ირმა ხეცურიანმა პიზა 2024 მსოფლიო თასის გათამაშებაზე ოქროს მედალი მოიპოვა

პოლიტიკური ლოგიკით, რა თქმა უნდა, 2026 წელს, შემოდგომისკენ ვადამდელი საპარლამენტო არჩევნები უნდა იყოს, - „ოცნებას“ სჭირდება არჩევნები, არა კეთილი ნების გამო, არამედ საკუთარი ინტერესებიდან გამომდინარე, - ამის შესახებ პოლიტოლოგმა გია ხუხაშვილმა „პალიტრანიუსის“ გადაცემაში „360 გრადუსი“ განაცხადა.გია ხუხაშვილის თქმით, „ქართული ოცნება“ არცერთ დათმობაზე არ წავა, თუ ვიღაცამ არ აიძულა.„ქართულ ოცნებას“ მხოლოდ ძალის პოლიტიკა ესმის. „ქართული ოცნება“ არცერთ დათმობაზე არ წავა, თუ ვიღაცამ არ აიძულა. ეს ინსტრუმენტი აქვს მხოლოდ ხალხს, პოლიტიკურ პარტიებს არ აქვთ. თუ პოლიტიკურ პარტიებს უნდათ, რომ აიძულონ ხელისუფლება, პირობები კი არ უნდა წამოაყენონ ტელევიზორში და ფეხები კი არ უნდა აბაკუნონ, ხალხის მხარდაჭერა უნდა მოიპოვონ და ხალხის ზეწოლით უნდა აიძულონ ხელისუფლება, რომ უკან დაიხიოს. მარტო პირობებს რომ აყენებენ ტელევიზორში, მეც დავჯდები და ჩამოვწერ ათ პირობას და დავაყენებ, მაგრამ პირობას რომ აყენებენ, შენ უნდა გქონდეს ინსტრუმენტები იმისა, რომ ხელისუფლებას უკან დაახევინო, თორემ აყენონ ეს პირობები და იყვნენ, მეორე მხარე დასცინებს, რასაც კობახიძე აკეთებს, მეტი არაფერი არ მოხდება“, - განაცხადა გია ხუხაშვილმა.რაც შეეხება აქციების დროს დაკავებულების შეწყალების საკითხს, გია ხუხაშვილი აცხადებს, რომ „ილუზია და ყალბი იმედია“, რომ წმინდა სინოდის ან ახალი პატრიარქის თხოვნის საფუძველზე „ქართული ოცნება“ პატიმრებს შეიწყალებს.„როგორი ილუზია გვაქვს ხოლმე, მუდმივ ყალბ იმედებში ვცხოვრობთ. სინოდის წევრების განცხადებები არავის არ აინტერესებს. სინოდის წევრები არ განსაზღვრავენ, ვის გამოუშვან და ვინ არა. ვიღაც რაღაცას იტყვის ქულების დასაწერად ან სახის შესანარჩუნებლად, მაგრამ ამით პროცესი წინ ვერ წავა, მეტი არაფერი არ იქნება. დღევანდელი პატრიარქის და ილია მეორის წონა შეადარეთ, ასჯერ უფრო ნაკლები წონა აქვს და ძალიან გრძელი გზა აქვს გასავლელი იმისათვის, რომ იმის მეათედი წონა შეიძინოს, რაც ილია მეორეს ჰქონდა. თუ ილია მეორის დროს ვერ მოხერხდა, ახლა რა ლოგიკით ვსაუბრობთ, ეს უფრო მოახერხებს ვიდრე ილია მეორე?თუ მოინანიებენ, გამოუშვებენ, ამას არაფერი შუამდგომლობა არ უნდა, არც საპატრიარქო და არაფერი. ვინც მოინანიებს ისედაც ამოკრავენ წიხლს და გამოაგდებენ გარეთ, რად უნდათ ციხეში ეგეთი ადამიანი. ვინც მოინანიებს, ესე იგი გატყდა, უარი თქვა ბრძოლაზე, საშიში აღარ არის და გამოუშვებენ გარეთ. არ უნდა ამას არც საპატრიარქო და არც სინოდი“, - განაცხადა გია ხუხაშვილმა.

