მარტო სრიალებდა, სამწუხაროდ მათ გიდი არ ჰყავდათ და ისე წავიდნენ სასრიალოდ – ახალი დეტალები უშგულიდან

ჩვენს ქვეყანას ჰყავს ღირსეული პრეზიდენტი, – ამის შესახებ საქართველოს პრემიერ-მინისტრმა, ირაკლი კობახიძემ ტელეკომპანია „იმედის“ ეთერში განაცხადა.როგორც მთავრობის მეთაურმა აღნიშნა, 20 წელია, ქვეყანას არ ღირსებია ღირსეული პრეზიდენტი და ახლა არის სრულიად განსხვავებული ვითარება.„სახელმწიფოსთვის მნიშვნელოვანია, რომ პრეზიდენტის ინსტიტუტი ფუნქციონირებდეს სწორად, კონსტიტუციის პრინციპების შესაბამისად და იყოს ჯანსაღი ურთიერთობები პრეზიდენტსა და სხვა სახელმწიფო ორგანოებს შორის. დღეს გვაქვს ასეთი ვითარება და დარწმუნებული ვარ, ყველაფერი ასე გაგრძელდება“, – განაცხადა ირაკლი კობახიძემ.

სალომე ზურაბიშვილმა პარიზში ღონისძიების „შეხვედრა დემოკრატიისთვის“ მონაწილეებს სიტყვით მიმართა.„უპირველეს ყოვლისა, მადლობა საფრანგეთს, რომ დემოკრატიისა და თავისუფლებისთვის გლობალური ბრძოლის ავანგარდში დგას.თქვენ ახლახან მოისმინეთ ხმა უკრაინიდან. საქართველოს ხმა დიდად არ განსხვავდება, მიუხედავად იმისა, რომ დღეს ჩვენ არ ვართ ამ შემზარავ ომში, რომელსაც რუსეთი უკრაინის წინააღმდეგ აწარმოებს. მაგრამ ჩვენ გვაქვს საერთო გამოცდილება და უკრაინას, ისევე, როგორც საქართველოს, შეუძლია, ძალიან ვრცლად მოგიყვეთ, რა არის რუსეთი სინამდვილეში, რისი დავიწყების სურვილიც დროდადრო ჩნდება. ჩნდება იმის დაჯერების სურვილი, რომ ის ნორმალური სახელმწიფოა, ნორმალურია მეზობლებთან, ნორმალურია საკუთარ მოსახლეობასთან … და ისევ არა!უკრაინასაც და საქართველოსაც ბევრი მსგავსი გამოცდილება აქვთ – რუსული აგრესია, საქართველოში 2008 წელს და რადგან ამასთან დაკავშირებით არ იყო საკმარისი რეაქცია, მას მოჰყვა 2014 წელს აგრესია ყირიმში და 2022 წლის აგრესია, რომელიც დღემდე გრძელდება.უკრაინაში რუსეთმა წარმატებას ვერ მიაღწია. პირიქით, ვლადიმერ პუტინმა კიევის აღება სამ დღეში ვერ შეძლო. მან ვერაფერს მიაღწია, ვერც სამხედრო წარმატებებს. რუსეთის პრესტიჟი დისკვალიფიცირებულია, სტრატეგიული მიზნები მიუღწეველი. მუდმივად იცვლებიან სამხედრო ლიდერები, განიცდის მატერიალურ დანაკარგებს, (რადგან ადამიანური დანაკარგები დიდ მნიშვნელობას არ წარმოადგენს რუსეთისათვის), ეკონომიკურ დანაკარგს, დაუდგა კორეელების შემოყვანის აუცილებლობა, ეს არ არის გამარჯვება. რუსეთს არ აქვს რა გამარჯვება და ხედავს, რომ დღეს ევროპა იაზრებს, რომ ისიც უნდა გადაიარაღდეს თავის დასაცავად და რომ მშვიდობა საკუთარი დამსახურებითა და დაცვით მოიპოვება. რუსეთი დღეს ეძებს ახალ სტრატეგიას, რომლის ზოგიერთი ელემენტი თქვენ უკვე ნახეთ – ნაკლები დანახარჯი, ნაკლები პირდაპირი შეტევა.