“მძულს 21 იანვარი… ნეტა სად წახვედი, ადამიანო“ – ინგა გრიგოლია ემოციურ მიმართვას ავრცელებს

საქართველოსთან მიმართებით ევროკავშირი ერთადერთია, რომელიც არაფერს აკეთებს და ეს სირცხვილია, – ამის შესახებ ევროპარლამენტის წევრმა საფრანგეთიდან, ნატალი ლუაზომ ევროპარლამენტში, საქართველოს საკითხზე დებატებისას განაცხადა. მისი თქმით, არჩევნები მოპარულია, არც ახალი პრეზიდენტი, არც მთავრობა, არც პარლამენტი არ არიან ლეგიტიმური საქართველოში. „ჯერ კიდევ ველოდები თქვენგან, რომ ამას ცხადად იტყვით მაშინ, როდესაც ჩვენმა პარლამენტმა უკვე გააკეთა ეს, ბატონო ევროკომისარო. ხალხი 55 დღის მანძილზე გამოდის, მათ წინააღმდეგ რეპრესიებია, სასტიკი თავდასხმები, თვითნებური დაკავებები, ძალადობა და საბჭომ ვერ შეძლო სერიოზული სანქციების დაწესება. ინდივიდუალურად, სახელმწიფოებმა მიიღეს ზომები, მაგრამ ჩვენ – არა. და ზომები, რომლებიც მიღებულია, უაზროა.  ქართველები, რომლებიც ქუჩებში ევროპული დროშებით გამოხატავენ პროტესტს, ევროპის სჯერათ და ისინი ნამდვილად იმსახურებენ ჩვენს მხარდაჭერას. ის, რაც საქართველოში ხდება, სერიოზულია არა მხოლოდ საქართველოსთვის, არამედ კავკასიისთვის, შავი ზღვის უსაფრთხოებისა და ჩვენთვის. ანგარიშია პუტინი – 1, ევროპა – 0. თამაში ჯერ არ დასრულებულა, მოდით, ყველაფერი ვქნათ, რომ არ წავაგოთ“, – განაცხადა ნატალი ლუაზომ.

ელჩებთან შეხვედრაზე გიული ალასანია რომ იჯდეს „მთავარი არხის“ ჟურნალისტის მაგივრად, ის ელჩს ვერ ეტყვის, რომ ჩემი შვილი ციხეშია და მე მიუკერძოებელი ვარ, იმიტომ ვაფინანსებ „მთავარ არხს“, რომ ლამაზი, მრავალფეროვანი სამყარო ანახოს ქართველ მაყურებელს, - განაცხადა „რადიო თავისუფლებასთან“ პოდკასტში ტელეკომპანია „იმედის“ მფლობელმა, ბიზნესმენმა ირაკლი რუხაძემ. „მე თვითონ დავდივარ შეხვედრები როცა არის ელჩებთან, სადამკვირვებლო მისიებთან. რაღაც მომენტში აღმოვაჩინე, რომ თურმე იწვევენ მარტო ოპოზიციურ მედიასო, პირველად ასეთ შეხვედრაზე შემთხვევით მოვხვდი. ვიღაცამ მითხრა ჩეხეთის საელჩოში ელჩები მედიას ხვდებიანო, ვიკითხე ჩვენთან და მოწვეულები არ ვართო, გვერდით არის ჩემს ოფისთან, გადავედი და ვუთხარი, რომ „იმედის“ წარმომადგენელი ვიყავი და ვკითხე, რატომ არ დამიძახეს. რომ შევედი, 8 ტელევიზია ჰყავდათ მიწვეული და ძალიან შეცბნენ. ამის მერე მპატიჟებენ, მაგრამ ახლა რომ მივიდე, ისევ იგივე სიტუაცია იქნება. ზუსტად ვიცი, ვიჯდები მე მარტო, იქ არ იქნება „პოსტივი“, არ იქნება „რუსთავი2“, არ იქნება „საზოგადოებრივი მაუწყებელი“, იჯდება 8 ტელევიზია, საიდანაც 4 სახელი გაგონილი არ მექნება. .„ჩაიხანა ტვ“ გვეჯდა გვერდით, რომელიც ლაპარაკობდა ქართული მედიის სახელით, ელჩებს ანახებენ, რომ ვითომ ეს არის მედია. მერე ეს რვავე ტელევიზია უყვება, რომ თურმე რა საშინელებაა, როგორ ეშინიათ, რომ ჩვენთან როგორ არის მედია დაჩაგრული, რომ ჩვენთან თითქოს სიტყვის თავისუფლება არ არის, უყვებიან ზღაპრებს. ამიტომ მე დავდივარ და ვეუბნები, რომ რატომ მოგყავთ ეს ბავშვები, მოიყვანეთ გიორგი თარგამაძე, მფლობელები, მაშინ ასე ვერ ილაპარაკებდნენ. გიული ალასანია რომ იჯდეს „მთავარი არხის“ ჟურნალისტის მაგივრად, ის ელჩს ვერ ეტყვის, რომ ჩემი შვილი ციხეშია და მე მიუკერძოებელი ვარ, იმიტომ ვაფინანსებ „მთავარ არხს“, რომ ლამაზი, მრავალფეროვანი სამყარო ანახოს ქართველ მაყურებელს. ნიკა გვარამია, რომელიც ერთ-ერთი მთავარი აქტორია პოლიტიკური პარტიის, არ დაუჯერებენ მას, რომ ჩემთვის სულ ერთია „ოცნებას“ ვანახებ თუ ჩემს პარტიას კარგად. მერე იქეთ იჯდებოდა კეზერაშვილი, რომელსაც საერთოდ რად უნდა ტელევიზია. ამიტომ დავდივარ მე, რომ მე მოვყვები, რაში მინდა ტელევიზია“, - აღნიშნა ირაკლი რუხაძემ.

