კვლევა: Pornhub-ს წუთში 56 000 მომხმარებელი ჰყავს

აზერბაიჯანს არასდროს გამოუყენებია ენერგეტიკა საქართველოს წინააღმდეგ იარაღად, პირიქით, ჩვენ შევქმენით ორმხრივად მომგებიანი პარტნიორობა, – ამის შესახებ საქართველოს პარლამენტის საგარეო ურთიერთობათა კომიტეტის თავმჯდომარემ, ნიკოლოზ სამხარაძემ აშშ-ში, სუვერენული ერების ალიანსის კონფერენციის ფარგლებში, პანელურ დისკუსიაზე გამოსვლისას განაცხადა.ნიკოლო სამხარაძემ ასევე საქართველოს ჰიდრორესურსებზე ისაუბრა და აღნიშნა, რომ ქვეყანას ათწლიანი გეგმა აქვს ელექტროენერგიის გამომუშავების გასაზრდელად.„ჩვენ ვიყავით პირველები, რომლებიც ენერგეტიკის, როგორც პოლიტიკური იარაღის გამოყენების მსხვერპლი გავხდით. ეს იყო გასული საუკუნის ოთხმოცდაათიან წლებში რუსეთის ფედერაციასთან კონფლიქტის დროს. რუსეთმა ენერგეტიკა იარაღად გამოიყენა ჩვენს წინააღმდეგ და ფაქტობრივად შეწყვიტა საქართველოს ენერგომომარაგება. საბედნიეროდ, ჩვენ გვყავს შესანიშნავი მეზობელი აზერბაიჯანი. ოთხმოცდაათიანი წლების ბოლოს საქართველოსა და აზერბაიჯანის პრეზიდენტებმა გადაწყვიტეს ძალების გაერთიანება, რადგან აზერბაიჯანი იყო ქვეყანა, რომელმაც დაიწყო ნავთობის მოპოვება კასპიის ზღვაში და ასევე სჭირდებოდა ამ ნავთობის ექსპორტი რუსეთის გვერდის ავლით, ალტერნატიული მარშრუტებით.ჩვენ გავერთიანდით და ბოლო 30 წლის განმავლობაში ვიხილეთ სამაგალითო თანამშრომლობა საქართველოსა და აზერბაიჯანს შორის. ვერ ვიტყვით, რომ ჩვენ დამოკიდებულები ვართ აზერბაიჯანზე, რადგან აზერბაიჯანს არასდროს გამოუყენებია ენერგეტიკა საქართველოს წინააღმდეგ იარაღად. პირიქით, ჩვენ შევქმენით ორმხრივად მომგებიანი პარტნიორობა. კასპიის ზღვიდან იწყება ნავთობსადენი, გაზსადენი, რომელიც მიდის თურქეთამდე და მესამე მილსადენი, რომელიც მიდის აზერბაიჯანიდან, საქართველოს გავლით, შავი ზღვის სანაპიროსკენ.ჩვენ გვჯერა, რომ ბევრი სფეროა, სადაც შეგვიძლია განვითარება. თქვენ იკითხეთ ენერგეტიკულ დამოუკიდებლობაზე, გვაქვს ათწლიანი გეგმა საქართველოში ელექტროენერგიის გამომუშავების გასაზრდელად. ჩვენ ჰიდრორესურსებით ძალიან მდიდარი ქვეყანა ვართ და მომდევნო ათი წლის განმავლობაში სამ მსხვილ ჰიდროელექტროსადგურს ავაშენებთ საქართველოში, რაც სამჯერ გაზრდის ქვეყნის ელექტროენერგიის გამომუშავებას. ამასთანავე, ვმუშაობთ ძალიან მნიშვნელოვან პროექტზე ჩვენი რუმინელი, უნგრელი და აზერბაიჯანელი მეგობრების თანამონაწილეობით“, – განაცხადა სამხარაძემ.

აშშ-ს პრეზიდენტი დონალდ ტრამპი აცხადებს, რომ ის პირადად უნდა იყოს ჩართული ირანის შემდეგი ლიდერის არჩევაში. ამის შესახებ დონალდ ტრამპმა „აქსიოსთან“ მიცემულ სატელეფონო ინტერვიუში განაცხადა.მისი თქმით, აიათოლა ალი ხამენეის შვილი, მოჯტაბა ხამენეი, რომელიც ირანის სულიერ ლიდერად აირჩიეს, მისთვის მიუღებელია. ტრამპის აზრით, მოჯტაბა ხამენეი გააგრძელებს აიათოლა ალი ხამენეის პოლიტიკას, რაც აშშ-ს ხუთ წელიწადში ომში დაბრუნებას აიძულებს.„ჩვენ გვინდა ვინმე, ვინც ირანში ჰარმონიასა და მშვიდობას მოიტანს. ისინი დროს ტყუილად კარგავენ. ხამენეის შვილი სუსტი ადამიანია. მე უნდა ვიყო ჩართული დანიშვნაში, როგორც ვენესუელაში დელსი როდრიგესის შემთხვევაში მოხდა“, – აღნიშნა ტრამპმა.