და კიდევ ერთხელ, დღეს, ისევე, როგორც 2008 წელს, საქართველო საცდელი ადგილია და სწორედ ეს გზავნილი მინდა, გადმოგცეთ – საქართველო იყო ის ადგილი, სადაც რუსეთმა ყველაზე დახვეწილი საარჩევნო მანიპულაცია განახორციელა; სადაც რუსეთმა თავისი მარიონეტების, ოლიგარქების მეშვეობით მიაღწია სახელმწიფოს თითქმის სრულ უზურპაციას; სადაც მან მოახერხა თავისი პროპაგანდის გავრცელება (ალბათ ერთ-ერთ ქვეყანა, რომელიც ყველაზე კარგად იცნობდა რუსეთს და რომელმაც ეს პირდაპირ განიცადა) და მიუხედავად ყველაფრისა, პროპაგანდამ მეტ-ნაკლებად იმუშავა. ეს არის რუსეთის ახალი ჰიბრიდული სტრატეგია. ის, რომელმაც უნდა შეცვალოს უფრო ძვირი სამხედრო სტრატეგია. და მე მოვედი გასაფრთხილებლად, რომ ეს ჰიბრიდული სტრატეგია ყველას ემუქრება. ჩვენ ამას დღეს განვიცდით, როგორც საქართველოს ტრაგედიას.თუმცა, საქართველოს ახალგაზრდობა 140 დღეა ქუჩაში დგას და არ ტოვებს ქუჩას სწორედ ისე, როგორც არ ტოვებენ სანგრებს ჩვენი უკრაინელი მეგობრები და უკრაინელი ახალგაზრდები.ჩვენც ჩვენებურად ვუწევთ და გავუწევთ წინააღმდეგობას. და მე ამ ხალხის პრეზიდენტი ვიქნები ბოლომდე მაგრამ ეს გამოწვევა ყველას გამოწვევაა. ეს გამოწვევაა ყველა დემოკრატიისთვის. ეს გამოწვევაა საბჭოთა რუსეთის ყოფილი სივრცის ყველა განვითარებადი დემოკრატიისთვის – მოლდოვის, უკრაინისა და მრავალი სხვისთვის, ვინც ახლოსაა. ჩვენ ვნახეთ რუმინეთზე განხორციელებული მცდელობები. ჩვენ ვნახეთ მცდელობები მოლდოვაზე. და ის, რაც გვესმის უკრაინაში დემოკრატიული არჩევნების აუცილებლობის შესახებ, ამას ამბობს ბატონი პუტინი, არის სურვილი, რომ ომის შემდეგ იქ (უკრაინაში) ეს ახალი ჰიბრიდული სტრატეგია განხორციელდეს. ამას უნდა დავუპირისპირდეთ!ეს გეოპოლიტიკური გამოწვევაა, რადგან საქართველოს დაკარგვა, (რაც არ და ვერ მოხდება), ვერ იქნება უმნიშვნელო. ეს არის შავი ზღვა, ეს არის კავკასია, ეს არის ევროპული სომხეთის ბედი, ეს არის გზა ცენტრალური აზიისაკენ. ეს არის რეგიონი, რომელიც ყველაზე მეტად გაინტერესებთ. მაგრამ უპირველეს ყოვლისა, ეს არის გამოწვევა ევროკავშირისთვის.ევროკავშირმა არ უნდა დაუშვას, რომ ჰყავდეს ქვეყანა, რომელსაც მან კანდიდატის სტატუსი ერთი წლის წინ მიანიჭა, ერთ წელიწადში იქცეს ტოტალიტარული დიქტატურის მოდელად. ევროკავშირი უნდა აღიჭურვოს თავისი საშუალებებით, რათა გადაწყვეტილება მიიღოს, რათა ჰქონდეს თანმიმდევრული პოლიტიკა და შეძლოს ამის თქმა, რათა ის არ იყოს ერთი-ორი ქვეყნის ხელში, რომლებიც უკვე ტოტალიტარიზმის ამ გზაზე მოძრაობენ.