კახა კალაძე – ჩვენ დაანონსებული გვაქვს ყვითელი ავტობუსების პარკის სრულად ჩანაცვლება 4 წლის განმავლობაში და ამ პროცესს ვიწყებთ წელს

„ერთი წლის წინ, ათასობით ქართველი ქუჩაში გამოვიდა საკუთარი დემოკრატიული უფლებების, სამოქალაქო თავისუფლების და პირველ ყოვლისა, ძლიერი ევროპული მისწრაფებების დასაცავად. მათი გზავნილი და მათი სურვილი, იყვნენ ევროპის ნაწილი, თანმიმდევრული და გაბედული იყო, პოლიტიკური ზეწოლის, შეზღუდვების, დაშინებისა და საზოგადოებრივი სივრცის შევიწროების მცდელობების მიუხედავად, ბევრმა მათგანმა გამორჩეული გამძლეობა გამოიჩინა, – ამის შესახებ ევროკავშირის საბჭოს თავმჯდომარე ქვეყნის, დანიის ევროპის საქმეთა მინისტრმა, მარი ბიერემ ევროპარლამენტის სხდომაზე საქართველოში დემოკრატიული კრიზისის თემაზე დებატების დროს განაცხადა.მისივე თქმით, ევროკავშირმა, მათ შორის ევროპარლამენტმა რამდენჯერმე გამოხატა სერიოზული შეშფოთება საქართველოში დემოკრატიული უკუსვლის გამო.„ჩვენი შეშფოთება ეხება კანონის უზენაესობის გაუარესებას, პოლიტიკურად მოტივირებულ დაკავებებს, დამოუკიდებელ მედიაზე ზეწოლას და 2025 წლის მუნიციპალური არჩევნების ჩატარებას. ჩვენ ასევე შეშფოთებული ვართ  საქართველოს ხელისუფლების მიერ მიზანმიმართული დეზინფორმაციითა და ევროკავშირის წინააღმდეგ მიმართული ნარატივების გავრცელებით“, – აღნიშნა დანიის ევროპის საქმეთა მინისტრმა.მარი ბიერეს თქმით, წელს საქართველო ჩამოშორდა პარლამენტებს შორის რეგიონულ თანამშრომლობას მაშინ, როდესაც დიალოგი ყველაზე მეტად არის საჭირო.„საქართველომ არ მიიღო მონაწილეობა ერევანში გამართულ ევრონესტის საპარლამენტო ასამბლეის შეხვედრაში. საბჭოში გამართულმა დისკუსიებმა დაადასტურა, რომ საქართველოს ხელისუფლების ქმედებები არ შეესაბამება ევროკავშირის მოლოდინებს ევროკავშირის კანდიდატი ქვეყნისადმი. სამწუხაროდ, საქართველო ნათლად განიცდის უკუსვლას ცხრა ნაბიჯის განხორციელებასთან მიმართებით, რომელთა შესრულების გათვალისწინებით მიენიჭა ქვეყანას კანდიდატის სტატუსი. შედეგად, საქართველოს ევროკავშირში გაწევრიანების პროცესი ფაქტობრივად ჩიხში შევიდა და ეს ასე იქნება, ვიდრე ხელისუფლება გამოავლენს მტკიცე ერთგულებას კურსის შეცვლის მიმართ და ევროკავშირში გაწევრიანების გზას დაუბრუნდება. ამისთვის საჭიროა ყველა უსაფუძვლოდ დაკავებული პოლიტიკოსის, ჟურნალისტის და აქტივისტის გათავისუფლება, რეპრესიული კანონმდებლობის გაუქმება, ყოვლისმომცველი და მდგრადი რეფორმების ჩატარება ევროპული ინტეგრაციის ძირითადი პრინციპების შესაბამისად და ევროკავშირის წინააღმდეგ აგრესიული ნარატივების შეწყვეტა.თუმცა, მინდა ხაზი გავუსვა, რომ საქართველოს ევროპული გზა ღია რჩება. ჩვენ არ გამოგვაქვს ვერდიქტი. ჩვენ ვთავაზობთ ევროპული მომავლის გზამკვლევს, რომელიც შეესაბამება ქართველების უმრავლესობის სურვილს. როდესაც პროტესტის ერთი წლისთავს ვიხსენებთ,  მოდით, პატივი მივაგოთ ათასობით ქართველს, სტუდენტს, ჟურნალისტს, აქტივისტსა და რიგით მოქალაქეს, რომლებიც მშვიდობიანად იბრძოდნენ დემოკრატიისთვის. მათ ძალადობა, დაშინება და უსამართლო დაკავებები დახვდათ, მაგრამ ისინი არ დანებდნენ. მათი გამბედაობა შეხსენებაა, რომ ევროპული ღირებულებები საქართველოში ცოცხალია“, – განაცხადა მარი ბიერემ.

