ნიკოლოზ სამხარაძე აშშ-ში არჩევნებზე: უბნებზე აპარატები ისე იყო განლაგებული, ნებისმიერს შეეძლო დაენახა ვის აძლევდა ხმას სხვა ამომრჩეველი – ეს პრობლემად არ აღიქმება

ამ წერილში ბევრი დეტალი არაგულწრფელია, თუმცა ერთი მნიშვნელოვანი რამ მაინც ითქვა: ელენემ დაადასტურა, რომ გილაური აქტიურად იყო ჩართული კოალიცია „ახლების“ საარჩევნო კამპანიაში, როგორც არაფორმალური ლიდერი, თუმცა, არაფერს ამბობს ფინანსურ საკითხებზე. მათ შორის უარყოფს ვერსიას, რომ გილაური შუალედურ პრემიერ-მინისტრობის კანდიდატად განიხილებოდა, – ამის შესახებ „ნაციონალური მოძრაობის“ წევრი ანა წითლიძე ელენე ხოშტარიას პოსტთან დაკავშირებით სოციალურ ქსელში წერს.როგორც წითლიძე აღნიშნავს, ელენე ხოშტარიას ეს წერილი ერთდროულად ჰგავს თავის მართლებასაც და გილაურის წინაშე ვალდებულების მოხდასაც.„ელენე გილაურის პროტესტიდან გაქრობას იმით ამართლებს, რომ „არანაირი ვალდებულება არ ჰქონდა“.მაშინ ჩნდება ლოგიკური კითხვა: თუ გილაურს არ ჰქონდა ვალდებულება, პროტესტში ჩართულ რიგით მოქალაქეებს რატომ უნდა ჰქონდეთ? ან საერთოდ, ვის აქვს ასეთი ვალდებულება დაბადებიდან თანდაყოლილი?ჩემი აზრით, ამგვარ გამართლებას ერთი მიზანი აქვს: კოალიციის ლიდერები გილაურის წინაშე დავალებულები არიან არა მხოლოდ იმიტომ, რომ ის მათ საარჩევნო კამპანიას აფინანსებდა, არამედ იმიტომაც, რომ, გავრცელებული ინფორმაციით, მათ პირად ხარჯებსაც ფარავდა — მათ შორის, პირადი ავტომობილების სახით.ბოლოს მაინც ყველაფერი გაცხადდება“, – წერს ანა წითლიძე.ცნობისთვის, პატიმრობაში მყოფი, „კოალიცია ცვლილებისთვის“ ერთ-ერთი ლიდერი ელენე ხოშტარია „ფეისბუქზე“ გავრცელებულ პოსტში აღნიშნავს: „არცერთ ეტაპზე არ არსებობდა ურთიერთობა, სადაც ნიკა გილაური რაიმე სახის წინაპირობებს, დავალებებს ან მითითებებს გასცემდა. თანამშრომლობის არცერთ ეტაპზე გილაურისგან წინაპირობა პრემიერობის კანდიდატობა არ ყოფილა. მისი პრინციპული და ჩვენგან სრულად გაზიარებული პოზიცია იყო საერთო პრემიერობის კანდიდატი, მათ შორის საუბარი იყო სალომე ზურაბიშვილზეც, როგორც ერთ-ერთ შესაძლო კანდიდატზე“. ამასთან, ელენე ხოშტარიას პოსტში ნათქვამია, რომ მას „მადლობის გარდა, არაფერი ეთქმის ნიკა გილაურისთვის ბიძინა ივანიშვილის წინააღმდეგ გაწეული ბრძოლისთვის“.შეგახსენებთ, საქართველოს ყოფილმა პრეზიდენტმა, მიხეილ სააკაშვილმა „ტვ პირველთან“ წერილობით ინტერვიუში პოლიტიკურ პროცესებში გილაურების შემოყვანას „ძალიან მძიმე შეცდომა“ უწოდა. ამასთან, სააკაშვილმა აღნიშნა, რომ „ძმები გილაურები საბანკო დანაშაულებრივი სინდიკატის კლასიკური წარმომადგენლები არიან და მალე მოვა დრო, როცა ბანკების მესვეურები დიქტატურასთან ერთად გასამართლდებიან“.

