პარლამენტის საგარეო კომიტეტმა ტატუნაშვილთან დაკავშირებული რეზოლუცია ერთხმად მიიღო

აშშ-ის სახელმწიფო მდივანმა, მარკო რუბიომ ევროპელ მოკავშირეებს განუცხადა, რომ შეერთებული შტატებს სურს, სამშვიდობო შეთანხმება დაიდოს, ვიდრე უკრაინისთვის უსაფრთხოების რაიმე გარანტიებს დათანხმდება. ამის შესახებ ინფორმაციას „პოლიტიკო“ წყაროებზე დაყრდნობით ავრცელებს.წყაროების თქმით, ეს პირობა ამერიკულ ვერსიაში იყო ჩაწერილი, რომელიც კიევს გაეგზავნა. როგორც „პოლიტიკო“ წერს, მარკო რუბიომ ევროპელ ოფიციალურ პირებთან სატელეფონო საუბრისას განაცხადა, რომ დონალდ ტრამპი მოლაპარაკებას წარმართავს უკრაინის გრძელვადიან უსაფრთხოების გარანტიებზე.გამოცემის ინფორმაციით, დონალდ ტრამპმა ასევე განაცხადა, რომ უკრაინის პრეზიდენტ ვოლოდიმირ ზელენსკის თეთრ სახლში არ მიიწვევს, ვიდრე შეთანხმება არ გაფორმდება.ამასთან, აშშ-ის სახელმწიფო მდივანმა ევროპელ მოკავშირეებს განუცხადა, რომ უკრაინის უსაფრთხოების გარანტიები ტრამპის ადმინისტრაციისთვის პრიორიტეტია და ეს საკითხი გამოყოფილია სხვა საკითხებისგან, რომლებზეც უკვე მიღწეულია შეთანხმება.„პოლიტიკოს“ ცნობით, მარკო რუბიომ თავის ევროპელ კოლეგებს განუცხადა, რომ აშშ არ ითვლება სამართლიან შუამავლად მოლაპარაკებებში, რადგან იგი სამხედრო დახმარებას უწევს უკრაინას და სანქციებს აწესებს რუსეთის წინააღმდეგ.სახელმწიფო დეპარტამენტმა უარყო რუბიოს კომენტარების მსგავსი ინტერპრეტაცია.„სახელმწიფო მდივანმა რუბიომ, ტრამპის მთელ ადმინისტრაციასთან ერთად, მკაფიოდ აღნიშნა, რომ უსაფრთხოების გარანტიები უნდა იყოს ნებისმიერი სამშვიდობო შეთანხმების ნაწილი. ეს მან არაერთხელ განაცხადა როგორც საჯაროდ, ისე კერძოდ“, – განაცხადა სახელმწიფო დეპარტამენტის პრესსპიკერმა, ტომი პიგოტმა.

საქართველოში მიწისძვრა მოხდა. ეპიცენტრი ნინოწმინდის მუნიციპალიტეტი, სოფელი ჟდანოვია.ბიძგების სიმძლავრემ 2.0 მაგნიტუდა შეადგინა.