ხვიჩა კვარაცხელიას პსჟ საკონტინენტთაშორისო თასის ფინალში ბრაზილიურ „ფლამენგოს“ ეთამაშება.პირველი ტაიმის მიწურულს, 38-ე წუთზე ქართველმა ფორვარდმა ანგარიში გახსნა – 1:0.შეგახსენებთ, რომ ამ სეზონში პსჟ-მ ჩემპიონთა ლიგაც მოიგო და საფრანგეთის ჩემპიონატიც.

საქართველოს პრეზიდენტი მიხეილ ყაველაშვილი, მეუღლესთან, თამარ ბაგრატიონთან და თანმხლებ დელეგაციასთან ერთად, ოფიციალური ვიზიტით სერბეთის რესპუბლიკაში იმყოფება. ინფორმაციას საქართველოს პრეზიდენტის ადმინისტრაცია ავრცელებს.მათივე ცნობით, ბელგრადის „ნიკოლა ტესლას“ საერთაშორისო აეროპორტში საქართველოს პრეზიდენტის დახვედრის ოფიციალური ცერემონია გაიმართა.„მიხეილ ყაველაშვილსა და ქართულ დელეგაციას აეროპორტში სერბეთის რესპუბლიკის საგარეო საქმეთა მინისტრი მარკო ჯურიჩი, საქართველოს საგარეო საქმეთა მინისტრი მაკა ბოჭორიშვილი, სერბეთის რესპუბლიკის საგანგებო და სრულუფლებიანი ელჩი საქართველოში ტატიანა პანაიოტოვიჩ-ცვეტკოვიჩი და საქართველოს საგანგებო და სრულუფლებიანი ელჩი სერბეთის რესპუბლიკაში ლევან ბერიძე დახვდნენ.ვიზიტის ფარგლებში „სერბეთის სასახლეში“ საქართველოს პრეზიდენტის დახვედრის ოფიციალური ცერემონია გაიმართება. მიხეილ ყაველაშვილს სერბეთის რესპუბლიკის პრეზიდენტი ალექსანდარ ვუჩიჩი უმასპინძლებს. გაიმართება პირისპირ და გაფართოებულ ფორმატის შეხვედრები, რის შემდეგაც მედიისთვის ერთობლივი განცხადება გაკეთდება.საქართველოს პრეზიდენტი უმაღლესი დონის შეხვედრებს გამართავს სერბეთის პრემიერ-მინისტრ ჯურო მატუცისთან და ეროვნული კრების თავმჯდომარე ანა ბრნაბიჩთან“, – ნათქვამია ინფორმაციაში.როგორც საქართველოს პრეზიდენტის ადმინისტრაციის ინფორმაციაში აღნიშნული, საქართველოს დელეგაციის შემადგენლობაში არიან: საგარეო საქმეთა მინისტრი მაკა ბოჭორიშვილი, საქართველოს პარლამენტის დეპუტატები – ირაკლი მეზურნიშვილი, ირმა ზავრადაშვილი, გურამ მაჭარაშვილი, საქართველოს ელჩი სერბეთის რესპუბლიკაში ლევან ბერიძე და საქართველოს პრეზიდენტის ადმინისტრაციის წარმომადგენლები.

