ირაკლი კობახიძე – ოპოზიცია ცდილობს, შექმნას პარალელური დღის წესრიგი, ამას ვერ მოახერხებენ

„სააკაშვილის ხელისუფლებას იმდენად დიდი დანაშაული აქვს ჩადენილი 2008 წელს ქვეყნის წინაშე, რომ პანიკაში არიან, როგორმე უნდა შეძლონ ამ ისტორიული სირცხვილის ჩამორეცხვა და ისრებს სხვისკენ ისვრიან“, - წერს სოციალურ ქსელში „ხალხის ძალის“ წევრი თამარ ჩიბურდანიძე და ნაციონალური მოძრაობის წევრის გიორგი ბარამიძის განცხადებები შეაფასა.ჩიბურდანიძემ ბარამიძის განცხადებებს, თითქოს რუს ტყვეებს ქართველები ხვრეტდნენ, მოღალატეობრივი უწოდა და აღნიშნა, რომ ამას ადასტურებს ის, რომ ბრალდებები მან სწორედ ახლა გაახმოვანა, როცა შიდა კონფლიქტების დეესკლაციის პროცესი აქტიურად მიდის.„როგორც მოსალოდნელი იყო, აგვისტოს ომის მძიმე დღეები გიორგი ბარამიძის მოღალატეობრივმა განცხადებამ კიდევ უფრო დაამძიმა, რომელსაც უმალვე მხარი აუბა ოკუპანტმა სახელმწიფომ და აფხაზეთის დე ფაქტო ხელისუფლებამ. ყველა ქმედება პოლიტიკაში შედეგით იზომება. 2008 წელს რუსეთმა მიიღო ის, რაც სურდა და ეს მოხდა სააკაშვილის პოლიტიკის შედეგად. ბარამიძემ კი, სწორედ ახლა, როდესაც შიდა კონფლიქტების დეესკლაციის პროცესი აქტიურად მიდის, კიდევ ერთხელ შეასრულა მოღალატეობრივი დაკვეთა და შუღლი ჩააგდო ჩვენს ეთნოსებს შორის, კვლავ ომისკენ აანთო აფხაზები და მიიღო კიდეც მათგან სასურველი უკუშედეგი.ოპოზიციის პოლიტიკა შიდა კონფლიქტებში მხოლოდ ომზე გადის და მათთვის მიუღებელია ის სამშვიდობო პოლიტიკა, რასაც ხელისუფლება აწარმოებს და რაც მისაღებია აფხაზი და ოსი ერისთვის (არა დე ფაქტო მმართველებისთვის). სააკაშვილის ხელისუფლებას იმდენად დიდი დანაშაული აქვს ჩადენილი 2008 წელს ქვეყნის წინაშე, რომ პანიკაში არიან, როგორმე უნდა შეძლონ ამ ისტორიული სირცხვილის ჩამორეცხვა და ისრებს სხვისკენ ისვრიან.ამ კამპანიაში აქტიურად არიან ჩართულნი მათი მხარდამჭერები. და ვინ არიან ესენი? ისინი, ვინც აგვისტოს ომის შემდეგ რუსებს რუსეთში უმღეროდნენ, ლარსზე ღვინით ხელში ხვდებოდნენ, მთლიანი ქართული ეკონომიკა მიჰყიდეს და ჩვენ გვმოძღვრავდნენ, რომ აუცილებელი იყო მათთან ურთიერთობა? დიახ, აგვისტოს დღეებში მათ გაწირეს უპირველეს ყოვლისა, ქართველები და შემდეგ ოსები. სხვას რომ თავი დავანებოთ, მათ შეეძლოთ ამ ომის თავიდან აცილება და არ გააკეთეს. ეს უკვე დიდი დანაშაულია!ისტორია თავის სამართალს ყოველთვის აღადგენს და აგვისტოს ომის სამართალიც ამ პროცესშია. დღეს შინდისის გმირების დღეა. ვის სინდისზეა მათი სისხლი? მხოლოდ ოკუპანტის? არა, სააკაშვილის ხელისუფლების მოღალატეობრივი პოლიტიკის, რის გათეთრებასაც დღეს მათი მხარდამჭერები ცდილობენ, მაგრამ უნდა ახსოვდეთ, რომ ისტორიული სამართლის წინაშე ყველა უძლურია“, - წერს თამარ ჩიბურდანიძე.

