პარლამენტის საგარეო კომიტეტმა ტატუნაშვილთან დაკავშირებული რეზოლუცია ერთხმად მიიღო

საქართველოს სახალხო დამცველმა, საქართველოს პარლამენტის თავმჯდომარეს, პატიმარ მშობლებთან შვილების კომუნიკაციის უზრუნველყოფის თაობაზე საკანონმდებლო წინადადებით მიმართა. ინფორმაციას სახალხო დამცველის აპარატი ავრცელებს.მათივე ცნობით, კანონმდებლობა განსაზღვრავს, მართლმსაჯულების ინტერესებიდან გამომდინარე, გამომძიებლის/პროკურორის მიერ ბრალდებულისთვის გარე სამყაროსთან კომუნიკაციის (პაემანის, სატელეფონო საუბრის და მიმოწერის) შეზღუდვის შესაძლებლობას. როგორც სახალხო დამცველის აპარატის მიერ გავრცელებულ განცხადებაშია ნათქვამი, პრობლემას წარმოადგენს შეზღუდვის ავტომატურად ბრალდებულის არასრულწლოვან შვილებზე გავრცელება, რადგან არ არსებობს სპეციალური წესი, რომელიც ხსენებულ საკითხს დაარეგულირებს.„სახალხო დამცველს აუცილებლად მიაჩნია, პატიმრობაში მყოფი მშობლების ბავშვების ოჯახური ცხოვრების პატივისცემის უფლება არ შეიზღუდოს ბლანკეტურად, ლეგიტიმური მიზნის მისაღწევად აუცილებელზე მეტი ინტენსივობითა და ხანგრძლივობით. კანონმდებლობაში უნდა განისაზღვროს ბავშვის უფლებებისა და საუკეთესო ინტერესების დაცვის გარანტიები, ყოველი ინდივიდუალური საქმის გარემოებების შეფასების შედეგად.სახალხო დამცველი, შესაბამის საერთაშორისო სტანდარტებზე მითითებით, მიზანშეწონილად მიიჩნევს - საკანონმდებლო ცვლილებების განხორციელების შედეგად, განისაზღვროს კონკრეტული წესი, რომლის თანახმად, საგამოძიებო ორგანოს დაევალება, განიხილოს ბრალდებულისთვის გარესამყაროსთან კომუნიკაციის უფლების შეზღუდვის შესახებ გადაწყვეტილების მიღებისას, ბავშვის საუკეთესო ინტერესების გათვალისწინებით, ბრალდების სპეციფიკისა და საქმის ინდივიდუალური გარემოებებიდან გამომდინარე, ბრალდებულისთვის დაწესებული შეზღუდვის მის არასრულწლოვან შვილზე გაუვრცელებლობის შესაძლებლობის საკითხი,“ - აღნიშნულია ინფორმაციაში.

უნგრეთის პრემიერ-მინისტრი ვიქტორ ორბანი აცხადებს, რომ უკრაინის მხრიდან მისი ოჯახის წევრების მიმართ მუქარები მოდის.„უკრაინელები უკვე ემუქრებიან ჩემს ოჯახს, შვილებსა და შვილიშვილებს. ყველა კარგადაა, მაგრამ ყველაფერს აქვს თავისი ზღვარი“, – წერს ორბანი სოციალურ ქსელში.როგორც ვიქტორ ორბანის პოლიტიკურმა მრჩეველმა, ბალაჟ ორბანმა განმარტა, უკრაინის უშიშროების სამსახურის ყოფილი გენერალ-ლეიტენანტი უნგრეთის პრემიერ-მინისტრსა და მის ოჯახს პირდაპირ დაემუქრა და უთხრა, რომ უკრაინულმა „სასიკვდილო რაზმმა“ მათზე ყველაფერი იცის.„საკმარისია, უკრაინავ! კიდევ ერთი სკანდალური მუქარა ვიქტორ ორბანის მისამართით. დროა, უკრაინამ გაიგოს, მუქარა და დაშინება უნგრეთის წინააღმდეგ არ იმუშავებს“, – აღნიშნა ბალაჟ ორბანმა.

