ირაკლი კობახიძე – ჩვენი გზავნილია, რომ დღეს სასამართლო არის დამოუკიდებელი და ყველაფერს გავაკეთებთ სასამართლოს დამოუკიდებლობის დასაცავად

არ მესმის, რამდენი წელი შეიძლება, ილაპარაკონ, რომ „მელიამ მიტინგი დაშალა“. არ მაინტერესებს წარსულის ეს ამბები, მოვლენები. ყველას ვთხოვ, ცოტა ხანი მაინც დაივიწყოს ეს ყველაფერი, – ამის შესახებ „ოპოზიციის ალიანსის“ ერთ-ერთმა ლიდერმა, ნიკა გვარამიამ განაცხადა.გვარამიას კითხვა დაუსვეს საქართველოს ყოფილი პრეზიდენტის, მიხეილ სააკაშვილის ფეისბუქპოსტზე, სადაც სააკაშვილმა დაწერა: „მელიას შეცდომა ის იყო, რომ გუშინდელ აქციაზე უფრო მრავალრიცხოვანი ჩემი გათავისუფლების მოთხოვნით ჩატარებული აქცია დაშალა. არადა, თბილისში არჩევნების მოგება შეუძლებელი იყო ჩემი გათავისუფლების გარეშე“.„არ ვაპირებ არანაირ დაპირისპირებაში შესვლას. ბევრი რაღაც ცუდი მოსასმენია. ძალიან გაუგებარი და უდროოა ბევრი ტექსტი, მაგრამ სიღრმეებში ახლა არ შევალ, რადგან ეს ყველაფერი ხელს გვიშლის ერთიანი მიზნის მიღწევაში. ამიტომ, ყველას ვთხოვდი, მოვუწოდებდი, რომ გამყოფი ხაზების გაღრმავება, შემოტანა არ არის სასარგებლო პროცესისთვის. მარტივად რომ ვთქვათ, არ არის სასარგებლო ჩვენი ქვეყნისთვის. თუ მაინც და მაინც რამე უნდა გავარჩიოთ, მას მერე გავარჩიოთ, რაც ქვეყანას გადავარჩენთ და ივანიშვილს გავუშვებთ პოლიტიკურ სანაგვეზე. უკვე ღიად ვთქვი, რომ არ ვაპირებ დაპირისპირებებში შესვლას. ძალიან არ მომწონს, რომ ამ დაპირისპირებების გამწვავება თუ გაღრმავება მიმდინარეობს. ცუდია ეს. რაც შეეხება „მელიამ მიტინგი დაშალას“, უბრალოდ არ მესმის, რამდენი წელი შეიძლება, ილაპარაკონ ეს და საერთოდ არ მესმის, როგორ შეიძლება, მიტინგი დაშალო. ვინმეს თუ უნდა გადაწყვეტილების მიღება და შედეგის მიღწევა, დამიჯერეთ, ერთ ადამიანზე არაფერი არ არის დამოკიდებული. ასეთ ვითარებაში, შორს ვარ იმ აზრისგან, რომ ნიკა მელიამ რამე დაშალა და რამეს ხელი შეუშალა. მაშინ ნიკა მელია იყო „ნაციონალური მოძრაობის“ თავმჯდომარე, მე პოლიტიკაში არ გახლდით და მაშინვე გაერჩიათ ეს ამბავი. გულწრფელად გეტყვით, არ ვაპირებ ამაში შესვლას. არ მაინტერესებს წარსულის ეს ამბები, მოვლენები, ტრავმები. ყველას ვთხოვ, ცოტა ხანი მაინც დაივიწყოს ეს ყველაფერი“, – განაცხადა ნიკა გვარამიამ.გვარამიას ასევე კითხვა დაუსვეს მიხეილ სააკაშვილის კიდევ ერთ ფეისბუქპოსტთან დაკავშირებით, სადაც სააკაშვილმა აღნიშნა: „მრავალრიცხოვანმა საპროტესტო მსვლელობამ მაინც დამიტოვა უკმარისობის განცდა, არ გაეცა პასუხი მთავარ კითხვას, რა არის შემდეგი ნაბიჯები, ვეძებთ რევოლუციური ჯავშანმანქანის ინჟინრებს“.გვარამიას თქმით, ჯავშანმანქანის ინჟინერი არ არის და კითხვაზე ვერ უპასუხებს.„მიშას გადასაწყვეტია, რომ გამოხატავს თავის აზრს და კმაყოფილი იქნება თუ არ იქნება რაღაც პროცესით. მას შეუძლია, იოპერიროს საკუთარი პარტიის მეშვეობით, რომელიც ალიანსის წევრია. ამაში პრობლემას ვერ ვხედავ. მე არ ვარ ჯავშანმანქანის ინჟინერი, ამიტომ ვერ გიპასუხებთ“, – განაცხადა ნიკა გვარამიამ.

ახალციხეში, კოსტავას ქუჩაზე მდებარე კორპუსის მეხუთე სართულიდან გადმოვარდნილი ქალი კლინიკაში გარდაიცვალა. ქალს სიცოცხლისთვის შეუთავსებელი დაზიანებები აღმოაჩნდა.„შემოიყვანეს ცოცხალი, მაგრამ უგონო მდგომარეობაში იყო. ჩაუტარდა კვლევები,  სიცოცხლისთვის შეუთავსებელი დაზიანებები აღმოაჩნდა და რამდენიმე საათში გარდაიცვალა“, - აცხადებს „სამხრეთის კარიბჭესთან“ კლინიკა „იმედის“ კლინიკური მენეჯერი.მომხდარზე, გამოძიება სისხლის სამართლის კოდექსის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.

აშშ-ის  საელჩომ უკრაინა დატოვა, – ამის შესახებ ევროკავშირის უმაღლესმა წარმომადგენელმა, კაია კალასმა კვიპროსში ევროკავშირის საგარეო საქმეთა მინისტრების არაფორმალური შეხვედრის დაწყების წინ განაცხადა.კალასის თქმით, აშშ-ის საელჩო ერთადერთია, რომელმაც რუსეთის მუქარის შემდეგ უკრაინა დატოვა.„ასევე, გუშინ უკრაინისგან გავიგეთ, რომ ყველა საელჩო დარჩა, ერთის გარდა. ამიტომ, ესეც მოითხოვს გამბედაობას იმ საელჩოებისგან. მაგრამ დიახ, ყველა ევროპული სახელმწიფო დარჩა, ამერიკა წავიდა“, – აღნიშნა კალასმა.თუმცა ამ ინფორმაციას უარყოფენ უკრაინის საგარეო საქმეთა სამინისტროში.„აშშ-ის საელჩოს გასვლის შესახებ ინფორმაცია სიმართლეს არ შეესაბამება“, – აღნიშნა სამინისტროს წარმომადგენელმა.რუსეთის საგარეო უწყებამ 25 მაისს გაავრცელა განცხადება, რომ რუსეთის არმია თანმიმდევრულად მიიტანს იერიშებს გადაწყვეტილებების მიღების ცენტრებზე, სამეთაურო პუნქტებზე და საერთაშორისო მისიებს კიევის დატოვებისკენ მოუწოდა.

