მერაბ დვალიშვილის ბრძოლას დონალდ ტრამპი დაესწრო

ხვიჩა კვარაცხელიას და ზურიკო დავითაშვილის სახლი გაქურდეს.Geo Team-ის ინფორმაციით, კანში დასვენების დროს, ხვიჩა კვარაცხელიას და ზურიკო დავითაშვილის სახლი გაქურდეს. წაღებულია სახლიდან ყველაფერი: ძვირფასეულობა, ჩანთები და საათები… როგორც შევიტყვეთ, ქურდობა მაშინ მოხდა, როცა ფეხბურთელები ოჯახის წევრებთან ერთად გარეთ იმყოფებოდნენ.საბედნიეროდ, დაშავებული არავინაა.

უკრაინის პრეზიდენტი ვოლოდიმირ ზელენსკი აცხადებს, რომ მისი აზრით, აშშ-ის პრეზიდენტმა, დონალდ ტრამპმა, როგორც თავისუფალი სამყაროს ლიდერმა, სანქციები უნდა დაუწესოს რუსეთს.„ეიბისი ნიუსთან“ საუბარში ვოლოდიმირ ზელენსკიმ განაცხადა, რომ ამერიკის პრეზიდენტს რუსეთზე ზეწოლის ყველა საჭირო ინსტრუმენტი აქვს: სანქციები, ეკონომიკური ბლოკადები, იარაღის პაკეტები უკრაინისთვის და ევროპელი ლიდერების ერთიანობა მის გარშემო.„და ამიტომ პრეზიდენტ ტრამპს ყოველივე ეს შეუძლია. ასე ვფიქრობ. მე მსურს, მადლობა გადავუხადო სენატსაც. ვიცი, რომ არსებობს დადებითი სიგნალები სენატორებისა და კონგრესმენების მხრიდან სანქციების პაკეტთან დაკავშირებით, რომელსაც ამერიკის შეერთებული შტატები ამზადებს… ეს კარგი, ძლიერი ნაბიჯებია. თორემ როგორ უნდა ვისაუბროთ ადამიანებთან, რომლებიც ძალის გარდა სხვა არაფერს იგებენ?“, – აღნიშნა ზელენსკიმ.უკრაინის პრეზიდენტმა კიდევ ერთხელ ისაუბრა ვატიკანში ტრამპთან გამართულ მოლაპარაკებებზე. მისი თქმით, სწორედ ეს შეხვედრა დაეხმარა მას ამერიკის პრეზიდენტთან ურთიერთობის უკეთესობისკენ შეცვლაში. ზელენსკის შეფასებით, ოვალურ კაბინეტში 28 თებერვალს გამართული შეხვედრა რთული იყო, ხოლო ვატიკანში ხანმოკლე შეხვედრა კარგი და პროდუქტიული.„მსურს, მჯეროდეს, რომ დონალდ ტრამპთან ნორმალური, პროფესიონალური ურთიერთობა გვაქვს. მე არ მაქვს საკმარისი კონტაქტები პრეზიდენტ ტრამპთან, რომ ვთქვა, თუ რა სახის ადამიანური ურთიერთობა გვაქვს. საჭიროა დრო, საჭიროა შესაძლებლობები. 15 წუთმა ვატიკანში იმაზე მეტი გააკეთა, ვიდრე ოვალურ კაბინეტში ადამიანების დიდ წრეში შეხვედრამ“, – აღნიშნა ზელენსკიმ.

