იურიდიულ საკითხთა კომიტეტმა სასიგნალო იარაღთან და მის ვაზნებთან დაკავშირებული საკანონმდებლო ცვლილება განიხილა

აჭარის ავტონომიური რესპუბლიკის მთავრობის თავმჯდომარის თანამდებობაზე სულხან თამაზაშვილის კანდიდატურა დასახელდა.სულხან თამაზაშვილის კანდიდატურა პრეზიდენტის სასახლეში საქართველოს პრეზიდენტმა, მიხეილ ყაველაშვილმა და პრემიერ-მინისტრმა ირაკლი კობახიძემ დაასახელეს.„აჭარის ავტონომიური რესპუბლიკის მთავრობის თავმჯდომარის თანამდებობაზე დასამტკიცებლად უმაღლეს საბჭოს სულხან თამაზაშვილის კანდიდატურა წარვუდგინე. აღნიშნული გადაწყვეტილება აჭარის უმაღლეს საბჭოში წარდგენილ პოლიტიკურ სუბიექტებთან კონსულტაციისა და საქართველოს პრემიერ-მინისტრის თანახელმოწერის საფუძველზე მივიღე. სულხან თამაზაშვილი გახლავთ პოლიციის პოლკოვნიკი. მას შსს-ში მუშაობის მრავალწლიანი გამოცდილება აქვს, მათ შორის, ის უწყების სხვადასხვა დეპარტამენტში ხელმძღვანელ პოზიციებს იკავებდა, სადაც ღირსეულად და წარმატებით უძღვებოდა დაკისრებულ მოვალეობებს. სწორედ ამიტომ ბატონ სულხანს მიღებული აქვს არაერთი დამსახურებული ჯილდო. კანონიერების და მართლწესრიგის განმტკიცების საქმეში შეტანილი განსაკუთრებული წვლილისთვის ახლო წარსულში, შსს-ს სხვა ხელძღვანელ პირებთან ერთად, ღირსების ორდენით დავაჯილდოე. აღსანიშნავია, რომ სულხან თამაზაშვილი აჭარის რეგიონშია დაბადებული და გაზრდილი, შესაბამისად, კარგად იცნობს აჭარის მხარეს. დარწმუნებული ვარ, აჭარის ავტონომიური რესპუბლიკის მთავრობის თავმჯდომარის პოსტზეც ისეთივე წარმატებული იქნება, როგორც წლების განმავლობაში ძალოვან სისტემაში მუშაობის დროს იყო. ბატონ სულხანს წარმატებას ვუსურვებ, მას და მის გუნდს ჩემი, როგორც საქართველოს პრეზიდენტის მხრიდან სრული თანადგომა და მხარდაჭერა ექნება“, – განაცხადა მიხეილ ყაველაშვილმა.ამასთან, როგორ საქართველოს პრემიერ-მინისტრმა, ირაკლი კობახიძემ განაცხადა, სულხან თამაზაშვილს აქვს ყველა თვისება, უნარ-ჩვევები, რათა სათანადოდ წარმართოს საქმიანობა.პრემიერმა ასევე მადლობა გადაუხადა აჭარის მთავრობის ყოფილ თავმჯდომარეს, თორნიკე რიჟვაძეს.„პირველ რიგში, მინდა, მადლობა გადავუხადო თორნიკე რიჟვაძეს. შვიდი წლის განმავლობაში ის ემსახურებოდა აჭარის ავტონომიურ რესპუბლიკას, ჩვენი ქვეყნის ამ უმნიშვნელოვანეს მხარეს. ბევრი რამ გაკეთდა აჭარისთვის გასული წლების განმავლობაში, განხორციელდა უმნიშვნელოვანესი პროექტები, პროგრამები, რათა განვითარდეს ჩვენი ქვეყნის ეს უმნიშვნელოვანესი, ულამაზესი მხარე. რა თქმა უნდა, ამ საქმეს სჭირდება ღირსეული გაგრძელება. მინდა, მადლობა გადავუხადო პრეზიდენტს, მცირე დროში მოგვიწია კონსულტაციების გავლა კანდიდატურის შერჩევასთან დაკავშირებით. ვფიქრობ, დღეს წარმოგიდგენთ ღირსეულ კანდიდატს, სულხან თამაზაშვილს, რომელსაც მრავალი წლის განმავლობაში აქვს განხორციელებული საქმიანობა ძალიან მნიშვნელოვან სტრუქტურაში, შინაგან საქმეთა სამინისტროში. წლების განმავლობაში ღირსეულად ემსახურებოდა ჩვენს სახელმწიფოს, ჩვენს ქვეყანას. ის არის აჭარელი, აჭარაში დაბადებული, გაზრდილი და, რა თქმა უნდა, ძალიან მნიშვნელოვანი იქნება მისი საქმიანობა აჭარის ავტონომიური რესპუბლიკის მთავრობის თავმჯდომარის თანამდებობაზე. მას აქვს ყველა თვისება, გამოცდილება, სათანადო უნარ-ჩვევები, რათა სათანადოდ წარმართოს ის საქმიანობა, რომელიც დაკავშირებულია აჭარის ავტონომიური რესპუბლიკის განვითარებასთან. ჩვენ წინაშე არის ძალიან ბევრი გამოწვევა და დარწმუნებული ვარ, ამ გამოწვევებს საუკეთესოდ გაართმევს თავს სწორედ სულხან თამაზაშვილი. მინდა, წარმატებები ვუსურვო აჭარის მთავრობის თავმჯდომარის თანამდებობაზე“, – განაცხადა პრემიერმა.როგორც სულხან თამაზაშვილმა განაცხადა, ექნება შესაძლებლობა, საჯარო სამსახურში მრავალწლიანი გამოცდილება ხალხს მოახმაროს.„მადლობას მოგახსენებთ, ბატონო პრემიერო, ბატონო პრეზიდენტო, მადლობა ნდობისთვის. ეს არის პასუხისმგებლობა და ამ პასუხისმგებლობას ამძაფრებს ის გარემოება, რომ სწორედ ამ კუთხის შვილი ვარ. დავიბადე, გავიზარდე აჭარაში. ჩემს მეხსიერებაში თუ რამე კარგი მახსენდება, სწორედ ამ წლებს უკავშირდება. მექნება შესაძლებლობა, საჯარო სამსახურის მრავალწლიანი გამოცდილება მოვახმარო ჩემს ხალხსა და ჩემს რესპუბლიკას“, – განაცხადა სულხან თამაზაშვილმა.

