მთელი ისრაელის მასშტაბით საჰაერო განგაშის ხმა ისმის – ირანმა მორიგი სარაკეტო თავდასხმა დაიწყო

2019 წელს ვიყავი სახელმწიფო უსაფრთხოების სამსახურის უფროსის მოადგილე. ჩორჩანას საგუშაგოსთან დაკავშირებით მსჯელობა როდესაც მიმდინარეობდა, ასე თუ ისე, ვიცოდი ჩორჩანას საგუშაგოს ირგვლივ განვითარებული მოვლენების შესახებ. ეს იყო პროკურატურაში ჩემი დაბარების მიზეზი და მიზანი, – ამის შესახებ საქართველოს პარლამენტის თავდაცვისა და უშიშროების კომიტეტის თავმჯდომარემ, პარლამენტის დროებითი საგამოძიებო კომისიის წევრმა, ალექსანდრე ტაბატაძემ პროკურატურიდან გამოსვლის შემდეგ ჟურნალისტებს განუცხადა.ალექსანდრე ტაბატაძის თქმით, ზოგადად, სახელმწიფო უსაფრთხოების სამსახური განსაზღვრავს უსაფრთხოების პოლიტიკას როგორც საოკუპაციო ხაზზე, ისე ოკუპირებულ ტერიტორიებსა და მის მიმდებარე ტერიტორიაზე.„აქედან გამომდინარე, მათ აქვთ ძალიან ბევრი ფორმატი. იცით, როდესაც ხდება ადამიანების მოტაცება, მათ ურთიერთობა აქვთ ევროკავშირის სადამკვირვებლო მისიასთან, ისინი მონაწილეობას იღებენ ჟენევის დისკუსიების საერთაშორისო ფორმატში, სადაც მუდმივად ახსენებენ ანგარიშს საოკუპაციო ხაზზე მიმდინარე პროცესებთან დაკავშირებით. ასევე, რომელი დეპარტამენტიც განსაზღვრავს საოკუპაციო მიმართულებაზე არსებულ მდგომარეობას, ის უზრუნველყოფილია სხვა დანაყოფების მხრიდან შესაბამისი ინფორმაციებით. ამიტომ, თავიდან ბოლომდე უსაფრთხოების პოლიტიკის განმსაზღვრელი არის სუს-ი. რა თქმა უნდა, ამავდროულად, არის შსს, რომელსაც საოკუპაციო ხაზზე განლაგებული ჰყავს გდდ-ს თანამშრომლები, რომლებიც ახორციელებენ როგორც მოძრავი სახით პატრულირებას, ასევე საგუშაგოებს. მანამდეც მოხდა ასეთი შეთანხმება. რა თქმა უნდა, იქაც იყო წინააღმდეგობები, ამას არ ეთანხმებოდა სეპარატისტული ხელისუფლება, არ ეთანხმებოდა რუსეთის მხარე, მაგრამ ჩვენ შევძელით, რადგან ადამიანების უსაფრთხოების თვალსაზრისით, როგორც ქართული მხარის, ისე ოსური, სიმშვიდის შენარჩუნებისთვის იყო აუცილებელი. ჩორჩანაზეც რომ ყოფილიყო კოორდინაცია ყველა ამ სამსახურთან, ვფიქრობ, გარკვეული ეტაპის განხორციელების შემდეგ, ჩვენს მიზანს მივაღწევდით. ეს გადაწყვეტილება შეთანხმებული არ იყო, მოხდა ნაუცბათევად. სუს-ი არ ეთანხმებოდა, არ იყო შესაბამისი კოორდინაცია.ჩორჩანას საგუშაგოთი ჩვენ მივიღეთ ძალიან ცუდი შედეგი. 100 ჰექტარი ტყე არის – მილიონი კვადრატული მეტრი, ხაშურის რაიონის რამდენიმე მოსახლე, რომელიც საოკუპაციო ხაზის აქეთ იყო, დარჩა საოკუპაციო ხაზს მიღმა. გარდა ამისა, ქართულმა მხარემ დავდგით ერთი საგუშაგო, მოწინააღმდეგე მხარისგან დაიდგა ხუთი საგუშაგო და ერთი მოძრავი პოსტი. ეს მივიღეთ და ეს რეალობა გვაქვს. რა თქმა უნდა, აქ იყო გარკვეული ეტაპები. შეთანხმებული იყო, რომ გზის გარკვეული ნაწილი უნდა მოწესრიგებულიყო. მკვეთრად უნდა გავმიჯნოთ საგუშაგოს მდებარეობა და საგუშაგოს როლი საოკუპაციო ხაზთან, მისასვლელი გზა და გზაზე პატრულირება. ეს სხვა მიმართულებაა და პატრულირება – სხვა. ყველა ეტაპი, როდესაც საქმე ეხება საოკუპაციო ხაზს, ნაბიჯ-ნაბიჯ უნდა იქნას შეთანხმებული, შესაბამისი არგუმენტები მოყვანილი და შესაბამისად განხორციელებული. მე გავიგე მას შემდეგ, რაც სახელმწიფო უსაფრთხოების სამსახურში იმართებოდა უფროსთან შეკრებები, ვნახეთ, რომ მდგომარეობა დაიძაბა, სეპარატისტულმა რეჟიმმა რამდენჯერმე შეატყობინა საერთაშორისო ორგანიზაციებს. იყო ასეთი ინფორმაცია, რომ მძიმე ტექნიკა გამოიყვანეს და ასე შემდეგ. ამის მერე უსაფრთხოების სამსახური ჩაერთო დეესკალაციის თვალსაზრისით. ეს იყო რეალური ინფორმაცია. მე არ მქონდა ბახტაძესთან წვდომა, ვახტანგ გომელაურმაც მოგახსენათ, რომ ყველა საჯარო პირი, ვისაც უნდა სცდონოდა აღნიშნული ინფორმაცია, იყო ინფორმირებული. ჯერჯერობით ვითარების შეცვლა ვერ მოხერხდა. ფაქტობრივი, რეალური მოცემულობაა, რომ იქ ვეღარ შედის ადგილობრივი მოსახლეობა, რომელიც იქამდე შედიოდა, გარკვეული საძოვრები იყო, ტყით სარგებლობდნენ. ამ შემთხვევაში, უკვე საოკუპაციო ხაზი გადმოწეულია. უახლოეს მომავალში გექნებათ საშუალება, ეს რუკაზე ვიხილოთ, ზუსტად ნახავთ, რა მდგომარეობა იყო“, – განაცხადა ალექსანდრე ტაბატაძემ.კითხვაზე, შეიკრიბა თუ არა ეროვნული უსაფრთხოების საბჭო, ალექსანდრე ტაბატაძემ აღნიშნა, რომ ეროვნული უსაფრთხოების საბჭოს შეკრება არ არის პანაცეა. „რაც საჭიროა, ის გაკეთდა. მთავარი ის არის, რომ ჩვენ ავიცილეთ საშიშროება, არ მომხდარიყო ცეცხლის გახსნა“, – განაცხადა ალექსანდრე ტაბატაძემ.კიდევ ერთ კითხვაზე, „რატომ დანიშნეთ პრემიერად ორ კვირაში ადამიანი, ვინც ცეცხლის გახსნის საფრთხე შექმნა?“, ალექსანდრე ტაბატაძემ განაცხადა:„ეს არის პოლიტიკური გადაწყვეტილება. ერთსაც გეტყვით, საქართველოს უახლეს ისტორიაში, 2022 წლიდან ჰყავს ხელისუფლება, რომელიც დამოუკიდებლად იღებს გადაწყვეტილებებს. რა თქმა უნდა, ჩვენს საერთაშორისო პარტნიორებს ყოველთვის ვუწევთ ანგარიშს ყველა გონივრულ რეკომენდაციაში, რომელსაც გვაძლევდნენ. ამის მეტს აღარ გავაგრძელებ“.მედიის წარმომადგენლებმა ალექსანდრე ტაბატაძეს ჰკითხეს: „ოსები როდესაც ხაზებს ავლებდნენ, ხელისუფლება მუდამ ამბობდა, ოკუპანტები ე.წ. ადმინისტრაციულ საზღვრებს მიუყვებიანო. ჩორჩანას ტყე, რასაც გახარიას ედავებით, ამ ადმინისტრაციული საზღვრის ნაწილია?“, რაზეც ტაბატაძემ უპასუხა, რომ, პრაქტიკულად, ეს არის ახალი დაკარგული ტერიტორია.საქართველოს პროკურატურიდან გამოსვლის შემდეგ ჟურნალისტებმა ალექსანდრე ტაბატაძეს ასევე ჰკითხეს, „ჩორჩანას საგუშაგო რომ არ ჩადგმულიყო, ოსები და რუსები საზღვრებს არ გაავლებდნენ?