ირანის საგარეო საქმეთა მინისტრი აბას არაღჩი აცხადებს, რომ ნებისმიერი მუქარა ირანელი ხალხისა და ლიდერების წინააღმდეგ, მყისიერ პასუხს მიიღებს.„ისლამაბადის ურთიერთგაგების მემორანდუმი სრულიად ცხადი და საჯაროა ყველასთვის. აშშ-ს პრეზიდენტმა ვალდებულება აიღო, ალიკაპი გაუკეთოს თავის შინაურ ცხოველებს თელ ავივში. ისინი თუ უგულებელყოფენ პატრონს, მაშინ ირანი მათ გაწვრთნის. ნებისმიერი მუქარა ჩვენი ხალხისა და ლიდერების წინააღმდეგ, მყისიერ ძლიერ პასუხს მიიღებს“, – წერს არაღჩი ისრაელის თავდაცვის მინისტრ, ისრაელ კაცის განცხადების საპასუხოდ.ცნობისთვის, ისრაელის თავდაცვის მინისტრს  ჟურნალისტმა კითხვა დაუსვა, ირანის ახალ სულიერ ლიდერთან დაკავშირებით.  ისრაელ კაცმა თქვა, რომ ის „მონიშნულია სიკვდილისთვის“ და რომ ვიდრე თეირანი ცდილობს ვაშინგტონთან მოლაპარაკებებში „დათმობები მოიპოვოს“ , ისრაელი „არ დაუშვებს, ირანმა ბირთვული იარაღი განავითაროს“.

უკრაინის პრეზიდენტი ვოლოდიმირ ზელენსკი ირლანდიაში ჩავიდა. ინფორმაციას თავად ზელენსკი სოციალურ ქსელში ავრცელებს.ზელენსკის ინფორმაციით, ირლანდიაში ქვეყნის მიერ ევროკავშირის საბჭოს თავმჯდომარეობის ოფიციალურად დაწყების ცერემონიაში მონაწილეობის მისაღებად ჩავიდა. ვიზიტის დროს ის შეხვდება ირლანდიის პრემიერს მაიკლ მარტინს და ევროპული საბჭოს პრეზიდენტს ანტონიო კოშტას.„უკრაინა ყოველდღე ამტკიცებს, რომ იმსახურებს იყოს ჩვენი საერთო ევროპული სახლის თანასწორი ნაწილი. ვიმედოვნებთ, რომ ევროკავშირის საბჭოში ირლანდიის თავმჯდომარეობის დროს შევძლებთ ხელშესახები პროგრესის მიღწევას გაწევრიანების გზაზე და მოლაპარაკების ყველა კლასტერის გახსნას“, - წერს ზელენსკი.

მიმდინარე წლის ბოლო ერთი თვის მონაცემებით, საბაჟო გამშვებ პუნქტებზე ,,სარფი“ და ,,ქუთაისის აეროპორტი“ კანონდარღვევის 5 ფაქტი აღიკვეთა.მებაჟე ოფიცრების მიერ, საქართველოსა და უცხო ქვეყნის მოქალაქეების, როგორც ფიზიკური, ასევე კუთვნილი ბარგის დეტალური დათვალიერების შედეგად, არადეკლარირებული ოქროს (საერთო წონა - 316 გრამი) საიუველირო ნაკეთობები გამოვლინდა. არადეკლარირებული საქონლის საერთო საბაჟო ღირებულებამ 86 922 ლარი შეადგინა.ოთხი კანონდამრღვევი მოქალაქის მიმართ, საქმის მასალები შემდგომი რეაგირების მიზნით, ფინანსთა სამინისტროს საგამოძიებო სამსახურს გადაეგზავნა ხოლო, ერთი კანონდამრღვევი მოქალაქე საბაჟო კოდექსის 168-ე მუხლის პირველი ნაწილის შესაბამისად სანქციის სახით, 7120 ლარით დაჯარიმდა.

