ლუხუმ ჩხვიმიანმა დიუსელდორფში ბრინჯაოს მედალი მოიპოვა

ბრიტანელი „მწვანეების“ კანდიდატმა, ჰანა სპენსერმა „დიდი მანჩესტერის“ შუალედურ საპარლამენტო არჩევნებში გაიმარჯვა. ამის საპირისპიროდ, მარცხი განიცადა პრემიერ-მინისტრ კირ სტარმერის ლეიბორისტულმა პარტიამ, რომელიც ამ რეგიონში თითქმის ერთი საუკუნის განმავლობაში დომინირებდა. სააგენტო „როიტერმა“ ამ შედეგს „ბრიტანეთის ორპარტიული სისტემის რღვევის დასაწყისი“ უწოდა. „როიტერი“ ვარაუდობს, რომ ლეიბორისტული პარტიისთვის ერთი შეხედვით ყველაზე მეტად გარანტირებული მანდატის დაკარგვა სტარმერზე დამატებით ზეწოლას მოახდენს. სააგენტომ ეს არჩევნები „ბოლო ერთ წელიწადში ყველაზე დიდი საარჩევნო ტესტად“ შეაფასა.გორტონისა და დენტონის საარჩევნო ოლქში ვაკანტური საპარლამენტო მანდატის მოსაპოვებლად მემარცხენე „მწვანეთა პარტიიდან“ ჰანა სპენსერი იბრძოდა, რომელმაც საკმაოდ დიდი უპირატესობით გაიმარჯვა. მეორე ადგილზე ნაიჯელ ფარაჯის ანტიმიგრაციული პარტია Reform UK-ი („რეფორმისტები“) გავიდა, ხოლო ლეიბორისტებმა მესამე ადგილზე გადაინაცვლეს. ლეიბორისტული პარტიის თავმჯდომარემ, ანა ტურლიმ არ დამალა, რომ ეს შედეგი მისთვის „მეტისმეტად იმედგამაცრუებელია“.„დიდი მნაჩესტერის“ რეგიონში შუალედური არჩევნების დანიშვნა ლეიბორისტული პარტიის ერთ-ერთი დეპუტატის ჯანმრთელობის მდგომარეობის გაუარესების გამო გადადგომამ გამოიწვია. გუშინ გამართულ არჩევნებში „მწვანეთა პარტიამ“ აქ ხმების 40,7% მიიღო, 28,7%-ით მეორე ადგილი „რეფორმისტებმა“ დაიკავეს, ლეიბორისტულმა პარტიამ კი მესამე ადგილზე გადაინაცვლა - მას ამომრჩეველთა 25,4%-იანი მხარდაჭერა ჰქონდა.სპენსერის არჩევის შემდეგ, დიდი ბრიტანეთის 650-წევრიან საკანონმდებლო ორგანოში „მწვანეების“ რაოდენობა ხუთამდე გაიზარდა. „თქვენ, ვინც გორტონსა და დენტონში თავს დავიწყებულად და მარტოსულად გრძნობთ, მე გხედავთ და თქვენთვის ვიბრძოლებ“, - განაცხადა გამარჯვების შემდეგ 34 წლის სპენსერმა, რომელიც პროფესიით სანტექნიკოსი და ამავე დროს, ადგილობრივი საკრებულოს წევრია. „ასოშიეითიდ პრესის“ ცნობით კი, მან თავის კლიენტებს მოუბოდიშა იმისთვის, რომ პარლამენტში წასვლის გამო, უკვე აღებული ზოგიერთი შეკვეთის გაუქმება მოუწევს. სტარმერი გადადგომაზე უარს ამბობს და დეპუტატებისგან აპლოდისმენტებს იღებს (სტატია ჩეხურ ენაზე) პრემიერ-მინისტრზე ზეწოლა „როიტერი“ იმასაც იხსენებს, რომ არჩევნებამდე ცოტა ხნით ადრე, სტარმერმა თანაპარტიელსა და თავის ერთ-ერთ კონკურენტს - მანჩესტერის მერს, ენდი ბერნემს - კენჭისყრაში მონაწილეობა „აუკრძალა“. სააგენტოს ცნობით, საარჩვენო ოლქს ბრიტანეთის პრემიერ-მინისტრი რამდენიმე დღის წინ ეწვია, რასაც ბრიტანელი პოლიტიკოსები საარჩევნო კამპანიის დროს, როგორც წესი, გაურბიან ხოლმე, თუკი წაგების მაღალი რისკი არსებობს.