მამუკა მდინარაძე: ტატუნაშვილის რეზოლუციას შემდეგ სასესიო კვირაში მივიღებთ

26 მაისს რაც შეეხება და აქ ოპოზიციის ინიციატივებს, იმის რესურსიც კი არ აქვთ, რაც 4 ოქტომბერს ჰქონდათ - 26 მაისი უნდა იყოს ეროვნული კონსოლიდაციის დღე, - ამის შესახებ პრემიერმა, ირაკლი კობახიძემ განაცხადა, რითაც „ოპოზიციური ალიანსის“ მიერ 26 მაისს დაანონსებულ აქციას გამოეხმაურა.როგორც პრემიერმა აღნიშნა, ნებისმიერი მცდელობა სრული წარუმატებლობისთვის არის განწირული.„26 მაისს რაც შეეხება, აქ ოპოზიციის ინიციატივებს, იმის რესურსიც კი არ აქვთ, რაც 4 ოქტომბერს ჰქონდათ. რა თქმა უნდა, ნებისმიერი მათი მცდელობა არის სრული წარუმატებლობისთვის განწირული, ამას დაინახავს საზოგადოება. 26 მაისი უნდა იყოს ეროვნული კონსოლიდაციის დღე“,- აღნიშნა პრემიერმა.

ირანის წინააღმდეგ სამხედრო კამპანია გაგრძელდება, –  ამის შესახებ აშშ-ის პრეზიდენტი დონალდ ტრამპი სოციალურ ქსელში წერს.სოციალურ ქსელში გამოქვეყნებულ განცხადებაში აშშ-ის პრეზიდენტმა ჯო ბაიდენი გააკრიტიკა.„როდესაც პრეზიდენტმა სი ძინპინმა ​ძალიან ელეგანტურად აღნიშნა, რომ შესაძლოა, შეერთებული შტატები დაღმასვლის გზაზე მდგომი ქვეყანა იყოს, ის გულისხმობდა იმ უზარმაზარ ზიანს, რომელიც ჩვენ მივიღეთ „მძინარე ჯო ბაიდენის“ და ბაიდენის ადმინისტრაციის ოთხწლიანი მმართველობის პერიოდში – და ამ მხრივ ის 100%-ით მართალი იყო. ჩვენი ქვეყანა უზომოდ დაზარალდა ღია საზღვრების, მაღალი გადასახადების, „ტრანსგენდერი ყველასთვის“ პოლიტიკის, კაცების ქალთა სპორტში მონაწილეობის, DEI-ს, საშინელი სავაჭრო შეთანხმებების, ფართოდ გავრცელებული დანაშაულისა და კიდევ მრავალი სხვა მიზეზის გამო.პრეზიდენტი სი არ გულისხმობდა იმ წარმოუდგენელ აღმასვლას, რომელიც შეერთებულმა შტატებმა აჩვენა მსოფლიოს ტრამპის ადმინისტრაციის 16 შესანიშნავი თვის განმავლობაში – რაც მოიცავს ისტორიულ მაქსიმუმზე მყოფ საფონდო ბაზრებს, სამხედრო გამარჯვებას, ვენესუელასთან წარმატებულ ურთიერთობას, ირანის სამხედრო ძალების განადგურებას (გაგრძელება იქნება!) – მსოფლიოში ყველაზე ძლიერ არმიას დიდი უპირატესობით, ძლიერ ეკონომიკას, რეკორდულ 18 ტრილიონი დოლარის ინვესტიციებს, რომლებიც სხვა ქვეყნებიდან შედის აშშ-ში, ქვეყნის ისტორიაში საუკეთესო სამუშაო ბაზარს, სადაც ახლა უფრო მეტი ადამიანი მუშაობს, ვიდრე ოდესმე, ქვეყნისთვის დამანგრეველი DEI-ს დასრულებას და კიდევ ბევრ სხვა მიღწევას, რომელთა ჩამოთვლაც პრაქტიკულად შეუძლებელია.პრეზიდენტმა სიმ ასეთ მოკლე დროში არაერთი მნიშვნელოვანი წარმატება მომილოცა. ორი წლის წინ ჩვენ ნამდვილად ვიყავით დაღმასვლის გზაზე მდგომი ქვეყანა და ამაში სრულად ვეთანხმები პრეზიდენტ სი-ს. თუმცა ახლა შეერთებული შტატები მსოფლიოში ყველაზე „ცხელი“ ქვეყანაა და იმედი მაქვს, ჩვენი ურთიერთობა ჩინეთთან უფრო ძლიერი და უკეთესი იქნება, ვიდრე ოდესმე“, – წერს ტრამპი.