არსებულ გლობალურ გეოპოლიტიკურ პირობებში, „შუა დერეფნის“ მნიშვნელობა კიდევ უფრო იზრდება, – ამის შესახებ აზერბაიჯანის პრეზიდენტმა, ილჰამ ალიევმა „თურქული სახელმწიფოების ორგანიზაციის“ სახელმწიფო მეთაურების არაფორმალურ სამიტზე სიტყვით გამოსვლისას განაცხადა.„ზანგეზურის დერეფანი, რომელიც ამჟამად ხორციელდება, „შუა დერეფნის“ ერთ-ერთ მთავარ სეგმენტად იქცევა“, – განაცხადა ილჰამ ალიევმა.აზერბაიჯანის პრეზიდენტმა ასევე აღნიშნა, რომ „შუა დერეფნის“ გასწვრივ საბაჟო პროცედურები მარტივდება.„თურქული სახელმწიფოების ორგანიზაციის“ ფარგლებში შემუშავებული e-Permit სისტემა ელექტრონული ნებართვების სწრაფ გაცემას უზრუნველყოფს“, – განაცხადა ილჰამ ალიევმა.

„იმედია, რომ ბოლო ტურში ჩვენი გუნდი „ჰაიდენჰაიმი“ „მაინცს“ დაამარცხებს და მთავარ გერმანულ ლიგაში ადგილს შეინარჩუნებს. რაც შეეხება ხვიჩა კვარაცხელიას, მისმა წარმატებებმა ქართველებზე დადებითი გავლენა მოახდინა“, – ამის შესახებ ბუდუ ზივზივაძემ ბუნდესლიგის ოფიციალურ გვერდთან ინტერვიუში განაცხადა.„ვფიქრობ, რომ ჯერ კიდევ გვაქვს შანსი, დავრჩეთ ბუნდესლიგაში, რადგან „ჰაიდენჰაიმი“ იმსახურებს მთავარ დივიზიონში ყოფნას. გადამწყვეტ მატჩში „მაინცთან“, როგორც ბოლო რამდენიმე ტურში, ვიმოქმედებთ როგორც ერთიანი გუნდი, კონცენტრირებული და ყოველი წამს მებრძოლი. ვამაყობ, რომ ასეთი თანაგუნდელები მყავს, რომლებიც ყოველთვის იბრძვიან და დარწმუნებული ვარ, რომ „მაინცის“ წინააღმდეგაც იგივეს გავაკეთებთ.მიუნხენში „ბაიერნთან“ დუბლი? ეს წარმოუდგენელი იყო, რადგან ბავშვობაში ყოველთვის ვოცნებობდი დიდი გუნდების წინააღმდეგ თამაშზე, მაგრამ არასდროს მიფიქრია, რომ მათ წინააღმდეგ ორ გოლს გავიტანდი ისეთ სტადიონზე, როგორიც „ალიანს არენაა“. ეს ჩემთვის განსაკუთრებული დღე იყო, რადგან მთელი ჩემი ოჯახი სტადიონზე იყო.არის თუ არა ეს ჩემი კარიერის ყველაზე მნიშვნელოვანი მატჩი? საქართველოს ნაკრებში ევრო 2024-ის შესარჩევი მატჩი ვითამაშე და ეს იყო ყველაზე მნიშვნელოვანი შეხვედრა. რადგან შენი ქვეყნისთვის თამაში განსაკუთრებული და ძალიან მნიშვნელოვანია. მაგრამ ეს მატჩი არანაკლებ მნიშვნელოვანია, რადგან ის გადამწყვეტია კლუბისთვის, ქალაქისთვის.ხვიჩა კვარაცხელია? ის ჩემპიონთა ლიგის ორივე ნახევარფინალში საუკეთესო იყო და ფინალში ყველაფერს საუკეთესოს ვუსურვებ. ძალიან ვამაყობთ მისით. საქართველოში ბევრი ფეხბურთელი, მათ შორის მეც, შთაგონებული ვართ იმ იდეით, რომ ქართველ ბიჭს შეეძლო ასეთ მაღალ დონეზე თამაში და ვფიქრობთ: თავადაც იგივეს რატომ არ უნდა შევეცადოთ?“