ჩემთვის „ნაციონალური მოძრაობა“ ორივე პარტიაა, რომელიც გამოვიდა იქიდან და ჯამში 20% აიღო, მაგრამ ყველა ის პარტია, რომელიც მათ გვერდით დგას არის ჩემთვის იგივე „ნაციონალური მოძრაობა“, - განაცხადა „რადიო თავისუფლებასთან“ პოდკასტში ტელეკომპანია „იმედის“ მფლობელმა, ბიზნესმენმა ირაკლი რუხაძემ. რუხაძის თქმით, მისთვის „გირჩი" და იაგო ხვიჩია „ნაციონალური მოძრაობა" არ არის. „ჩემთვის მამუკა ხაზარაძეც არ იქნებოდა , მე და მამუკა პარტნიორები ვართ ბორჯომიდან, ბადრი ძალიან მიყვარს და ჩემი ახლობელია ჯაფარიძე. არც მამუკა და არც ბადრი შეიძლება არ ყოფილიყვნენ „ნაციონალური მოძრაობა“ ჩემთვის, მაგრამ გახდნენ იმიტომ, რომ ჯერ გვერდზე დაუდგნენ, მე მგონი უზარმაზარი პოლიტიკური შეცდომა დაუშვეს. არ ვიცი, მე არ ვარ პოლიტიკოსი და ჩემგან მაინცდამაინც არ ესწავლებათ ეს, მაგრამ მე მგონი საერთოდ არ უნდა წასულიყვნენ იქეთ და ის ნიშა, რომელიც ახლაც არსებობს, უნდა დაეკავებინათ - არც „ნაციონალური მოძრაობა“ და არც „ქართული ოცნება“. გავარდნენ პირველივე დღეს და დასხდნენ იქ, მაგრამ ეგ არ იყო მთავარი. მთავარი იყო, როცა რაღაც მომენტიდან და ეს კაი ხანია უკვე, თითქმის წელზე მეტია „ლელო“ ამბობს, რომ მე არ შევკრავ კოალიციას „ოცნებასთან“, ის არ ამბობდა, რომ მე შევკრავ კოალიციას „ნაციონალურ მოძრაობასთან“, მაგრამ მე მათემატიკა ძალიან კარგად ვიცი, ყოველ შემთხვევაში არითმეტიკა, ასამდე თვლა და როდესაც ადამიანი, ჯგუფი ამბობს, რომ მე არ შევკრავ კოალიციას „ოცნებასთან“ - ეს ნიშნავს, რომ მე მხოლოდ შევკრავ კოალიციას „ნაციონალურ მოძრაობასთან“ და ეს ნიშნავს, რომ მე მინდა, რომ მათ წააგონ ერთად, როგორც ჯგუფმა“, - განაცხადა რუხაძემ.

