პრეზიდენტი: საზოგადოებრივის კანონპროექტზე ვეტოს დაძლევა პლურალისტურ მედიას დააზარალებს

პეტერ ფიშერის განცხადებები კრიტიკული არ არის, ის პირდაპირ თავს ესხმის და შეურაცხყოფას აყენებს ქართულ სახელმწიფოს, ხალხის მიერ არჩეულ ხელისუფლებას, სახელმწიფო ინსტიტუტებს, – ამის შესახებ „ხალხის ძალის“ აღმასრულებელმა მდივანმა, გურამ მაჭარაშვილმა განაცხადა.მაჭარაშვილს კითხვა დაუსვეს პეტერ ფიშერის მიერ „რადიო თავისუფლებასთან“ ინტერვიუში გაკეთებულ განცხადებაზე, სადაც ფიშერი ამბობს: „საქართველოში ძალაუფლებაში ვინც არიან, მივიდნენ დასკვნამდე, რომ არ სურთ ევროკავშირში გაწევრიანება, რომ ეს არ არის მათ ინტერესში, თუმცა მათ არ შეუძლიათ, ეს უთხრან მოსახლეობას“.გურამ მაჭარაშვილის თქმით, პეტერ ფიშერი დიპლომატიური ჩარჩოდან გადის.„დიდი ხანია, ამ ჩარჩოდან გასულია, როდესაც ხელისუფლებას აკრიტიკებს, რაც მისი საქმე არ არის და ერევა პოლიტიკაში, რაც, ასევე, მის ფუნქციებში არ შედის. პეტერ ფიშერთან მაქვს კითხვა – გერმანიას როგორ ჰგონია, ვინ არის საქართველოს პრეზიდენტი? აბა, მათი საგარეო საქმეთა სამინისტროს საიტს გადახედოს. სალომე ზურაბიშვილის მიმართ ხომ არ აქვს პრეტენზიები? რამდენადაც ვიცი, გერმანიას საიტზე, როგორც პრეზიდენტი, ჰყავს ისევ ზურაბიშვილი და ვის მიმართ აქვს კითხვები? დღევანდელი პრეზიდენტის, ყაველაშვილის მიმართ აქვთ კითხვა, თუ ზურაბიშვილის მიმართ? ბატონო ელჩო, აბა, გადახედეთ, ვინ გყავთ პრეზიდენტად. ანუ, ვის მიმართ გაქვთ პრეტენზიები? თქვენი აზრით, დღეს თუ ისევ ზურაბიშვილია პრეზიდენტი, მაშინ ზურაბიშვილს მოჰკითხონ პრეტენზიები. თუ აღიარებენ, რომ დღეს ყაველაშვილია პრეზიდენტი, მაშინ მათ საიტზე ისევ ზურაბიშვილი რატომ არის? ასე ემართება ყველა იმ ადამიანს, დიპლომატს, პოლიტიკოსს, თუ არაპოლიტიკოსს, რომელიც თავის ფუნქციებს არ ასრულებს და სხვა სახელმწიფოს საქმეებში უხეშად ერევა. სამწუხაროა, მაგრამ გერმანიის ელჩი დღეს დიპლომატის ფუნქციას არ ასრულებს, ის ასრულებს რადიკალი ოპოზიციონერის ფუნქციას. როგორ შევყვეთ ახლა?“, – აღნიშნა გურამ მაჭარაშვილმა.

