კახა კალაძე – დღეს 13 ივნისია, ერთ-ერთი უმძიმესი დღე, დანგრეული, გაუბედურებული ინფრასტრუქტურის აღდგენა შესაძლებელია, მაგრამ, სამწუხაროდ, ვერ დავიბრუნებთ ჩვენს თანაქალაქელებსა და თანამემამულეებს

,,დაუმთავრებელი სიყვარულის ისტორია — საქართველოსში ირანის ისლამური რესპუბლიკის საელჩოს ფასადზემხოლოდ ერთი კვირა რჩებოდა მათ ქორწილამდე… საქორწილო კაბა მზად იყო, მოსაწვევები — გაგზავნილი, ოჯახები კი ბედნიერ დღეს ელოდნენ… მაგრამ უეცრად, ამერიკისა და ისრაელის თავდასხმის შედეგად ისფაჰანში, სიძე-პატარძალი, თავიანთ მშობლებთან ერთად, სიცოცხლეს გამოესალმნენ. ისინი იყვნენ წარმოშობით ქართველი ირანელები — ცოცხალი ხიდი ორ კულტურას, ორ ქვეყანას, ორ იდენტობას შორის. დღეს ეს ხიდი, მათზე გლოვის ნიშნად, დათალხულია… ეს არ არის მხოლოდ ერთი ოჯახის ტრაგედია; ეს არის ჭრილობა ყოველი ადამიანის გულზე — ჭრილობა, რომელიც საზღვრებს სცდება და გულებს აერთიანებს. ვიწვევთ საქართველოს მოქალაქეებს პარასკევს, 3 აპრილს, 10:00-დან 16:00 საათამდე, ირანის ისლამური რესპუბლიკის საელჩოში, რათა დატოვონ ჩანაწერი სამძიმრის წიგნში, გამოხატონ სოლიდარობა და თანაგრძნობა ირანელი ხალხის, განსაკუთრებით კი ფერეიდანის ქართული წარმოშობის თემისადმი. სამძიმრის წიგნი, მას შემდეგ, რაც მასში აისახება ქართველი ხალხის სიტყვები,გადაეცემა ფერეიდანის მუზეუმს,რათა ეს სოლიდარობა დარჩეს ჩვენი ორი ხალხის საერთო ისტორიაში. მოდით, ერთად ვიყოთ სიცოცხლის, თანაგრძნობისა და ჰუმანიზმის ხმა''-ამის შესახებ სოციალურ ქსელში წერს საქართველოში ირანის ისლამური რესპუბლიკის ელჩი სეიედ ალი მოჯანი.

საქართველოს პრემიერ-მინისტრი ირაკლი კობახიძე აცხადებს, რომ აშშ-ის სახელმწიფო მდივანთან, მარკო რუბიოსთან პროდუქტიული სატელეფონო საუბარი ჰქონდა და მხარეებმა „პარტნიორობის გადატვირთვისა“ და კავკასიის რეგიონში საქართველოს როლის შესახებ ისაუბრეს.„სახელმწიფო მდივანთან, მარკო რუბიოსთან პროდუქტიული სატელეფონო საუბარი მქონდა. ჩვენ განვიხილეთ ჩვენი პარტნიორობის გადატვირთვისა და სამხრეთ კავკასიაში საქართველოს, როგორც ძლიერი პარტნიორის, როლის გაძლიერების მნიშვნელობა. ერთგული ვართ საქართველო-აშშ-ის კავშირების განმტკიცების, რეგიონული სტაბილურობისა და დაკავშირებადობის ხელშეწყობის მიმართ“, – წერს ირაკლი კობახიძე.აშშ-ის სახელმწიფო მდივანს, მარკო რუბიოსა და საქართველოს პრემიერ-მინისტრს, ირაკლი კობახიძეს შორის სატელეფონო საუბრის შესახებ ინფორმაცია აშშ-ის სახელმწიფო დეპარტამენტმა გაავრცელა.დეპარტამენტის ცნობით, „სახელმწიფო მდივანი მარკო რუბიო დღეს ესაუბრა საქართველოს პრემიერ-მინისტრ ირაკლი კობახიძეს. მათ განიხილეს ორმხრივი ინტერესის სფეროები, მათ შორის კავკასიისა და შავი ზღვის რეგიონში უსაფრთხოება“.