“, რაზეც ტაბატაძემ აღნიშნა:„ასეთი მოცემულობა იყო. როდესაც ვამბობთ, რომ ჩვენი ერთი საგუშაგოს ნაცვლად იქ მივიღეთ ხუთი საგუშაგო, ტყეში ოთხი საავტომობილო გზა გაჭრილი და ასე შემდეგ, სწორედ ეს არის სამწუხარო ამბავი. ამ რეალობას ვერ გავექცევით. ვწუხვართ და ზუსტად ამაზე გვქონდა უარყოფითი დამოკიდებულება, რომ მაქსიმალურად შეგვენარჩუნებინა ის, რისი შენარჩუნებაც შეგვეძლო“.სოფელ ჩორჩანაში საგუშაგოს გახსნის საკითხზე საქართველოს პროკურატურამ გამოძიება დაიწყო. გამოძიების ფარგლებში პროკურატურაში 14 ივნისს გამოკითხვაზე იმყოფებოდა ყოფილი შინაგან საქმეთა მინისტრი ვახტანგ გომელაური. ამავე საკითხთან დაკავშირებით დღეს პროკურატურაში ასევე დაბარებულია კახი კახიშვილი, რომელიც მამუკა ბახტაძის პრემიერობის დროს მთავრობის ადმინისტრაციის უფროსის თანამდებობას იკავებდა.

,,საზოგადოების უდიდესი ნაწილი, საუბედუროდ, რომელებსაც შეგვეხო სააკაშვილის რეჟიმი , კიდევ ერთხელ მივმართავთ ხელისუფლებას და მოვითხოვთ! გადაათრიეთ მკვლელი , სამშობლოს მოღალატე და გამყიდველი სააკაშვილი , ციხეში, სადაც არის მისი ადგილი და არა იმ კლინიკაში, სადაც სანატორიუმის პირობებში ისვენებს, რის გამოც, ჩვენ ძალიან შეურაცხყოფილად ვგრძნობთ თავს. ის არის, ყველა იმ უბედურების შემომქმედი, რაც ჩვენმა ხალხმა და ქვეყანამ გაიარა მისი სასტიკი რეჟიმის წლებში, რა თქმა უნდა მის სასტიკ პარტიასთან, ნაც.მოძრაობასთან ერთად''-წერს ია მეტრეველი.

საქართველოს ტექნიკური უნივერსიტეტის ჟურნალისტიკით დაინტერესებული სტუდენტები კომუნიკაციების კომისიის (ComCom) მედია აკადემიის მედიასკოლის წარმომადგენლებს შეხვდნენ და ჟურნალისტის პროფესიის სრულფასოვნად დაუფლების, ჟურნალისტიკის სფეროში კარიერის დაწყებისა და განვითარების შესაძლებლობებს გაეცნენ.ამის შესახებ ინფორმაციას საქართველოს ტექნიკური უნივერსიტეტი ავრცელებს.სტუ-ის ცნობით, საინფორმაციო შეხვედრას, რომელიც უნივერსიტეტის სასწავლო პროცესების მართვის სამსახურის კარიერული განვითარების განყოფილებისა და ComCom-ის მედია აკადემიის ორგანიზებით ჩატარდა, საინჟინრო ეკონომიკის, მედიატექნოლოგიებისა და სოციალურ მეცნიერებათა ფაკულტეტის სტუდენტების გარდა, ჟურნალისტიკით დაინტერესებული სხვადასხვა ფაკულტეტის სტუდენტები, სტუ-ის კარიერული განვითარების განყოფილების ხელმძღვანელი, ასოცირებული პროფესორი ნატო ქათამაძე, ასევე, პროფესორ-მასწავლებლები ესწრებოდნენ.„შეხვედრაზე ComCom-ის მედია აკადემიის ხელმძღვანელი შორენა შავერდაშვილი და სასწავლო პროცესების მართვის მენეჯერი ანა გიორბელიძე ახალგაზრდებს ესაუბრნენ მედიასკოლის სტუდიის ინტენსიური 4-თვიანი პრაქტიკული კურსის შესახებ, რომელიც ქვეყანაში მედია სტანდარტის ამაღლების მიზნით, ჟურნალისტიკით დაინტერესებულ პირებს ცოდნისა და გამოცდილების მიღების უნიკალურ შესაძლებლობას სრულიად უფასოდ სთავაზობს. მათი თქმით, კურსი, რომელიც ახალგაზრდებს სამომავლოდ ჟურნალისტიკის სფეროში კარიერის დაწყებაში დაეხმარება, მოიცავს როგორც თეორიულ სწავლებას, ისე პრაქტიკულ სამუშაოებს. კურსის დასრულების შემდეგ კურსდამთავრებულები მაღალი ხარისხის მედიაპროდუქტის შექმნას დამოუკიდებლად შეძლებენ.