ლევან დავითაშვილი – მთელი ძალისხმევა მიმართული გვექნება, რომ ეკონომიკური ზრდა იყოს ინკლუზიური, მოვახდინოთ სამუშაო ადგილების გენერირება და დავასაქმოთ ჩვენი მოსახლეობა

როგორც მან „პალიტრანიუსის“ გადაცემაში „360 გრადუსი“ აღნიშნა, „ქართულ ოცნებას“ სახალხო პროტესტი აწუხებს. „რეალურად, „ქართული ოცნება“ ძალიან რთულ მდგომარეობაშია. ვხედავთ, რომ ქვეყანაში სრული ეკონომიკური უპერსპექტივობაა. ეკონომიკა დამძიმდება, მათ არაფერი აქვთ ხალხისთვის შესათავაზებელი მთავარ გამოწვევაზე, რომელიც ყველა მოქალაქეს აწუხეს. ხალხი მთავრობას ირჩევს იმისთვის, რომ მათ ინტერესებს ემსახუროს. მთელი ის მასკარადი, რაც არალეგიტიმურ პარლამენტში ხდება, მათ შორის, უცხოური კანონების სიტყვა-სიტყვით თარგმნა, ვფიქრობ, რომ ამას ერთგვარი დატვირთვა აქვს, რომ შექმნან რაღაც დღის წესრიგი, რაზეც ჩვენ უნდა ვილაპარაკოთ. საერთოდ არ მაინტერესებს არალეგიტიმური პარლამენტი რას მიიღებს, რადგან არც მათ მიერ მიღებული კანონებია ლეგიტიმური, ეს არის ხალხის დაცინვა, პირველ რიგში, იმ ხალხის, ვინც მათ ხმა მისცა. „ქართულ ოცნებას“ არავინ ელაპარაკება, არც ოკეანის გაღმა დაუძახეს კონფერენციაზე. ეს ხალხი არის კეთროვანივით, რომელსაც ხელს არავინ კიდებს. არ შევალ იმის განხილვაში FARA ცუდი კანონია თუ კარგი. მე მაქვს კითხვა: დამოუკიდებელი სასამართლო, დამოუკიდებელი პროკურატურა და დამოუკიდებელი ინსტიტუციები, რომლებიც ნებისმიერ კანონის აღსრულებას უნდა უზრუნველყოფდნენ, არსებობს ამ ქვეყანაში? თუ არ არსებობს, როგორ შეიძლება რამე ანალოგიაზე ისაუბრო? ეს ყველაფერი არის სანახაობა, რეალურად მათ ძალიან აწუხებთ პროტესტი. „ქართულ ოცნებას“ სახალხო პროტესტი არ აწუხებდეს, ამ დრაკონულ ჯარიმებს რატომ მიიღებდნენ? ე.ი. აწუხებთ. თუ არ გაწუხებს, რატომ უნდა დააშინო, გააფთრებულად რატომ ცდილობ, რომ ქუჩაში არავინ გამოვიდეს. ხალხისთვის მაქვს სათქმელი: რაც მათ აღიზიანებთ, არ მოსწონთ ე.ი. ეს არის ბრძოლის სწორი გზა. ხვალ სხვადასხვა ლოკაციიდან იმართება მსვლელობები. „ლელო“ წარმოდგენილი იქნება მარჯანიშვილიდან გამართულ მარშში. იმედი მაქვს, ხვალ ბევრი მოქალაქე გამოვა და ხელისუფლებას ეტყვის, რომ არ ეშინია“, - განაცხადა სამადაშვილმა.

გურიაში, ოზურგეთის მუნიციპალიტეტის სოფელ კონჭკათში შუახნის მამაკაცი დაიღუპა. არსებული ინფორმაციით, მამაკაცი მეზობელს სახლის სახურავის თოვლისგან გაწმენდაში ეხმარებოდა, რა დროსაც ბეტონის ფილა დაეცა. ადგილზე მობილიზებულია სამაშველო და სასწრაფო დახმარების სამსახურები. ოზურგეთის მერიის პრესსამსახურში აცხადებენ, რომ დაღუპულია ადგილობრივი, შუახნის მამაკაცი, რომელიც მეზობლის დასახმარებლად გადავიდა და ნგრევას ემსხვერპლა.