საქართველოს ტექნიკურ უნივერსიტეტში ცნობილმა იაპონელმა მეცნიერმა, იაპონიის მაღალი ენერგიის ამაჩქარებლის კვლევების ორგანიზაციაში (KEK - the High Energy Accelerator Research Organization) და იაპონიის პროტონის ამაჩქარებლის კვლევების კომპლექსში (J-PARC - Japan Proton Accelerator Research Complex) მიმდინარე მსოფლიოს ერთ-ერთი უმსხვილესი COMET ექსპერიმენტის მენეჯერმა, იაპონიის განათლების, მეცნიერების, კულტურისა და სპორტის სამინისტროს მრჩეველმა, პროფესორმა სატოში მიჰარამ საჯარო ლექცია - „KEK-ისა და J-PARC-ის გაცნობა: ნაწილაკების ფიზიკისა და ამაჩქარებლის ტექნოლოგიების განვითარების მოწინავე მიმართულებები იაპონიაში“ (Introduction to KEK and J-PARC: Frontiers of Particle Physics and Accelerator Development in Japan) გამართა.ინფორმაციას საქართველოს ტექნიკური უნივერსიტეტი ავრცელებს.სტუ-ის ცნობით, საჯარო ლექციის დაწყებამდე პროფესორ სატოში მიჰარას საქართველოს ტექნიკური უნივერსიტეტის რექტორი, აკადემიკოსი დავით გურგენიძე შეხვდა და მასთან ერთად COMET კოლაბორაციასა და ექსპერიმენტში უნივერსიტეტისა და მისი მეცნიერთა ჯგუფის მონაწილეობასთან დაკავშირებული მნიშვნელოვანი საკითხები განიხილა.საჯარო ლექციის ფარგლებში უნივერსიტეტის სტუდენტებსა და სამეცნიერო-აკადემიურ წრეებს იაპონელი მეცნიერი სტუ-ის ვიცე-რექტორმა, პროფესორმა თამარ ლომინაძემ წარუდგინა და აღნიშნა, რომ საქართველოს ტექნიკური უნივერსიტეტისთვის განსაკუთრებული მნიშვნელობა ენიჭება მსოფლიოს წამყვან სამეცნიერო ცენტრებთან თანამშრომლობას, რაც სტუდენტებს, ახალგაზრდა მკვლევრებს, პედაგოგებსა და მეცნიერებს უახლეს კვლევით მიღწევებთან წვდომის შესაძლებლობას უქმნის.როგორც ვიცე-რექტორმა განაცხადა, იაპონიაში, წყნარი ოკეანის სანაპიროზე განთავსებულ მსოფლიოს ერთ-ერთ უმსხვილეს კვლევით ცენტრებში - KEK-ის ცუკუბა კამპუსსა და J-PARC-ში მიმდინარე უმნიშვნელოვანეს COMET ექსპერიმენტში იაპონელ და სხვადასხვა ქვეყნის მკვლევრებთან ერთად საქართველოს ტექნიკური უნივერსიტეტის მეცნიერთა და ინჟინერთა ჯგუფებიც აქტიურად არიან ჩართულნი. თამარ ლომინაძის თქმით, უნივერსიტეტის საინჟინრო და კვლევითი პოტენციალის აღიარება მრავალმხრივ უწყობს ხელს საერთაშორისო სამეცნიერო სივრცეში მის ინტეგრაციას და ახალ კვლევით კოლაბორაციებში მონაწილეობას.ვიცე-რექტორმა ხაზგასმით აღნიშნა, რომ პროფესორ სატოში მიჰარას მრავალწლიანი მხარდაჭერა მნიშვნელოვან როლს ასრულებს იაპონიის წამყვან კვლევით ცენტრებსა და საქართველოს ტექნიკურ უნივერსიტეტს შორის თანამშრომლობის გაღრმავებაში, რაც ქართველ მეცნიერებსა და სტუდენტებს უნიკალურ შესაძლებლობას უქმნის ეფექტიანად ჩაერთონ თანამედროვე ფუნდამენტურ კვლევებში.საჯარო ლექციის ფარგლებში COMET ექსპერიმენტის მენეჯერმა, პროფესორმა სატოში მიჰარამ აუდიტორიას გააცნო იაპონიის ორი უმსხვილესი სამეცნიერო-კვლევითი ცენტრის – KEK-ისა და J-PARC-ის ისტორია, საქმიანობის ძირითადი მიმართულებები და მათი განსაკუთრებული როლი თანამედროვე ფუნდამენტური მეცნიერების, კერძოდ კი ნაწილაკების ფიზიკის განვითარებაში.მომხსენებელმა ისაუბრა მაღალი ენერგიების ამაჩქარებლების შექმნისა და განვითარების თანამედროვე ტექნოლოგიებსა და იმ უნიკალურ კვლევით ინფრასტრუქტურაზე, რომელიც მეცნიერებს, მათ შორის საქართველოს ტექნიკური უნივერსიტეტის მკვლევართა ჯგუფს საშუალებას აძლევს შეისწავლონ მატერიის ფუნდამენტური თვისებები, ელემენტარული ნაწილაკები და სამყაროს ფიზიკური კანონზომიერებები.ლექციის მნიშვნელოვანი ნაწილი დაეთმო COMET ექსპერიმენტს, რომელიც მსოფლიოში ერთ-ერთი ყველაზე მასშტაბური და მაღალტექნოლოგიური კვლევითი პროექტია. პროფესორმა მიჰარამ აუდიტორიას გააცნო აღნიშნული ექსპერიმენტის სამეცნიერო მიზნები, მისი უნიკალურობა ახალი ფიზიკის ძიებათა თვალსაზრისით და ის უახლესი კვლევები და ტექნოლოგიური გადაწყვეტილებები, რომლებიც ექსპერიმენტის განხორციელების პროცესში საერთაშორისო სამეცნიერო თანამშრომლობით მიიღწევა.სტუ-ის ინფორმაციით, საჯარო ლექციის დასასრულ, პროფესორმა სატოში მიჰარამ აუდიტორიის შეკითხვებს უპასუხა და ახალგაზრდებს კვლევითი გამოცდილება გაუზიარა.