თანაპარტიელების ნაწილმა თებერვალში სტარმერის გადადგომა მოითხოვა. ამის მიზეზად ისინი ასახელებდნენ მის მიერ ლეიბორისტული ვეტერანის, პიტერ მანდელსონის ვაშინგტონში ელჩად დანიშვნას, მიუხედავად იმისა, რომ ამ უკანასკნელს სკანდალურად ცნობილ ჯეფრი ეპშტეინთან ჰქონდა კავშირები. ეპშტეინთან მანდელსონის კავშირებზე გამოძიება მიმდინარეობს (სტატია ჩეხურ ენაზე) 2024 წლის ბოლო საყოველთაო არჩევნებზე, ლეიბორისტებმა გორტონსა და დენტონში ხმების ნახევარზე მეტი მოიპოვეს. თუმცა, სტარმერის არაპოპულარობამ, ნელმა ეკონომიკურმა ზრდამ, სკანდალების სერიამ და პოლიტიკური კურსის ცვლილებებმა პარტიის მხარდაჭერის მკვეთრი ვარდნა განაპირობა. მიუხედავად ამისა, ლეიბორისტმა კანონმდებლებმა აცხადებენ, რომ სტარმერს თანამდებობის დაკარგვის „გარდაუვალი საფრთხე“ ნაკლებად ემუქრება.დიდ ბრიტანეთში შემდეგი საყოველთაო არჩევნები მაისში გაიმართება - ადგილობრივ და რეგიონულ არჩევნებთან ერთად, საპარლამენტო არჩევნები ტარდება უელსსა და შოტლანდიაში.გამოკითხვების მიხედვით, ხუთ პარტიას, მათ შორის „მწვანეებს“, „რეფორმისტებს“ და ცენტრისტულ „ლიბერალ-დემოკრატებს“, ეროვნულ დონეზე, ორნიშნა მაჩვენებლები აქვთ, რამაც შეიძლება ხელისუფლების სათავეში ლეიბორისტებისა და კონსერვატორების ტრადიციულ მონაცვლეობას და შესაბამისად - ორპარტიულ სისტემას - საფრთხე შეუქმნას. „როიტერის“ თანახმად, მომავალ არჩევნებზე ლეიბორისტული მთავრობისთვის მთავარი გამოწვევა, სავარაუდოდ, Reform UK-ი იქნება, მაგრამ სპენსერის გამარჯვება აჩვენებს, რომ ეთნიკურად მრავალფეროვან ურბანულ ოლქებში გამარჯვება „რეფორმისტებს“, შესაძლოა, გაუჭირდეთ.

უკრაინის პრეზიდენტმა, ვოლოდიმირ ზელენსკიმ განაცხადა, რომ სიამოვნებით მიიღებდა ბირთვულ იარაღს დიდი ბრიტანეთისა და საფრანგეთისგან, თუმცა მსგავსი შეთავაზებები ჯერ არ მიუღია.„სიამოვნებით გავაკეთებდი, მაგრამ ასეთი შეთავაზებები არ მიმიღია. მაგრამ სიამოვნებით მივიღებდი. რუსებმა უნდა იცოდნენ, რომ თუ ვინმეს მოუნდება… მაგრამ ეს არ ხდება“, – აღნიშნა ზელენსკიმ.მანამდე რუსეთის დაზვერვამ განაცხადა, რომ დიდი ბრიტანეთი და საფრანგეთი აქტიურად მუშაობენ უკრაინისთვის ბირთვული იარაღისა და მისი მიწოდების საშუალებებზე და აპირებენ ამ იარაღის გადაცემის შენიღბვას, თითქოს უკრაინამ საკუთარი იარაღი განავითარა.ზელენსკის მტკიცებით, როგორც წესი, როდესაც რუსეთი ბრძოლის ველზე გამარჯვებას ვერ აღწევს, ის უკრაინის ტერიტორიაზე ბირთვული იარაღის ძებნას იწყებს.