ირანის პრეზიდენტი მასუდ ფეზეშქიანი აცხადებს, რომ ომის დასრულების ერთადერთი გზა „ირანის ლეგიტიმური უფლებების“ აღიარებაა.ამასთან, ფეზეშქიანმა ომის დაწყებაზე პასუხისმგებლობა „სიონისტურ რეჟიმსა“ და აშშ-ს დააკისრა.„რუსეთისა და პაკისტანის ლიდერებთან საუბრისას, მე კიდევ ერთხელ დავადასტურე ირანის ერთგულება რეგიონში მშვიდობის მიმართ. ამ ომის დასრულების ერთადერთი გზა, რომელიც სიონისტური რეჟიმისა და აშშ-ის მიერ არის გაჩაღებული, არის ირანის კანონიერი უფლებების აღიარება, რეპარაციების გადახდა და მომავალი აგრესიის წინააღმდეგ მტკიცე საერთაშორისო გარანტიები“, – წერს ირანის პრეზიდენტი სოციალურ ქსელში.

ცნოსბიეუთო-ს საპარლამენტო ასამბლეა ერთადერთია, რომელმაც ორი მარტივი ჭეშმარიტება თქვა, რომ სახელმწიფო ინსტიტუტებზე ძალადობა დაუშვებელია და ბოიკოტი არ არის პოლიტიკური პროცესის ჩამნაცვლებელი, – ამის შესახებ პარლამენტის თავმჯდომარემ, შალვა პაპუაშვილმა საქართველოს პირველი არხის გადაცემაში „დღის თემა“ განაცხადა.პაპუაშვილის თქმით, ეს ორი ჭეშმარიტება ევროკავშირის ვერც ერთმა წარმომადგენელმა ვერ წარმოთქვა.„მადლობა გვეთქმის ეუთო-ს საპარლამენტო დელეგაციისთვის. მათ დაასახელეს ორი უმნიშვნელოვანესი საკითხი. პირველი – განცხადება, რომ სახელმწიფო ინსტიტუტებზე ძალადობა დაუშვებელია. ეუთო-ს საპარლამენტო ასამბლეა ჯერჯერობით ერთადერთია, რომელმაც ეს მარტივი ჭეშმარიტება თქვა. მეორე – ბოიკოტი არ არის პოლიტიკური პროცესის ჩამნაცვლებელი. ეს კიდევ ერთი მარტივი ჭეშმარიტებაა, რომელსაც აქამდე მხოლოდ ეუთო-ს საპარლამენტო ასამბლეამ თქვა. ეს მარტივი თეზისები შეხვედრებზე რამდენჯერმე გაიმეორეს და კიდევ უფრო მეტიც ითქვა. ეს ორი უმარტივესი ჭეშმარიტება ვერ ვათქმევინეთ ევროკავშირის ვერც ერთ წარმომადგენელს.ქალბატონმა კოსმა სასწაული რაღაცები ილაპარაკა. საერთოდ არ აქვს წარმოდგენა, რომელ ქვეყანაზე საუბრობს. ორი მარტივი ჭეშმარიტება ვერ წამოვაცდევინეთ ​ევროკავშირს, მის ელჩს, რომ ძალადობით დამხობა დაუშვებელია და ბოიკოტი არ შეიძლება. რატომ არ ამბობს ამას ევროკავშირის ელჩი? ევროკავშირი? ბრიუსელი? როგორც კი იტყვიან, იმავე მომენტში გამოაცლიან რადიკალურ ოპოზიციას იმ საკვებს, რომელიც თავად მათ მისცეს. გამოაცლიან მათ მიერ პარლამენტის საქმიანობის ბოიკოტის და მანდატების გადაყრის გამართლებას, გამოაცლიან პრეზიდენტის სასახლეზე ძალადობას, რაც მთავარია, მომავალი ძალადობის მათეულ ლეგიტიმაციას. ამიტომაც არ ამბობენ, რომ მომავალ ძალადობას გზას უხსნის ბრიუსელი, ისინი, ვინც არ გმობენ დღევანდელ ძალადობას. ეს არის სამწუხარო რეალობა, რაც ევროკავშირთან დაკავშირებით დღეს უნდა ვთქვათ“, – განაცხადა შალვა პაპუაშვილმა.ცნობისთვის, ეუთო-ს საპარლამენტო ასამბლეა საქართველოში ვიზიტთან დაკავშირებით განცხადება გაავრცელა. განცხადებაში ნათქვამია, რომ „სახელმწიფო ინსტიტუტებზე ძალადობა მიუღებელია, ცვლილებები უნდა მოხდეს საარჩევნო ყუთების მეშვეობით და არა ძალადობით, რაც მათი დამხობისკენაა მიმართული“.

