მამუკა მდინარაძე ოპოზიციაზე: მათი ხუთნომრიანი მთავარი პარტიაც კი იმდენ ხმას ვერ მიიღებს, რამდენი ადამიანიც იქნება დღეს აქციაზე

უცხოელმა დონორებმა არაერთხელ უარყვეს გამჭვირვალობის ნაწილში ხელისუფლების რეკომენდაციები და თავიანთი ვალდებულებები დაარღვიეს, – ამის შესახებ საქართველოს პარლამენტის თავმჯდომარე შალვა პაპუაშვილი სოციალურ ქსელში წერს.როგორც პაპუაშვილი აღნიშნავს,  სიტუაციის გამოსწორება უცხოელ დონორებზეა დამოკიდებული და მათ კონსტრუქციული ჩართულობისკენ მოუწოდებს.„მიმდინარე კვირას საქართველოს პარლამენტმა მიიღო ცვლილებები უცხოური პოლიტიკური ხასიათის დაფინანსების მარეგულირებელ კანონმდებლობაში.უცხოელმა დონორებმა არაერთხელ უარყვეს გამჭვირვალობის ნაწილში ხელისუფლების რეკომენდაციები და თავიანთი ვალდებულებები დაარღვიეს. დარღვევებს შედეგები მოჰყვება. სიტუაციის გამოსწორება უცხოელ დონორებზეა დამოკიდებული. მტკიცედ მოვუწოდებთ ამ პროცესში კონსტრუქციული ჩართულობისკენ“, – წერს პაპუაშვილი.

ირანის პრეზიდენტმა, მასუდ ფეზეშიანმა მეზობელ ქვეყნებს ბოდიში მოუხადა ირანის მხრიდან განხორციელებული თავდასხმებისთვის და აღნიშნა, რომ ირანი მეზობლებს თავს არ დაესხმება, „თუ ისინი პირველები არ დაესხმებიან თავს“.„მე საჭიროდ მიმაჩნია ბოდიში მოვუხადო მეზობელ ქვეყნებს, რომლებზეც შეტევა განხორციელდა. ჩვენ არ ვაპირებთ მეზობელ ქვეყნებში შეჭრას“, – განაცხადა ფეზეშქიანმა.ირანის პრეზიდენტმა აღნიშნა, რომ ისრაელის ან შეერთებული შტატების მხარდაჭერა „პატივისა და თავისუფლებისკენ მიმავალი გზა არ არის“.ამასთან, ფეზეშქიანის თქმით, ირანი არ დანებდება და სამხედროები აგრძელებენ ისრაელის წინააღმდეგ საპასუხო დარტყმებს.„ირანი არასდროს დანებდება, ისინი ჩვენი უპირობო დანებების შესახებ ოცნებებს საფლავში წაიღებენ“, – განაცხადა მასუდ ფეზეშქიანმა.

აფხაზეთის საოკუპაციო ძალები აცხადებენ, რომ მათ თავს დაესხნენ უკრაინული საჰაერო დრონები, თუ ეს ასეა, ეს არის უკრაინის კანონიერი უფლება და მე ამას მხოლოდ მივესალმები, – ამის შესახებ საქართველოს ყოფილი პრეზიდენტი მიხეილ სააკაშვილი სოციალურ ქსელში წერს. „ის, რომ ოკუპანტებმა თავისუფლად ვერ იმოქმედონ აფხაზეთში, საქართველოს ეროვნულ ინტერესებს ემსახურება. ძალიან მალე მოვა დრო, როცა ჩვენ უკრაინელების დახმარებით გავათავისუფლებთ აფხაზეთს რუსებისგან, მანამდე თბილისი უნდა გავათავისუფლოთ მოსკოვის მარიონეტ კრიმინალური დიქტატურისგან“, – წერს სააკაშვილი.