ფინანსთა სამინისტროს შემოსავლების სამსახურის საგადასახადო მონიტორინგის დეპარტამენტის თანამშრომელთა მხრიდან, ქვეყნის მასშტაბით ინტენსიურად ხორციელდება მეწარმე სუბიექტის მიერ, ქონების რეალიზაციისა და მომსახურების გაწევის შეთავაზებისას, ფასის ლარით გამოხატვის წესის ადმინისტრირება. კონტროლის ღონისძიების ფარგლებში, საგადასახადო მონიტორინგის დეპარტამენტის თანამშრომლების მიერ, მიმდინარე წლის ბოლო 7 თვის განმავლობაში გამოვლენილია საქართველოს ტერიტორიაზე  ფასის ლარით გამოხატვის წესების დარღვევის 212 ფაქტი. კანონმდებლობით განსაზღვრული წესების დარღვევისთვის 185 პირის მიმართ, სანქციის სახით გაფრთხილება იქნა გამოყენებული, ხოლო 27 პირს სანქციის სახით, ფულადი ჯარიმა, საერთო ჯამში 27 000 ლარის ოდენობით შეეფარდა. ფინანსთა სამინისტროს შემოსავლების სამსახური კიდევ ერთხელ შეახსენებს მეწარმე სუბიექტებს, რომ „საქართველოს ეროვნული ბანკის შესახებ“ საქართველოს ორგანული კანონის თანახმად, საქართველოს ტერიტორიაზე, ლარი არის გადახდის ერთადერთი კანონიერი საშუალება, გარდა თავისუფალი ინდუსტრიული ზონებისა, თავისუფალი ვაჭრობის პუნქტებისა ან/და ეროვნული ბანკის მიერ განსაზღვრული შემთხვევებისა, შესაბამისად, მოუწოდებს თავი შეიკავონ ფასის ლარით გამოხატვის წესების დარღვევისაგან. ინფორმაციას ფინანსთა სამინისტროს შემოსავლების სამსახური ავრცელებს

დღეს პატივს მივაგებთ ჩვენი ეპოქის გამორჩეულ ქართველ მებრძოლებს, შინდისის გმირებს, რომლებმაც ენით აღუწერელი გმირობა ჩაიდინეს, თვით მტერიც კი აღაფრთოვანეს და განაცვიფრეს ვაჟკაცობით, მებრძოლი სულით და დაანახეს ყველას, რომ ქართველი მებრძოლი სულგაუტეხელია და არასდროს შეეგუება საქართველოს თავისუფლების დაკარგვას, – ამის შესახებ საქართველოს პრეზიდენტმა, მიხეილ ყაველაშვილმა განაცხადა.მისი თქმით, თითოეულმა ქართველმა უნდა იამაყოს შინდისის გმირებით.„სწორედ მათი გმირობა გვაძლევს რწმენას, რომ საქართველო უკვდავი და მარადიულია. კიდევ ერთხელ, დიდება და პატივი მათ სულებს და სახელებს. ვნახე შინდისის გმირების მშობლები და პირადად გადავუხადე მადლობა ღირსეული მამულიშვილების აღზრდისთვის. ჩვენ ნამდვილად გვეამაყება ამ ბიჭების გმირობა. უნდა ვიცოდეთ, ყოველდღიურად უნდა ვგრძნობდეთ მათ გაკეთებულ საქმეს, რომ განსაკუთრებით ჩვენს შვილებს, მომავალ თაობას ჩავუნერგოთ ის სულისკვეთება, რა სულისკვეთებითაც იბრძოდნენ და ცხოვრობდნენ შინდისის გმირები. ეს არის ჩვენი ვალდებულება, რომ ყველას ახსოვდეს მათი  საქმე და გმირობა“, – განაცხადა ყაველაშვილმა.

