მიხეილ სააკაშვილს შინაპატიმრობის ვადა ამოიწურა

„ნაცმოძრაობას“ და მის დანაწევრებულ პარტიებს  არანაირი სცენარი და გეგმა არ გააჩნიათ, ამას თავადაც ამბობენ, – ამის შესახებ პარტია „ხალხის ძალის“ აღმასრულებელმა მდივანმა, გურამ მაჭარაშვილმა განაცხადა.მისივე თქმით, საქართველოს მოქალაქეები თუ მიიღებენ ხელისუფლების ჩანაცვლების გადაწყვეტილებას, სათავეში ეროვნული ძალები მოვლენ და არა „ნაციონალური მოძრაობა“.„ბოკუჩავას მორწმუნეობაზე ვერაფერს გეტყვით, მისი პარტიის წევრები ეკლესიის მიმართ როგორი ზიზღით გამოირჩევიან, გადახედონ თავიანთ ისტორიას. ახლა ბოკუჩავამ მორწმუნეები როგორ უნდა მოატყუოს. მილიონზე მეტი ადამიანი, რომელიც სამების საკათედრო ტაძართან იდგა მზეში და წვიმაში ახლა ბოკუჩავას სიტყვებით მოტყუვდება?! ამ ჭკუის რომ არიან ზუსტად, იმიტომ აქვთ ეს პრობლემები და ბოლომდე ექნებათ. თქვენ თუ გულისხმობთ „ნაცმოძრაობას“ და მის დანაწევრებულ პარტიებს, მათ არანაირი სცენარი და გეგმა არ გააჩნიათ, ამას თავადაც ამბობენ. ვერც რევოლუციას აწყობენ და ვერც არჩევნებში იმარჯვებენ, რადგან ორივე შემთხვევაში საზოგადოების მხარდაჭერა სჭირდება. თავად აღიარებენ, რომ ეს ხალხი დგას იმ ნარატივზე, რომელიც ქართული საზოგადოებისთვის მიუღებელია, მიუხედავად პოლიტიკური მხარდაჭერისა“, – განაცხადა მაჭარაშვილმა.როგორც გურამ მაჭარაშვილმა აღნიშნა, „ნაციონალური მოძრაობა“ და უნგრეთის საპარლამენტო არჩევნებში გამარჯვებული პარტია ერთმანეთისგან პრინციპულად განსხვავდება, ამიტომ შედარება არ შეიძლება.„უნგრეთის მაგალითი აქ მოსატანიც არაა. საერთოდ, ბატონი მადიარის პოლიტიკური მრწამსი 2-3 წლის წინ ერთი-ერთში იყო ის, რაც ჰქონდა ორბანს და ახლაც ასე დარჩა. უბრალოდ იქ იყო პოლიტიკური დაპირისპირება და უნგრულმა საზოგადოებამ ისევ კონსერვატორული ძალა აირჩია, ოღონდ უფრო სხვა მიმართულებით. ეს არის და ეს. უნგრელ საზოგადოებას არ აურჩევია ის ძალა, რომელიც გამოვიდოდა და იტყოდა, გაუმარჯოს ლგბტ მიმართულებას, გეი აღლუმებს მოვაწყობთ უნგრეთში, რუსეთს დავუპირისპირდებით და ა.შ. ვნახეთ მადიარის განცხადებები. მადიარი რუსეთთან დაკავშირებით მოლაპარაკებებზე საუბრობს, ასევე, კონსერვატორულ მიმართულებაზე, საქართველოსთან დაკავშირებით მეგობრობაზე საუბრობს და ა.შ. ასე რომ, ჩერგოლეიშვილი იქნება თუ სხვა, სიზმრებში რას ნახულობენ, ვერ გეტყვით. „ნაცმოძრაობა“ დღე და ღამესავით განსხვავდება მადიარის პარტიისგან, გამომდინარე მათი პრინციპული მიდგომებიდან. „ქართულ ოცნებას“ თუ მოუწევს, და ბუნებრივად ოდესმე მოუწევს, ჩანაცვლება, აუცილებლად ჩანაცვლდება ისევ ეროვნული ძალებით. როგორც უნგრეთის, ისე საქართველოს საზოგადოებამ შეიძლება მიიღოს გადაწყვეტილება, რომ ჩაანაცვლოს ხელისუფლება, თუმცა გარწმუნებთ, ეს არც ერთ შემთხვევაში არ იქნება არც „ნაცმოძრაობა“ და არც მათი პარტიები. ესენი იქნებიან ეროვნული ძალები“, – განაცხადა მაჭარაშვილმა.ცნობისთვის,  „ნაციონალური მოძრაობის“ თავმჯდომარემ, თინა ბოკუჩავამ განაცხადა: „სამწუხაროდ, ჩვენ ერთობლივი მესიჯის პრობლემაც გვაქვს, არ ვცდილობთ, მოქალაქეებს ვაჩვენოთ, რომ არ ვართ უღმერთოები და ურწმუნოები, არ ვცდილობთ, ამ მოედანზე შევიდეთ“.

