ირაკლი ღარიბაშვილმა შესაბამის უწყებებს დაავალა, უახლოეს დღეებში მასობრივი ვაქცინაციის ცენტრები სრულ მზადყოფნაში იყოს ვაქცინაციის პროცესის შეუფერხებლად წარმართვისთვის

„რუსთავი 2-ის“ მიერ მოპოვებული მტკიცებულებების ნახვის მიუხედავად, გიორგი გახარიას თანაგუნდელები ამტკიცებენ, რომ მათ ლიდერს 2020 წელს პარიზში ბინა და ჩხოროწყუში მიწის ნაკვეთები არ უყიდია. ყოფილმა პრემიერმა 2020 წელს შეძენილი ქონება 2025 წლის დეკლარაციაში თავადაც ასახა, თუმცა, გახარიას პარტიაში ფაქტებს უარყოფენ.ოფიციალური ჩანაწერები და დეკლარაცია აჩვენებს, რომ 2020 წელს, როცა გახარია ერთ-ერთ ინტერვიუში საკუთარ გაღარიბებაზე საუბრობდა, სწორედ მაშინ შეიძინა პარიზში ბინა ნახევარ მილიონ ევროდ.მოგვიანებით, ქონებრივ დეკლარაციებში გამოჩნდა ჩხოროწყუში მიწის ნაკვეთებიც. საჯარო ფინანსურ დოკუმენტში ექსპრემიერმა აღარ მიუთითა - სახლი წავკისში და 2 ბინა თბილისში, ამაღლების ქუჩაზე. თუმცა, გახარიას ოჯახი ამ დრომდე წავკისში ცხოვრობს. "კურიერის" გადამღებ ჯგუფს, ექსპრემიერის ოჯახის წევრმა უთხრა, რომ სახლი ნაქირავები აქვთ.როგორ იყიდა პანდემიის პერიოდში გახარიამ პარიზში ბინა - თავად ექსპრემიერი "კურიერის" სატელეფონო ზარებს არ პასუხობს. ოპოზიციის ნაწილი კი ამბობს, რომ გამოძიება თანამდებობის ყველა ყოფილი პირის ქონებრივი და ფინანსური მდგომარეობით უნდა დაინტერესდეს.გიორგი გახარიას ქონებრივი და ფინანსური მდგომარეობის შესახებ საუბრობენ მმართველ გუნდში. სახელისუფლებო პარტია მიიჩნევს, რომ საკითხით საგამოძიებო უწყებები უნდა დაინტერესდნენ.პარიზში შეძენილი ბინის და მიწის ნაკვეთების დოკუმენტაცია "კურიერი P.S-მა" ექსკლუზიურად მოიპოვა. გიორგი გახარიამ საფრანგეთის დედაქალაქში 83 კვადრატული მეტრის ბინა 472 400 ევროდ, 2020 წელს შეიძინა, ჩხოროწყუში კი მიწის 2 ნაკვეთი 85 000 ლარად.

