კანონის უზენაესობის რეიტინგში საქართველოს პოზიცია 4 საფეხურით გაუარესდა

მოვითხოვოთ, რომ შერიგებისკენ წავიდეთ და თუ ვინმე არ წავა, ყველა ვნახავთ, ვის უნდა და ვის არა მშვიდობა, - ამის შესახებ ბოდბელმა მთავარეპისკოპოსმა, მეუფე იაკობმა ქადაგებისას განაცხადა.მისი თქმით, მთავრობამ და ეკლესიამ საზოგადოება უნდა შეარიგოს.მეუფემ მრევლს ნათლისღების დღესასწაული მიულოცა.„ღმერთმა დალოცოს ჩვენი საქართველო. ჩვენს უწმინდესს, წმინდა სინოდს, ეკლესიის ყველა შვილს, ჩვენს მთავრობას და მხედრობას, ჩვენს ოპოზიციას ვულოცავ ამ დიდ დღეს, იმ ადამიანებს, ქუჩებში რომ დარბიან, თუმცა ნამდვილად არ ვიცი რატომ დარბიან. რა უნდათ, მაგრამ ისე ყოფილიყოს, რომ ყველას ერთად ერთი დიდი საქმე გვეკეთებინოს. ღვთის ქართული საქმე გეკეთებინოს ყველას. ნურავინ დავიბრალებთ, რომ ჩვენ რომ არ ვყოფილიყავით, არაფერი იქნებოდაო. საქართველოს ისტორია არც ახლა იწყება, არც 2003 წლიდან დაწყებულა, არც 2012 წლიდან და არც 2026 წლიდან დაიწყება. მუდმივ პროცესში ვართ. მთავარია, ჭკუა ვისწავლეთ ქართველებმა და სხვის ომებში აღარ ვომობთ. ერთმანეთი აღარ დავჭამოთ. გვეყო ეს ყველაფერი. კარგად მივდივართ, მაგრამ ბოლომდე სწორად მივიდეთ, რომ ვინმეს ხახაში არ ჩავუვარდეთ. თუ არავისთან ურთიერთობა არ გქონდა, ვიღაც მაინც გადაგყლაპავს, ცოტა ხანი იქნები და მერე არც ოპოზიციონერი გაგვახსენდება და არცერთი პარლამენტარი“,- განაცხადა მეუფე იაკობმა.მისივე თქმით, ეკლესია ყოველთვის იქ დგას, სადაც ხალხს სჭირდება. „ერთმანეთს ხელი გავუწოდოთ, გაყოფილი როგორია ახლა, სადღაც მიდიხარ და ვიღაცები პატივს გცემენ, ვიღაცები კიდევ შეშინებულები არიან. არ შეიძლება ქართველები ასე ვიყოთ. საერთო მტერთან ერთად ვიბრძოლოთ, საქართველო გავაძლიეროთ და ერთმანეთში მერე გავარჩიოთ საქმეები. ღმერთს გაუხარდება თუ წმინდა ნინოს ჩვენი ასეთი დაყოფა? ომებში არ ჩავერთეთ და ახლა ის დროა, ერთმანეთი ისე არ დავაზიანოთ, როდესაც მსოფლიო გადანაწილება დაიწყება, ვიღაცის ხახაში არ აღმოვჩნდეთ. ერთმანეთთან კარგად ვიყოთ, არ ვმტრობდეთ, უცხოეთში არ გავრბოდეთ, მოდი დაგვეხმარეო. ასე არ შეიძლება“- განაცხადა მეუფე იაკობმა.

ოჯახი 83 წლის ფერხად ნამაზოვს ეძებს.ოჯახის ინფორმაციით, ფარხად ნამაზოვი გუშინ, 18 იანვარს მარნეულში დაიკარგა.ინფორმაციის არსებობის შემთხვევაში დაუკავშირდით მითითებულ ნომერს.

სუვერენიტეტით ვაჭრობა არ ხდება, - განაცხადა ევროკავშირის საგარეო პოლიტიკის ხელმძღვანელმა, კაია კალასმა.„დანია და გრენლანდია მარტონი არ არიან. არქტიკის უსაფრთხოება საერთო ტრანსატლანტიკური ინტერესია და ეს არის საკითხი, რომელიც შეგვიძლია ჩვენს ამერიკელ მოკავშირეებთან განვიხილოთ.თუმცა, ტარიფებით მუქარა ამისთვის სწორი გზა არ არის. სუვერენიტეტით ვაჭრობა არ ხდება.ჩვენ არ გვაქვს კონფლიქტის წამოწყების ინტერესი, მაგრამ ჩვენს პოზიციებს არ დავთმობთ. ევროპას საკუთარი ინტერესების დასაცავად ინსტრუმენტების მთელი ნაკრები გააჩნია“, - აღნიშნა მან.

