მამუკა მდინარაძე: დილიდან თურმე ისტერიკაშია ნაცტელევიზიები, ხალხი მოჰყავთ რეგიონებიდანო, რა დაამშვიდებთ – მათი ხუთნომრიანი მთავარი პარტიაც კი იმდენ ხმას ვერ მიიღებს, რამდენი ადამიანიც იქნება დღეს აქციაზე!

პარტია „ქართული ოცნების“ ახალგაზრდული ორგანიზაციის ხელმძღვანელებთან, თავმჯდომარესთან და გამგეობის წევრებთან შეხვედრაზე ბევრი საკითხი გამოიკვეთა, გავიარეთ სამომავლო გეგმები, – ამის შესახებ პარტია „ქართული ოცნების“ თავმჯდომარე ირაკლი კობახიძემ პარტიის ოფისში ჟურნალისტებს განუცხადა.კობახიძის თქმით, შეხვედრაზე დაისახა კონკრეტული გეგმები.„განვიხილეთ ის შეხვედრები, რომლებიც შედგა რეგიონებში. ბევრი საკითხი გამოიკვეთა. ასევე, გავიარეთ ჩვენი სამომავლო გეგმები ახალგაზრდული ორგანიზაციის საქმიანობის თვალსაზრისით. ძალიან აქტიურად ვიმუშავებთ ამ მიმართულებით, განსაკუთრებით შემდეგი ორი წლის განმავლობაში, დავსახეთ კონკრეტული გეგმები და გაგრძელდება აქტიური მუშაობა“, – აღნიშნა კობახიძემ.კითხვაზე, ჩაერთვებიან თუ არა ახალგაზრდები პოლიტიკურ ცხოვრებაში, კობახიძემ განაცხადა, რომ ახალგაზრდებს ამის დიდი ინტერესი აქვთ.„რა თქმა უნდა, ინტერესი დიდია. ზოგადად, ამ ქვეყნის მართვა მომავალში უნდა გადაიბარონ ახალგაზრდებმა. აქედან გამომდინარე, ძალიან მნიშვნელოვანია ამ მიმართულებით სწორად ჩვენი მუშაობის დაგეგმვა. კიდევ ერთხელ ვიტყვი, რომ აქტიურად ვიმუშავებთ ამ მიმართულებით შემდეგი ორი წლის განმავლობაში“, – განაცხადა ირაკლი კობახიძემ.