ნუ მიაქცევთ ყურადღებას ეთერებში მსხდომ, დროის გასაყვანად მისულ, გამოგონილ ოპოზიციონერებს და ნურც გაბღენძილ „ლიდერებზე“ იდარდებთ, სამი სართულით ზემოდან რომ გვიყურებენ და მუდმივად სურთ პოლიტიკაში „იტივტივონ“, –  ამის შესახებ „ნაციონალური მოძრაობის“ პოლიტსაბჭოს თავმჯდომარის, ლევან ხაბეიშვილის პოსტშია ნათქვამი, რომელიც მის ფეისბუქგვერდზე გამოქვეყნდა.მისი თქმით, ხალხმა უნდა უსმინოს საკუთარ გულისცემას და იმ ადამიანებს, ვინც გამარჯვებას ასხივებს, 4 ოქრომბრის გარშემოა გაერთიანებული და ბოლომდე აპირებს იბრძოლოს.„შიში, მარცხი, ჩამოშლა, კაპიტულაცია დააპატიმრა ივანიშვილმა და მდინარაძემ. ჩემი კი არ ეშინიათ, რეალურად, თქვენი, ხალხის პანიკური შიში აქვს. ივანიშვილმა მე დამაპატიმრა, მძევლად ამიყვანა ერთი მიზეზით: დავიჭირე დიდი, უშველებელი სარკე და ყველა ქალაქში, სოფელში, ეზოში, ეთერში, სოციალურ ქსელში ხალხს ვაჩვენებდი, რომ დაინახეთ თქვენი გამარჯვებული სახეები, დაინახეთ, რომ ათასჯერ მეტნი ხართ. ჩაიხედეთ სარკეში და ნახეთ, რომ მარტო არ ხართ, შენ ხარ საქართველო. აი, ამ დიდ სარკეს გამოეკიდნენ შლეგებივით, ამ სარკის დამტვრევას ცდილობს ბიძინა. მისი ამოცანაა, რომ სულ ჩვენი დამარცხებული, მოღუშული პირსახე გვახსოვდეს. მას ეშინია, რომ თუ ხალხი იცქირება სარკეში, დაინახავს, რომ უპირობოდ გამარჯვებულია და ხალხს წინ ვერაფერი დაუდგება. ამ დროისთვის ენა „ამომაგლიჯეს“. სარკე ჩამომართვეს და დილეგში გამამწესეს. ბოროტ, კაცთმოძულე ივანიშვილ-მდინარაძეს ვერ გაუაზრებიათ, რომ ეს სარკე უკვე ძალიან ბევრ ადამიანს დააქვს და ვერც ის გაიგეს, რომ ამასობაში სარკე საქართველოს დროშად გადაიქცა და ის ყველა ქართველის გულშია. დიახ, ყველა ქართველს გულით დააქვს დროშა და 4 ოქტომბერს უპირობოდ დაიცავენ იმას, რაც ყველაზე მეტად უყვართ – სამშობლოს.4 ოქტომბერი უკვე არის სახალხო, ეროვნული გამარჯვების დღე, რომელიც ხალხის გასაფორმებელია. ნუ მიაქცევთ ყურადღებას ეთერებში მსხდომ, დროის გასაყვანად მისულ, გამოგონილ ოპოზიციონერებს და ნურც გაბღენძილ „ლიდერებზე“ იდარდებთ, სამი სართულით ზემოდან რომ გვიყურებენ და მუდმივად სურთ პოლიტიკაში „იტივტივონ“. უსმინეთ საკუთარ გულისცემას და იმ ადამიანებს, ვინც გამარჯვებას ასხივებს, 4 ოქრომბრის გარშემოა გაერთიანებული, ბოლომდე აპირებს იბრძოლოს. ხომ დადასტურდა, რომ საზოგადოება ერთიანია საქართველოს გადარჩენის ბრძოლის სტრატეგიაში. ჰოდა, მათთან ერთად ვმობილიზდეთ, ერთმანეთს გადავხედოთ და მტკიცედ მოვემზადოთ.ივანიშვილი რეალურად დაგვეხმარა ამ დაკავების აქტით. მან დაგვარწმუნა, რომ ის უკვე დამარცხებულია. მდინარაძემ ირწმუნა, რომ მარცხდებიან და ამიტომ ამიყვანეს მძევლად. ამაზე უკეთ როგორ გვანიშნონ, რომ გამარჯვება მონდომებაზე და ერთი ხელის გაწვდენაზეა. ღმერთმა დალოცოს საქართველო“, – წერს ლევან ხაბეიშვილი.

ამ ადამიანებმა თავისი თავი გამოავლინეს. რადიკალური ოპოზიცია ლამობს, რომ ის ფინანსური და პოლიტიკური მხარდაჭერა გაამართლოს, რასაც 2020 წლიდან ინტენსიურად ვუყურებთ. კერძოდ, რევოლუციის მცდელობებს, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.ვოლსკის თქმით, ამ სცენარისთვის უშველებელი თანხებია დახარჯული.„ამერიკის ახალმა ადმინისტრაციამ ეს ყველაფერი გამოაქვეყნა. შეგიძლიათ, ნახოთ, მხოლოდ საქართველოს შემთხვევაში რამდენია დახარჯული. საუბარია, ათეულობით მილიონ დოლარზე. 4 ოქტომბრის რევოლუციას მხარს არ უჭერს არა მხოლოდ „ქართული ოცნების“ მხარდამჭერი მოსახლეობის დიდი ნაწილი, არამედ ისინიც, ვინც მხარს ოპოზიციას უჭერენ. ამ ადამიანებს ისეთი ოპოზიცია არ უნდათ, რომელიც ქვეყანას ისე დაამარცხებს, რომ ეს პროცესი შეუქცევადი იქნება. რაც შეეხება ლევან ხაბეიშვილს, ის ერთ-ერთია, მან ნიშა ნახა, რომ თავი გამოიჩინოს. პირადი ამბიციის უკან ამ სისხლიანი ორგანიზაციის გეგმა დგას, რომ ქვეყანაში არჩევნებით ვერ მოდიან და რევოლუციით უნდა მოვიდნენ. ხაბეიშვილმა გადაწყვიტა, რომ ამ რევოლუციას სათავეში ჩაუდგეს. ის ​ხოშტარია-ფოფხაძის მთავარი კონკურენტია“, – განაცხადა გია ვოლსკიმ.