აშშ-ის პრეზიდენტი დაინტერესებულია, რომ არაბულმა ქვეყნებმა ირანის წინააღმდეგ მიმდინარე ომი დააფინანსონ, – ამის შესახებ თეთრი სახლის პრესმდივანმა ქეროლაინ ლევიტმა ჟურნალისტებთან საუბრისას განაცხადა.ლევიტს ჰკითხეს, არის თუ არა დონალდ ტრამპი დაინტერესებული, რომ არაბულ ქვეყნებს მოუწოდოს, დააფინანსონ აშშ-ის სამხედრო ოპერაცია ირანში, რაზეც ლევიტმა აღნიშნა, რომ არ სურს მოვლენებს წინ გაუსწროს, თუმცა ტრამპს ეს იდეა აქვს.„ეს იდეა, ვიცი, მას აქვს და ამის შესახებ მისგან კიდევ ბევრს გაიგებთ“, – აღნიშნა მან.ლევიტს ასევე ჰკითხეს ომის ხანგრძლივობაზეც. მისი თქმით, პრეზიდენტმა თავიდანვე განაცხადა, რომ ირანში ოპერაცია დაახლოებით ოთხიდან ექვს კვირამდე გაგრძელდებოდა.„დღეს ოცდამეათე დღეა. ასე რომ, გამოთვალეთ, რამდენი დრო რჩება პენტაგონს ოპერაცია ეპიკური მრისხანების მიზნების სრულად მისაღწევად“, – განაცხადა ლევიტმა.

სახელმწიფო აქტიურად ჩაერევა იმ პროცესში, რომ რაც შეიძლება მეტად და ეფექტიანად იქნეს დაცული მომხმარებლის ინტერესი. ვფიქრობთ, რომ გაფართოვდეს წრე მედიკამენტებისა, რომლებზეც დაწესებული იქნება რეფერენტული ფასები, – ამის შესახებ საქართველოს ჯანდაცვის მინისტრმა, მიხეილ სარჯველაძემ განაცხადა.მიხეილ სარჯველაძემ მედიკამენტებზე რეფერენტული ფასების დადგენის მექანიზმზე ისაუბრა და განმარტა, რომ ფასების გადახედვა მუდმივად მიმდინარეობს, ამ ეტაპზე კი მედიკამენტებზე რეფერენტული ფასები სამართლიანად არის დადგენილი.„კონკრეტულ მედიკამენტზე ფასის ცვლილების საჭიროება თუ გამოიკვეთა, ამას დადგენილი პერიოდულობით განვიხილავთ და გადაწყვეტილებას არ ვაყოვნებთ. ჩვენთვის მთავარი მომხმარებლის ინტერესია და მიგვაჩნია, რომ უკვე დადგენილი ფასები სამართლიანია“, – განაცხადა მიხეილ სარჯველაძემ, რომლის კომენტარსაც ჯანდაცვის სამინისტრო ავრცელებს.მისივე თქმით, მთავარი პრიორიტეტია, რომ მედიკამენტები საქართველოში ხელმისაწვდომი იყოს იმავე ფასად, რა ფასადაც ისინი შესაბამის ოთხ სახელმწიფოში იყიდება.

გუშინ, 29 მარტს, ბზობის დღესასწაულზე, ისრაელის პოლიციამ კათოლიკე სასულიერო ლიდერებს იერუსალიმში, მაცხოვრის წმინდა საფლავის ტაძარში (იგივე აღდგომის ტაძარი - რედ.) შესვლა აუკრძალა, რაც უპრეცედენტო გადაწყვეტილებას წარმოადგენს. აღნიშნული ნაბიჯი უკიდურეს შეშფოთებას იწვევს, რადგან წმინდა ცეცხლის გარდამოსვლის მოახლოებული ცერემონიის წინ გაურკვევლობას ქმნის დაუსაფრთხოების საკითხებზე სერიოზულ ეჭვებს აჩენს.გვიან ღამით გავრცელებულ განცხადებაში ისრაელის პრემიერ-მინისტრმა, ბენიამინ ნეთანიაჰუმ მისი მთავრობის მიერ მიღებული გადაწყვეტილების მიზეზები განმარტა. მისი თქმით, მას შემდეგ, რაც კათოლიკეებს ბზობის ღვთისმსახურებაზე დასწრება აეკრძალათ, შესაბამისმა უწყებებმა მიიღეს მითითება, რომ იერუსალიმის კათოლიკე პატრიარქს აღდგომის ტაძარში რელიგიური მოვალეობების შესრულების უფლება მისცემოდა.წმინდა ცეცხლის გარდამოსვლის ცერემონიის შესახებ საბოლოო გადაწყვეტილებას უახლოეს დღეებში მიიღებენ, თუმცა უკვე ცხადია, რომ დრაკონული შეზღუდვები დაწესდება. გავრცელებული ინფორმაციით, უსაფრთხოების მიზნით, აღდგომის ტაძარი მაქსიმუმ 50 მლოცველისთვის გაიღება, თუმცა ეს მონაცემი ჯერჯერობით ოფიციალურად არ დადასტურებულა.უნდა აღინიშნოს, რომ მაცხოვრის წმინდა საფლავის ტაძარი არ არის ერთადერთი საკულტო ადგილი, რომელსაც მკაცრი ზომები შეეხო - რამდენიმე დღის წინ, უსაფრთხოებასთან დაკავშირებული იმავე გამოწვევების ფარგლებში, მუსლიმი მლოცველებისთვის ალ-აქსას მეჩეთიც დაიკეტა.