ქვეითთა უსაფრთხო გადაადგილების, საავტომობილო მოძრაობის მოწესრიგებისა  და განტვირთვის მიზნით დედაქალაქში საგზაო ინფრასტრუქტურის მოწყობა გრძელდება.როგორც დედაქალაქის მერმა თბილისის მუნიციპალიტეტის მთავრობის სხდომაზე აღნიშნა, ვახუშტის ხიდიდან გიორგი სააკაძის მოედნამდე არსებულ საგზაო მონაკვეთში საზოგადოებრივი ტრანსპორტისთვის განკუთვნილი ზოლი გამოიყოფა.კახა კალაძის თქმით, საავტომობილო ზოლების რაოდენობა უცვლელი დარჩება.„სამუშაოები გიორგი სააკაძის მოედნის მიმდებარე ტერიტორიაზე განხორციელდება. კერძოდ, ვახუშტის ხიდიდან გიორგი სააკაძის მოედნის მიმართულებით სავალი ნაწილიდან გამოიყოფა საზოგადოებრივი ტრანსპორტის ზოლი. ასევე, უსაფრთხო საფეხმავლო გადაადგილებისთვის მოეწყობა კუნძულები და ზებრა გადასასვლელები.  მნიშვნელოვანია, რომ სამანქანო ზოლების რაოდენობა დარჩება უცვლელი. გზის სავალი ნაწილი დაიხაზება და დამონტაჟდება საგზაო ნიშნები და შუქნიშნები. ასევე, ტერიტორიაზე გამწვანების სამუშაოები ჩატარდება“, – განაცხადა თბილისის მერმა.მისივე თქმით, სამუშაოები 28 ნოემბრის 00:00 საათიდან დაიწყება და, დაახლოებით, ორი კვირის ვადაში დასრულდება.„პროექტს ინფრასტრუქტურის განვითარების საქალაქო სამსახური, ტრანსპორტისა და ურბანული განვითარების სააგენტო და გარემოს დაცვის საქალაქო სამსახური ერთობლივად განახორციელებენ. ეს საკმაოდ დატვირთული მონაკვეთია, უამრავი ავტომანქანა და საზოგადოებრივი ტრანსპორტი გადაადგილდება დღის განმავლობაში. შესაბამისად, საავტომობილო მოძრაობის ინტენსივობიდან გამომდინარე, დაგეგმილი სამუშაოები მხოლოდ ღამის საათებში ჩატარდება, რომ გადაადგილება არ შეიზღუდოს“, –  აღნიშნა კახა კალაძემ.

