კონგრესმენი ჯო უილსონი – სალომე ზურაბიშვილი რჩება საქართველოს ლეგიტიმურ პრეზიდენტად, ვაფასებ მის სიმამაცეს, რადგან უპირისპირდება არალეგიტიმურ მთავრობას

„ნაციონალურ მოძრაობაში“ სერიოზული საუბრებია, ღირს თუ არა ისეთ „ალიანსში“ ყოფნა, რომელიც პატივს არ სცემს პოლიტპატიმრებს, „ერთიანი ნაციონალური მოძრაობის“ 14-წლიან ბრძოლას, – ამის შესახებ „ნაციონალური მოძრაობის“ წევრმა, ლევან ბეჟაშვილმა განაცხადა.მისი თქმით, საკითხი საბოლოო სახეს მას შემდეგ მიიღებს, რაც პარტიაში რეფორმების საკითხი დასრულდება უახლოესი რამდენიმე კვირის განმავლობაში.„ვიმეორებ, „ალიანსში“ ყოფნაზე მას შემდეგ ვიმსჯელებთ, რაც პარტიული საკადრო საკითხები გადაწყდება. 14-წლიან ოპოზიციაში ყოფნის პირობებში „ნაციონალურ მოძრაობაში“ რამდენინე ეტაპად შემოვიდნენ ახალი სახეები. დღევანდელი ლიდერების უმრავლესობა, სწორედ ახალგაზრდებით არის დაკომპლექტებული: ლაშა ფარულავა, ირაკლი ფავლენიშვილი, იგორ ნარმანია, მარიამ დოლიძე, ლევან ხაბეიშვილი და ანი წითლიძე. ეს ის ადამიანებია, ვინც პარტიას ოპოზიციაში ყოფნის დროს შემოუერთდნენ. ეს პროცესი უნდა გაგრძელდეს, ახალგაზრდებმა პარტიულ საქმიანობაში უნდა დაიკავონ მნიშვნელოვანი პოზიციები. ყველაფერი საბოლოოდ ყრილობის შემდეგ გადაწყდება“, – განაცხადა ლევან ბეჟაშვილმა.რაც შეეხება „ნაციონალური მოძრაობის“ თავმჯდომარეობის კანდიდატებს, როგორც ლევან ბეჟაშვილი ამბობს, მათი რაოდენობა განპირობებული იქნება იმ მოცემულობით, რომელიც წინასაარჩევნო რეგისტრაციის დროს შეიქმნება.„ანი წითლიძემ ერთ-ერთ გადაცემაში არც უარყო და არც დაადასტურა მისი კანდიდატად მონაწილეობა , ბუნებრივია, კანდიდატების რაოდენობა განპირობებული იქნება იმ მოცემულობით, რომელიც წინასაარჩევნო რეგისტრაციის დროს შეიქმნება. ვინ მიიღებს მონაწილეობას, ვინ იქნებიან დარეგისტრირებული, ალბათ, ამის გათვალისწინებით შეიძლება, 3, 4 და 5 კანდიდატურაც კი დარეგისტრირდეს. მას შემდეგ, რაც პოლიტსაბჭოს მიერ არჩევნების თარიღი გამოცხადდება და საარჩევნო წესი დამტკიცდება, კანდიდატებს რეგისტრაციის საშუალება ექნებათ. მე პირადად ნანუკა ჟორჟოლიანის კანდიდატურას მხარს დავუჭერ. პარტიის წევრთა მნიშვნელოვანი ნაწილი ნანუკას კანდიდატურას მხარს უჭერს, თუმცა მას საბოლოო გადაწყვეტილება ჯერ მიღებული არ აქვს“, – განაცხადა ლევან ბეჟაშვილმა.

"ბაქო-თბილისი-ბაქოს მარშრუტზე მოძრავ მატარებლებზე ბილეთების გაყიდვის აქტიური პერიოდის მიმდინარე 30-დან 90 დღემდე გაზრდის მექანიზმის დანერგვას უახლოეს დღეებში ვგეგმავთ", - ამის შესახებ „აზერბაიჯანის რკინიგზის“ მგზავრთა გადაყვანის დეპარტამენტის ხელმძღვანელმა აზერ ფარაჯოვმა განაცხადა.მისი თქმით, "აზერბაიჯანის რკინიგზაში" ბილეთები როგორც ონლაინ, ისე რკინიგზის სალაროებში იყიდება:„ADY-ში 2024 წლის ნოემბრიდან მოქმედი დინამიკური ფასების პოლიტიკის თანახმად, მგზავრებს შეუძლიათ ისარგებლონ უფრო ხელსაყრელი ფასებით, თუ ბილეთებს 25-30 დღით ადრე შეიძენენ. ეს მგზავრებს უადვილებს მგზავრობის დაგეგმვას, ხოლო ADY-ს საშუალებას აძლევს დროულად განსაზღვროს მოთხოვნა და განახორციელოს შესაბამისი ღონისძიებები, მაგალითად, დანიშნოს დამატებითი რეისები ან მატარებელს მიუერთოს დამატებითი ვაგონები.ბილეთების გაყიდვა მოიცავს 30-დღიან პერიოდს - ყოველდღიურად იყიდება ბილეთები მომდევნო 30-ე დღისთვის. მანამდე სალაროებსა და ონლაინ სისტემაში გაყიდვის პროცესი 00:30 საათის შემდეგ აქტიურდებოდა. სისტემის გადატვირთულობის გათვალისწინებით, ამ დროიდან ბილეთები ყოველი მომდევნო 30-ე დღისთვის სისტემაში უკვე სხვადასხვა დროს აისახება“.მან აღნიშნა, რომ ამჟამად ბაქო-თბილისი-ბაქოს მარშრუტზე მოთხოვნა ძალიან მაღალია, ამიტომ ბილეთები მალევე იყიდება: „ამიტომ ჩვენს მგზავრებს ვურჩევთ, მუდმივად შეამოწმონ ბილეთები მგზავრობის თარიღის შესაბამისად.მგზავრთა მოთხოვნის დაკმაყოფილების მიზნით, 11 ივნისიდან ბაქო-თბილისი-ბაქოს მარშრუტის მატარებლებს დაემატა ვაგონები და შესაბამისად გაიყიდა ახალი ბილეთები.ამჟამად აზერბაიჯანიდან საქართველოში რეისებზე მომდევნო 30-დღიანი პერიოდისთვის ბილეთების უმეტესობა, ისევე როგორც საქართველოდან აზერბაიჯანის მიმართულებით არსებული რეისები (მათ შორის დამატებით გაყიდვაში გამოსული ყველა ბილეთი), უკვე გაყიდულია.არსებული წესების თანახმად, უცხო ქვეყნის მოქალაქეებისთვის აზერბაიჯანის სახმელეთო გზით დატოვებაზე შეზღუდვა არ არსებობს. თუმცა, აზერბაიჯანში შესვლა დაშვებულია მხოლოდ თვითმფრინავითა და მატარებლით, რაც იწვევს მაღალ მოთხოვნას საქართველოდან აზერბაიჯანის მიმართულებით მატარებლის რეისებზე. მაღალი მოთხოვნის გათვალისწინებით, ვგეგმავთ ბილეთების გაყიდვის აქტიური პერიოდის მიმდინარე 30-დან 90 დღემდე გაზრდის მექანიზმის დანერგვას უახლოეს დღეებში“.