უკრაინის პრეზიდენტთან საუბრისას მკაფიო შთაბეჭდილება დამრჩა, რომ უკრაინულ მხარეს უკრაინის ტერიტორიაზე ნავთობის ტრანზიტის განახლების ინტერესი არ აქვს, – ამის შესახებ სლოვაკეთის პრემიერ-მინისტრმა, რობერც ფიცომ განაცხადა.სლოვაკეთის მთავრობის ხელმძღვანელის თქმით, ნავთობსადენის მდგომარეობასთან დაკავშირებით უკრაინისგან განსხვავებული მოსაზრებები აქვს, რადგან სლოვაკეთის დაზვერვის მონაცემებით, ნავთობსადენი დაზიანებული არ არის, მაშინ, როდესაც უკრაინის პრეზიდენტი ამტკიცებს, რომ მის აღდგენას დიდი დრო სჭირდება.რობერტ ფიცოს განცხადებით, ვოლოდიმირ ზელენსკის განუცხადა, რომ ინსპექტირების ჯგუფის შექმნა სურს ევროკომისიის ექსპერტების მონაწილეობით, რომელიც ზუსტად განსაზღვრავს ნავთობსადენის დაზიანების მდგომარეობას.„უკრაინის პრეზიდენტს შევახსენე, რომ უკრაინულმა მხარემ აქამდე არ მისცა კიევში ჩვენს ელჩს ასეთი შემოწმების ჩატარების უფლება და რომ ეს შესაძლებლობა უკრაინაში ევროკავშირის ელჩსაც კი არ მიეცა. პრეზიდენტმა ზელენსკიმ უარყო ასეთი შემოწმების აქტივობა და უკრაინის დაზვერვის სამსახურების ნეგატიურ პოზიციაზე მიუთითა“, – განაცხადა რობერტ ფიცომ.

„ლელო“ იასპარეზებს ქართულ პოლიტიკაში დამოუკიდებლად, როგორც დამოუკიდებელი, ძლიერი პოლიტიკური ძალა, – ამის შესახებ „ლელოს“ წევრმა, სალომე სამადაშვილმა განაცხადა.სადამაშვილის თქმით, ქართველ ხალხს სჭირდება პოლიტიკური ცვლილება.„არალეგიტიმური ხელისუფლების წარმომადგენლებს ძალიან უჭირთ აღიარონ, რომ მიზეზი, რის გამოც ისინი რეალურად ვეღარ მართავენ ქვეყანას და რომ „ქართული ოცნების“ მმართველობის ყოველი დღე საქართველოსთვის კიდევ უფრო მძიმე ჩიხად იქცა, არის ის, რომ ამ პოლიტიკურ ძალას აღარ აქვს ქართველი ხალხის ნდობა. ქართველ ხალხს სჭირდება პოლიტიკური ცვლილება. სწორედ ამიტომ მიგვაჩნია, რომ დიახ, აუცილებლად გაიმარჯვებს „ლელო“, რომლის მთავარი მოკავშირე რუსული რეჟიმის წინააღმდეგ ბრძოლაში სწორედ ქართველი ხალხი და ჩვენი თანამოქალაქეები არიან, რისიც, როგორც ჩანს, ძალიან ეშინია ივანიშვილს. მას ძალიან დიდი სურვილი აქვს, „ლელომ“ არ იარსებოს როგორც დამოუკიდებელმა პოლიტიკურმა მოთამაშემ. ამას ადასტურებს მისი წარმომადგენლის, კობახიძის განცხადებაც, თითქოს „ლელო“ აპირებს, შეუერთდეს რაიმე პოლიტიკურ გაერთიანებას, მიუხედავად იმისა, რომ ჩვენ მკაფიოდ დავაფიქსირეთ ჩვენი პოზიცია – „ლელო“ იასპარეზებს ქართულ პოლიტიკაში დამოუკიდებლად, როგორც დამოუკიდებელი, ძლიერი პოლიტიკური ძალა“, – განაცხადა სამადაშვილმა.