საერთაშორისო სავალუტო ფონდის მიერ აღინიშნა ის წარმატებული ეკონომიკური პოლიტიკა და მისი შედეგები, რომლებსაც ქვეყანამ მიაღწია ბოლო წლების განმავლობაში, – აღნიშნა ფინანსთა მინისტრმა, ლაშა ხუციშვილმა საერთაშორისო სავალუტო ფონდის (IMF) მმართველი დირექტორის მოადგილესთან, ბო ლისთან გამართული შეხვედრის შემდეგ.მისი თქმით, საუბარი შეეხო საერთაშორისო სავალუტო ფონდსა და საქართველოს თანამშრომლობის საკითხებს, მიმდინარე და სამომავლო პროექტებს.„საერთაშორისო სავალუტო ფონდი აქტიურადაა ჩართული ეკონომიკური რეფორმების განხორციელების კუთხით. ის მოიცავს მრავალ მიმართულებას, მათ შორის, ერთ-ერთი ყველზე მნიშვნელოვანია სახელმწიფო საწარმოების რეფორმა, სადაც ჩვენ და ფონდს  შეჯერებული გვაქვს პოზიციები რეფორმის ყველა ასპექტთან მიმართებით. საუბარი გვქონდა გეოპოლიტიკური სიტუაციიდან გამომდინარე არსებულ გამოწვევებზე როგორც რეგიონისთვის, ისე საქართველოსთვის. ცალსახად აღინიშნა, რომ ის ბუფერები და ეკონომიკური პარამეტრები, რომლებიც აქვს საქართველოს, ქვეყანას აყენებს უნიკალურ მდგომარეობაში, გამომდინარე იქიდან, რომ თავისუფლადაა შესაძლებელი ყველა იმ რისკების გადაზღვევა, რომელიც შესაძლებელია, წარმოიქმნას არსებული გეოპოლიტიკური ვითარებიდან გამომდინარე და შესაძლებელია, ეფექტი ჰქონდეს ეკონომიკურ განვითარებაზე როგორც რეგიონში, ისე მსოფლიოში“, – განაცხადა ფინანსთა მინისტრმა, ლაშა ხუციშვილმა.როგორც მან აღნიშნა, საერთაშორისო სავალუტო ფონდი რჩება საქართველოს რეფორმების მხარდამჭერად და მასთან გაგრძელდება აქტიური თანამშრომლობა.ინფორმაციას საქართველოს ფინანსთა სამინისტროს პრესსამსახური ავრცელებს.

აშშ-ის პრეზიდენტმა, დონალდ ტრამპმა ნატო გააკრიტიკა და აღნიშნა, რომ ისინი არასდროს იყვნენ აშშ-ის გვერდით და არც მომავალში იქნებიან.„ნატო ჩვენ გვერდით არ იყო და არც მომავალში იქნება!“ – წერს აშშ-ის პრეზიდენტი დონალდ ტრამპი სოციალურ ქსელში.