ოჯახის სიწმინდის დღეს ახალი პატრიარქი, შიო მესამე გაუძღვება მსახურებას, აღავლენს სადღესასწაულო წირვას, – ამის შესახებ  საქართველოს ეკლესიის პროტოპრესვიტერმა, გიორგი ზვიადაძემ საქართველოს პირველ არხს განუცხადა.მისივე თქმით, ეკლესიის მხრიდან კიდევ ერთხელ გამოიკვეთება, რამდენად მნიშვნელოვანია მთელი ერისთვის, ეკლესიისთვის სულიერი ფასეულობებისა და ოჯახის სიწმინდის დაცვა.„17 მაისი უწმინდესისა და უნეტარესის, ილია მეორის დაფუძნებული დღეა, რასაც მთელი ერისთვის განსაკუთრებული მნიშვნელობა აქვს. რა თქმა უნდა, ოჯახის სიწმინდის დაცვა საეკლესიო აზროვნებას და წმინდა სახარებას ეფუძნება. გულდასაწყვეტია, რომ ილია მეორის მიერ დაფუძნებულ დღეს წელს მის გარეშე პირველად ვხვდებით. ღვთის მადლით ისე მოხდა, რომ ახალი პატრიარქი აღსაყდრებულია. მთელი ეკლესია დარწმუნებულია, რომ ახლად აღსაყდრებული პატრიარქი იმავე მნიშვნელობით, განსაკუთრებულობით აღნიშნავს ამ დღეს, რომელიც მთელი საქართველოსთვის მნიშვნელოვანი დღეა. 17 მაისს სადღესასწაულო წირვა იგეგმება. პირველი შემთხვევა იქნება, როცა უწმინდესის, პატრიარქის, ილია მეორის გარდაცვალების შემდეგ საპატრიარქო წირვა ჩატარდება. მთელი მსოფლიოდან მოწვეული არიან ადგილობრივი მართმადიდებლური ეკლესიის მაღალი რანგის მღვდელმთავრები, სასულიერო პირები. ყველა ეკლესიიდან იქნება დელეგაცია. ოჯახის სიწმინდის დღეს, რომელიც ილია მეორის სახელს უკავშირდება, ახალი პატრიარქი, შიო მესამე გაუძღვება მსახურებას, აღავლენს სადღესასწაულო წირვას. როგორც მისი, ასევე მთელი ეკლესიის მხრიდან კიდევ ერთხელ გამოიკვეთება, რამდენად მნიშვნელოვანია მთელი ერისთვის, ეკლესიისთვის, ყველასთვის სულიერი ფასეულობებისა და ოჯახის სიწმინდის დაცვა, განმსაზღვრელი ჩვენი აზროვნებისა და იდენტობის“, – განაცხადა პროტოპრესვიტერმა გიორგი ზვიადაძემ.

ტენდერებში მონაწილეობის საკითხს მხოლოდ კანონმდებლობა წყვეტს და არა რომელიმე ჩინოვნიკი. თუ კანონმდებლობით კონკრეტულ კომპანიას ტენდერში მონაწილეობის უფლება არ ჰქონდა შეზღუდული, მას შეეძლო მონაწილეობა და გამარჯვება, – აღნიშნა  ინფრასტრუქტურის მინისტრმა რევაზ სოხაძემ  ამშენებლო კომპანიებისა და კომერციული ბანკების წარმომადგენლებთან გამართული შეხვედრის შემდეგ.მისივე თქმით, ე.წ. შავი სიის მიმართ მიდგომების გამკაცრების შედეგად უპასუხისმგებლო კომპანიებს, რომლებიც სახელმწიფოს წინაშე ვალდებულებებს არ ასრულებენ, ტენდერებში მონაწილეობის უფლება შეეზღუდებათ.მინისტრმა ხაზგასმით აღნიშნა, რომ მიღებული ცვლილებები ადეკვატურად პასუხობს იმ გამოწვევებს, რაც ინფრასტრუქტურის სექტორში არსებობს.„ეს ცვლილებები რადიკალურად შეცვლის მდგომარეობას სამშენებლო სექტორში და შექმნის სამართლიან გარემოს“, – განაცხადა რევაზ სოხაძემ.