დადგება ახლა 28 თებერვალი და სამი წლის თავზე აუცილებლად აღვწერ, რა შეხვედრა შედგა ჩემს კაბინეტში და რა მოთხოვნები იყო მაშინ, – ამის შესახებ საქართველოს პარლამენტის თავმჯდომარემ, შალვა პაპუაშვილმა საქართველოს პირველი არხის გადაცემაში „აქტუალური თემა მაკა ცინცაძესთან ერთად“ სტუმრობისას განაცხადა. გადაცემის წამყვანმა შალვა პაპუაშვილს კითხვა დაუსვა, რომ უკრაინაში ომის დაწყებიდან მმართველი გუნდი მუდმივად საუბრობდა საქართველოში მეორე ფრონტის საფრთხეზე, საუბარი იყო, რომ ხორცხიელდებოდა ზეწოლა რამდენიმე დიპლომატის მხრიდან, ასევე საერთაშორისო ზეწოლა და დღეს როდესაც ტრამპის ადმინისტრაცია ყველა მიმართულებით ღიად საუბრობს, ხომ არ არის დრო, რომ მმართველმა გუნდმაც კონკრეტული სახელებითა და გვარებით ისაუბროს, რაზეც პაპუაშვილმა განაცხადა, რომ ზოგიერთ დეტალზე უკვე ისაუბრეს, ხოლო 28 თებერვალს აპირებს, დეტალურად აღწეროს შეხვედრა, რომელიც სამი წლის წინ ამ დღეს შედგა მის კაბინეტში. „აი, 28 თებერვალი რომ დადგება, მაშინ აღვწერ, თუმცა მე ამაზე მისაუბრია კიდევაც, რასთან გვქონდა საქმე. ეს დღეები ისე შორს არ არის, რომ ვერ შევძლოთ გახსენება და გავიხსენოთ. შეგახსენებთ, ომის დაწყებისთანავე რა მოთხოვნები წამოვიდა უკრაინის ხელისუფლების მხრიდან, რომ გაგვეგზავნა მოხალისეები. სამი წელი გავიდა და რომელიმე ქვეყანას მოსთხოვა ზელენსკის ადმინისტრაციამ, რომ დაეორგანიზებინათ მებრძოლი მოხალისეების გაგზავნა? რატომ მაინცდამაინც საქართველოს მოადგა? ჯერ ეს იყო არასაჯაროდ შემოთვლილი, რომ მზად იყვნენ, მიეღოთ მოხალისეები, ამისთვის გამოეყოთ თვითმფრინავი და ა.შ; სჭირდებოდათ საქართველოს მთავრობისგან ამის ორგანიზება, თანხმობა და ა.შ. ამაზე მიიღეს უარი იმ მხრივ, რომ სიტუაციას უნდა მოეკიდონ გაგებით, რა სიტუაციაში იმყოფება საქართველო და ეს არ იყო მეგობრული თხოვნა, რომელიც მაშინ უკრაინის ხელისუფლებისგან მივიღეთ. ეს იყო თავდაპირველად, დიპლომატიური არხებით ასე ვთქვათ, თხოვნა, მოთხოვნა არ იყო, მაგრამ თხოვნა იყო, რომ ეს იქნებ, დაეორგანიზებინა ხელისუფლებას, მოხალისეების გაშვება, ვინაიდან მათ ჰქონდათ ინფორმაცია, რომ იყვნენ მსურველები, ომში წასულიყვნენ. ამ შემთხვევაში პასუხი იყო, რომ თუ ხელისუფლება დააორგანიზებს ასეთ რეისებს და თბილისის საერთაშორისო აეროპორტიდან აფრინდებოდა მებრძოლებით სავსე თვითმფრინავი, ეს, რა თქმა უნდა, ნიშნავდა ომში ჩაბმას პირდაპირ, ეჭვგარეშე და საქართველო გახდებოდა ომის მონაწილე“, – განაცხადა შალვა პაპუაშვილმა. მისივე თქმით, საქართველოს ხელისუფლების მხრიდან ამაზე მიიღეს თხოვნა, რომ ასეთი თხოვნით აღარ მოემართათ. „ამაზე ჩვენ ვნახეთ საჯარო პოსტი სოციალურ ქსელში უკრაინის პრემიერ-მინისტრ შმიგალის, რომელიც დღესაც პრემიერ-მინისტრია. ის ქართველ ხალხს მოუწოდებდა, მიდით და მოსთხოვეთ თქვენს ხელისუფლებას, რომ დააწესოს სანქციები და გამოაგზავნოს მოხალისეებიო. ამის პასუხი იყო შემდეგ ზელენსკის მიმართვა მისი მხარდამჭერი ქართული რადიკალური ოპოზიციის მიმართ, არის მომენტები, როდესაც ხალხი უკეთესია, ვიდრე ხელისუფლებაო და ამის გამო მან პირველ მარტს საქართველოდან ელჩი გაიწვია მაშინ, როდესაც რუსეთმა უკრაინას შეუტია ბელარუსის მხრიდან და ბელარუსიდან არ გაიწვია ელჩი. ეს რა იყო, თუ არა ზეწოლა საქართველოს ხელისუფლებაზე და ამაში, უნისონში, მათთან ერთად მოქმედებდა რადიკალური ოპოზიცია და უცხოეთიდან დაფინანსებული „ენჯეოები“. ის ხალხი, რომელიც დღეს თქვენს ტელევიზიასთან, პარლამენტთან მართავს აქციებს და ზუსტად დღეს, ომის წლისთავზე, უკრაინის დროშებში გახვეული დადიან თბილისის ქუჩებში. ზუსტად ეს ხალხი, ზუსტად სამი წლის წინ, ზუსტად ამ დღეებში იდგა საქართველოს პარლამენტის წინ და საქართველოს ხელისუფლებისგან ითხოვდნენ მოხალისეების გაგზავნას უკრაინაში, ანუ საქართველოს ჩართვას ომში, სანქციების დაწესებას რუსეთისთვის, ანუ საქართველოს ჩართვას ომში და საქართველოს ეკონომიკურ დანგრევას. ამას ითხოვდა ზუსტად ის ხალხი, ვინც დღეს თქვენს ტელევიზიასთან დგას და პრეტენზიებს გიყენებთ თქვენ, ვინც დღეს საქართველოს პარლამენტთან დგას და პრეტენზიებს გვიყენებს. აი, ეს რადიკალური ოპოზიცია, აი, ეს „ენჯეოები“ და აი ეს ადამიანები, იგივე სახეები, იგივე სახელები და იგივე გვარები იდგნენ სამი წლის წინ. საქართველოს ხელისუფლებას რომ დაეჯერებინა ამ ხალხისთვის, საქართველო გადაეშვებოდა კიდევ ერთ ომში და დღეს ისინი ან დატირებული იქნებოდნენ, ან დამტირებლები“, – განაცხადა პაპუაშვილმა. შალვა პაპუაშვილმა ასევე თქვა, რომ ახლა, როცა მათ შორის, რაღაც კვანძებიც იხსნება, მეტი ინფორმაცია გამოდის და მეტ რაღაცაზე საუბრობენ თავად ისინი, ვინც თავად იყვნენ ამ ომში უშუალოდ ჩართული, ამ ადამიანებმა ახლა მაინც გამოიტანონ დასკვნები, რომ არაფერი არ არსებობს საკუთარი ქვეყნისა და ერის ინტერესებზე მაღლა. „მაშინ, ამ ხალხმა ჩვენი ქვეყნის ინტერესებზე მაღლა დააყენა სხვისი ინტერესები და გარკვეულწილად, თავისი თავი გამოაყენებინა სხვებს იმისთვის, რომ საქართველოს წინააღმდეგ წასულიყვნენ“, – განაცხადა პაპუაშვილმა. გადაცემის წამყვანის შეკითხვაზე, შეუძლია თუ არა, მეტი თქვას იმაზე, რაზეც 28 თებერვალს უნდა ისაუბროს, ანუ იყო თუ არა მოთხოვნა, საქართველო ჩართულიყო უშუალოდ ომში, შალვა პაპუაშვილმა განაცხადა, რომ მას, როგორც პარლამენტის თავმჯდომარეს, აღმასრულებელი გადაწყვეტილებების მიღება არ შეუძლია და ამიტომ, მასთან საუბრები სხვა არის და აღმასრულებელ ხელისუფლებასთან საუბრები სხვა იყო. „ყველაფერს თავისი დრო აქვს და ყველაფერი ითქმება, თუმცა მოწოდებები მათგან, რომ სანქციები დაგვეწესებინა რუსეთისთვის, საჯაროდ უარყოფნენ, თითქოს ამას არ ითხოვდნენ ჩვენგან, ეს დახურულ კარს მიღმა ხდებოდა“, – განაცხადა პაპუაშვილმა.