შორენა შავერდაშვილის განმარტებით, კურსის ფარგლებში სტუდენტები შეისწავლიან რადიო და სატელევიზიო საინფორმაციო გამოშვების, სიუჟეტების, ინტერვიუების და პოდკასტების მომზადებას, ახალი ამბების მომზადება-წაყვანას რადიოსთვის, ტელევიზიისა და ონლაინ პლატფორმებისთვის, დაეუფლებიან ოპერატორის ხელოვნებას, მეტყველებასა და სატელევიზიო უნარ-ჩვევებს, ასევე, აუდიო და ტელემონტაჟს, ხმის რეჟისურას, არასაინფორმაციო სატელევიზიო სიუჟეტებისა და გადაცემების მომზადებას, პროდიუსირებასა და წაყვანას რადიოსა და ტელევიზიისთვის, შეისწავლიან სატელევიზიო ბადის შექმნას, ფორმატირებას, ფროდაქშენს და სოციალური მედიის ჟურნალისტიკას.მისი თქმით, მედიასკოლაში უკლებლივ ყველა საგანს ჟურნალისტიკის სფეროს პროფესიონალები უძღვებიან, ხოლო სტუდია აღჭურვილია ყველა საჭირო ინვენტარითა და ტექნიკით, რაც კურსის სტუდენტებს რეალურ ნიუსრუმში მუშაობის პრაქტიკულ გამოცდილებას შესძენს“,- ნათქვამია ინფორმაციაში.როგორც სტუ-ის სასწავლო პროცესების მართვის სამსახურის კარიერული განვითარების განყოფილების ხელმძღვანელი, ასოცირებული პროფესორი ნატო ქათამაძე აღნიშნავს, საქართველოს ტექნიკური უნივერსიტეტისთვის მნიშვნელოვანია, სტუდენტებს დასაქმების კუთხით ფართო არჩევანის შესაძლებლობა მისცეს.„იმ მიზნით, რომ სტუდენტებს დასაქმების კუთხით მივცეთ ფართო არჩევანის საშუალება, კარიერული განვითარების განყოფილება, უნივერსიტეტის ადმინისტრაციის მხარდაჭერით, ორგანიზებას უწევს დასაქმების მასშტაბურ ფორუმებს, რეგულარულად აწყობს ინდივიდუალურ შეხვედრებს კერძო და სახელმწიფო ორგანიზაციებთან, ინდუსტრიებთან, რითაც სამუშაოს მაძიებელ სტუდენტებს უადვილებს სასურველი ვაკანსიის მოძიების პროცესს.ComCom-ის მედია აკადემიის წარმომადგენლებთან შეხვედრაც სწორედ ამ მიზანს ემსახურება. მედია აკადემიამ, ჟურნალისტიკით დაინტერესებულ სტუდენტებს სთავაზობს 4-თვიან ინტენსიურ კურსს. ვფიქრობთ, საქართველოს ტექნიკური უნივერსიტეტის ნებისმიერი ფაკულტეტის სტუდენტს, ძირითადი პროფესიის პარალელურად, შეუძლია დაეუფლოს ახალ ცოდნასა და უნარ-ჩვევებს და ამ გზით შეიძინოს მეორე, ჟურნალისტის პროფესიაც. ეს კარგი შესაძლებლობაა დარგობრივი ჟურნალისტიკის განვითარებისთვის, რაზეც მოთხოვნა ჩვენს ქვეყანაში მზარდია“, - განაცხადა ნატო ქათამაძემ.ცნობისათვის, ComCom-ის მედიასკოლის ჟურნალისტიკის კურსზე მოსახვედრად მსურველებმა შესარჩევი კონკურსი უნდა გაიარონ. საუკეთესო კანდიდატები წერითი ტესტირებითა და ზეპირი გასაუბრებით შეირჩევიან. წარმატებულ კურსდამთავრებულებს მედია აკადემია შესაბამის სერტიფიკატებს გადასცემს და პოტენციურ დამსაქმებლებთან რეკომენდაციას გაუწევს.