ნავთობის კრიზისი: არის თუ არა მსოფლიო უკეთეს მდგომარეობაში, ვიდრე 1973 წელს იყო? ირანზე ისრაელ-აშშ-ის პირველი თავდასხმებიდან ათი დღის შემდეგ, ნავთობის ფასები ოდნავ დასტაბილურდა. არადა, სამხედრო ოპერაციის პირველ დღეებში, მან ბარელზე 100 დოლარს გადააჭარბა. მიუხედავად იმისა, რომ სპარსეთის ყურეში მიმდინარე ომის გამო ფასების ხელახალი მკვეთრი ზრდის რისკი კვლავ არსებობს, ვითარება 1973 წლის ნავთობის შოკისგან მაინც ძალიან განსხვავდება. სააგენტო „ფრანს პრესი“ განმარტავს, თუ რაში მდგომარეობს ეს განსხვავება. ბლოკადა ემბარგოს წინააღმდეგ ამჟამინდელი კრიზისის მექანიზმი 1973 წლის დროინდელი მოვლენებისგან რადიკალურად განსხვავდება. მაშინ შოკს პოლიტიკური შეფერილობა ჰქონდა - იომ-ქიფურის ომის დროს, ნავთობის ექსპორტიორი ქვეყნების ორგანიზაციის (ოპეკი) წევრი არაბული ქვეყნების ემბარგო პრო-ისრაელური დასავლური სახელმწიფოების წინააღმდეგ იყო მიმართული. 2026 წლის შოკი კი უფრო ლოჯისტიკურია და განპირობებულია ირანის მიერ ჰორმუზის სრუტის სამხედრო ბლოკადით, რომელიც საკვანძო სატრანზიტო წერტილია - ეს სრუტე გლობალური ნავთობპროდუქტების დაახლოებით 20-მა პროცენტმა უნდა გაიაროს. დღეს ნავთობის მწარმოებლები რესურსის მიწოდებაზე კი არ ამბობენ უარს, არამედ მათი პროდუქცია ფიზიკურადაა დაბლოკილი. „საუდის არაბეთს, ერაყს, არაბთა გაერთიანებულ საამიროებსა და ქუვეითს აქვთ შესაძლებლობა, ბაზრის სტაბილიზაციისთვის მიწოდება გაზარდონ, მაგრამ მათ ხელს უშლის ის ფაქტი, რომ ყველა მათგანი ჰორმუზზეა დამოკიდებული“, - განუცხადა სააგენტო „ფრანს პრესს“ ფრანგული ანალიტიკური ცენტრის, IRIS-ის ენერგეტიკის ექსპერტმა, ფრანსის პერენმა.ეს შეფერხება ახლო აღმოსავლეთში მოპოვებული ნედლი ნავთობის ექსპორტის ალტერნატიული მარშრუტების ნაკლებობის შედეგია. ენერგეტიკის სფეროს კვლევითი და საკონსულტაციო კომპანია Rystad Energy-ს ანალიტიკოსი, ჟორჟე ლეონი ამბობს, რომ სპარსეთის ყურის ამ გიგანტებმა, ადგილობრივი საცავების სიმძლავრის ნაკლებობის გამო, ნავთობის წარმოების შემცირება უკვე დაიწყეს. „მიმდინარე კრიზისი შესაძლოა დიდ ენერგეტიკულ კრიზისად იქცეს, თუ ის დროში გახანგრძლივდა“, - განუცხადა მან „ფრანს პრესს“. ექსპერტების აზრით, სწორედ ეს ბუნებრივი განსხვავება - მიზანმიმართული დიპლომატიური განხეთქილების ნაცვლად, ფიზიკური ბარიერის არსებობა - პრაქტიკულად შეუძლებელს ხდის ფასების ისეთ მკვეთრ ნახტომს, როგორიც 1973 წელს მოხდა, როდესაც სამ თვეში ფასები ოთხჯერ გაიზარდა. საარჩევნო წნეხი აშშ-ში ირანის მუქარა, რომ სანამ ომი გრძელდება, აშშ-ისა და