„ოპოზიციის ალიანსის“ ერთ-ერთი ლიდერი ნიკა გვარამია მიიჩნევს, რომ პარტიები „ლელო – ძლიერი საქართველო“ და „გახარია საქართველოსთვის“ ალიანსში უნდა მიიღონ. ამის შესახებ გვარამიამ ერთ-ერთ სოციალურ პლატფორმაზე პოდკასტში სტუმრობისას ისაუბრა.როგორც პოლიტიკოსმა აღნიშნა, წარსული მხოლოდ მაშინ უნდა განიხილონ, როცა ბიძინა ივანიშვილი ხელისუფლებიდან წავა.„მე ვერ ვაიძულებ, მაგალითად, „ლელოს“ და „გახარიას“ ალიანსში შემოვიდნენ. მგონია, უმძიმესი შეცდომა იყო 2025 და კიდევ უფრო მძიმე – გახარიას პარლამენტში დაბრუნება. მიუხედავად ამისა, აბსოლუტურად ღიად ვამბობ – და იმ ლოგოზე ცარიელი კვადრატის ერთ-ერთი ინიციატორი ვიყავი – რომ აქ უნდა მივიღოთ ეს ხალხი. ამ ტიპის გარჩევების დრო იქნება, ბიძინა რომ წავა მერე. Fair play-ს (სამართლიანი თამაში) შესაძლებლობა რომ იქნება სამართლიანი არჩევნების გზით, მაშინ გავარჩიოთ ეს ყველაფერი და წარსული“, – განაცხადა გვარამიამ.წამყვანის კითხვაზე, შეიძლება თუ არა „ყველანი ერთად“ საერთო საარჩევნო სიას ნიშნავდეს, გვარამიამ დადებითად უპასუხა და აღნიშნა: „თუ ეს ყველაფერი იქნება ასე, იქნება საერთო სია“.

უკრაინის შეიარაღებული ძალები ახლა ყველაზე ძლიერი და ყველაზე მძლავრი არმიაა ევროპაში, – ამის შესახებ აშშ-ის სახელმწიფო მდივანმა, მარკო რუბიომ „ფოქს ნიუსთან“ ინტერვიუში განაცხადა.„ეჭვგარეშეა, რომ ამ ომის აუცილებლობამ უკრაინელებს ახალი ტაქტიკის, ახალი მეთოდების, ახალი აღჭურვილობისა და ტექნოლოგიების შემუშავებისკენ უბიძგა, რაც ქმნის ერთგვარ ჰიბრიდულ, ასიმეტრიულ ომს. ეს შთამბეჭდავია. ეს ეჭვგარეშეა. ვგულისხმობ, თუ შევხედავთ, რუსები თვეში ხუთჯერ მეტ ჯარისკაცს კარგავენ, ვიდრე უკრაინელები. უკრაინა უფრო პატარა ქვეყანაა და უფრო მცირე არმია ჰყავს, თუმცა, უნდა ითქვას, რომ უკრაინის შეიარაღებული ძალები ახლა ევროპაში ყველაზე ძლიერი და ყველაზე მძლავრი არმიაა. ცხადია, ნაწილობრივ იმ დახმარების გამო, რაც მათ მიიღეს, მაგრამ ასევე იმ საბრძოლო გამოცდილების გამო, რაც შეიძინეს”,- განაცხადა რუბიომ.ამასთან, რუბიოს თქმით, დონალდ ტრამპს სურს, რომ ეს ომი დასრულდეს და აშშ მზადაა, ამისთვის ყველაფერი გააკეთოს.„პრეზიდენტს უბრალოდ სურს, რომ ომი დასრულდეს. მისი აზრით, ეს გიჟური ომია. და მართალია. ორივე მხარეს ადამიანები მასობრივად იღუპებიან. უკრაინას ორი ათწლეული დასჭირდება აღსადგენად. რუსეთის ეკონომიკისთვის მიყენებული ზიანი უზარმაზარია. რუსები თვეში 15-20 ათას ჯარისკაცს კარგავენ. ეს დაღუპულების რაოდენობაა და არა დაჭრილების. ეს ცუდი ომია. ჩვენ მზად ვართ, პრეზიდენტიც მზადაა, მისი გუნდიც მზადაა,რომ ხელი შევუწყოთ ომის დიპლომატიურ დასრულებას.სამწუხაროდ, ბოლო რამდენიმე თვეში გარკვეული მიზეზების გამო იმპულსი დავკარგეთ: უკრაინელები სულ უფრო მეტად დარწმუნებულები არიან თავიანთ პოზიციაში ბრძოლის ველზე, მათ ზამთარი გადაიტანეს, რუსებიც ცოტა ოპტიმისტურად არიან განწყობილი, რადგან ნავთობის ფასი გაიზარდა. თუმცა იმედი გვაქვს, იქნება ეს ვლადერ პუტინის განცხადება თუ სხვა რამ, მალე მივალთ იმ ეტაპამდე, როდესაც ორივე მხარე კვლავ ჩაერთვება პროცესში. ჩვენ მზად ვართ, შევასრულოთ შუამავლის როლი და ეს კონფლიქტი დავასრულოთ. ვფიქრობ, მსოფლიოში ერთადერთი ქვეყანა ვართ, რომელსაც ამის გაკეთება შეუძლია. თუ ვინმე სხვას სურს, სცადოს. სცადოს, მაგრამ ორივე მხარე გვეუბნება, რომ ერთადერთი ჩვენ ვართ, ვისაც ეს შეუძლია. საბოლოოდ, პრეზიდენტს სურს, რომ ომი დასრულდეს. და თუ არის რამე, რისი გაკეთებაც მას და ჩვენ შეგვიძლია ამ მიზნის მისაღწევად, აუცილებლად გავაკეთებთ“,- განაცხადა რუბიომ.