„დღევანდელ ოპოზიციას, ვეღარ ვეძახი ოპოზიციას, ვერც რადიკალურს, ეს უფრო ჰგავს შეთქმულებას საქართველოს წინააღმდეგ...“ - ამის შესახებ საქართველოს პარლამენტის თავმჯდომარის პირველმა მოადგილე გიორგი ვოლსკიმ, გადაცემა „ვახო ხუზმიაშვილის თავისუფალ სივრცეში“ განაცხადა.  

ოვალურ კაბინეტში აშშ-ის პრეზიდენტს ჰკითხეს, დაახასიათებს თუ არა რუსეთის პრეზიდენტ ვლადიმერ პუტინს, როგორც „დიქტატორს“. „ამ სიტყვებს ასე ჰაერზე არ ვისვრი, ვნახოთ, როგორ გამოვა ყველაფერი“, – განაცხადა ტრამპმა. მოსკოვში ვიზიტთან დაკავშირებით კითხვაზე, ტრამპმა უპასუხა, რომ 9 მაისს და უახლოეს მომავალში არ გეგმავს ვიზიტს, თუმცა არ გამორიცხავს, რომ შესაფერის დროს მოსკოვში ჩავიდეს და ასევე იმას, რომ პუტინიც ჩავიდეს აშშ-ში. „ვფიქრობ, 9 მაისი ძალიან ახლოა, მაგრამ შესაფერის დროს მე ჩავალ მოსკოვში“, – განაცხადა ტრამპმა.