თქვენ საქართველოს მთავრობას არასწორად მოქმედებაში სდებთ ბრალს, მაშინ, როდესაც ის ცდილობს კონსტიტუციური წესრიგი დაიცვას და წინააღმდეგობა გაუწიოს დესტაბილიზაციის ყველა მცდელობას, როგორც რუსეთიდან, ისე ევროპიდან, - ამის შესახებ ევროპარლამენტარმა ტიერი მარიანიმ ევროპარლამენტში სიტყვით გამოსვლისას განაცხადა.„უკვე რამდენიმე თვეა, რაც საქართველო ევროპული ინსტიტუტების მხრიდან უპრეცედენტო მედია ზეწოლის ქვეშ არის. აღნიშნული თავდასხმები კითხვის ნიშნის ქვეშ აყენებს თბილისის ინსტიტუტების, სასამართლოსა და ასევე ქართველი ამომრჩევლების მიერ გაკეთებული სუვერენული არჩევანის ლეგიტიმურობას. ეს უცხოური არასამთავრობო ორგანიზაციების მხრიდან ჩარევას წარმოადგენს. მათ შეშფოთებას კი ევროპარლამენტი ავრცელებს“, - განაცხადა მარიანიმ.მისი თქმით, ბრიუსელი „საქართველოს მთავრობის დამხობაზე ოცნებობს“.„თქვენ საქართველოს მთავრობას არასწორად მოქმედებაში სდებთ ბრალს, მაშინ, როდესაც ის ცდილობს კონსტიტუციური წესრიგი დაიცვას და წინააღმდეგობა გაუწიოს დესტაბილიზაციის ყველა მცდელობას, როგორც რუსეთიდან, ისე ევროპიდან. საბოლოოდ, თუ თქვენ გსურთ, იპოვოთ ისინი, ვინც დემოკრატიული კრიზისის გაღრმავებას ცდილობენ, მაშინ დამნაშავეები ბრიუსელში უნდა მოძებნოთ“, - აღნიშნა ევროპარლამენტარმა.

საქართველოს ტექნიკური უნივერსიტეტის მეცნიერთა მიერ შემუშავებული ექვსი კვლევითი პროექტი შოთა რუსთაველის საქართველოს ეროვნული სამეცნიერო ფონდის 2025 წლის გამოყენებითი კვლევების სახელმწიფო სამეცნიერო საგრანტო კონკურსის გამარჯვებულია.ინფორმაციას საქართველოს ტექნიკური უნივერსიტეტი ავრცელებს.სტუ-ის ცნობით, შოთა რუსთაველის საქართველოს ეროვნული სამეცნიერო ფონდის საგრანტო კონკურსზე 55 საპროექტო განაცხადი დარეგისტრირდა, მათ შორის 15 პროექტი საქართველოს ტექნიკური უნივერსიტეტიდან იქნა წარდგენილი. საგრანტო პროექტების შეფასება ორ ეტაპად განხორციელდა: ტექნოლოგიური ტრანსფერისა და კომერციალიზაციის პოტენციალის შეფასება - ადგილობრივი დამოუკიდებელი ექსპერტების მიერ, ხოლო პროექტის სამეცნიერო შეფასება - საერთაშორისო დამოუკიდებელი ექსპერტთა ჯგუფების მიერ. შედეგების მიხედვით საგრანტო დაფინანსება 27 პროექტმა მოიპოვა, რომელთაგან 6 საქართველოს ტექნიკური უნივერსიტეტის მეცნიერებს ეკუთვნით.როგორც სტუ-ის ტექნოლოგიებისა და საგრანტო პროექტების ოფისში აცხადებენ, შოთა რუსთაველის საქართველოს ეროვნული სამეცნიერო ფონდის 2025 წლის გამოყენებითი კვლევების სახელმწიფო სამეცნიერო საგრანტო კონკურსის გამარჯვებულები გახდნენ სტუ-ის მკვლევრები: აგრარული მეცნიერებისა და ქიმიური ტექნოლოგიების ფაკულტეტიდან მარინა კაპანაძე, ნაშრომით - “ნაკლებკვალიანი პუცოლანური ცემენტის დამზადების მწვანე ენერგოეფექტური