სომხეთი ვიდრე ოფიციალურად არ მიმართავს ევროკავშირს წევრობის შესახებ ან არ მიუახლოვდება კანდიდატის სტატუსს, რეფერენდუმის ჩატარება არალოგიკურია, რადგან ამისთვის რეალური საფუძველი არ არსებობს, – ამის შესახებ სომხეთის პრემიერ-მინისტრმა, ნიკოლ ფაშინიანმა ფეისბუქზე გავრცელებულ ვიდეომიმართვაში განაცხადა.მისი თქმით, ამ ეტაპზე მსგავსი არჩევანი მხოლოდ თეორიულია, ხოლო თეორიულ საკითხზე რეფერენდუმის ჩატარება არაგონივრული და დაუსაბუთებელია. ამიტომ, სომხეთის ხელისუფლება გააგრძელებს მშვიდ მუშაობას ევრაზიულ ეკონომიკურ კავშირში, სადაც, მისი შეფასებით, ჯერ კიდევ არსებობს გამოუყენებელი პოტენციალი.ფაშინიანმა ასევე ისაუბრა დაბალანსებული საგარეო პოლიტიკის შესახებ და ეს პროცესი კოსმოსში არსებულ გრავიტაციულ პროცესებს შეადარა.„პლანეტები და ციური სხეულები როდესაც გარკვეული გრავიტაციული ურთიერთობების საფუძველზე არსებობენ და მოქმედებენ, ხოლო ეს ურთიერთობები ირღვევა და ბალანსი იკარგება, მაშინ კატასტროფები ხდება“, – აღნიშნა ფაშინიანმა.ამასთან, ფაშინიანმა ხაზი გაუსვა, რომ დაბალანსებული საგარეო პოლიტიკა არ ნიშნავს მკვეთრ ნაბიჯებს.„როგორც ბალანსის დამყარება, ისე ბალანსის აღდგენა და ახალი ბალანსის ფორმირება უნდა მოხდეს მაქსიმალურად თანდათანობით, რათა პროცესები მართვადი იყოს და სხვა ტიპის ავარიები არ გამოიწვიოს“, – აცხადებს სომხეთის პრემიერი.ფაშინიანმა განაცხადა, რომ რუსეთთან ურთიერთობები ტრანსფორმაციის ეტაპზე იმყოფება.„ამ ტრანსფორმაციის ეტაპს პოზიტიურად ვაფასებ, რადგან ახალ პირობებში რუსეთთან ახალ ურთიერთობებს ვაყალიბებთ. დარწმუნებული ვარ, ამ საქმეში წარმატებას მივაღწევთ, მათ შორის იმიტომ, რომ ჩვენი ურთიერთობები ღია და გულწრფელია“, – განაცხადა ფაშინიანმა.ეკონომიკურ პოლიტიკაზე საუბრისას ფაშინიანმა განმარტა, რომ „დამოუკიდებლობა არის ცოტაზე დამოკიდებულების შეცვლა ბევრზე დამოკიდებულებით“. მან მაგალითად მოიყვანა, რომ ყოველდღიურად ქვეყანას წყალს თუ მხოლოდ ერთი მომწოდებელი აწვდის, ეს ადამიანია შესაძლოა, ავარიაში მოყვეს, ავად გახდეს ან საკუთარი მდგომარეობა ზეწოლის ბერკეტად გამოიყენოს და არაპროპორციული პირობები წამოაყენოს.ფაშინიანის თქმით, პარტნიორთა რაოდენობის გაზრდა რისკებს ამცირებს და სახელმწიფოს უკეთეს მოლაპარაკების შესაძლებლობას აძლევს როგორც ფასებზე, ისე მიწოდების მოცულობებზე. სწორედ ამ ლოგიკით, მისი განცხადებით, 2022 წლის შემდეგ სომხეთმა დიპლომატიური ურთიერთობები დაამყარა იმ ქვეყნებთან, რომლებთანაც ადრე ასეთი ურთიერთობები არ ჰქონდა, მათ შორის საუდის არაბეთსა და პაკისტანთან.სომხეთის პრემიერმა ასევე აღნიშნა, რომ ხელისუფლება აქტიურად მუშაობს ურთიერთობების ნორმალიზებაზე თურქეთსა და აზერბაიჯანთან, რადგან ამ მიმართულებებზე არსებული „ცარიელი სასწორის თეფშები“ დისბალანსს ქმნის. მისი თქმით, ამ ბალანსის აღდგენა არა ახირება, არამედ სახელმწიფოს ნორმალური ფუნქციონირებისთვის აუცილებელი პირობაა.

საფრანგეთის საზღვაო ძალებმა 31 მაისს ატლანტის ოკეანეში სანქცირებული რუსული ნავთობტანკერი Tagor-ი დააკავეს. ამის შესახებ საფრანგეთის პრეზიდენტი ემანუელ მაკრონი სოციალურ ქსელში წერს.როგორც მაკრონი წერს, ოპერაცია ატლანტის ოკეანეში, საერთაშორისო წყლებში, რამდენიმე პარტნიორის, მათ შორის გაერთიანებული სამეფოს მხარდაჭერით განხორციელდა.როგორც მაკრონმა აღნიშნა, ოპერაცია საზღვაო კანონმდებლობის მკაცრი დაცვით ჩატარდა.„მიუღებელია გემების მიერ საერთაშორისო სანქციების გვერდის ავლა, საზღვაო კანონმდებლობის დარღვევა და იმ ომის დაფინანსება, რომელსაც რუსეთი უკრაინის წინააღმდეგ ოთხ წელზე მეტია, აწარმოებს. გემები, რომლებიც არ იცავენ საზღვაო ნავიგაციის ყველაზე ძირითად წესებს, ასევე საფრთხეს უქმნიან გარემოს და ყველას უსაფრთხოებას“, – წერს მაკრონი. 