პეტერ მადიარმა გააკეთა ის, რაც, სამწუხაროდ, ჩვენ დღემდე ვერ შევძელით, უნგრელ ხალხს დაანახა, რომ სინამდვილეში ის კი არ იყო ანტიქრისტე და ურწმუნო, ტრადიციულ ღირებულელბებთან მებრძოლი, არამედ, პირიქით, ორბანი, – ამის შესახებ „ნაციონალური მოძრაობის“ თავმჯდომარემ თინა ბოკუჩავამ განაცხადა.ბოკუჩავას თქმით, „ქართული ოცნება“ საუბრობს, თითქოს იცავს ენას, მამულს, სარწმუნოებას, სინამდვილეში კი იშლება ჩვენი ეროვნული იდენტობა ყველა თვალსაზრისით.თინა ბოკუჩავას შეფასებით, ოპოზიციაში, შესაძლოა, არის ერთობლივი მესიჯის პრობლემა, ოპოზიცია არ ცდილობს, შევიდეს ამ მოედანზე და საქართველოს მოქალაქეებს აჩვენოს, რომ არ არიან უღმერთოები და ურწმუნოები.„მადიარმა ძალიან სწორი კამპანია და პოზიციონირება აირჩია. ის ძალიან ხშირად დადიოდა, მაგალითად, უნგრულ, ეროვნულ სამოსში. პრაქტიკულად მუდმივად, ყველა გამოსვლაზე, მათ შორის საპროტესტო აქციებზე, და არა მხოლოდ, კლიპებში, აბსოლუტურად ყველგან ფიგურირებდა დროშით. რისი თქმა მინდა, იცით? ჩვენ ამაზე ხშირად ვსაუბრობთ ხოლმე, მაგრამ საკმარისად არ ვაკეთებთ. ეს ეროვნული თემები და ეროვნული ღირებულებითი იდენტობა თითქოსდა რაღაცნაირად მიიტაცა რუსულმა ოცნებამ, რაც მართლა წარმოუდგენელია. ამას ცდილობდა ორბანი, ოღონდ მადიარმა გააკეთა ის, რაც ჩვენ დღემდე, სამწუხაროდ, ვერ შევძელით – და, ჩემი აზრით, გაცილებით მეტი ინვესტიცია უნდა მოვახდინოთ ამაში – მან უნგრელ ხალხს დაანახა, რომ სინამდვილეში ის კი არ იყო ანტიქრისტე და ურწმუნო, ტრადიციულ ღირებულელებთან მებრძოლი, არამედ, პირიქით, ორბანი, რომლის ერთ-ერთი ყველაზე დიდი სკანდალი იყო ბავშვებზე, არასრულწლოვნებზე ძალადობის სკანდალი. ამან შეიწირა, მათ შორის, მისი ყოფილი მეუღლე, რომელიც იუსტიციის მინისტრი იყო მანამდე. ანუ, საკუთარ მეუღლესაც კი საჯაროდ დაუპირისპირდა და გზავნილი იყო უნგრელებისთვის, რომ ამაზეც კი მზად არის ეს ადამიანი. უკომპრომისობას ავლენდა, მათ შორის ამ მოედანზე, რომლის მონოპოლიზებაც მანამდე შეძლო ორბანმა და იმავეს აკეთებს რუსული ოცნება. გამოვიდა კობახიძე და სრული პარაზიტირება, თითქოს  ისინი იცავენ ენას, მამულს და სარწმუნოებას. ოღონდ აქ არიან წარმოუდგენლად ფარისევლები, აბსოლუტურად ყველგან, რასაც არ უნდა გავყვეთ. მართლა იშლება ჩვენი ეროვნული იდენტობა, ყველა თვალსაზრისით, ენა, მამული, სარწმუნოების თვალსაზრისითაც, მათ შორის, და უმეტესწილად, რაც საუკუნეების მანძილზე ჩვენთვის ყველაზე წმინდა ღირებულებები იყო, რისთვისაც