ყველას მოვუწოდებ, პირველ რიგში მათ, ვისაც ქვეყნის მესაჭეობა აბარია, რომ განსაკუთრებული სიფრთხილით მოეკიდონ სიტყვებს. სტატიკაში კონცენტრირება და ფოკუსის გადატანა მხოლოდ პარტიულ საძალაუფლებო საკითხზე და მისით გადაფარვა ქვეყნის ეროვნული ინტერესების, არის კიდევ ერთხელ სახიფათო და მავნე, - ამის შესახებ პოლიტიკური პარტია „ჯერ საქართველოს” თავმჯდომარე ვიქტორ ყიფიანმა ჟურნალისტებთან განაცხადა.მისივე თქმით, 2008 წლის აგვისტოს ომთან დაკავშირებით რიგი კითხვების წამოწევა და ბუნდოვანი პასუხების ძებნა, რასაც ვისმენთ, სახიფათოა და მავნე ექსპერიმენტია.„რაც შეეხება იმ განცხადებებს, რაც ჩვენ მოვისმინეთ ბოლო დღეებში უცნაურია, არის კითხვები, რაზეც საზოგადოებაში უნდა იყოს მყარი პასუხები. გასაგებია, რომ გარკვეული კითხვებია 2008 წლის სამხედრო კამპანიაზე, მაშინ არსებულ საკომუნიკაციო კამპანიაზე, მაგრამ ისეთი ფუნდამენტური კითხვები: ვინ არის აგრესორი, ოკუპანტი, ვინ დაიწყო, როგორ განვითარდა, როგორ გაგრძელდა, ამ კითხვების წამოწევა და ბუნდოვანი პასუხების ძებნა, რასაც ჩვენ ვისმენთ, სახიფათოა და მავნე ექსპერიმენტი.გარდა ადამიანური მავნებლობისა, ის საფრთხის ქვეშ აყენებს ქვეყნის საერთაშორისო სამართლებრივ პოზიციებს.ყველას მოვუწოდებ, პირველ რიგში მათ, ვისაც ქვეყნის მესაჭეობა აბარია, რომ განსაკუთრებული სიფრთხილით მოეკიდონ სიტყვებს. სტატიკაში კონცენტრირება და ფოკუსის გადატანა მხოლოდ პარტიულ საძალაუფლებო საკითხზე და მისით გადაფარვა ქვეყნის ეროვნული ინტერესების, არის კიდევ ერთხელ სახიფათო და მავნე“, - აღნიშნა ყიფიანმა.გარდა ამისა, მან რუსეთის საგარეო საქმეთა მინისტრის მოადგილის, მიხაილ გალუზინის განცხადებაც შეაფასა, სადაც გალუზინი ამბობს, რომ „რუსეთი და საქართველო ერთმანეთის ბუნებრივი პარტნიორები არიან“.მისი თქმით, „ძალიან დამაფიქრებელი და სავალალოა იმის მოსმენა, რომ რუსეთის საგარეო საქმეთა სამინისტრო, ბუნებრივ პარტნიორად მიიჩნევს ჩვენს ქვეყანას“.„მინდა, ქართულ საზოგადოებას ვკითხო: კომფორტულია რუსეთის საგარეო საქმეთა სამინისტროს ასეთი შეფასება? რამდენად მშვიდად ხვდება ასეთ შეფასებას, საკუთარ თავში თუ ეძებს პასუხს, რამ განაპირობა ასეთი განცხადება?ჩემი აზრით, ეს ძალიან შეურაცხმყოფელია. ბადებს კითხვას: რა ვითარებაში ვართ, როგორც ქვეყანა, საზოგადოება ვაპირებთ ამას შევეგუოთ და ასე გავაგრძელოთ?“ - აღნიშნა ყიფიანმა.

თურქეთის პარლამენტმა მიიღო კანონი, რომელიც ქვეყანაში აკრძალული „ქურთისტანის მუშათა პარტიის“ (PKK) დაშლის სამართლებრივ ჩარჩოს ადგენს. ინფორმაციას „როიტერი“ ავრცელებს.მედიის ცნობით, კანონმდებლობა ითვალისწინებს სამართლებრივ დაცვას იმ ყოფილი მებრძოლებისთვის, რომლებსაც კონკრეტული დანაშაული არ ჩაუდენიათ და ხელს უწყობს PKK-ის წევრობისთვის მსჯავრდებული ზოგიერთი პირის სასჯელის შეჩერებას, რაც მათი საზოგადოებაში რეინტეგრაციის გზას ხსნის. კანონს 600-ადგილიან პარლამენტში 468-მა დეპუტატმა დაუჭირა მხარი.„როიტერი“ აღნიშნავს, რომ კანონის მიღების პროცესს სათავე 2025 წლის თებერვალში დაედო, როდესაც პატიმრობაში მყოფმა ქურთისტანის მუშათა პარტიის ლიდერმა, აბდულა ოჯალანმა ორგანიზაციას განიარაღებისა და დაშლისკენ მოუწოდა.2025 წლის მაისში PKK-მ განაცხადა, რომ შეიარაღებულ ბრძოლას დაასრულებდა და დაიშლებოდა. ორი თვის შემდეგ, ჩრდილოეთ ერაყში გამართულ ცერემონიაზე, ორგანიზაციის წევრთა ჯგუფმა იარაღი სიმბოლურად დაწვა.ცნობისთვის, ქურთისტანის მუშათა პარტია, რომელიც ტერორისტულ ორგანიზაციად არის აღიარებული თურქეთის, აშშ-ის და ევროკავშირის მიერ, შეიარაღებულ ამბოხებას 1984 წელს შეუდგა. კონფლიქტს 40 000-ზე მეტი ადამიანის სიცოცხლე ემსხვერპლა, მან მძიმე ეკონომიკური ტვირთი დააკისრა თურქეთს და ათწლეულების განმავლობაში პოლიტიკური და სოციალური დაყოფა გააღრმავა.