ჩვენ მშვიდად ველოდებით მოვლენების განვითარებას. არჩევნები როცა ტარდებოდა ამერიკის შეერთებულ შტატებში, რა თქმა უნდა, უარეს სცენარზეც გვქონდა გათვლილი და ეს უარესი სცენარი იქნებოდა იმავე მმართველობის დარჩენა ხელისუფლებაში, რაც მანამდე მოქმედებდა. ამ სცენარისთვისაც კი ვიყავით ჩვენ აბსოლუტურად მზად, – ამის შესახებ საქართველოს პრემიერ-მინისტრმა, ირაკლი კობახიძემ ჟურნალისტებს განუცხადა.კობახიძის თქმით, ვერც ამ სცენარის პირობებში ვერავინ შეარყევდა საქართველოს დამოუკიდებლობას.„ახლა უკვე მნიშვნელოვანი შედეგი მოიტანა ტრამპის არჩევამ. მთავარი შედეგი არის ის, რომ საზოგადოებამ ძალიან ბევრი რამ სხვანაირად გაიგო. უკვე ხედავთ, რომ ახალი ხელისუფლება ამერიკის შეერთებულ შტატებში საუბრობს იმავეს წინა ხელისუფლებაზე, რასაც ჩვენ ვსაუბრობდით ოთხი წლის განმავლობაში. ეს უკვე ძალიან ხელშესახები, მნიშვნელოვანი შედეგია. რაც შეეხება სამომავლო განვითარებას, ვნახოთ, ჩვენ ყველაფრისთვის ვართ მზად. არის ორი შესაძლო სცენარი, ერთი სცენარია, რომ ტრამპი ამარცხებს  „დიფ სთეითს“. ამ შემთხვევაში ეს არის ჩვენთვის კარგი სცენარი, რაც ხელს შეუწყობს ურთიერთობების გაჯანსაღებას საქართველოსა და ამერიკის შეერთებულ შტატებს შორის, მაგრამ ტრამპი თუ ვერ დაამარცხებს „დიფ სთეითს“, ამ შემთხვევაში არის რისკი, რომ ისევე გაგრძელდეს მოვლენების განვითარება, როგორც გრძელდებოდა გასული ოთხი წლის განმავლობაში. ჩვენ ორივე სცენარისთვის ვართ მზად, ვერცერთი სცენარის პირობებში ვერავინ შეარყევს ქართული სახელმწიფოს სუვერენიტეტსა და დამოუკიდებლობას“, – განაცხადა პრემიერ-მინისტრმა.