ტოტალიტარიზმის ამ გზაზე ჩვენ უნდა დავიცვათ დემოკრატია, დავიცვათ იგი ყველგან. უპირველეს ყოვლისა, ეს არის ევროპული ინსტიტუტები, ეს არის ევროპული გადაიარაღება, მაგრამ ეს ასევე არის მორალური გადაიარაღება, ეს არის პოლიტიკური გადაიარაღება, ეს არის შესაძლებლობა, რომ ყველამ ერთად მივიღოთ გადაწყვეტილება.ამ მორალური, პოლიტიკური, (თუ საჭიროა) სამხედრო გადაიარაღების გზაზე. საკუთარი ბედისწერით, როგორც ყოველთვის საფრანგეთი წინა ხაზზეა და ჩვენ ყოველთვის მასთან ვიქნებით, ჩვენ ყოველთვის შევხედავთ მას იმედით და იმ ამბიციით, რომ საფრანგეთი – დემოკრატიის დედა და თავისუფლების სამშობლოა და ეს მუდამ ასე იქნება, მიუხედავად იმ გამოწვევებისა, რაც დღეს თქვენს წინაშეა. გაუწიეთ წინააღმდეგობა (ტოტალიტარიზმს)!“, – განაცხადა სალომე ზურაბიშვილმა.სიტყვით გამოსვლის თარგმანს სალომე ზურაბიშვილის პრესსამსახური ავრცელებს.

ლოცვა ამოღებულია წმინდა წიგნიდან – ავგაროზი და ლოცვანი (სრული კრებული)წაიკითხეთ ეს ლოცვა ყოველ დღე და შესთხოვეთ ღმერთს წრფელი გულით. “ითხოვდით და მოგეცეს თქუენ … – მათე 7,7-11”. როდესაც ჩვენი თხოვნა გულიდან მოდის და ღმერთის წინაშე სამართლიანია ის აუცილებლად აგვისრულდება. დიდება უფალს.ყოვლადწმიდისა ღვთისმშობელისაყოვლადწმიდაო ღვთისმშობელო, გვაცხოვნენ ჩვენ, რომელ უმაღლეს ხარ ქერუბიმთა და უდიდებულეს უზეშთაეს სერაბიმთა, რომელმან იტვირთე სიტყვა ღვთისა ხორცითა, ვითარცა ღვთისმშობელ ხარ, გალობით გადიდებთ.ცხოველსმყოფელისა და პატიოსნისა ჯვარისაჯვარსა წმიდასა პატიოსანსა, რომელსა აქებენ ანგელოსნი და ძალნი ზეცათანი, ჩვენცა მათთანა თაყვანის-ვცემთ და ვადიდებთ, და ვითხოვთ მისგან ხსნასა ყოველთა ვნებათაგან.წმინდისა იოანე ნათლისმცემლისაყოველთა ნაშობთა უმეტესო, მდგომარენი ლოცვათა შინა მორწმუნეთა კრებულნი, ლმობიერად და ცრემლით შეგივრდებით, ნათლისმცემელო ქრისტესო, მფარველ გვეყავ მოსავთა შენთა.წმინდა დიდმოწამისა გიორგისანათელ-ჰყავ შვილდწილ სამყარო ახოვნად, ღვაწლნი რა თავს ისხენ დიდო მოწამეთა მთავარო, მხნეო გიორგი, ამისთვის გევედრებით, გვიხსენ ჭირთაგან და მეოხ გვეყავ წინაშე ღვთისა.წმიდა დიდმოწამისა პანტელეიმონ მკურნალისაღვაწლით შემოსილო წმიდაო მკურნალო პანტელეიმონ, ევედრე მოწყალესა ღმერთსა, რათა ცოდვათა შენდობა მოგვანიჭოს და სულთა ჩვენთა დიდი წყალობა.