ამდენი თაობა იბრძოდა. სამწუხაროდ, მე ვფიქრობ, აქაც რაღაცნაირად ერთობლივი მესიჯის პრობლემაც შეიძლება არის ხოლმე, რომ ჩვენ არ ვცდილობთ, ამ მოედანზე შევიდეთ, რომ საქართველოს მოქალაქეებს ვაჩვენოთ, არა, მე არ ვარ უღმერთო და ურწმუნო, ნამდვილად, ეკლესიაშიც დავდივარ, აღსარებასაც ამბობ, მამაოც შეიძლება გყავდეს, კონკრეტული ეკლესიის მრევლიც იყო და არანაირად არ უნდა მისცე საშუალება მართლა უღმერთო, ყოველგვარი სულიერებისგან და ღმერთისგან დაცლილ, ჩემი აზრით, კერპთაყვანისმცელობისკენ მიდრეკილ ივანიშვილს, რომელიც ხეებში, ქვებში და ათასგვარ ურჯულობაში პოულობს შვებას, მოახდინოს ისეთი რაღაცების მონოპოლიზება, რაც ჩვენთვის მართლა ძვირფასია. შეიძლება, ძალიან პირადია და ჩვენ ამის აფიშირება არ გვინდა, მაგრამ მაშინ, როდესაც ასეთ მონსტრს ებრძვი და ის ცდილობს, ასეთი თემების მანიპულირებით, ამაზე პარაზიტირებით გაიძლიეროს, გაიმაგროს ხელისუფლება, რათა შემდეგ დაიმონოს მთელი ქვეყანა, შენც გიწევს, ახლა თუ პოლიტიკოსი ხარ და საჯარო სივრცეში გიწევს ოპერირება, კი, ჩვენც უნდა შევიდეთ, ოღონდ სიმართლე ვთქვათ მათგან განსხვავებით“, – განაცხადა თინა ბოკუჩავამ.

საკითხის ყველა სირთულე მომდევნო ექვს საათში ვერ გადაწყდება, მაგრამ ჩვენ შეგვიძლია, შევქმნათ ჩარჩო, სადაც შეიძლება, რაღაც ძალიან პოზიტიური მოხდეს, – ამის შესახებ აშშ-ის სახელმწიფო მდივანმა, მარკო რუბიომ ისრაელ-ლიბანის მოლაპარაკებების დაწყებისას განაცხადა.რუბიო იმედოვნებს, რომ ისრაელსა და ლიბანს შორის დაწყებული პირდაპირი მოლაპარაკებები ძალიან პოზიტიურ შედეგს გამოიღებს.„ამ საკითხის ყველა სირთულე მომდევნო ექვს საათში ვერ გადაწყდება, მაგრამ ჩვენ შეგვიძლია, დავიწყოთ წინსვლა და შევქმნათ ისეთი ჩარჩო, სადაც შეიძლება რაღაც მოხდეს – რაღაც ძალიან პოზიტიური, ძალიან მუდმივი, რათა ლიბანის ხალხს ჰქონდეს ის მომავალი, რომელსაც იმსახურებს და ისრაელის ხალხმა შეძლოს შიშის გარეშე ცხოვრება. ეს არის პროცესი და არა ერთდღიანი მოვლენა. ეს ბევრად მეტია, ვიდრე მხოლოდ ერთი დღე“, – აღნიშნა რუბიომ.ამასთან, ლიბანის პრეზიდენტმა, ჯოზეფ აუნმა, რომელიც მოლაპარაკებებში უშუალოდ არ მონაწილეობს, გამოთქვა იმედი, რომ ვაშინგტონში ისრაელსა და ლიბანის ელჩებს შორის შეხვედრები ლიბანის ტანჯვის „დასრულების დასაწყისი“ გახდება.მისივე თქმით, სამხრეთ ლიბანში, სტაბილურობა არ დაბრუნდება, თუ ისრაელი „ოკუპაციას გააგრძელებს“.ცნობისთვის, ვაშინგტონში ისრაელსა და ლიბანს შორის პირდაპირი მოლაპარაკებები მიმდინარეობს.