რატომ არ მალაპარაკებთ? რატომ არ მაძლევთ სიტყვის თქმის უფლებას? პროკურორს მინდა ვკითხო, ზაქარია ჩოხელი რატომ არ არის დაკავებული, რომელიც მონაწილეობდა ჩემს წამებაში? - ბარემ დამხვრიტე პირდაპირ, მაინც იმას გააკეთებ, რასაც გეტყვიან, - ასე მიმართა ტერორისტული აქტის ჩადენის მცდელობის ბრალდებით დაკავებულმა, „ძლიერი საქართველო - ლელოს“ ერთ-ერთმა ლიდერმა, ალეკო ელისაშვილმა მოსამართლე გიორგი გელაშვილს.ელისაშვილს სურდა, რომ სხდომის დასასრულს განცხადება გაეკეთებინა და პროკურორისთვის კითხვა დაესვა, თუმცა მოსამართლემ სხდომა გადადო.მანამდე კი, პროცესზე დაიკითხა გამომძიებელი ილონ კორძაია, რომელიც აღნიშნული საქმის მთავარი გამომძიებელი იყო.„2025 წლის 29 ნოემბერს შემოვიდა შეტყობინება, რომ დაკავებული იყო ალეკო ელისაშვილი, რომელიც სასამართლოს შენობის გადაწვას ცდილობდა. როდესაც ადგილზე მივედი, ალეკო ელისაშვილი დაკავებული დამხვდა.მანდატურის სამსახურის უფროსისა და ექსპერტ-კრიმინალისტების თანხლებით დავათვალიერე შემთხვევის ადგილი.როდესაც მივედი, იატაკზე იდო იარაღი და ხელთათმანები. მაგიდებზე და იატაკზე დასხმული იყო სავარაუდოდ, ბენზინი. ასევე, იქვე იყო დიდი ჩანთა, საიდანაც ბევრი ნივთი იქნა ამოღებული: რევოლვერი, მჭიდი, ხელთათმანები, სანთებელა, მცირე ჩანთა, სადაც შეშის ფრაგმენტები იყო ჩალაგებული. იქვე იდო ბენზინით სავსე და ცარიელი ბოთლები. მტკიცებულებები ლოგიკურად იყო ჩალაგებული ჩანთაში. იარაღი კი მთავარ ოთახში იყო იატაკზე მოთავსებული, რომელშიც იდო მჭიდი, მასში კი ტყვიები იყო მოთავსებული“, - განაცხადა ილონ კორძაიამ.ცნობისთვის, ალეკო ელისაშვილს ბრალდება საქართველოს სისხლის სამართლის კოდექსის 19-323-ე მუხლის პირველი ნაწილით წარედგინა, რაც ტერორისტული აქტის ჩადენის მცდელობას გულისხმობს. აღნიშნული ქმედება სასჯელის სახედ და ზომად 10-დან 15- წლამდე თავისუფლების აღკვეთას ითვალისწინებს.გამოძიების ინფორმაციით, ნიღბიანი ალეკო ელისაშვილი 29 ნოემბერს, დაახლოებით 04:00 საათზე, ცეცხლსასროლი იარაღით, საბრძოლო მასალით და ტერორისტული აქტის განხორციელებისათვის საჭირო ნივთებით შეიარაღებული თბილისის საქალაქო სასამართლოს შენობასთან მივიდა, ჩაქუჩის გამოყენებით სასამართლოს კანცელარიის შენობის გარე ფასადის მინა ჩაამტვრია და შეაღწია სასამართლოს შიდა სივრცეში. პროკურატურის მიერ გავრცელებული ინფორმაციით, მან ადგილზე განთავსებულ ნივთებზე და დოკუმენტაციაზე დიდი რაოდენობით აალებადი ნივთიერება დაასხა და ცეცხლის წაკიდებით სცადა ხანძრის გაჩენა. გამოძიების ცნობითვე, პოლიტიკოსი ერთ-ერთ მანდატურს თავს დაესხა და სცემა.