ბიძინა ივანიშვილის როლი არის განუზომელი, გადაჭარბების გარეშე. რომ მივყვეთ პროცესებს 2011 წლიდან, ამ ადამიანმა შეძლო შეუძლებელი. ძალიან კარგად მახსოვს 2011 წლის ვითარება, ადამიანებს არავითარი იმედი არ ჰქონდათ, რომ რაიმე შეიძლება შეცვლილიყო. ამ დროს ვითარება იყო უმძიმესი, ყველას გვახსოვს, რაც ხდებოდა მაშინ, – ამის შესახებ საქართველოს პრემიერ-მინისტრმა, ირაკლი კობახიძემ განაცხადა.კობახიძის თქმით, საგამოძიებო კომისიის სხდომაზე კიდევ ერთხელ კონკრეტულ მაგალითზე გაიხსენეს, როგორ ხდებოდა ადამიანების წამება, რა პირობები იყო ციხეებში, როგორი ზეწოლა მიდიოდა ბიზნესზე და ბიზნესის რეკეტი სისტემური ხასიათის იყო.„უამრავი უმძიმესი პრობლემა იყო და არავითარი იმედი არ არსებობდა. ოპოზიცია იყო უკიდირესად სუსტი და ამ ფონზე პოლიტიკაში შემოვიდა ბატონი ბიძინა ივანიშვილი. იქაც ბევრი პესიმისტურად იყო განწყობილი საერთო სურათიდან გამომდინარე, თუმცა მას ჭადრაკისებური გათვლა შეუძლია თავისი ნაბიჯების, სვლების და მხოლოდ ასე იყო შესაძლებელი 2012 წელს ცვლილებების განხორციელება. მაშინაც იყო ძალიან დიდი ინტერესი ქვეყნის გარედან. ეს ინტერესი იყო საპირისპირო და სწორედ იქით მიმართული, რომ ცვლილებები არ მომხდარიყო, თუმცა ამის გათვალისწინებითაც იმოქმედა ბატონმა ბიძინა ივანიშვილმა და ყველაფერი ისე დაალაგა, რომ საბოლოო ჯამში, შეუძლებელი გახდა, მათ შორის გარე ძალებისთვის, არჩევნების შედეგების და „ქართული ოცნების“ გამარჯვების გაპროტესტება. შემდეგი წლებიც იყო ძალიან რთული, იყო კოალიცია აბსოლუტურად ეკლექტური და იქაც ოთხი წელი ისე გაიარა ქვეყანამ და მათ შორის, ჩვენმა გუნდმა, რომ ეს გამოწვევები წარსულს დარჩა და 2016 წელს შეიცვალა მოცემულობა. კოალიციურობიდან ჩვენ გადავედით უკვე „ქართული ოცნების“ ერთპარტიულ უმრავლესობაზე, რამაც ვითარების სტაბილიზაციისთვის შექმნა ძალიან კარგი პირობები. შემდეგ იყო ასევე 2020 წელი, საკმაოდ რთული პერიოდი, შემდეგი 4-წლიანი, 2016-2020 წლების პერიოდი. ყოველ ჯერზე ბატონი ბიძინა ივანიშვილი იყო მთავარი ფაქტორი, რომელიც სტაბილურობას და განვითარებას განაპირობებდა ჩვენს ქვეყანაში“, – განაცხადა პრემიერმა „იმედის“ ეთერში.ირაკლი კობახიძის განმარტებით, ახლაც მნიშვნელოვან მომენტში მიიღო ბიძინა ივანიშვილმა გადაწყვეტილება აქტიურ პოლიტიკაში დაბრუნებასთან დაკავშირებით.„ეს იყო ერთი წლით ადრე ბოლო საპარლამენტო არჩევნებამდე და, რა თქმა უნდა, ამ მოვლენამ, მისმა დაბრუნებამ შეასრულა განსაკუთრებული როლი ჩვენს ქვეყანაში სტაბილურობის შენარჩუნებაში. ჩვენ გვქონდა მანამდეც რთული სამი წელიწადი და მან ჩაუყარა საფუძველი ყველა იმ მიმართულებას, რომელმაც შეგვაძლებინა ჩვენ იმ სამი წლის განმავლობაშიც ამ სირთულეების დაძლევა და 2024 წელი იყო ამ ყველაფრის კულმინაცია. მისი დაბრუნება ყოველთვის ნიშნავდა და ნიშნავს გუნდის თვისებრივ, ფუნდამენტურ გაძლიერებას. დღეს თუ ჩვენ ვინარჩუნებთ მშვიდობას, სტაბილურობას, ქვეყნის ეკონომიკა ვითარდება თანმიმდევრულად, ეს არის ყოველთვის მისი დამსახურება პირველ რიგში და მომავალშიც ბიძინა ივანიშვილის ფაქტორი განაპირობებს ქვეყნის სტაბილურ წინსვლას და განვითარებას“, – განაცხადა ირაკლი კობახიძემ.

