კუბაში 6.8 მაგნიტუდის მიწისძვრა მოხდა

ინდური ნავთობგადასამუშავებელი ქარხნები მილიონობით ბარელ რუსულ ნავთობს დაჩქარებული წესით ყიდულობენ. როგორც წყარო იტყობინება, ქვეყანა ცდილობს თავი დააღწიოს ნავთობის მიწოდების დეფიციტს, რომელიც ახლო აღმოსავლეთში მიმდინარე კონფლიქტმა გამოიწვია - ამის შესახებ ინფორმაციას სააგენტო „როიტერი“ ავრცელებს.ინდოეთი ნავთობის იმპორტის დაახლოებით 40%-ს ახლო აღმოსავლეთიდან ჰორმუზის სრუტის გავლით იღებს, ხოლო ნედლი ნავთობის მარაგი ქვეყნის მოთხოვნას დაახლოებით 25 დღისთვის აკმაყოფილებს, რაც მას მიწოდების შოკების მიმართ დაუცველს ხდის. სახელმწიფო ნავთობგადასამუშავებელმა კომპანიებმა, მათ შორის Indian Oil-მა, BPCL-მა, HPCL-მა და MRPL-მა, ტრეიდერებისგან დაახლოებით 20 მილიონი ბარელი რუსული ნავთობი შეიძინეს. მანამდე, ინდოეთმა შეამცირა რუსული ნავთობის შესყიდვები აშშ-ის ზეწოლის ფონზე, მაგრამ არსებულ პირობებში ნავთობგადასამუშავებელი კომპანიები ბაზარზე ბრუნდებიან, რადგან ხელმისაწვდომობა ფასზე უფრო კრიტიკული ხდება.

,,საინტერესოა, რომ უცნობი_ძალის მიერ განხორციელებული თავდასხმა ნახჭევანზე მაშინ მოხდა, როცა პრეზიდენტ ილჰამ ალიევის გადაწყვეტილებით, გააქტიურდა ირანელი დიპლომატების ბეირუთიდან გადაყვანის პროგრამა, აზერბაიჯანის რესპუბლიკის მეშვეობით. ეს უბრალო დამთხვევაა თუ უცნობი_აქტორის მცდელობა, გაამწვავოს ურთიერთობები მეზობლებს შორის და გამოიწვიოს რეგიონის დესტაბილიზაცია?''-წერს ირანის ელჩი ალი მოჯანი.

ნახიჩევანის ავტონომიურ რესპუბლიკაში დრონებით განხორციელებულ შეტევასთან დაკავშირებით სატელეფონო საუბარი მქონდა აზერბაიჯანის პრეზიდენტ ილჰამ ალიევთან, – ამის შესახებ საქართველოს პრემიერ-მინისტრი ირაკლი კობახიძე X-ზე წერს.როგორც მთავრობის მეთაური აღნიშნავს, საუბრისას დაადასტურეს ქვეყნებს შორის არსებული ძლიერი პარტნიორობა და ხაზი გაუსვეს რეგიონში მშვიდობისა და სტაბილურობის მნიშვნელობას.„ნახიჩევანის ავტონომიურ რესპუბლიკაში დრონებით განხორციელებულ შეტევასთან დაკავშირებით სატელეფონო საუბარი მქონდა აზერბაიჯანის პრეზიდენტ ილჰამ ალიევთან. გამოვთქვი საქართველოს სოლიდარობა და დაშავებულებს მალე გამოჯანმრთელება ვუსურვე. ჩვენ დავადასტურეთ ჩვენს ქვეყნებს შორის არსებული ძლიერი პარტნიორობა და ხაზი გავუსვით რეგიონში მშვიდობისა და სტაბილურობის მნიშვნელობას“, – აღნიშნავს პრემიერი. 

აშშ-ის პრეზიდენტი დონალდ ტრამპი აცხადებს, რომ ზელენსკიმ „შეთანხმება უნდა დადოს“, პუტინი კი შეთანხმების დასადებად მზადაა. ამის შესახებ აშშ-ის პრეზიდენტმა „პოლიტიკოსთან“ ინტერვიუში განაცხადა.ამასთან, ინტერვიუში ტრამპმა ზელენსკი გააკრიტიკა და აღნიშნა, რომ „წარმოუდგენელია, ის უკრაინის შესახებ შეთანხმების დაბრკოლებას წარმოადგენდეს“.„ზელენსკიმ უნდა იმოქმედოს და შეთანხმება უნდა დადოს. ვფიქრობ, პუტინი მზადაა შეთანხმების დადებისთვის“, – განაცხადა ტრამპმა.დონალდ ტრამპის თქმით, უკრაინის ლიდერი ახლა სუსტ პოზიციაში იმყოფება და კომპრომისზე უნდა წავიდეს.ცნობისთვის, დონალდ ტრამპი დიდი ხანია, ამბობს, რომ აშშ-ის მხარდაჭერა უკრაინის მიმართ შეერთებული შტატებისთვის რესურსების ფუჭად ხარჯვაა და დროა, ომი დასრულდეს.

საქართველოს ვიცე-პრემიერი, თავდაცვის მინისტრი ირაკლი ჩიქოვანი, აზერბაიჯანის რესპუბლიკის თავდაცვის მინისტრს, გენერალ-პოლკოვნიკ ზაქირ ჰასანოვს ტელეფონით ესაუბრა.საქართველოს თავდაცვის სამინისტროს ცნობით, ჩიქოვანმა შეშფოთება გამოთქვა აზერბაიჯანის რესპუბლიკის ნახიჩევანის ავტონომიურ რესპუბლიკაში დრონებით განხორციელებულ შეტევასთან დაკავშირებით, რომლის შედეგად რამდენიმე მოქალაქე დაშავდა.„მხარეებმა აზერბაიჯანსა და საქართველოს შორის არსებული სტრატეგიული პარტნიორობა, რეგიონში არსებული ვითარება და უსაფრთხოების საკითხები განიხილეს.მინისტრებმა ასევე ისაუბრეს ორმხრივი სამხედრო თანამშრომლობის განვითარებაზე“,- აღნიშნულია თავდაცვის სამინისტროს ინფორმაციაში.