ირაკლი კობახიძე – ოპოზიცია გაღიზიანებულია აშშ-ის ახალი ადმინისტრაციის განცხადებებით, რადგან ეს განცხადებები თავიდან ბოლომდე უპირისპირდება ე.წ. ნარატივს, რომელსაც თავს ახვევდნენ საზოგადოებას

საბერძნეთის კუნძულ ეგინაზე 20 თვის გოგონა ტრაგიკულად დაიღუპა მას შემდეგ, რაც ტრადიციული სააღდგომო პურის, „ცურეკის“ ნაჭერი გადასცდა. შემთხვევა ბავშვის სახლში მოხდა, როდესაც ბავშვმა მოულოდნელად სუნთქვა ვეღარ შეძლო.ადგილობრივი მედიის ინფორმაციით, მშობლებმა პატარა სასწრაფოდ გადაიყვანეს სამედიცინო ცენტრში, სადაც ექიმებმა მისი გადარჩენა სცადეს. თავდაპირველად ბავშვის მდგომარეობა ოდნავ გაუმჯობესდა, თუმცა მალევე კვლავ დამძიმდა. მოგვიანებით მისი გადაყვანა პირეოსის საავადმყოფოში სანაპირო დაცვის კატერით განხორციელდა, თუმცა ექიმებმა მისი გადარჩენა ვეღარ შეძლეს.ტრაგედიამ მთელი ადგილობრივი საზოგადოება შეძრა. ბერძნული მედია და ექიმები კიდევ ერთხელ მოუწოდებენ მშობლებს განსაკუთრებული ყურადღება მიაქციონ მცირეწლოვანი ბავშვების კვებას, რადგან მყარი ან წებოვანი საკვები პატარა ასაკში სერიოზულ საფრთხეს წარმოადგენს.

,,დღეს საღამოს, ირანის ისლამური რესპუბლიკის საელჩომ თბილისში საკუთარ ფასადზე ურთიერთპატივისცემისა და მეგობრობის სიმბოლო გამოფინა — სიმბოლო, რომლის ფესვები ირანელი და ქართველი ხალხების მრავალსაუკუნოვან ცივილიზაციურ, კულტურულ და ცოცხალ კავშირებშია. ირანელები და ქართველები ორი კულტურის, ორი ენის, ორი ტრადიციისა და ცხოვრების ორი განსხვავებული წესის მატარებელნი არიან, რომლებმაც ისტორიისა და პოლიტიკის სირთულეების მიღმაც შეძლეს ცოცხალ ურთიერთობებში მეგობრობის, თანამშრომლობისა და პატივისცემის საფუძვლის შექმნა. ეს კავშირი მხოლოდ ისტორიული მოგონება არ არის; იგი ცოცხლობს ენაში, ხელოვნებაში, არქიტექტურაში, მუსიკაში, რიტუალებსა და ორივე ხალხის კოლექტიურ მეხსიერებაში. დღესაც მრავალი სპარსული სიტყვა ქართულ ენაში იმავე მნიშვნელობითა და ჟღერადობით გამოიყენება, როგორც ირანში. ამავე დროს, ქართული არქიტექტურა, ხელოვნება, სიმამაცე და სულიერი ძალა ირანის თანამედროვე ისტორიისა და კულტურის მნიშვნელოვანი ნაწილია. საუკუნეების განმავლობაში ჩვენ ერთმანეთისგან ვსწავლობდით, ერთმანეთს გამოცდილებას ვუზიარებდით და საერთო ადამიანურ მემკვიდრეობას მომავალ თაობებს გადავცემდით. რადგან ხალხებს შორის ურთიერთობები, პირველ რიგში, ცოცხალი და სოციალური კავშირებია — ურთიერთობები, რომლებიც ემყარება ემოციას, აღქმას, მეხსიერებასა და საერთო ცხოვრებისეულ გამოცდილებას.დღეს ირანის საელჩომ თბილისში მხოლოდ ერთი გამოსახულება კი არ წარმოადგინა; მან კიდევ ერთხელ შეგვახსენა, რომ ხალხებს შორის კავშირები და ინტერესები ბევრად უფრო ძველი, ღრმა და მდგრადია, ვიდრე ნებისმიერი მსწრაფლწარმავალი პოლიტიკური ურთიერთობა''-წერს ირანის ელჩი საქართველოში ალი მოჯანი.