ტაილანდი, ქვეყანა, რომელსაც ყოველწლიურად მილიონობით ტურისტი სტუმრობს, უკვე დიდი ხანია, ნარკობიზნესის ეპიცენტრად იქცა. განსაკუთრებით 2022 წლის შემდეგ, რაც კანაფით ვაჭრობა ლეგალურ ბიზნესად გამოცხადდა. თუმცა ახლა ტაილანდის მთავრობა კვლავ კანონის გამკაცრებაზე ფიქრობს. ამის ერთ-ერთი მიზეზი კი თბილისში 18 წლის ბრიტანელი გოგოს დაკავება გახდა. ის ტაილანდიდან საქართველოში ნარკოტიკებით სავსე ჩემოდნით 11 მაისს შემოვიდა. ბარგში 12 კილოგრამამდე მარიხუანა და ორი კილოგრამი ჰაშიში აღმოაჩნდა.თბილისის აეროპორტში ახალგაზრდა ქალის, ბელა მეი კალის დაკავებამ შესაძლოა ნარკოტრაფიკის საერთაშორისო ქსელიც გამოაშკაარავოს - როგორ ცდილობს ტაილანდური ნარკომაფია ევროპის შავ ბაზარზე შეღწევას? ამ კითხვას, სავარაუდოდ, ნათელს მოჰფენს რუსთავის ქალთა ციხეში, წინასწარ პატიმრობაში მყოფი ახალგაზრდა, ბრიტანელი ქალის ჩვენება. ბრალდებულის ადვოკატი "კურიერი P.S.-ს" უდასტურებს, რომ 18 წლის გოგო აპირებს გამოძიებასთან ითანამშრომლოს და კონკრეტული გვარებიც დაასახელოს."კურიერი P.S.-ის" ექსკლუზიური ინფორმაციით, თბილისის მიმართულებით "ბელა მეი კალის" თვითმფრინავის ბილეთი ნარკოკარტელის წარმომადგენლებმა აუღეს და აკრძალული ნივთიერებით სავსე ჩემოდნით ბანგკოკის აეროპორტში მიიყვანეს. ის, რომ 18 წლის ბრიტანელი ქალის უკან შესაძლოა ტრანსნაციონალური დანაშაულებრივი დაჯგუფება იდგეს, ამას არც საქართველოს პროკურატურაში გამორიცხავენ.თბილისში დაკავებული ბელა მეი კალი ერთადერთი ბრიტანელი ახალგაზრდა არ არის, რომელიც მესამე ქვეყანაში ტაილანდიდან ნარკოტრაფიკის ბრალდებით დააკავეს. იგივე ხელწერით, რამდენიმე დღის წინ, ახალგაზრდა ბრიტანელი ქალი შრი-ლანკას აეროპორტშიც დააპატიმრეს. 21 წლის შარლოტა მეი ლი ასევე ტაილანდიდან მოფრინავდა. მის ხელბარგში პირადი ნივთების ნაცვლად 1 მილიონ ევროზე მეტი ღირებულების კანაფი აღმოაჩინეს.ბოლო ორ თვეში, ბრიტანელი ახალგაზრდა ქალები დააკავეს ესპანეთში, გერმანიაში და ავსტრიაშიც. ყველა ამ ფაქტს, საერთო ხელწერა აქვს. ისინი ტაილანდიდან მოფრინავდნენ და ჩემოდნებში ზუსტად იდენტურ პაკეტებში დაფასოებული ნარკოტიკები ედოთ. ბრიტანული არასამთავრობო ორგანიზაცია, რომელიც უცხოეთში დაკავებული მოქალაქეების უფლებებს იცავს, დარწმუნებულია, რომ ეს საქმეები, მათ შორის თბილისში ბელა მეი კალის დაკავება, ერთი დიდი სქემის ნაწილია.ნარკოტიკებთან ბრძოლის ბიუროს ყოფილ დირექტორს, ჯემალ ჯანაშიას სამართალდამცავ უწყებებში მუშაობის 30-წლიანი გამოცდილება აქვს. "კურიერი P.S.-თან" ამბობს, რომ გამოძიებამ მსგავსი ხელწერის მქონე საქმეებში საერთო კვალი უნდა ეძებოს. ჯანაშია დარწმუნებულია, რომ ტაილანდში ტურისტული მიზნით ჩასულ უცხო ქვეყნის მოქალაქეებს ადგილობრივი ნარკოკარტელი ევროპის მიმართულებით, ახალი სატრანზიტო გზების დასატესტად იყენებს.საქართველოში დაკავებული 18 წლის ბრიტანელი გოგო ჩვენებას რამდენიმე დღეში მისცემს. შესაძლოა მან გამოძიება საერთაშორისო დანაშაულებრივ ქსელზე გაიყვანოს, რის გამოც პროცესში, სავარაუდოდ, უცხოელი პარტნიორებიც ჩაერთვებიან. ბელა მეი კალი ამჟამად რუსთავში, ქალთა ციხეში იმყოფება და, როგორც თავად ამბობს, ორსულად არის. საქართველოში ჩამოსული მისი ოჯახის წევრები, ექსკლუზიურად, "კურიერი P.S.-ის" კამერამ მალევე დააფიქსირა, თუმცა მას შემდეგ მედიასთან აღარ გამოჩენილან.

ტყიბულში ოკრიბის სამების სახელობის ტაძრის მშენებლობა იწყება.9 ივნისს, 15:00 საათზე, ეკლესიის ეზოში, სადაც ოკრიბის სამების სახელობის ტაძრი შენდება, მოხდება ადგილის კურთხევა და საფუძველი ჩაეყრება ტაძრის მშენებლობის დაწყებას.ადგილზე იკურთხება ჯვარი და პარაკლისს გადაიხდის ტყიბულისა და თერჯოლის მიტროპოლიტი, მეუფე გიორგი (შალამბერიძე). ტაძრის მშენებლობა შემოწირულობებით ხორციელდება. სამუშაოებს აწარმოებს ოკრიბის სამების სახელობის ტაძრის მშენებლობის ფონდი. 

კალიფორნიაში, ობოლ დათვის ბელზე დათვის ფორმაში გამოწყობილი მომვლელები ზრუნავენ. CNN-ის ცნობით, ობოლი დათვის ბელი სან-დიეგოს ჰუმანური საზოგადოების ცხოველთა თავშესაფარში 2 თვისა მოხვდა. მომვლელები მასთან ვოლიერში დათვის ნიღბებითა და ნამდვილი ბეწვის ქურქებით შედიან, რათა ბელმა ის დათვებად აღიქვას და მომავალში მათთან ინტეგრაცია შეძლოს.მომვლელები დათუნიას ცოცვას, მწერებისა და ბალახების პოვნასა და ბუნაგის გაკეთებას ასწავლიან - იმ ყველაფერს, რასაც ნამდვილი დედა ასწავლიდა.