ხერხი” და ალეკო კალანდია (ბათუმის შოთა რუსთაველის სახელმწიფო უნივერსიტეტთან პარტნიორობით), ნაშრომით - “ფსევდოპროტეინული საკვები საფარით ზოგიერთი სუბტროპიკული ხილის ნაყოფის (ფეიხოა, ხურმა, ციტრუსი) პრეზევაციის პროცესების პილოტური გამოცდა”; სატრანსპორტო სისტემებისა და მექანიკის ინჟინერიის ფაკულტეტიდან ნიკოლოზ ლოლაძე, ნაშრომით - “წინასწარდაგეგმილი თვისებების მქონე ახალი ალმასური ინსტრუმენტების დამზადება და აპრობაცია სამშენებლო ობიექტებზე”; სტუ-ის ვლადიმერ ჭავჭანიძის სახელობის კიბერნეტიკის ინსტიტუტიდან იამზე ქვარცხავა, ნაშრომით - “CaMnO3-ფუძიანი მასალის თერმოელექტრული მახასიათებლების გაუმჯობესება”; სამშენებლო ფაკულტეტიდან გელა ყიფიანი, ნაშრომით - “ოთხადგილიანი ვერტიკალური პარკინგი” და მალხაზ ტურძელაძე, ნაშრომით - “ბეტონის ყინვამედეგობის გამაძლიერებელი შემვსები დანამატის წარმოების დანერგვა საქართველოში”; ენერგეტიკის ფაკულტეტიდან ნინო ფაილოძე, ნაშრომით - „ქარის ენერგიის მიმღები მოწყობილობის ექსპერიმენტული დიზაინი“.შოთა რუსთაველის საქართველოს ეროვნული სამეცნიერო ფონდის საგრანტო კონკურსში გამარჯვებული პროექტების ავტორებს მორიგ წარმატებას ულოცავს საქართველოს ტექნიკური უნივერსიტეტის რექტორი. აკადემიკოს დავით გურგენიძის განცხადებით, უნივერსიტეტისა და მისი მკვლევრებისთვის საგრანტო კონკურსებში გამარჯვება უდავოდ დიდი სტიმულის მიმცემია, ხოლო ის ფაქტი, რომ 27 გამარჯვებულ პროექტს შორის ექვსი - საქართველოს ტექნიკური უნივერსიტეტის მეცნიერთა ავტორობით შემუშავდა, უდავოდ კარგი შედეგია.„რუსთაველის ეროვნული სამეცნიერო ფონდის გამოყენებითი კვლევების საგრანტო კონკურსში ჩვენი უნივერსიტეტის მეცნიერთა ავტორობით წარდგენილი ექვსი კვლევითი პროექტის გამარჯვება მკაფიო დადასტურებაა იმისა, რომ საქართველოს ტექნიკურ უნივერსიტეტში წარმოებული კვლევები პასუხობს თანამედროვე გამოწვევებს და მაღალი სამეცნიერო, ტექნოლოგიური და პრაქტიკული ღირებულებით გამოირჩევა. განსაკუთრებით მნიშვნელოვანია ის ფაქტი, რომ გამარჯვებული პროექტები სხვადასხვა ფაკულტეტს, კვლევით ინსტიტუტს და სამეცნიერო მიმართულებას მოიცავს, რაც უნივერსიტეტის კვლევითი პოტენციალის მრავალფეროვნებაზე მიუთითებს. კვლევითი გრანტების მოპოვება უდავოდ დიდი სტიმულია ჩვენი მკვლევრებისთვის, ახალგაზრდა მეცნიერებისა და მთლიანად უნივერსიტეტისთვის, რომელიც აქტიურად უწყობს ხელს როგორც ინოვაციების განვითარებას, ისე ტექნოლოგიური ტრანსფერისა და კვლევების კომერციალიზაციის პროცესს. მინდა კონკურსში გამარჯვება მივულოცო ჩვენს მკვლევრებს და ვუსურვო მათ ახალი წარმატებები საქართველოს ტექნიკური უნივერსიტეტისა და ჩვენი ქვეყნის საკეთილდღეოდ”, - აღნიშნავს რექტორი, აკადემიკოსი დავით გურგენიძე.