ისრაელის მოკავშირეებისთვის ახლო აღმოსავლეთიდან ნავთობის ექსპორტს დაბლოკავს, ენერგომატარებლებზე მაღალი ფასების შენარჩუნებას ისახავს მიზნად, რაც ნოემბრის შუალედური არჩევნების წინ ამერიკის შეერთებულ შტატებზე ზეწოლას ზრდის. პრეზიდენტ დონალდ ტრამპს ნებისმიერ ფასად შეეცდება, თავიდან აიცილოს ნავთობის ფასების ხანგრძლივი ზრდა, რაც, შესაძლოა, ამ არჩევნებში მისი აქილევსის ქუსლი გახდეს. ორშაბათს, ტრამპმა ფასების ზრდა იმის მტკიცების ხარჯზე შეაჩერა, რომ ომი შესაძლოა მოსალოდნელზე ადრე დასრულდეს. მას შემდეგ, რაც ინდოეთს რუსული ნავთობის დროებით იმპორტის ნება მისცა, მან ასევე განაცხადა, რომ რუსეთის წინააღმდეგ დაწესებულ ზოგიერთ სანქციას გააუქმებს. სტრატეგიული მარაგები ნავთობის პირველი დიდი შოკისგან განსხვავებით, რისთვისაც დასავლეთის ქვეყნები მოუმზადებლები აღმოჩნდნენ, ეკონომიკური თანამშრომლობისა და განვითარების ორგანიზაციის (OECD) წევრებს ახლა უკვე შეუძლიათ უზარმაზარ სტრატეგიულ მარაგებს დაეყრდნონ, რომლებიც სამი თვის იმპორტის ეკვივალენტურია. ამ უსაფრთხოების ქსელს მართავს ენერგეტიკის საერთაშორისო სააგენტო (IEA) - ინსტიტუტი, რომელიც 1973 წლის კრიზისის შემდეგ სწორედ მსგავსი საგანგებო სიტუაციების დარეგულირებისთვის შეიქმნა. ირანული ბლოკადის კომპენსირების მიზნით, აგრეთვე ფასებით სპეკულაციის შესაჩერებლად და მიწოდების დეფიციტის შესავსებად, IEA-მ, შესაძლოა, მალე ბაზარზე ამ მარაგების ნაწილი გამოიტანოს. „ეს არის დამცავი სარქველი, რომელიც ეფექტურია მხოლოდ იმ შემთხვევაში, თუ კონფლიქტი ძალიან დიდხანს არ გაგრძელდება“, - გვაფრთხილებს პერენი. „მწვანე ენერგიაზე“ გადასვლის შიში ძალთა ბალანსიც რადიკალურად შეიცვალა. მაშინ, როცა 1973 წელს ოპეკმა ქაოსით ისარგებლა და ნავთობზე რეკორდული ფასები დააწესა, დღეს ექსპორტიორი ქვეყნები შიშობენ, რომ ფასების ახალი ისტორიული მაქსიმუმი, შესაძლოა, „მწვანე ენერგიაზე“ გადასვლის ყველაზე ძლიერ არგუმენტად იქცეს. გამოწვევა მით უფრო რთულია, რადგან ნავთობზე დამოკიდებულება მსოფლიოში კვლავ გადაუჭრელ პრობლემად რჩება. „ჩვენ ჯერ კიდევ გვიჭირს ნავთობის, როგორც მეფის, ჩანაცვლება“, - განაცხადა პერენმა და გაიხსენა ამ პროდუქტის შეუცვლელი როლი ტრანსპორტის სფეროსა და ნავთობქიმიაში. მიუხედავად იმისა, რომ გლობალურ ენერგეტიკულ მიქსში ნედლი ნავთობის წილი შემცირდა, საერთო მოხმარება მაინც რეკორდულ მაჩვენებლებს აღწევს.„თუ კონფლიქტი კიდევ რამდენიმე კვირას გაგრძელდება, ადვილად შეიძლება, ფასები 140 დოლარამდე გაიზარდოს, რაც გლობალურ ეკონომიკას შეასუსტებს“, - ვარაუდობს ჟორჟე ლეონი.