ჩვენი გზავნილია, რომ დღეს სასამართლო არის დამოუკიდებელი და ყველაფერს გავაკეთებთ სასამართლოს დამოუკიდებლობის დასაცავად, – ამის შესახებ საქართველოს პრემიერ-მინისტრმა, ირაკლი კობახიძემ ჟურნალისტებს განუცხადა.როგორც მთავრობის მეთაურმა აღნიშნა, დღეს ვინც მოქმედებს ბრიტანეთის სახელით, ქართული მართლმსაჯულების დამოუკიდებლობის ხელყოფის მიზნით, იგივე ძალა 2012 წლამდე ბოლომდე მფარველობდა იმ სიმახინჯეს, რაც საქართველოს მართლმსაჯულებაში მოქმედებდა.„შემიძლია, შეგახსენოთ, რაც ხდებოდა საქართველოში 2012 წლამდე, კონკრეტულად მართლმსაჯულების სისტემაში და როგორ შეიცვალა სისტემა 2012 წლის შემდეგ. სტატისტიკაზეც მქონდა საუბარი – ორჯერ, სამჯერ, ზოგიერთ შემთხვევაში 20-ჯერაც არის გაუმჯობესებული სტატისტიკა. იმავე სტრასბურგის სასამართლოში, მიუხედავად იმისა, რომ შეცვლილია სამართლებრივი კულტურა, ამაღლებულია სამართლებრივი კულტურა, სამჯერ ნაკლები საქმეები მიდის ქართულ მართლმსაჯულებასთან დაკავშირებით სტრასბურგის სასამართლოში. ეს არის უტყუარი მტკიცებულება არა მარტო იმისა, რომ რადიკალურად გაუმჯობესდა 2012 წლის შემდეგ ვითარება სასამართლო სისტემაში, არამედ ეს არის მტკიცებულება, რომ დღეს ქართული მართლმსაჯულება ფუნქციონირებს ჯანსაღად. აბსოლუტურად ლოგიკურია, რომ, მათ შორის, ბრიტანულ სანქციებთან მიმართებითაც, ის ძალები, თუ ის ძალა, ე.წ. დიფ სთეითი იგულისხმება ამ ყველაფერში, რომელიც იწონებდა ათასგვარ მანკიერებასა და სიმახინჯეს ქართულ მართლმსაჯულებაში 2012 წლამდე, დღეს იწუნებს ჯანსაღ სასამართლო სისტემას. აქ არის პირდაპირი ლოგიკა – დღეს ვინც მოქმედებს ბრიტანეთის სახელით, ქართული მართლმსაჯულების დამოუკიდებლობის ხელყოფის მიზნით, იგივე ძალა 2012 წლამდე ბოლომდე მფარველობდა იმ სიმახინჯეს, რაც საქართველოს მართლმსაჯულებაში მოქმედებდა“, – განაცხადა ირაკლი კობახიძემ.

ცესკო-ში შევიდა ცვლილებები, რაც იმის აღიარებაა, თუ რა ფორმით მიდიოდა, ყოველ შემთხვევაში, გაყალბების ერთ-ერთი ფორმა, რომ არ სთხოვდნენ ადამიანებს პირადობის მოწმობებს და დღეს უკვე მიიღეს ცვლილება, რომელიც არის ამ გაყალბების ფორმის ლეგალიზება ან კარუსელების ლეგალიზება, – ამის შესახებ საქართველოს ყოფილმა პრეზიდენტმა, სალომე ზურაბიშვილმა ბრიფინგზე განაცხადა.ზურაბიშვილის თქმით, წინააღმდეგობის პლატფორმამ „დამკვირვებლების ჯარის“ მზადება უნდა დაიწყოს.„ეს არის მაჩვენებელი, რომ ძალიან ნერვიულობენ და ემზადებიან არჩევნებისთვის. ვისაც აქვს ეჭვი, რომ რაღაც მომენტში იძულებული გახდებიან, დანიშნონ საპარლამენტო არჩევნები, ჯობს, უყუროს იმას, რას აკეთებენ, რამდენად ემზადებიან. იციან, რომ მოუწევთ არჩევნების დანიშვნა და ამისთვის ყველაფერს აზღვევენ. ეს არის მაქსიმალურად ყველაფრის დაზღვევა, მაგრამ ესეც არ გამოუვათ. წინააღმდეგობის პლატფორმისთვის ეს იმის ნიშანია, რასაც ვლაპარაკობთ, რომ ჩვენც მზად უნდა ვიყოთ და მზადყოფნა, პირველ რიგში, ნიშნავს, რომ დამკვირვებლების ჯარი იყოს მომზადებული და დღესვე დავიწყოთ ამისთვის მზადება, ეს არის სწორი გზა. ჩვენ, ყველანი ერთად, ამისთვის უნდა ვემზადებოდეთ“, – განაცხადა პრეზიდენტმა.

აშშ-ის პრეზიდენტ დონალდ ტრამპსა და რუსეთის ლიდერ ვლადიმერ პუტინს შორის საუბარი შეიძლება უახლოეს მომავალში - შესაძლოა, დღეს, 4 აპრილს, შედგეს. ამის შესახებ Politico იტყობინება.„მორიგი სატელეფონო საუბარი ტრამპსა და პუტინს შორის, სავარაუდოდ, შაბათ-კვირამდე, ან მის შემდეგ გაიმართება“, - წერს გამოცემა.თუმცა, არ არსებობს იმის გარანტია, რომ ეს საუბარი რეალურად შედგება, რადგან, „როგორც ყოველთვის ტრამპის შემთხვევაში, ჯერ არაფერია გადაწყვეტილი“, - აღნიშნავს Politico.ცნობისთვის, ტრამპმა NBC News-ს განუცხადა, რომ ამ კვირაში პუტინთან საუბარს აპირებს. ამასთან, მოგვიანებით გამოცემამ დაწერა, რომ ტრამპს ახლო გარემოცვა ურჩევს, არ დაურეკოს რუსეთის ლიდერს ვლადიმერ პუტინს, ვიდრე ის უკრაინაში ცეცხლის სრულ შეწყვეტას არ დათანხმდება.