გამოსავალზე როდესაც ვსაუბრობთ, კარგად უნდა გვესმოდეს, რომ ძალიან მნიშვნელოვანია, ზედმიწევნით სწორად გაკეთდეს შეფასებები, შევქმნათ სწორი მოლოდინები. არასწორი მოლოდინების შექმნა არაფრის დიდებით არ არის გამართლებული, პირიქით ამორალურია, – ამის შესახებ საქართველოს ჯანდაცვის მინისტრმა, მიხეილ სარჯველაძემ დიუშენის სამკურნალო მედიკამენტების შემოტანის საკითხზე საუბრისას განაცხადა.მისივე თქმით, ამ ეტაპზე უმნიშვნელოვანესია რეალური სურათის დანახვა და დაინტერესებული მხარეების ჩართულობით მუშაობის გაგრძელება.როგორც სარჯველაძემ აღნიშნა, სამუშაო პროცესი აუცილებლად უნდა წარიმართოს მშობლების, პაციენტებისა თუ ნებისმიერი დაინტერესებული მხარის ჩართულობით.„დიდი ინტერესით, მოლოდინით, იმედით და კეთილგანწყობით ველოდებით, მედიკამენტებთან დაკავშირებით ყველა კითხვას როდის გაეცემა პასუხი, როდის დაიწყებენ ევროპული სახელმწიფოები შესყიდვას. ყველა დიდი პასუხისმგებლობით უნდა მოეკიდოს, სერიოზულად გაზომოს ყველა სიტყვა, რომელსაც ამბობენ თითოეულ ამ საკითხთან დაკავშირებით. ერთი კონკრეტული სახელმწიფოს გადაწყვეტილება არ ნიშნავს, რომ ეს სრული პასუხია დანარჩენი ევროპისთვის, რომელიც ჯერ კიდევ გადაჭრის გზებს ეძებს“,  – განაცხადა ჯანდაცვის მინისტრმა.მიხეილ სარჯველაძის თქმით, ინფორმაციის მიღება და მედიკამენტების გამოყენების პრაქტიკაზე მსჯელობა სამინისტროში დიდი ხანია, მიმდინარეობს. ჯანდაცვის მინისტრმა ასევე მსოფლიო ჯანდაცვის ასამბლეაზე მიღებულ ინფორმაციაზე ისაუბრა.„ამასწინათ გახლდით შვეიცარიაში მსოფლიო ჯანდაცვის ასამბლეაზე, სადაც შესაძლებლობა მქონდა, არაერთ სახელმწიფოსთან მაღალ დონეზე გაგვემართა შეხვედრები. პრაქტიკულად, იმავე საკითხების თაობაზე მსჯელობენ იქაც, ევროპულ სახელმწიფოებში და კითხვებზე პასუხის გაცემამდე არ იღებენ გადაწყვეტილებებს“,  – განაცხადა ჯანდაცვის მინისტრმა.მიხეილ სარჯველაძემ იმედი გამოთქვა, რომ გარკვეულ პრეპარატებთან დაკავშირებით სიახლეები მალე იქნება.„დიდი იმედი მაქვს, ზოგიერთ კონკრეტულ მედიკამენტთან მიმართებით შესაძლებლობა გვექნება, მალე იქნას მიღებული გადაწყვეტილებები“, – აღნიშნა მიხეილ სარჯველაძემ.

მიხეილ სააკაშვილი ყოფილ კოლეგებთან და ყოფილ თანაპარტიელებთან ურთიერთობებზე ჩამოყალიბდეს. საქართველოში დღეს გაცილებით მეტი პრობლემაა, ვიდრე სააკაშვილის განცხადებების გარჩევა, – ამის შესახებ პარტია „გახარია საქართველოსთვის“ წევრმა, გიორგი შარაშიძემ განაცხადა.შარაშიძის თქმით, მიხეილ სააკაშვილის და ნიკა მელიას ურთიერთობა მისთვის საინტერესო არ არის.ამასთან, გიორგი შარაშიძე ამბობს, რომ რევოლუციური გზით ხელისუფლება არ უნდა შეიცვალოს.„ხელისუფლება უნდა შეიცვალოს არჩევნების გზით, მშვიდობიანი გზით, იმ გზით, რა გზასაც ჩვენ ვადგავართ მას შემდეგ, რაც ჩვენი პოლიტიკური პარტია დავაფუძნეთ. ყოფილმა თანაპარტიელებმა ერთმანეთში გაარკვიონ თავიანთი ურთიერთობები. დღეს ჩვენ კონცენტრირებული ვართ მოქალაქეების პრობლემების გადაჭრაზე. ძირითადი პოლიტიკური პროცესი პარლამენტშია და ჩვენ ყველა ინსტრუმენტს ვიყენებთ. მიხეილ სააკაშვილის და ნიკა მელიას ურთიერთობა ჩვენთვის საინტერესო არ არის. როგორმე თავად გაერკვევიან და ერთმანეთში დალაგდებიან“, – აღნიშნა გიორგი შარაშიძემ.ამავდროულად, შესაბამისი კითხვის პასუხად გიორგი შარაშიძემ არ გამორიცხა, რომ ნიკა მელიას სააკაშვილი კონკურენტად აღიქვამდეს.შეგახსენებთ, საქართველოს ყოფილმა პრეზიდენტმა, მიხეილ სააკაშვილმა სოციალურ ქსელში დაწერა: „მელიას შეცდომა ის იყო, რომ გუშინდელ აქციაზე უფრო მრავალრიცხოვანი ჩემი გათავისუფლების მოთხოვნით ჩატარებული აქცია დაშალა, არადა, თბილისში არჩევნების მოგება შეუძლებელი იყო ჩემი გათავისუფლების გარეშე“.