მართვა-გამგეობის დებულების მიხედვით, იმისთვის, რომ პირველივე ტურში დასრულდეს კენჭისყრა და გამოვლინდეს პატრიარქი, საჭიროა 50 პროცენტს პლუს ერთი ხმა, ჩვენ შემთხვევაში ეს არის 20 ხმა, – ამის შესახებ საპატრიარქოს საზოგადოებასთან ურთიერთობის სამსახურის ხელმძღვანელმა, ანდრია ჯაღმაიძემ პრესკონფერენციაზე განაცხადა.„თუ 20 ხმა ექნება რომელიმე კანდიდატს, მეორე ტური აღარ გაიმართება. თუ ვერცერთი კანდიდატი ვერ მოაგროვებს 20 ხმას, მაშინ მეორე ტურში იქნება ორი უპირატესი ხმის მქონე კანდიდატს შორის კენჭისყრა.ინტრონიზაციას ხვალ გამოვაცხადებთ. ინტრონიზაციის თარიღის შესახებ გადაწყვეტილება უნდა მიიღოს უკვე გამორჩეულმა პატრიარქმა“, – განაცხადა ჯაღმაიძემ.საქართველოს მართლმადიდებელი ეკლესიის გაფართოებული კრება, რომელზეც ახალ პატრიარქს აირჩევენ, ხვალ, 11 მაისს სამების ტაძარში გაიმართება.

საპატრიარქოს საზოგადოებასთან ურთიერთობის სამსახურის ხელმძღვანელის, ანდრია ჯაღმაიძის განცხადებით, ხვალ სამების ტაძარში დაგეგმილ საეკლესიო კრებაზე დაახლოებით 1 200-მდე დელეგატი იქნება წარმოდგენილი, მისივე ინფორმაციით, კრებაზე დაგეგმილია საპატრიარქო ტახტის კანდიდატების სიტყვით გამოსვლები.ასევე, ჯაღმაიძის თქმით, კრებაზე სიტყვით გამოვლენ ეპარქიებიდან წარმოდგენილი დელეგატებიც.ამასთან, როგორც ანდრია ჯაღმაიძემ დღევანდელ პრესკონფერენციაზე განაცხადა, ხვალვე გახდება ცნობილი, ვინ იქნება პატრიარქი და მას მეუფე ანანია გამოაცხადებს, რადგან სწორედ ის არის ხმის დამთვლელი კომისიის თავმჯდომარე.„ხვალ ბიულეტენებზე იქნება შემოსახაზი. კანდიდატის სახელი იქნება დაბეჭდილი ბიულეტენზე და ამომრჩეველი შემოხაზავს, შემდეგ ეს ბიულეტენი ჩაიდება კონვერტში და მოთავსდება საარჩევნო ყუთში, რომელიც ცენტრალურ ადგილზე იქნება განთავსებული. 28 აპრილის სინოდის სხდომაზე განისაზღვრა სიტყვით გამომსვლელთა შესახებ რეგლამენტიც. სიტყვით გამოვლენ საპატრიარქო ტახტის კანდიდატები, ასევე მათი ეპარქიიდან თითო ადამიანი. მოხსენება იქნება ასევე ისტორიული მიმოხილვის კონტექსტში. ერთ-ერთი მეცნიერი გააკეთებს საქართველოს კათოლიკოს-პატრიარქის ტიტულთან დაკავშირებით ისტორიულ მიმოხილვას. შედეგი გამოცხადდება ხვალვე. მას გამოაცხადებს მეუფე ანანია, ის არის ხმის დამთვლელი კომისიის თავმჯდომარე“, – განაცხადა ჯაღმაიძემ.

ვფიქრობდი, რომ ბატონ პეტერს მხოლოდ ვენის კონვენციასთან ჰქონდა პრობლემა. როგორც ჩანს, მას ზრდილობასთანაც პრობლემა აქვს, – ამის შესახებ საქართველოს პარლამენტის თავმჯდომარემ, შალვა პაპუაშვილმა გერმანიის ელჩთან, პეტერ ფიშერთან დაკავშირებით განაცხადა.კერძოდ, პაპუაშვილმა კომენტარი გააკეთა მედიით გავრცელებულ ფიშერის განცხადებაზე, სადაც  ელჩი ამბობს: „ცოტა შეწუხებული ვარ ბატონი პაპუაშვილის გამო, მას ან ნამდვილად არ ესმის, რას გულისხმობს ევროპა ან თავს აჩვენებს, რომ არ ესმის, არცერთი მათგანი არის კარგი. არ ვფიქრობ, რომ ევროკავშირს ან რომელიმე წევრ ქვეყანას ლექციის წაკითხვა სჭირდებოდეს იმასთან დაკავშირებით, რა არის ევროპა“.შალვა პაპუაშვილის თქმით, „სამწუხაროა, რაც პეტერ ფიშერმა ქართულ-გერმანულ ურთიერთობებს გაუკეთა“.„ძალიან სამწუხაროა, რასაც ვაკვირდებით ჩვენ, რაც გაუკეთა ამ ერთმა ადამიანმა ქართულ-გერმანულ ურთიერთობას. ფაქტია, მთელი საზოგადოება სულმოუთქმელად ველოდებით, როდის დატოვებს ის საქართველოს. დარჩა სულ რამდენიმე კვირა. ასე რომ, ველოდებით, რომ დატოვებს საქართველოს და ქართულ-გერმანული ურთიერთობის ეს მომენტიც დაგვავიწყდება“, – განუცხადა შალვა პაპუაშვილმა ჟურნალისტებს.