ევროკომისიამ აღიარა, რომ „კლიმატის ცვლილებასთან ბრძოლისთვის“ განკუთვნილი ევროკავშირის ფონდები გამოიყენა მემარცხენე არასამთავრობო და კლიმატის ორგანიზაციების დასაფინანსებლად, რათა საიდუმლო გავლენის ოპერაციის ფარგლებში ჩაეხშო ევროპელი კონსერვატორების ხმები. ამის შესახებ ინფორმაციას ავსტრიული გამოცემა eXXpress-ი ავრცელებს, რომელზე დაყრდნობითაც პორტალმა Visegrád 24-მა მასალა გამოაქვეყნა.eXXpress-ის ცნობით, საუბარია სახსრებზე LIFE პროგრამიდან, რომელიც გარემოსდაცვითი ინიციატივების დასაფინანსებლად არის განკუთვნილი. 2014 წლიდან ამ პროგრამის საერთო ბიუჯეტი ცხრა მილიარდი ევრო იყო. როგორც გამოძიებამ აჩვენა, ამ პროგრამის ფარგლებში გამოყოფილი თანხების ნაწილი ევროპაში კონსერვატიული და ევროსკეპტიკური პოლიტიკური ძალების წინააღმდეგ მიმართული საინფორმაციო კამპანიების დასაფინანსებლად გამოიყენებოდა.ევროკომისიამ ამ საკითხზე მოკლე განცხადება გაავრცელა: „კომისია მიიჩნევს, რომ აქტივისტური ორგანიზაციების მიერ წარმოდგენილი სამუშაო პროგრამები შეიცავდა შეუსაბამო ლობისტურ საქმიანობას“.შიდა დოკუმენტების თანახმად, სამიზნე კამპანიები შემუშავდა ევროკავშირის სააგენტოებსა და კლიმატურ არასამთავრობო ორგანიზაციებს შორის თანამშრომლობით, მათ შორის დაგეგმილი იყო, თუ რომელი კრიტიკოსები გახდებოდნენ სამიზნეები.„ჩვენ ამას ვხედავთ, როგორც აშკარა შეცდომას, როგორც ცალკეული ევროკავშირის მოხელეების, ისე ორგანიზაციების მხრიდან“, – განუცხადა კონსერვატიული EPP ჯგუფის გარემოს დაცვის პოლიტიკის წარმომადგენელმა, პეტერ ლიზემ გაზეთ eXXpress-ს და დასძინა, რომ „ევროკავშირის ფონდების ბოროტად გამოყენება უნდა შეწყდეს“.„ევროკომისიის თანახმად, LIFE პროგრამაში შეტანილი იქნება ცვლილებები სამომავლო გადაცდომების თავიდან ასაცილებლად. ევროკავშირის ინსტიტუტების მიერ სუბსიდირებული ლობირების ამკრძალავი სახელმძღვანელო მითითებები უკვე შემოღებულ იქნა 2024 წლის შემოდგომაზე, თუმცა მხოლოდ ახლა დადასტურდა საჯაროდ დარღვევები“, – ნათქვამია Visegrád 24-ის მასალაში.პორტალ Visegrád 24-ის თანახმად, LIFE პროგრამიდან დაფინანსებული ორგანიზაციებისა და არასამთავრობო ორგანიზაციების მხოლოდ მესამედი აცხადებს ღიად თავის შემოსავალს და იმას, თუ როგორ გამოიყენება ეს თანხები, რამაც გამოიწვია კრიტიკა გამჭვირვალობის ნაკლებობის გამო.