დღეს შიდა „ბაზრისა და მომხმარებელთა დაცვის“ კომიტეტმა მესამე ქვეყნებიდან განხორციელებული დაინტერესებული საქმიანობის გამჭვირვალობის ანგარიშთან დაკავშირებით ახალი მოთხოვნების შექმნის ანგარიში 34 ხმით მიიღო. დირექტივა მიმართულია უცხოური ლობირების მზარდი ხასიათისა და დემოკრატიულ პროცესებზე შესაძლო უცხოური ჩარევებისკენ.წესები ვრცელდება ისეთ საქმიანობებზე, რომლებიც მიზნად ისახავს ევროკავშირის პოლიტიკის, კანონმდებლობის ან გადაწყვეტილების მიღების პროცესზე გავლენის მოხდენას.აღნიშნული შეიძლება მოიცავდეს შეხვედრებისა და კონფერენციების ორგანიზებას ან მათში მონაწილეობას, კონსულტაციებსა და მოსმენებში ჩართვას, საკომუნიკაციო კამპანიებს (მათ შორის სოციალურ ქსელებში ინფლუენსერების გამოყენებით), მარეგულირებელი დოკუმენტების მომზადებას, შესწორებების შეთავაზებას და კვლევებს.ახალი დირექტივა აწესებს სავალდებულო ეროვნული რეესტრების შექმნის ვალდებულებას, რომლებიც შეიქმნება და იმუშავებს დამოუკიდებელი ეროვნული ორგანოების მიერ, რათა უზრუნველყონ ინფორმაციის სიზუსტე. კომიტეტის წევრები მოითხოვენ, რომ ეს რეესტრები იყოს დაკავშირებული ცენტრალიზებულ პორტალთან და აღნიშნავენ, რომ რეესტრში რეგისტრაცია არ უნდა იწვევდეს მათ მიმართ უნდობლობას.„ჩვენ ეს დირექტივა არ მიგვიღია მხოლოდ სიმბოლური მიზნით, არამედ მივიღეთ იმიტომ, რომ ამას საზოგადოება ითხოვდა. მათ სურთ იცოდნენ, ვისი სიტყვა და ვისი ფული აყალიბებს ჩვენს კანონებს. ევროპელთა 81% შეშფოთებულია მესამე ქვეყნებიდან მომდინარე ფულის საფუძველზე მიღებული გადაწყვეტილებებით. სწორედ ეს დირექტივა პასუხობს მათ შეშფოთებას. დირექტივა არ ადგენს ლობისტების ბრალს, მხოლოდ ინფორმაციის გამჟღავნებას ემსახურება. მას მხარი დაუჭირეს სხვადასხვა პოლიტიკური ჯგუფის წარმომადგენლებმა, რაც მიუთითებს, რომ გავითვალისწინეთ ტექნიკური, იდეოლოგიური და გაუთვალისწინებელი საკითხები. ამით შევქმენით გამჭვირვალობის მინიმალური სტანდარტები ჩვენი დემოკრატიის დასაცავად, რომელსაც ყველა მოქალაქე იმსახურებს“, - განაცხადა მთავარმა მომხსენებელმა, EPP-ს წარმომადგენელმა რუმინეთიდან ადინა ვალეანმა.ანგარიში მიიღეს 35 ხმით 4-ის წინააღმდეგ, ხოლო 8-მ თავი შეიკავა.დოკუმენტო საბოლოოდ, სტრასბურგში 24-27 ნოემბერს გამართულ პლენარულ სხდომაზე განიხილება და კენჭი ეყრება.შეგახსენებთ, რომ ევროპარლამენტის შიდა ბაზრისა და მომხმარებელთა დაცვის კომიტეტმა ოქტომბერში გამჭვირვალობის ახალ მოთხოვნებთან დაკავშირებით გამოხატა პოზიცია, რომელიც მიზნად ისახავდა ევროკავშირში უცხოური ზრდადი ჩარევის პრობლემის მოგვარებას. ახალი წესები ითვალისწინებდა სავალდებულო ეროვნული რეესტრების შექმნას მესამე ქვეყნების მიერ განხორციელებული ანაზღაურებადი ლობირების (ინტერესების წარმომადგენლობის) აქტივობებისა და მათი დაფინანსების დეტალური აღწერისთვის, რაც გაზრდის საზოგადოებრივ ნდობასა და გამჭვირვალობას გადაწყვეტილების მიღების პროცესში.ამავდროულად, ევროპარლამენტარებმა შემოიღეს მკაცრი დაცვის მექანიზმები, რათა თავიდან იქნას აცილებული რეგისტრირებული სუბიექტების, მათ შორის სამოქალაქო საზოგადოების ორგანიზაციების, ნეგატიური ეტიკეტირება ("უცხოელი აგენტების" მსგავსად) და წესები არ გავრცელდება საბაზისო დაფინანსებაზე, რომელიც ლობირებასთან არ არის კავშირში. პროექტის პლენარულ სხდომაზე განხილვის შემდეგ დაიწყება ინტერინსტიტუციური მოლაპარაკებები.

პარლამენტმა პირველი მოსმენით მიიღო საკანონმდებლო პაკეტი, რომელიც ანტიკორუფციული ბიუროსა და პერსონალურ მონაცემთა დაცვის სამსახურის გაუქმებას ეხება. ცვლილების მიხედვით, ამ ორი უწყების ფუნქციები და უფლებამოსილებები აუდიტის სამსახურს გადაეცემა. სიახლე ძალაში მომავალი წლის პირველი მარტიდან შევა."ევროსაბჭოს მოთხოვნა იყო, რომ ეს სტრუქტურები ყოფილიყო დამოუკიდებელი. ამ სტრუქტურებმა იმუშავა, თავის როლი შეასრულა. დამოუკიდებლობის უმაღლესი ხარისხი, ყველა არსებულ ფორმატთან შედარებით, აქვს აუდიტის სამსახურს. ასე რომ, ეს საქმიანობა გაგრძელდება, ეს სამსახურები იმუშავებს აუდიტის სამსახურის შემადგენლობაში," - აცხადებს საქართველოს პარლამენტის თავმჯდომარის პირველი მოადგილე გია ვოლსკი.