საქართველოს ტექნიკური უნივერსიტეტის ნაგებობების, სპეციალური სისტემების და საინჟინრო უზრუნველყოფის ინსტიტუტის გენერალური კონსტრუქტორი, საქართველოს მეცნიერებათა ეროვნული აკადემიის აკადემიკოსი, სამხედრო მეცნიერებათა დოქტორი, ტექნიკის მეცნიერებათა დოქტორი, პროფესორი, გენერალ-მაიორი ელგუჯა მეძმარიაშვილი საქართველოს მეცნიერებათა ეროვნული აკადემიის პრეზიდიუმის სხდომაზე მოხსენებით - „კოსმოსური ტექნიკისა და სამხედრო-საინჟინრო, სამეცნიერო-ტექნიკური და ტექნოლოგიური დარგების განვითარება საქართველოში“ - წარდგა.ინფორმაციას საქართველოს ტექნიკური უნივერსიტეტი ავრცელებს.სტუ-ის ცნობით, მოხსენებაში მეცნიერმა განიხილა თავისი კვლევითი საქმიანობის ძირითადი მიმართულებები: კოსმოსური და მიწისზედა სპეციალური დანიშნულებისა და სამხედრო-საინჟინრო ნაგებობები და კომპლექსები; ტრანსფორმირებადი საინჟინრო სისტემების თეორია - საქართველოს ტერიტორიის თავდაცვისთვის საინჟინრო მომზადება, საბრძოლო მოქმედებების სამხედრო-საინჟინრო უზრუნველყოფა და სამხედრო თეორია.როგორც საქართველოს ტექნიკური უნივერსიტეტის რექტორი აღნიშნავს, ელგუჯა მეძმარიაშვილის მოხსენებაში ყურადღება იყო გამახვილებული ქვეყნის თავდაცვისუნარიანობის გაძლიერების, თანამედროვე ტექნოლოგიების დანერგვისა და კოსმოსური ტექნიკის განვითარების პერსპექტივებზე. აკადემიკოს დავით გურგენიძის განცხადებით, მეცნიერმა ხაზგასმით აღნიშნა, რამდენად მნიშვნელოვან როლს ასრულებს როგორც საქართველოს ტერიტორიის თავდაცვისთვის საინჟინრო მომზადება, ასევე სხვა მიმართულებები ეროვნული უსაფრთხოების სისტემის და სამეცნიერო-ტექნიკური პოტენციალის გაძლიერებაში. რექტორის შეფასებით, ელგუჯა მეძმარიაშვილი იმ იშვიათ მეცნიერთა შორისაა, რომელთა საქმიანობა თანაბრად აერთიანებს ფუნდამენტურ მეცნიერებას, საინჟინრო პრაქტიკას და ქვეყნის თავდაცვის სტრატეგიულ ინტერესებს. მისი თქმით, კოსმოსური ტექნიკის მიმართულებით მეძმარიაშვილის კვლევები არა მხოლოდ ტექნოლოგიური პროგრესის ნაწილია, არამედ ეროვნული მნიშვნელობის ამოცანებსაც პასუხობს.„აკადემიკოს ელგუჯა მეძმარიაშვილის სამეცნიერო მემკვიდრეობა განსაკუთრებულად მნიშვნელოვანია კოსმოსური და სპეციალური დანიშნულების სისტემების განვითარებაში. მის მიერ დამუშავებული კონცეფციები და საინჟინრო მიდგომები ქმნის მყარ თეორიულ და პრაქტიკულ საფუძველს საქართველოში კოსმოსური ტექნოლოგიების ეტაპობრივი განვითარებისთვის. ეს არის სფერო, რომელიც განსაზღვრავს სახელმწიფოს ტექნოლოგიურ დამოუკიდებლობას, უსაფრთხოების ხარისხსა და საერთაშორისო კონკურენტუნარიანობას. ელგუჯა მეძმარიაშვილის საქმიანობის ერთ-ერთი უმნიშვნელოვანესი ასპექტია ტრანსფორმირებადი საინჟინრო სისტემების თეორიის განვითარება, რაც თანამედროვე სამხედრო-საინჟინრო აზროვნების მნიშვნელოვანი კომპონენტია და უშუალოდ უკავშირდება ქვეყნის ტერიტორიის საინჟინრო მომზადებას, კრიტიკული ინფრასტრუქტურის დაცვას და საგანგებო სიტუაციებზე ოპერატიულ რეაგირებას.დღეს, როდესაც უსაფრთხოების გარემო დინამიკურად იცვლება და ტექნოლოგიური გამოწვევები სულ უფრო კომპლექსური ხდება, განსაკუთრებულ მნიშვნელობას იძენს ისეთი სამეცნიერო სკოლა, რომელიც აერთიანებს სამხედრო თეორიას, საინჟინრო უზრუნველყოფას და მაღალ ტექნოლოგიებს. ელგუჯა მეძმარიაშვილმა სწორედ ასეთი სამეცნიერო მიმართულება ჩამოაყალიბა და განავითარა“, - აცხადებს დავით გურგენიძე.რექტორის შეფასებით, ელგუჯა მეძმარიაშვილის საქმიანობა სცილდება ინდივიდუალური კვლევის ფარგლებს და ინსტიტუციურ და სახელმწიფოებრივ მნიშვნელობას იძენს. მის მიერ ჩამოყალიბებული სამეცნიერო სკოლა ზრდის ახალგაზრდა მკვლევართა ახალ თაობას, რომლებიც ჩართულნი არიან როგორც კოსმოსური ტექნიკის, ისე სამხედრო-საინჟინრო და სპეციალური სისტემების კვლევასა და პრაქტიკულ დანერგვაში.„საქართველოს ტექნიკური უნივერსიტეტი ამაყობს, რომ მის აკადემიურ სივრცეში მოღვაწეობს მეცნიერი, რომლის ნაშრომები და ინიციატივები პირდაპირ უკავშირდება ქვეყნის უსაფრთხოების გაძლიერებას. კოსმოსური ტექნიკის განვითარება, სპეციალური დანიშნულების ნაგებობებისა და სისტემების შექმნა და სამხედრო-საინჟინრო უზრუნველყოფის სამეცნიერო საფუძვლების გაღრმავება ეს ის სტრატეგიული მიმართულებებია, რომლებიც განსაზღვრავს საქართველოს მომავალს როგორც ტექნოლოგიურად განვითარებული და უსაფრთხო სახელმწიფოსი“, - აღნიშნავს დავით გურგენიძე.რექტორის განცხადებით, საქართველოს ტექნიკური უნივერსიტეტი მომავალშიც აქტიურად დაუჭერს მხარს იმ კვლევით და ტექნოლოგიურ პროექტებს, რომლებიც მიზნად ისახავს კოსმოსური ტექნიკის განვითარებას, თავდაცვისუნარიანობის განმტკიცებას და ეროვნული სამეცნიერო პოტენციალის გაძლიერებას.