მიუხედავად იმისა, რომ დღეს საქართველოში კანონი არ კანონობს და რეპრესიული ინსტრუმენტია, არსებობს კანონი „პოლიტიკური გაერთიანების შესახებ“. ჩვენ არ უნდა მივცეთ რეჟიმს ფორმალური საბაბი, დაიწყონ მოქმედებები პარტიის რეგისტრაციიდან მოხსნის მიმართულებით, – ამის შესახებ „ნაციონალური მოძრაობის“ თავმჯდომარის მოვალეობის შემსრულებელმა, თინა ბოკუჩავამ განაცხადა.მისი თქმით, კანონის მიხედვით, აუცილებელია, ნებისმიერი ცვლილებები აკმაყოფილებდეს სამ კრიტერიუმს: პარტიას ჰყავდეს ხელმძღვანელი პირი; პოლიტსაბჭო და ე.წ. სარევიზიო კომისია.„მე გავაგრძელებ თავმჯდომარის მნიშვნელოვანი მოვალეობის შესრულებას, ვიდრე ახალი პარტიული ყრილობა არ აირჩევს ახალ ხელმძღვანელ პირს. ახლა საუბარია, რომ თავმჯდომარის პოსტი უნდა გაუქმდეს. ფორმალურად, სამართლებრივად ეს ასე ვერ მოხდება. არსებობს კანონი „პოლიტიკური გაერთიანების შესახებ“. ჩვენ არ უნდა მივცეთ რეჟიმს ფორმალური საბაბი, რომ დაიწყონ მოქმედებები პარტიის რეგისტრაციიდან მოხსნის მიმართულებით“, – აღნიშნა ბოკუჩავამ.კითხვაზე, სააკაშვილის განცხადებაში, რომ უნდა შეიქმნას რეფორმატორთა საბჭო, თქვენ ამოიკითხეთ თავმჯდომარის პოსტის გაუქმება, თინა ბოკუჩავა პასუხობს: „დიახ, საუბარი იყო იმაზე, რომ არცერთი პოზიცია აღარ უნდა დარჩეს, გარდა პოლიტსაბჭოს თავმჯდომარის პოზიციისა, გამომდინარე იქიდან, რომ ლევან ხაბეიშვილი არის ტყვეობაში“.„ლევან ხაბეიშვილმა ბევრი უსამართლობა იწვნია პარტიაში, რაზეც არც მე და არც ლევანს საჯაროდ არ გვისაუბრია, თუმცა, შეიძლება, ამის დროც მოვიდეს. სწორია, რომ პოლიტსაბჭოს თავმჯდომარედ უნდა დარჩეს ლევან ხაბეიშვილი. შესაბამისად, თუ ის იქნება პოლიტსაბჭოს თავმჯდომარე, უნდა არსებობდეს ასევე პოლიტიკური საბჭოც“, – განაცხადა თინა ბოკუჩავამ.ამასთან, თინა ბოკუჩავა აცხადებს, რომ საკუთარ თავს რეფორმების საბჭოში ვერ ხედავს.„მე ვრჩები პარტიაში, სავარაუდოდ, არ დავაყენებ თავმჯდომარეობის კანდიდატად საკუთარ თავს. პრეზიდენტ სააკაშვილს პარტიაში თუ რაღაცის ფორმაცია სურს, მე რიგით წევრად გავაგრძელებ ჩემი ქვეყნის უკეთესი მომავლისთვის ბრძოლას. ბრძოლას იმისთვის, რომ ეს ქვეყანა შევიყვანოთ ევროკავშირში და ჩვენ შვილებს ჰქონდეთ ნათელი მომავალი, არ გვდევნიდნენ თავისუფალი სიტყვისთვის და აზრისთვის. სავარაუდოდ, რეფორმების საბჭოშიც ვერ ვხედავ საკუთარ თავს. რადგან ის პარტიისგან გვერდზე მდგომი ორგანო იქნება, უფრო სწორი იქნება, ის დაკომპლექტდეს არაპარტიული ადამიანებით“, – განაცხადა თინა ბოკუჩავამ.საქართველოს ყოფილმა პრეზიდენტმა, მიხეილ სააკაშვილმა ცოტა ხნის წინ სოციალურ ქსელში პოსტი გამოაქვეყნა. სააკაშვილი „ნაციონალურ მოძრაობას“ სთავაზობს, აირჩიონ დროებითი მართვის ორგანო, შეიქმნას რეფორმატორთა საბჭო, რომლის თავმჯდომარე თავად იქნება, ნანუკა ჟორჟოლიანი კი – აღმასრულებელი მდივანი.

"ნაციონალურ მოძრაობაში" მიმდინარე პროცესებსა და მიხეილ სააკაშვილის ინიციატივას მმართველ გუნდში ეხმაურებიან. საპარლამენტო უმრავლესობის წევრების შეფასებით, ექსპრეზიდენტი საქართველოში ახალი სტრუქტურის დაფუძნებასა და საკუთარი ძალაუფლების შენარჩუნებას ცდილობს.მიხეილ სააკაშვილის მიერ პარტიაში დაანონსებულ ცვლილებებთან დაკავშირებით განცხადება საქართველოს პარლამენტის თავმჯდომარის პირველმა მოადგილემ გიორგი ვოლსკიმ გააკეთა."ფაქტია, რომ სააკაშვილი ახალი ორგანიზაციის დაფუძნებაზე საუბრობს. ფაქტია, რომ უკრაინის მოქალაქე ცდილობს, საქართველოში შექმნას გარკვეული სტრუქტურა, რომელიც მას დაექვემდებარება და არ იქნება სხვადასხვა აზრის მქონე ადამიანების გაერთიანება, როგორც ეს "ნაციონალურ მოძრაობაში" ბოლო პერიოდში ჩამოყალიბდა. აფასებს ამ სიტუაციას და უნდა, შეინარჩუნოს ის ძალაუფლება, რომლითაც ის არის ცნობილი," - განაცხადა გიორგი ვოლსკიმ.