ამასთან, გამოცემა წერს, რომ ევროკავშირის კლიმატის ყოფილმა კომისარმა ფრანს ტიმერმანსმა გარემოსდაცვით არასამთავრობო ორგანიზაციებთან საიდუმლო კონტრაქტები შექმნა.  ეს კონტრაქტები მოიცავდა დეტალურ ლობისტურ გეგმებს, სადაც განსაზღვრული იყო სამიზნეები და მიზნები.„არასამთავრობო ორგანიზაციებს მითითება ჰქონდათ, ყურადღება გაემახვილებინათ „მწვანე შეთანხმების“ კრიტიკოსებზე, როგორებიც არიან კონსერვატიული ევროპარლამენტარები, ეროვნული პოლიტიკოსები ან პარტიები. მაგალითად, ევროპის გარემოს დაცვის ბიუროს (EEB), არასამთავრობო ორგანიზაციების მსხვილ ქსელს, ბრალად ედება ევროპარლამენტის გადაწყვეტილებებზე გავლენის მოხდენა იმ დეპუტატების მიზანში ამოღებით, რომლებიც ეწინააღმდეგებოდნენ ამბიციურ გარემოსდაცვით კანონებს“, – წერს გამოცემა.როგორც პორტალი Visegrád 24-ი წერს, ევროკომისია არასამთავრობო ორგანიზაციებს აფინანსებდა გარკვეული პირობებით: ამ ორგანიზაციებს მოეთხოვებოდათ, თავიანთი საქმიანობა ევროკომისიის პოლიტიკურ მიზნებზე მოერგოთ. კერძოდ, მათ უნდა გამოეყენებინათ ფარული ლობირება, შეექმნათ სპეციალური კამპანიები საზოგადოებრივი აზრის შესაცვლელად და ზეწოლა მოეხდინათ გადაწყვეტილების მიმღებ პირებზე. ყველაფერი ეს მიმართული იყო იმ ადამიანების წინააღმდეგ, რომლებიც „მწვანე შეთანხმების“ კრიტიკოსები იყვნენ.„ეს მოიცავდა ისეთი ნარატივების მოწოდებას, რომლებიც ოპონენტებს წარმოაჩენდა გარემოს მტრებად ან პროგრესის წინააღმდეგ მებრძოლებად, რითაც ეფექტურად ზღუდავდა მათ გავლენას“, – წერს Visegrád 24-ი.„LIFE პროგრამის ფარგლებში ყოველწლიურად 15,5 მილიონი ევრო იგზავნებოდა არასამთავრობო ორგანიზაციებთან ამ კოორდინაციის განსახორციელებლად. ევროპარლამენტის სამი უმსხვილესი კონსერვატიული პარტიული ჯგუფი — EPP, ECR და PfE მოითხოვენ კომისიის დაფინანსების პრაქტიკის წინააღმდეგ რეაგირებას. 2025 წლის დასაწყისში EPP-ის, ECR-ისა და PfE-ის ევროპარლამენტარები დაემუქრნენ LIFE-ის ყოველწლიური 15,6 მილიონი ევროს დაფინანსების გაყინვით 30-მდე გარემოსდაცვითი არასამთავრობო ორგანიზაციისთვის. ევროპარლამენტარებმა მოითხოვეს ანგარიშვალდებულება და განაცხადეს, რომ კომისიის გარემოს დაცვის გენერალური დირექტორატი საიდუმლოდ უხდიდა არასამთავრობო ორგანიზაციებს უფრო მკაცრი კლიმატური პოლიტიკის ლობირებისთვის, რითაც ძირს უთხრიდა ევროპარლამენტისა და ეროვნული პარლამენტების საკანონმდებლო დამოუკიდებლობას“, – წერს Visegrád 24-ი.