ქართველებს სურთ ქრისტიანული ღირებულებები, „ვოუქი“ იდეოლოგიის ნაცვლად, სუვერენიტეტი დასავლეთთან კავშირების ნაცვლად, მშვიდობა ომის ნაცვლად, არ სურთ პოლიტიკური ჩარევა არც მოსკოვიდან, არც ბრიუსელიდან და არც ვაშინგტონიდან, ეს გასაგებია, – ამის შესახებ ევროპარლამენტარმა, ტომაშ ფროელიხმა ევროპარლამენტში საქართველოს საკითხზე დებატებისას განაცხადა. მისი თქმით, არ არის საჭირო ქედმაღალი ლექციები და ესკალაციური ჩარევები, საჭიროა თბილისთან კარგი დიპლომატიური ურთიერთობები. „ევროკავშირი მუდამ ჩივის უცხოური ჩარევის შესახებ, მაშინ, როდესაც უკვე თვეებია, ერევა საქართველოს საქმეებში, ემუქრება მას სანქციებით და მხარს უჭერს გადატრიალებას თბილისში, რომელიც გვახსენებს მაიდანს უკრაინაში – დემონსტრაციები, უცხოეთიდან დაფინანსებული არასამთავრობოები, ამ ყველაფრის შედეგი ცნობილია და ის კარგი არ არის. ევროკავშირი ამას აკეთებს, რადგან საქართველოში გაიმარჯვეს იმ პოლიტიკურმა ძალებმა, რომლებიც ბრიუსელის დღის წესრიგს არ იზიარებენ. ქართველებს სურთ ქრისტიანული ღირებულებები, „ვოუქი“ იდეოლოგიის ნაცვლად, სურთ სუვერენიტეტი დასავლეთთან კავშირების ნაცვლად, სურთ მშვიდობა ომის ნაცვლად. მათ არ სურთ პოლიტიკური ჩარევა არც მოსკოვიდან, არც ბრიუსელიდან და არც ვაშინგტონიდან, ეს გასაგებია. ჩვენ არ გვჭირდება მიხაელ როთი გერმანიის „სოციალ-დემოკრატიული პარტიიდან“ თბილისის ქუჩებში. ჩვენს ინტერესებშია, პატივი ვცეთ ქართველი ხალხის ნებას, არ არის საჭირო ქედმაღალი ლექციები და ესკალაციური ჩარევები, ამის ნაცვლად გვჭირდება კარგი დიპლომატიური ურთიერთობები თბილისთან. საქართველო არ უნდა გახდეს მეორე უკრაინა“, – განაცხადა ევროპარლამენტარმა.

საქართველოს სურს ევროპა, მაგრამ ისეთი ევროპა, რომელიც მათ არჩევანს პატივს სცემს. საქართველო ბრიუსელის კოლონია არ გახდება, – ამის შესახებ ევროპარლამენტარმა, ტიერი მარიანმა ევროპარლამენტში, საქართველოს საკითხზე დებატებისას განაცხადა. მისი თქმით, ქართველი ხალხის გადაწყვეტილებებში ჩარევას ბრიუსელი აძლიერებს. „ბრიუსელმა მეტი უნდა გააკეთოს – ეს ბუნდესტაგის საგარეო ურთიერთობათა კომიტეტის თავმჯდომარემ თქვა. მაგრამ რატომ უნდა მოვახდინოთ გავლენა სუვერენული ხალხის დემოკრატიულ გადაწყვეტილებაზე? ჩვენ ერებს შორის ურთიერთპატივისცემა გვჭირდება. ჩვენ არ გვსურს ევროკავშირის ჩარევის ნახვა. საქართველოში ძალაუფლება ხალხს აქვს. 20 დეკემბერს გამოქვეყნდა დასკვნა საქართველოს შესახებ, სადაც ნათქვამია, რომ უცხოური ჩარევა არ ყოფილა. ქართველი ხალხის გადაწყვეტილებებში ჩარევას ბრიუსელი აძლიერებს. მაგალითად, იქ ბევრი პოლიციელი დაშავდა. ევროკავშირი ქაოსის მონაწილეა. ეს თავისუფალი ქვეყანაა. საქართველოს სურს ევროპა, მაგრამ ისეთი ევროპა, რომელიც მათ არჩევანს პატივს სცემს. საქართველო ბრიუსელის კოლონია არ გახდება“,- აღნიშნა ტიერი მარიანმა.