დონალდ ტრამპმა განაცხადა, რომ ის 100 პროცენტით შეასრულებს თავის მუქარას და პირველი თებერვლიდან რვა ევროპულ ქვეყანას დამატებით 10%-იან ტარიფს დაუწესებს გრენლანდიასთან დაკავშირებით.„ენბისი ნიუსთან“ მოკლე სატელეფონო ინტერვიუს დროს აშშ-ის პრეზიდენტმა ასევე განაცხადა, რომ ევროპამ ყურადღება რუსეთ-უკრაინის ომზე უნდა გაამახვილოს.„გულწრფელად რომ ვთქვათ, ხედავთ, რა მოუტანა მათ ამან. სწორედ ამაზე უნდა გაამახვილოს ყურადღება ევროპამ და არა გრენლანდიაზე“, – დასძინა ტრამპმა.აშშ-ის პრეზიდენტმა ასევე უარყო ნორვეგიის პრემიერ-მინისტრის ახსნა, რომ მის მთავრობას არანაირი გავლენა არ აქვს იმაზე, თუ ვინ მიიღებს ნობელის მშვიდობის პრემიას.„ნორვეგია სრულად აკონტროლებს მას, მიუხედავად იმისა, თუ რას ამბობენ. მათ მოსწონთ იმის თქმა, რომ ამასთან არაფერი აქვთ საერთო, მაგრამ მათ ყველაფერი აქვთ საერთო. მე არ მაინტერესებს ნობელის პრემია“, – თქვა ტრამპმა.დონალდ ტრამპი დანიას, ნორვეგიას, შვედეთს, საფრანგეთს, გერმანიას, ბრიტანეთს, ნიდერლანდებსა და ფინეთს ტარიფებს უწესებს.

უკრაინის დელეგაციამ აშშ-ის პრეზიდენტის, დონალდ ტრამპის წარმომადგენლებთან მოლაპარაკებების რამდენიმე რაუნდი გამართა და ახლა ომის დასასრულებლად საჭირო დოკუმენტებზე მუშაობა მიმდინარეობს, – ამის შესახებ უკრაინის პრეზიდენტმა, ვოლოდიმირ ზელენსკიმ ტრადიციულ ვიდეომიმართვაში განაცხადა.მისივე თქმით, ამერიკულ მხარესთან მოლაპარაკებები მომავალ კვირას გაგრძელდება.„მოლაპარაკებების რამდენიმე რაუნდი უკვე გაიმართა და მიმდინარეობს მუშაობა ომის დასასრულებლად საჭირო დოკუმენტებზე. მნიშვნელოვანია, რომ უკრაინულმა გუნდმა სრულად აცნობოს ამერიკულ მხარეს უკრაინაში მიმდინარე მოვლენებისა და რუსეთის მიერ ჩვენს ენერგეტიკულ სისტემაზე მუდმივი დარტყმების შესახებ“, – განაცხადა უკრაინის პრეზიდენტმა.ვოლოდიმირ ზელენსკის განცხადებით, რუსებს ომის დასრულება რომ სურდეთ, სარაკეტო დარტყმების ნაცვლად, ყურადღებას დიპლომატიაზე გაამახვილებდნენ. მისივე თქმით, რუსეთზე ზეწოლა უნდა გაგრძელდეს.„რუსებს რომ ომის დასრულება ნამდვილად და სერიოზულად სურდეთ, ისინი დიპლომატიაზე გაამახვილებდნენ ყურადღებას და არა სარაკეტო თავდასხმებზე, ელექტროენერგიის გათიშვასა და ჩვენი ატომური ელექტროსადგურებისთვის ზიანის მიყენების მცდელობაზე. ჩვენ გვაქვს მონაცემები იმ ობიექტების შესახებ, რომლებზეც რუსეთმა დარტყმებისთვის მოსამზადებლად დაზვერვა ჩაატარა. ყველაფერი ნათლად აჩვენებს, რომ დიპლომატია რუსეთისთვის პრიორიტეტი ნამდვილად არ არის. ეს უნდა იყოს აღიარებული. ზეწოლა უნდა გაგრძელდეს აგრესორზე და ამ ომის რეალურ მიზეზზე – მიზეზი მოსკოვშია. ამ კვირაში ჩვენ სწორედ ასეთი ზეწოლის გასაძლიერებლად და რუსეთთან დაკავშირებით მკაფიო გლობალური პოზიციის უზრუნველსაყოფად ვიმუშავებთ“, – აცხადებს უკრაინის პრეზიდენტი და აღნიშნავს, რომ რუსეთის დარტყმების შემდეგ აღდგენითი სამუშაოები გრძელდება.