანხა და აქვე მინდა გითხრათ, რომ ამ წელს კიდევ 100 ლარით გავზარდეთ და 500 ლარს მიაღწია თანხამ. პროგრამა აძლევს შანსს სამუშაოს მაძიებლებს, მიიღონ სამუშაო გამოცდილება რეალურ გარემოში და დასაქმდნენ გრძელვადიანად. 2025 წელს 42-მა დამსაქმებელმა გამოთქვა სააგენტოსთან თანამშრომლობის სურვილი, შედეგად, პროგრამაში ჩაერთო 224 სტაჟიორი, მათგან 129 კომპანიებმა გრძელვადიანად დაიტოვეს შტატში. ჩვენ ამას დავამატეთ მაღალმთიან რეგიონებში სტაჟირების სუბსიდირების პროგრამა 2026 წელს. პირველი ბენეფიციარები აქაც გამოჩნდნენ“, - განაცხადა გიორგი ცაგარეიშვილმა განაცხადა.მისივე თქმით 2025 წელს დასაქმების ხელშეწყობის სახელმწიფო სააგენტოს სისტემაში 14 600-ზე მეტი ვაკანსია აიტვირთა.„2025 წელს კერძო სექტორში 800-ზე მეტ დამსაქმებელთან ვითანამშრომლეთ და სისტემაში 14 600-ზე მეტი ვაკანსია აიტვირთა. ჩატარდა 6 მასშტაბური დასაქმების ფორუმი, რომელსაც 900-ზე მეტი სამუშაოს მაძიებელი დაესწრო. ფორუმების შედეგად დასაქმების მაჩვენებელი 20%-ით გაიზარდა წინა წელთან შედარებით.ჩვენ დაგვემატა ფუნქცია უცხო ქვეყნის მოქალაქეთა სამუშაოზე რეგისტრაციის და ამ პროცესების მართვის. ამ მიმართულებით ჩვენ გვქონდა დიდი ჩამორჩენა, როგორც სახელმწიფოს და ვფიქრობთ, რომ ფორსირებულად შესაძლებელია ამ ჩამორჩენის აღმოფხვრა. დაიწყო უკვე აქტიურად რეგისტრაცია უცხო ქვეყნის მოქალაქეების ჩვენს სისტემაში. ამ წუთისთვის 23 ათასზე მეტი უცხოელია რეგისტრირებული და ამან მოგვცა იმის საშუალება, როგორც ქვეყანას, რომ სრულად გავაკონტროლოთ ღია შრომის ბაზარზე მიმდინარე პროცესები, ზუსტად ვიცოდეთ ვინ, სად, რას აკეთებს. როგორ მუშაობს, სად გვაქვს ჩავარდნები, სად გვაქვს დეფიციტი, სად -პროფიციტი სამუშაო ძალის, ამგვარი აღრიცხვა წინა წლებშიც იყო, მაგრამ ძალიან ზედაპირული“, - განაცხადა გიორგი ცაგარეიშვილმა.რაც შეეხება საზღვარგარეთ საქართველოს მოქალაქეების დასაქმებას, ცაგარეიშვილის ინფორმაციით, გერმანიის ფედერაციულ რესპუბლიკაში გაგზავნილია, დაახლოებით, 1500 ადამიანი ცირკულარული მიგრაციის ფარგლებში.

იაპონიის საელჩო საქართველოს კათოლიკოს-პატრიარქს, უწმინდესს და უნეტარეს შიოს, აღსაყდრებას ულოცავს."იაპონიის საელჩო გულითადად ულოცავს მის უწმინდესობასა და უნეტარესობას, შიო III-ს, სრულიად საქართველოს კათოლიკოს-პატრიარქად აღსაყდრებას.დაე, მისი უწმინდესობისა და უნეტარესობის აღსაყდრებამ კეთილდღეობა მოუტანოს საქართველოსა და მის ხალხს. ამ ახალ ეტაპზე, საელჩო გამოხატავს სურვილს, კიდევ უფრო განმტკიცდეს მეგობრობა და თანამშრომლობა საქართველოსთან", - აღნიშნულია საელჩოს განცხადებაში.