ყველა შესაბამისი სახელმწიფო უწყება ბოლომდე იქნება ფხიზლად და ყურადღებით, რათა გარე დაფინანსებით, გაუმჭვირვალე დაფინანსებით არავის მივცეთ პროცესების რადიკალიზაციის შესაძლებლობა, – ამის შესახებ საქართველოს პრემიერ-მინისტრმა, ირაკლი კობახიძემ ჟურნალისტებს განუცხადა.როგორც მთავრობის მეთაურმა აღნიშნა, რადიკალიზმის გაღვივების ყველა მცდელობა დაკავშირებულია უცხოურ სპეცსამსახურებთან, რასაც განსაკუთრებული ყურადღება სჭირდება.„ყველა შესაბამისი სახელმწიფო უწყება ბოლომდე იქნება ფხიზლად და ყურადღებით იმისათვის, რომ ჩვენ გარე დაფინანსებით, გაუმჭვირვალე დაფინანსებით არავის მივცეთ პროცესების რადიკალიზაციის შესაძლებლობა. თქვენ ხედავთ, ადამიანებს უმახინჯნებენ სულს, ადამიანებს უმახინჯებენ სახეს და ეს ძალიან სერიოზული პრობლემაა. უცხოური სპეცსამსახურები არიან დაკავებული საქართველოში ადამიანების სხვა მიმართულებით, არასწორი მიმართულებით განვითარებით. თქვენ ნახეთ ქართველი ლიბერალები და შეგიძლიათ, შეადაროთ ისინი, მაგალითად, ამერიკელ ლიბერალებს, ზუსტად ერთი და იგივე სახეები არიან, ზუსტად ერთი და იგივე ნიშნით გამოირჩევიან ისინი, რომ მათ ჯიში აქვთ დაკარგული. ეს ძალიან სამწუხაროა, ჩვენ ყველანაირად უნდა აღვუდგეთ წინ ფსევდოლიბერალიზმის გავრცელებას ჩვენს ქვეყანაში“, – განაცხადა ირაკლი კობახიძემ.

დამხობა არ არსებობს მშვიდობიანი და არამშვიდობიანი. არის ორი მიმართულებით საქმე აღძრული, როგორც დამხობის მიმართულებით, ასევე ქრთამის დაპირების მიმართულებით. დანარჩენი, ბუნებრივია, სასამართლოს საქმეა, – ამის შესახებ საქართველოს პრემიერ-მინისტრმა, ირაკლი კობახიძემ ჟურნალისტის კითხვის პასუხად განაცხადა, რომელიც ლევან ხაბეიშვილისთვის წარდგენილ ბრალს შეეხებოდა.მთავრობის მეთაურის თქმით, მისთვის ცნობილია, ვინ დაარქვა ხაბეიშვილს „ანიტა“ და ვინ უხდიდა ჯერ 3 000 და შემდეგ 5 000 ლარს.„ძალიან შეაჩვიეს ენა საზოგადოებას, სულ საუბარია რადიკალიზმზე, დამხობაზე, გადაწვაზე და ა.შ. ათასი განცხადება გაკეთდა ამ დღეების განმავლობაშიც. აქაც პრაქტიკა უნდა იყოს იმისგან განსხვავებული, რაც იყო 3-4 წლის წინ. კანონი უნდა მუშაობდეს საქართველოში მთელი სიმკაცრით, მხოლოდ ამ შემთხვევაში შეიძლება იყოს დაცული ბოლომდე ჩვენი ეროვნული ინტერესები. ყველას ვპირდები, რომ როგორც სხვა მიმართულებებით გავამკაცრეთ კანონის მოქმედება, ეს ეხება კორუფციას, ორგანიზებულ დანაშაულს თუ ნარკოტიკულ დანაშაულს, ძალიან მკაცრი მიდგომები გვექნება პოლიტიკურად მოტივირებულ დანაშაულთან დაკავშირებითაც. ყველა მიმართულებით გვექნება უფრო მკაცრი მიდგომები კანონის აღსრულების ნაწილში, ვიდრე ეს იყო წარსულში. რა თქმა უნდა, ეს არ აწყობთ ნარკომანებს, „ნაცებს“, ორგანიზებულ დამნაშავეებს, მაგრამ ეს აწყობს საზოგადოებას“, – განაცხადა ირაკლი კობახიძემ.