ოპოზიცია: ალავიძე პოსტიდან კორუფციული გარიგებების გამო გადააყენეს

ეუთო/ოდირის განცხადებით, საქართველოში მიღებული ახალი კანონმდებლობა, "რომელიც ზღუდავს სამოქალაქო უფლებებს, პოლიტიკურ უფლებებსა და გამოხატვის თავისუფლებას, სერიოზულ შეშფოთებას იწვევს".როგორც ეუთო-ს ადამიანის უფლებათა ოფისის (ODIHR) განცხადებაშია ნათქვამი, „საქართველოში მიმდინარე საპროტესტო აქციებისა და დემოკრატიული და ადამიანის უფლებების გარემოს მდგომარეობის გაუარესების ფონზე, ოდირი ღრმა შეშფოთებას გამოთქვამს 4 მარტს მიღებული ახალი საკანონმდებლო ცვლილებების გამო, რომლებიც შეზღუდვებს უწესებს სამოქალაქო საზოგადოების ორგანიზაციებსა და უცხოური დაფინანსების სხვა მიმღებებს, უკრძალავს მათ პოლიტიკურ პარტიებში გაწევრიანებასა და საჯარო თანამდებობების დაკავების მიზნით კენჭისყრას, კიდევ უფრო ზღუდავს სამოქალაქო საზოგადოებისთვის საერთაშორისო ფინანსურ დახმარებას და კანონსაწინააღმდეგოდ აცხადებს იმ აქტივობებს, რომლებიც ხელისუფლების „დელეგიტიმაციად“ მიიჩნევა“.ოდირის განცხადებით, „ახალ კანონმდებლობას უარყოფითი გავლენა ექნება გამოხატვისა და გაერთიანების თავისუფლებების უფლებებზე და მკვეთრად შეზღუდავს პოლიტიკურ და საზოგადოებრივ საქმიანობას. კანონის ფართო მოქმედების მასშტაბმა შესაძლოა გავლენა იქონიოს არა მხოლოდ დამოუკიდებელ სამოქალაქო საზოგადოების ორგანიზაციებსა და ადამიანის უფლებათა დამცველებზე, არამედ ექსპერტებზე, კონსულტანტებსა და მომსახურების მიმწოდებლებზეც“.„მკაცრი სისხლისსამართლებრივი სასჯელები, ისევე როგორც ფართოდ და ბუნდოვნად განსაზღვრული ტერმინები, როგორიცაა „მასობრივი დაუმორჩილებლობა“ ან „ექსტრემიზმი“, რომლებიც შესაძლოა სისხლის სამართლებრივი დევნის საფუძველი გახდეს, არ შეესაბამება კანონის უზენაესობის სტანდარტებს სამართლებრივი განსაზღვრულობის შესახებ და თვითნებურად აღსრულების რისკებს ქმნის. ნებისმიერი სახის უცხოური დაფინანსების კანონსაწინააღმდეგოდ გამოცხადება მთავრობის წინასწარი ნებართვის გარეშე, რაც ექვს წლამდე თავისუფლების აღკვეთას ითვალისწინებს, არაპროპორციულ ზომას წარმოადგენს, რომელიც ძირს გამოუთხრის მთავრობის მიმართ კრიტიკულად განწყობილი სამოქალაქო საზოგადოების ორგანიზაციების მუშაობას“, - ნათქვამია განცხადებაში.

გაერო-ს გენერალურმა მდივანმა, ანტონიუ გუტერეშმა ახლო აღმოსავლეთში მიმდინარე კონფლიქტში მონაწილე მხარეებს მოუწოდა, დაუყოვნებლივ შეწყვიტონ საბრძოლო მოქმედებები და სერიოზული დიპლომატიური მოლაპარაკებები დაიწყონ.„ახლო აღმოსავლეთში და მის ფარგლებს გარეთ განხორციელებული ყველა უკანონო შეტევა უზარმაზარ ტანჯვასა და ზიანს აყენებს სამოქალაქო მოსახლეობას და სერიოზულ საფრთხეს უქმნის გლობალურ ეკონომიკას“, – აღნიშნა გუტერეშმა.გაერო-ს გენერალური მდივნის განცხადებით, სიტუაცია შეიძლება, კონტროლს აღარ დაექვემდებაროს. გუტერეშის თქმით, ახლა დროა, მხარეები დიპლომატიას დაუბრუნდნენ, რადგან საფრთხე უკიდურესად მაღალია.

დიდი ბრიტანეთის თავდაცვის სამინისტრომ განაცხადა, რომ ახლო აღმოსავლეთში ბრიტანული სამხედრო კონტიგენტი იზრდება.სამინისტროს განმარტებით, რეგიონში ბრიტანეთის ინტერესების დაცვის მიზნით, კატარში კიდევ ოთხი Typhoon -ის ტიპის გამანადგურებელი ჩავა.ამასთან, დღეს კვიპროსზე ავიამზიდით Wildcat-ის ტიპის ორი ბრიტანული ვერტმფრენი ჩავიდა, რომლებსაც უპილოტო საფრენ აპარატებთან საბრძოლო შესაძლებლობები აქვთ.ბრიტანეთის პრემიერ-მინისტრ კირ სტარმერის განცხადებით, ბრიტანეთი კვიპროსში, საკუთარ სამხედრო ბაზაზე ხომალდ HMS Dragon-ს გაგზავნის.

ირანის ჯანდაცვის სამინისტროს წარმომადგენელი ჰოსეინ კერმანპური აცხადებს, რომ ირანის მიმართულებით თავდასხმების შედეგად დაღუპულთა შორის 200 არასრულწლოვანია.მისივე თქმით, 2 000-ზე მეტი დაჭრილი ამჟამად საავადმყოფოშია, მათ შორის 552 არასრულწლოვანი.სამინისტროში ასევე განმარტეს, რომ თავდასხმების შედეგად რვა სამედიცინო პერსონალი დაიღუპა, 30 კი დაიჭრა. მათივე ცნობით, რაკეტებმა დააზიანა 11 საავადმყოფო.

ისრაელის თავდაცვის ძალებში აცხადებენ, რომ ირანიდან ისრაელის მიმართულებით გაშვებული რაკეტები დააფიქსირეს.„თავდაცვითი სისტემები საფრთხის აღსაკვეთად მოქმედებენ“, – აღნიშნულია განცხადებაში.ისრაელის თავდაცვის ძალებმა მოსახლეობას მოუწოდეს, დაუყოვნებლივ შეეფარონ თავი სპეციალურ თავშესაფრებს და დარჩნენ იქ შემდგომ განკარგულებამდე.