გულდასაწყვეტია, რომ დასავლეთის ზოგიერთი პოლიტიკური წრე, ასევე საერთაშორისო ინსტიტუტები, როგორიცაა ევროკავშირის პარლამენტი და ევროპის საბჭოს საპარლამენტო ასამბლეა, ცდილობენ ანტიისლამური განწყობების დანერგვას, – ამის შესახებ აზერბაიჯანის პრეზიდენტმა, ილჰამ ალიევმა განაცხადა.აზერბაიჯანის პრეზიდენტის მტკიცებით, აღნიშნული წრეები ისლამს ექსტრემიზმთან და ტერორიზმთან აიგივებენ, ქმნიან ისლამის შესახებ ცრურწმენებით აღსავსე იმიჯს და წარმოაჩენენ მას საფრთხის წყაროდ.ალიევის თქმით, დღეს მსოფლიოში ფართოდ არის გავრცელებული მუსლიმების მიმართ სიძულვილის დათესვა, ისლამური კულტურულ მემკვიდრეობაზე თავდასხმა და ისლამური ღირებულებების შეურაცხყოფა.„ჩვენს მიწებზე ისლამური კულტურული მემკვიდრეობის წინააღმდეგ ჩადენილი დანაშაულები, უდავოდ, ისლამოფობიის აშკარა გამოვლინებაა“, – აღნიშნა ილჰამ ალიევმა.

საქართველოს გენერალური პროკურორის პირველ მოადგილედ პოლიციის მაღალჩინოსანი კახა მურადაშვილი დაინიშნა. შესაბამისი ინფორმაცია უწყების ვებ-გვერდზეა განთავსებული.ამავე ინფორმაციის მიხედვით, მურადაშვილი აღნიშნულ პოზიციაზე მიმდინარე წლის 22 ივნისს დაინიშნა. მურადაშვილამდე პირველი მოადგილის თანამდებობას ზურაბ ბელთაძე იკავებდა. ის ახლა მოადგილის პოსტზე რჩება.კახა მურადაშვილი სხვადასხვა პერიოდში პოლიციაში მაღალ თანამდებობებს იკავებდა.

ბენზინის ფასებმა გაცილებით სწრაფად უნდა დაიწყოს შემცირება, ვიდრე ახლა ვხედავ, იუსტიციის დეპარტამენტს დავავალე, დაუყოვნებლივ დაიწყოს ამ საკითხის შესწავლა, – ამის შესახებ აშშ-ის პრეზიდენტმა, დონალდ ტრამპმა განაცხადა.როგორც აშშ-ის პრეზიდენტმა სოციალურ ქსელში დაწერა, ნავთობკომპანიები საწვავის ფასებს საკმარისად სწრაფად არ ამცირებენ, მიუხედავად იმისა, რომ ნედლი ნავთობის ფასი მნიშვნელოვნად დაეცა.„დიდი ნავთობკომპანიები არ ამცირებენ ბენზინის ფასს იმდენად, რამდენადაც შეესაბამება იმ მკვეთრად დაბალ ფასებს, რომელსაც ისინი ნავთობში იხდიან. სხვა სიტყვებით რომ ვთქვათ, მომხმარებლებს ზედმეტ თანხას ახდევინებენ. ბენზინის ფასებმა გაცილებით სწრაფად უნდა დაიწყოს შემცირება, ვიდრე ახლა ვხედავ!“, – წერს ტრამპი.ტრამპმა ეს განცხადება მას შემდეგ გააკეთა, რაც საერთაშორისო ბაზარზე ნავთობის ფასებმა დაიკლო. ერთი ბარელი ბრენტის მარკის ნავთობის ღირებულება დღეს 77 დოლარია, ხოლო ერთი ბარელი ამერიკული ნედლი ნავთობის ფასი 73 დოლარამდე დაეცა.