პარლამენტის წევრის, გურამ მაჭარაშვილის განცხადებით, აშშ-ის პრეზიდენტის, დონალდ ტრამპის ადმინისტრაცია ხვდება, რომ საქართველო არაფერ შუაშია იმ ნეგატიურ დამოკიდებულებაში, რაც არსებობდა და რომელიც ქვეყანასთან მიმართებაში ბაიდენის ადმინისტრაციამ შექმნა.გურამ მაჭარაშვილი საქართველოს პირველ არხთან საუბარში ამერიკაში საქართველოს საპარლამენტო დელეგაციის მიერ გამართულ შეხვედრებს გამოეხმაურა და აღნიშნა, რომ ვიზიტი იმას ნიშნავს, რომ საქართველო-ამერიკას შორის ურთიერთობების გადატვირთვა უკვე დაწყებულია.დეპუტატის თქმით, რამდენიმე კვირის წინ ამერიკის შეერთებული შტატებიდან განცხადებები გაკეთდა იმის თაობაზე, რომ საქართველოსთან მიმართებაში ბაიდენის ადმინისტრაციამ ნეგატიური მემკვიდრეობა დატოვა.„ეს სახელმწიფო მდივანმა, მარკო რუბიომ თქვა. შესაბამისად, ჩვენი დელეგაციის ვიზიტი იმას ნიშნავს, რომ ის რეალობა ახსნადი და გამჭვირვალე გახდა, რაც იყო, სამწუხაროდ, ამერიკა-საქართველოს შორის. კარგია ის, რომ დონალდ ტრამპის ადმინისტრაცია ხვდება, რომ საქართველო არაფერ შუაშია იმ ნეგატიურ დამოკიდებულებაში, რაც არსებობდა – ბაიდენის ადმინისტრაციის მხრიდან საქართველოსთან მიმართებაში ნეგატიური დამოკიდებულება შეიქმნა. ჩვენ მზად ვართ, რომ ამერიკა-საქართველოს შორის ურთიერთობებში პოზიტიური ნაბიჯები იყოს გადადგმული. ეს ვიზიტი იმას ნიშნავს, რომ პროცესი დაწყებულია. ჩვენი ელჩის ამერიკაში გააქტიურება პარტნიორული ურთიერთობების ახალი ფურცლიდან დაწყებას ნიშნავს, რაც მისასალმებელია. რაც შეეხება ოპოზიციის კრიტიკას, „ნაცმოძრაობა“ ლანძღავდა და ლანძღავს. მათი აზრით, ტრამპი რუსული პროექტია. გვარამიათი დაწყებული, „ენჯეოებით“ დასრულებული, დონალდ ტრამპს ლანძღავდნენ და არ მგონია, ახალ ადმინისტრაციასთან პოზიტიური დამოკიდებულება გაუხარდეთ“, – განაცხადა მაჭარაშვილმა.

აიათოლა ალი ხამენეის ვაჟი, რომელიც მის მემკვიდრედ განიხილება, ევროპაში უძრავი ქონების იმპერიას ფლობს, – ამის შესახებ „ევრონიუსი“ წერს.გამომძიებელმა ჟურნალისტებმა დაადგინეს, რომ 56 წლის მოჯთაბა ხამენეის საზღვარგარეთ მნიშვნელოვანი ქონება აქვს.მედიის ცნობების მიხედვით, ევროპაში უძრავი ქონების იმპერია შექმნა ირანელმა ბიზნესმენმა, ალი ანსარმა, რომელიც დაკავშირებულია ირანის სულიერი ლიდერის, ალი ხამენეის ვაჟთან.„ბლუმბერგის“ ერთწლიანი გამოძიების თანახმად, ის შუამავლების მეშვეობით აკონტროლებს უძრავი ქონების საერთაშორისო ქსელს, თუმცა აქტივები პირდაპირ მის სახელზე არ არის რეგისტრირებული.პორტფელში შედის ძვირად ღირებული უძრავი ქონება ლონდონში, ვილა დუბაიში და მაღალი კლასის სასტუმროები ფრანკფურტში და მალიორკაზე. დაფინანსება ძირითადად მოდის ირანის ნავთობის შემოსავლებიდან, რომლებიც ირიცხება ბრიტანეთში, შვეიცარიაში, ლიხტენშტაინსა და არაბთა გაერთიანებულ საამიროებში მდებარე ფინანსურ ინსტიტუტებში და ოფშორული კომპანიების ქსელის გავლით.„ბლუმბერგის“ მიერ იდენტიფიცირებული ერთ-ერთი ძირითადი აქტივია ფრანკფურტში მდებარე ხუთვარსკვლავიანი სასტუმრო Hilton Frankfurt Gravenbruch-ი.დოკუმენტაციის მიხედვით, სასტუმრო 2011 წლიდან ეკუთვნის ირანელ ბიზნესმენ ალი ანსარისთან დაკავშირებულ სტრუქტურებს.გამოძიების მიხედვით, ირანელი მულტიმილიონერი ალი ანსარი, შუამავლის როლს ასრულებს ხამენეის ვაჟისთვის. თავად ანსარი უარყოფს რაიმე კავშირს „ირანის რევოლუციის გუშაგთა კორპუსთან“ ან მოჯთაბა ხამენეისთან.ანსარის წინააღმდეგ სანქციები 2025 წლის ოქტომბერში დააწესა დიდმა ბრიტანეთმა. ანსარიმ კატეგორიულად უარყო ფინანსური ან პირადი კავშირი მოჯთაბა ხამენეისთან და აღნიშნა, რომ აპირებს ბრიტანეთის მიერ დაწესებული სანქციების გასაჩივრებას.როგორც „ევრონიუსი“ Financial Times-ის გამოძიებაზე დაყრდნობით წერს, ირანელმა ბიზნესმენმა, ანსარიმ შექმნა დაახლოებით 400 მილიონი ევროს ღირებულების ევროპული უძრავი ქონების იმპერია.აქტივები მოიცავს ძვირად ღირებულ ქონებას ევროპის სხვადასხვა ქვეყანაში, მათ შორის გოლფის კურორტს მალიორკაზე და სათხილამურო სასტუმროს ავსტრიაში, რომლებიც სტრუქტურირებულია ოფშორული კომპანიების რთული ქსელით ლუქსემბურგში, სენტ კიტსსა და ნევისში, ავსტრიაში, გერმანიასა და ესპანეთში.