,,თითქოს, გარკვეული კავშირი არსებობს დღეს #ნახჭევანის აეროპორტზე დრონით თავდასხმასა და წუხელ #აფხაზეთში მომხდარი შემთხვევის შესახებ გავრცელებულ ინფორმაციებსა და ჭორებს შორის. არ შეიძლება იმის გამორიცხვა, რომ უცნობი აქტორი ცდილობს დაარღვიოს #კავკასიის სტაბილურობა და ერთმანეთს დაუკავშიროს ახლო აღმოსავლეთის კონფლიქტი და #უკრაინის ომი. ჩემი აზრით, ექსპერტები და მედიასაშუალებები დიდი ყურადღებით უნდა დააკვირდნენ ამ მოვლენებს. ირანის ისლამურმა რესპუბლიკამ არაერთხელ განაცხადა, რომ პატივს ვცემთ ჩვენი მეზობელი ქვეყნების ტერიტორიული მთლიანობასა და სუვერენიტეტს, ხოლო კავკასიის უსაფრთხოება და სტაბილურობა ჩვენთვის მნიშვნელოვან პრიორიტეტს წარმოადგენს. ამავდროულად კი ნათელია, რომ საერთაშორისო სამართლის ფარგლებში, აგრესორთა სამხედრო და ლოჯისტიკური ობიექტები შესაძლოა თავდაცვის ლეგიტიმურ სამიზნეს წარმოადგენდეს''-ამის შესახებ ირანის ისლამური რესპუბლიკის ელჩი საქართველოში სეიედ ალი მოჯანი სოციალურ ქსელ  facebook- ზე წერს.

დიდი ბრიტანეთის პრემიერ-მინისტრმა, კირ სტარმერმა ახლო აღმოსავლეთში მიმდინარე მოვლენებთან დაკავშირებით პრესკონფერენცია გამართა.კირ სტარმერის თქმით, მისი გადაწყვეტილება, არ ჩაერთოს ისრაელისა და აშშ-ს ირანზე თავდასხმაში უცვლელი რჩება, ხოლო საუკეთესო გზა ირანისა და მსოფლიოსთვის ახლა მოლაპარაკებების გზით შეთანხმებაა.პრემიერ-მინისტრმა ასევე აღნიშნა, რომ ბრიტანეთი კატარში Typhoon-ის ტიპის ოთხ თვითმფრინავს აგზავნის.„დღეს შემიძლია განვაცხადო, რომ ჩვენ ვაგზავნით დამატებით ოთხ „ტაიფუნის“ ტიპის თვითმფრინავს, რომლებიც შეუერთდებიან ჩვენს ესკადრილიას კატარში და მთელ რეგიონში თავდაცვითი ოპერაციების გასაძლიერებლად“, – აღნიშნა სტარმერმა.სტარმერს ასევე ჰკითხეს ტრამპის განცხადებაზე, რომლის მიხედვითაც, დიდი ბრიტანეთის პრემიერ-მინისტრმა ორ ქვეყანას შორის ურთიერთობა გააფუჭა.საპასუხოდ სტარმერმა აღნიშნა, რომ დონალდ ტრამპზე დამოკიდებულია აშშ-ისთვის სწორი გადაწყვეტილებების მიღება, ხოლო მასზე – ბრიტანეთისთვის სწორი გადაწყვეტილების.„არაფერი საკამათო ამაში არ არის“, – აღნიშნა სტარმერმა.

ირანისა და აზერბაიჯანის საგარეო საქმეთა მინისტრებს შორის სატელეფონო საუბარი გაიმართა. ამის შესახებ აზერბაიჯანის საგარეო საქმეთა სამინისტროს მიერ გავრცელებულ განცხადებაშია აღნიშნული.„სატელეფონო საუბრისას მინისტრმა ჯეიჰუნ ბაირამოვმა მკაცრად დაგმო ირანის ისლამური რესპუბლიკის მიერ აზერბაიჯანის რესპუბლიკის ნახიჩევანის ავტონომიური რესპუბლიკის ტერიტორიაზე განხორციელებული დრონებით თავდასხმები და აღნიშნულთან დაკავშირებით მკაფიო პროტესტი გამოხატა. მან ხაზგასმით აღნიშნა, რომ აზერბაიჯანის ტერიტორიაზე ეს თავდასხმები ეწინააღმდეგება საერთაშორისო სამართლის ნორმებსა და პრინციპებს და რეგიონში დაძაბულობის გაზრდას ემსახურება“, – აღნიშნულია სამინისტროს განცხადებაში.მათივე ცნობით, აბას არაღჩიმ შეშფოთება გამოთქვა ნახიჩევანის ტერიტორიაზე განხორციელებული დრონებით თავდასხმის გამო და განაცხადა, რომ ირანულმა მხარემ და სამხედროებმა ინციდენტის გამოძიება დაიწყეს.