რაჭის განახლებული მუზეუმის მუდმივმოქმედი გამოფენის პროექტმა, რომელიც საქართველოს ეროვნული მუზეუმისა და StudioMilou-ს (საფრანგეთი-სინგაპური) თანამშრომლობით შეიქმნა, საერთაშორისო დიზაინის კონკურსზე The un Design Award ოქროს პრიზი მოიპოვა. ინფორმაციას ამის შესახებ კულტურის სამინისტრო ავრცელებს.უწყების ცნობით, საქართველოს ეროვნული მუზეუმის მეცნიერებმა, ონის მუზეუმის თანამშრომლების ჩართულობით, შეიმუშავეს გამოფენის სამეცნიერო კონცეფცია. ხოლო StudioMilou-მ ამ ხედვას დიზაინის ინოვაციური გადაწყვეტა მისცა.„გამოფენა ქალაქ ონში, მუზეუმის ახალაშენებულ შენობაში განთავსდება. პირველი ფაზის წარმატებით დასრულებისა და საერთაშორისო აღიარების მოპოვების შემდეგ, გამოფენის პროექტი ახალ ეტაპზე გადადის – ექსპოზიციის ინსტალაცია უახლოეს მომავალში განხორციელდება. გამოფენა დამთვალიერებელს გააცნობს და ახლებურად მოუთხრობს რაჭის რეგიონის მდიდარი ბუნების, ისტორიისა და კულტურის შესახებ.პროექტის განხორციელების შედეგად, რაჭის მუზეუმი გარდაიქმნება რეგიონში უმთავრეს და თანამედროვე საერთაშორისო სტანდარტების შესაბამის კულტურულ-საგანმანათლებლო სივრცედ; შეიქმნება ახალი მიზიდულობის ცენტრი.რაჭის მუზეუმის გამოფენის პროექტის საერთაშორისო აღიარება მნიშვნელოვანი წარმატებაა საქართველოს კულტურული და სამუზეუმო სივრცისთვის და, ამასთანავე, კიდევ ერთხელ უსვამს ხაზს მუზეუმების როლის მზარდ მნიშვნელობას თანამედროვე სამყაროში“, – ნათქვამია კულტურის სამინისტროს გავრცელებულ ინფორმაციაში.