დღეს საქართველოს უმეტეს რეგიონში მზიანი და ცხელი ამინდია მოსალოდნელი. ჰაერის ტემპერატურა დაბლობში +30…+35 გრადუსის ფარგლებში იქნება, ხოლო აღმოსავლეთ საქართველოს ზოგიერთ რაიონში +36 გრადუსამდეც მოიმატებს.მთიან და მაღალმთიან რეგიონებში დღის მეორე ნახევარში ადგილობრივად შესაძლოა ხანმოკლე წვიმა და ელჭექი აღინიშნოს, თუმცა ქვეყნის უმეტეს ნაწილში უნალექო ამინდი შენარჩუნდება.ქალაქების მიხედვით:სოხუმი +30°, მზიანიზუგდიდი  +31°, მზიანიფოთი +29°, მზიანიბათუმი +28°, მზიანიოზურგეთი  +29°, მზიანიქუთაისი +32°, მზიანიბორჯომი +27°, ნაწილობრივ მოღრუბლულიახალციხე +28°, ხანმოკლე წვიმაა შესაძლებელიგორი  +34°, მზიანითბილისი  +35°, მზიანირუსთავი  +36°, მზიანითელავი +33°, მზიანიგუდაური + 21°, დღის მეორე ნახევარში ელჭექის ალბათობაამესტია +20°, ხანმოკლე წვიმაა შესაძლებელი

SHOT-ის ცნობით, ირკუტსკის ოლქში გარდაცვლილი იპოვეს ოთხი წლის ბიჭი, რომელიც ჯომარდობის დროს დაიკარგა.ცხედარი შელეხოვსკის რაიონში, სანაპიროსთან ახლოს იპოვეს. ძებნა ერთი კვირა გაგრძელდა.ტრაგედია 49 მონაწილისგან შემდგარი მასობრივი ჯომარდობის დროს მოხდა. შესვენების დროს ორი ბავშვი - ოთხი წლის ბიჭი და რვა წლის გოგონა - წყალში ჩავარდა.სწრაფმა დინებამ ორივე გაიტაცა. ორი ზრდასრული მამაკაცი მათ დასახმარებლად გაიქცა.გოგონა წყლიდან ამოიყვანეს, მაგრამ მეორე ბავშვის გადარჩენა უკვე გვიან იყო. ერთ-ერთი მათგანის ცხედარი, ვინც მათ დასახმარებლად გაიქცა, მოგვიანებით იპოვეს. მეორე მამაკაცის ცხედარი კი დღეს იპოვეს.არსებული ინფორმაციით, გარდაცვლილი ბავშვი ერთი წლის ასაკიდან ყოველ ზაფხულს მშობლებთან ერთად მდინარე ირკუტზე ჯომარდობდა. ის ძლიერი მოცურავე იყო და წყლის არ ეშინოდა. ამჯერად მამამისს ოჯახთან ერთად ყოფნა არ შეეძლო, ამიტომ არასრულწლოვანი დედასთან ერთად მარტო იმყოფებოდა მოგზაურობაში. - ამის შესახებ SHOT იტყობინება.Telegram არხის ცნობით, ნიკოლაი ბაიროვი და ალექსეი კოროტკოვი ცდილობდნენ ბიჭის გადარჩენას, როდესაც ის ჯომარდობის დროს დინებამ წაიღო. ორივე მაშველი გარდაიცვალა.