აშშ-ის სახელმწიფო მდივანი მარკო რუბიო ლიბანის პრეზიდენტსა და ისრაელის პრემიერ-მინისტრს ისრაელსა და ლიბანს შორის დიპლომატიური მოლაპარაკებების საკითხზე ესაუბრა.მედიის ინფორმაციით, რუბიომ ჯოზეფ აუნსა და ბენიამინ ნეთანიაჰუს აცნობა, რომ აშშ მხარეებს სთავაზობს, პირველ ეტაპზე დაჯგუფება „ჰეზბოლამ“ შეწყვიტოს ისრაელზე ყველა თავდასხმა, ხოლო სანაცვლოდ, ისრაელი ირანის მიმართულებით იერიშებისგან თავს შეიკავებს.მედიასთან საუბრისას ერთ-ერთმა ამერიკელმა მაღალჩინოსანმა განაცხადა, რომ აუნი ცდილობს ამ წინადადების მხარდაჭერას, თუმცა ლიბანის პარლამენტის თავმჯდომარემ, ნაბიჰ ბერიმ აღნიშნა, რომ, პირველ რიგში, სროლა ისრაელმა უნდა შეწყვიტოს.

აშშ-ის პრეზიდენტი დონალდ ტრამპი ამერიკულ მედიასაშუალებებს აკრიტიკებს და მათ ყალბი ამბების გავრცელებაში სდებს ბრალს.თეთრი სახლის ლიდერის თქმით, ტელეკომპანია „სიენენი“ ცრუობს, როდესაც აცხადებს, რომ ირანთან აშშ-ის შეთანხმებაში ბირთვულ იარაღზე საუბარი არ არის.„ყალბი ახალი ამბების გამავრცელებელმა „სიენენმა“ დღეს რუტინულად განაცხადა, რომ ირანთან ჩემს ბირთვულ შეთანხმებაში ბირთვულ იარაღზე არ არის საუბარი, სინამდვილეში კი ძალიან ნათლად არის ნათქვამი, რომ ირანს ბირთვული იარაღი არ ექნება. შემდეგ ის ძალიან მკაფიოდ და დეტალურად განიხილავს ბირთვული იარაღის სხვადასხვა ასპექტს. სინამდვილეში, შეთანხმების უმეტესი ნაწილი სწორედ ამაზეა. „სიენენი“ და ყალბი ამბების სხვა მედიასაშუალებები დაბალი რეიტინგის კატასტროფაა. ახალი მფლობელის პირობებშიც კი, ნაკლებად სავარაუდოა, რომ ოდესმე გამოსწორდეს!“, – წერს ის.ამასთან, დონალდ ტრამპმა „ნიუ იორკ თაიმსიც“ გააკრიტიკა. მისი თქმით, გამოცემის სტატია მკითხველის შეცდომაში შეყვანას ცდილობს და ნეგატიური კუთხით წარმოაჩენს იმას, რაც „სინამდვილეში ძალიან კარგია“. თეთრი სახლის ლიდერი აღნიშნავს, რომ მისი ადმინისტრაციიდან „რადიკალი მემარცხენეები“ არ წასულან და ისინი გაათავისუფლეს.„„ნიუ იორკ თაიმსმა“ დღეს გამოაქვეყნა სტატია, სახელწოდებით „ტრამპის ადმინისტრაცია ხედავს იურიდიული ნიჭის გასაოცარ გაქრობას“, თითქოს ეს ცუდი რამ იყოს, სინამდვილეში კი ეს ძალიან კარგია. ხალხი, ვინც მიდის, რადიკალი მემარცხენე დიფ სთეითის შეშლილები არიან, რომლებიც ანადგურებენ ჩვენს ქვეყანას და იარაღად აქცევენ მთავრობას. ბევრი მათგანი კი არ წავიდა, არამედ გაათავისუფლეს! წარუმატებელი „ნიუ იორკ თაიმსი“ ამას წერს, მაგრამ ისე ჟღერს, თითქოს ეს საშინელი რამ იყოს, სინამდვილეში კი პირიქითაა. ჩვენ გვინდა ადამიანები, რომლებიც ამერიკას კვლავ დიდს გახდიან და არა ადამიანები, რომლებიც ცდილობენ ჩვენი ქვეყნის განადგურებას, რომლებიც ობამამ და ბაიდენმა დანიშნეს და, ბევრ შემთხვევაში, ისინი თავიდანვე არ უნდა წარმოადგენდნენ აშშ-ს. დაე, ისინი მომავალში „უფრო დიდი, უკეთესი და ნათელი“ საქმეებისკენ ისწრაფვოდნენ – მე სრულად ვუჭერ მხარს ამას და ყველას წარმატებებს ვუსურვებ!“, – წერს დონალდ ტრამპი.