საქართველოს ტექნიკურ უნივერსიტეტში მიღებულმა ცოდნამ, მაღალკვალიფიციური პროფესორ-მასწავლებლების მიერ მრავალწლიანი ტრადიციის მქონე სპეციალობის საფუძვლების გაცნობამ, სამეცნიერო კვლევების შედეგების გაზიარებამ, ახალი ტიპის ცემენტებისა და მასალების კვლევებში მონაწილეობამ მნიშვნელოვანი წვლილი შეიტანა ჩემს პროფესიულ განვითარებაში“, - ამის შესახებ საინჟინრო მეცნიერებათა დოქტორი, სტუ-ის ქიმიური ტექნოლოგიისა და მეტალურგიის ფაკულტეტის კურსდამთავრებული, კომპანია „ჰანიველ ცემენტის“ ხარისხისა და კვლევა-განვითარების მენეჯერი, თეო რობაქიძე აცხადებს.როგორც საქართველოს ტექნიკური უნივერსიტეტის მიერ გავრცელებულ ინფორმაციაშია აღნიშნული, თეო რობაქიძემ უმაღლესი განათლების სამივე საფეხური - ბაკალავრიატი (2005 წელი), მაგისტრატურა (2007 წელი) და დოქტორანტურა (2010 წელი) საქართველოს ტექნიკურ უნივერსიტეტში, ქიმიური ტექნოლოგიისა და მეტალურგიის ფაკულტეტზე გაიარა.როგორც თეო რობაქიძე აცხადებს, ცემენტის ინდუსტრია მუდმივად ითხოვს გამოცდილ სპეციალისტებს. კომპანია „ჰანიველ ცემენტი“ აქტიურად თანამშრომლობს საქართველოს ტექნიკურ უნივერსიტეტთან და სტუდენტების პროფესიული განვითარებისთვის რეგულარულად სთავაზობს სტაჟირების პროგრამებს, რომელთა მიზანია წარჩინებული სტუდენტების გამოვლენა და ცემენტის ინდუსტრიაში მათი მოზიდვა.„სპეციალობად ტექნიკური მიმართულება ავირჩიე, კონკრეტულად, ქიმიური ინჟინერია. უნივერსიტეტში სწავლის პირველ კურსზე, სფეროს დეტალურად გაცნობის შემდეგ, ძირითად სპეციალობად ცემენტის ტექნოლოგიის მიმართულებით განვაგრძე სწავლა. დოქტორანტურაში სწავლისას მივიღე შეთავაზება, ჩემი კარიერა დამეკავშირებინა უნივერსიტეტთან. რა თქმა უნდა, გარემო, რომელსაც მთავაზობდნენ, ძალიან საინტერესოა, მაგრამ გადავწყვიტე საქმიანობა პრაქტიკულ სფეროში გამეგრძელებინა, რადგან სწავლის პროცესში დეტალურად განხილული მოწყობილობა-დანადგარები და ტექნოლოგიური ხაზი, პრაქტიკულად ძალიან დიდ ინტერესს იწვევდა ჩემში. მზად ვიყავი საწარმოო გამოწვევები მიმეღო და ამავდროულად, უნივერსიტეტთან კავშირი გამეგრძელებინა. ვიცოდი ეს არჩევანი უფრო რთული გზა იქნებოდა, მაგრამ საინტერესო. სადოქტორო ნაშრომის მომზადების შემდგომ, გადავდგი ახალი ნაბიჯი ჩემს საქმიანობაში და 2011 წელს, ჩემი სპეციალობით, შევუერთდი წარმატებულ კომპანიას, ყოფილ „ჰაიდელბერგცემენტ ჯორჯიას“, ამჟამინდელ „ჰანიველ ცემენტს‘‘. აქ მიღებული დიდი გამოცდილების ფონზე, უკვე თამამად შემეძლო მშობლიურ უნივერსიტეტში ასოცირებული პროფესორის პოზიციაზეც მემუშავა. პროფესორ-მასწავლებლები მრავალი წლის შემდეგაც მზად არიან, ნებისმიერი სიახლის თუ მიმდინარე პროექტის განხორციელების დეტალებზე, თავიანთ კურსდამთავრებულებთან იმსჯელონ, გაუზიარონ თეორიული თუ პრაქტიკული გამოცდილება, მეცნიერული ცოდნა და დაეხმარონ სწორი მიმართულების არჩევაში. ასევე, მინდა ვისარგებლო შემთხვევით და მივმართო სტუდენტებს, აბიტურიენტებს: ცემენტის მუდმივად განვითარებადი ტექნოლოგია ერთ-ერთი პერსპექტიული და სტაბილური საინჟინრო მიმართულებაა, რასაც განაპირობებს ცემენტისა და მისი პროდუქტების უწყვეტი მოთხოვნა ბაზარზე, ხოლო საქართველოს ტექნიკურ უნივერსიტეტს შეუძლია ამ მიმართულებით მაღალკვალიფიციური განათლება მისცეს სტუდენტებს. წარმატებებს ვუსურვებ ჩემს უნივერსიტეტს, სტუდენტებსა და პროფესორ-მასწავლებლებს“, - აცხადებს თეო რობაქიძე.