სტუ-ის ინფორმაციით, ელგუჯა მეძმარიაშვილის სამეცნიერო და საპროექტო კონცეფციით, სამხედრო-სამრეწველო კომისიის გადაწყვეტილებით, საქართველოში აშენდა კოსმოსური ნაგებობების აგებისა და სრულმასშტაბიანი გამოცდების უნიკალური სასტენდო კომპლექსი საგურამოში და ბორჯომის რაიონის მთიან ზონაში აიგო მიწისზედა ტრანსფორმირებადი ნაგებობების ექსტრემალურ პირობებში გამოცდების პოლიგონი. ელგუჯა მეძმარიაშვილის მიერ რეალიზებულ სამუშაოებში უმნიშვნელოვანესია პირველი ქართული კოსმოსური ობიექტი „რეფლექტორი“, რომელიც ღია კოსმოსურ სივრცეში, ორბიტულ სადგურზე 1999 წ. 23-28 ივლისს წარმატებით გაიშალა, გამოიცადა და შემდეგ მოძრაობა გააგრძელა დამოუკიდებელ, დედამიწის ირგვლივ ორბიტაზე. საქართველოში 23 ივლისი, საქართველოს ისტორიაში განსაკუთრებული ეროვნული მნიშვნელობის მოვლენის აღსანიშნავად, დაწესდა „პირველი ქართული კოსმოსური ობიექტის დღედ”. ამასთან, ობიექტის კოსმოსში გაყვანა და ორბიტაზე წარმატებული გამოცდა, როგორც ფაქტი და მოვლენა, შეტანილია კოსმონავტიკის ისტორიულ ქრონიკათა ჩამონათვალში; აღნიშნულ მოვლენასთან დაკავშირებით საქართველომ გამოსცა საფოსტო მარკები. აღსანიშნავია გენერალ-მაიორ ელგუჯა მეძმარიაშვილის მიერ შექმნილი: თავდაცვითი დანიშნულების და ექსტრემალური პირობების მობილური, სწრაფად ასაგები 48-მეტრიანი სიგრძის სამხედრო ხიდი; საქართველოს სამგანზომილებიანი სამხედრო-საინჟინრო რუკა; საქართველოს ტერიტორიის და მასზე განლაგებული სამხედრო-საინჟინრო ობიექტების კატალოგები; სახელმწიფო, სამხედრო-საინჟინრო და მიზნობრივი პროგრამები; სპეციალური რაიონების მაღალი სიზუსტის კოსმოსური გადაღებების მონაცემთა ციფრული ბანკი და სხვა. განსაკუთრებულია ელგუჯა მეძმარიაშვილის ხელმძღვანელობით და უშუალო მონაწილეობით კომპანიებისა და ორგანიზაციებისთვის 1995-2025 წლებში შესრულებული სამეცნიერო და ტექნოლოგიური სამუშაოები: Daimler Bens Aerospace - გერმანია, Alenia Aerospazio - იტალია, მიუნხენის ტექნიკური უნივერსიტეტი, ევროპული კოსმოსური სააგენტო – ESA და EOS Data Analytics - აშშ კონტრაქტებით, მათ შორის, ევროპული კოსმოსური სააგენტოს ტენდერში გამარჯვებული პროექტი (2001), ახალი თაობის დიდი ზომის გასაშლელი კოსმოსური ევროპული რეფლექტორული ანტენების შესაქმნელად. ელგუჯა მეძმარიაშვილის სამეცნიერო სამუშაოების ბაზაზე შეიქმნა ახალი დისციპლინა „ტრანსფორმირებადი ნაგებობები“, რომელიც 2009 წლიდან, როგორც ძირითადი საგანი იკითხება საქართველოს ტექნიკური უნივერსიტეტის მაგისტრატურაში. მან საქართველოს ტექნიკურ უნივერსიტეტში, 2011 წელს, საქართველოში პირველა აამოქმედა სადოქტორო პროგრამა სამხედრო მეცნიერების დარგში. ელგუჯა მეძმარიაშვილი 2016 წლიდან ასევე არის საქართველოს მეცნიერებათა ეროვნული აკადემიის მიერ დაარსებული სამხედრო ჟურნალის - „სამხედრო მეცნიერება. საქართველო“ − რედაქტორი.