ირაკლი კობახიძე – მთავარი მიზეზი, რატომაც არ მიდიან პარლამენტში, საგამოძიებო კომისიაში, არის ის, რომ მათ არ აქვთ პასუხები იმ კითხვებზე, რომლებიც სხდომაზე აუცილებლად დაისმება

ქაშუეთიდან გამოვედით ლოცვიდან, რომ მოვარდა ტელეფონმომარჯვებული და დაგვიწყო მოღალატის, რუსის, მონის ძახილი, – ამის შესახებ მოძრაობა „ერთიანი ნეიტრალური საქართველოს“ წარმომადგენელმა, ვატო შაქარიშვილმა პირველ არხს „მთავარი არხის“ ჟურნალისტთან, გიორგი მამნიაშვილთან დაკავშირებით განუცხადა.მისი თქმით, ეს არ არის პირველი შემთხვევა, როცა ტელეფონმომარჯვებული ახალგაზრდები დადიან და ადამიანებს შეურაცხყოფას აყენებენ.„პირველი შემთხვევა არ არის, როცა ტელეფონმომარჯვებული „ოლე ოლა“ ახალგაზრდები დადიან და ადამიანებს შეურაცხყოფას აყენებენ. მონის დაძახებაზე ქართველ კაცს ექნება შესაბამისი რეაქცია. ქაშუეთიდან გამოვედით ლოცვიდან, ზეთი არ მქონდა ზეთნაცხები ხელიდან შეშრობილი, რომ მოვარდა ტელეფონმომარჯვებული და დაგვიწყო მოღალატის, რუსის, მონის ძახილი და მოხვდა კბილებში. ეს იყოს მაგათთვის პროფილაქტიკური ხასიათის, რადგან უნდა დაასრულონ ეს. საზოგადოება ითმენს, კბილებით უჭირავს, რომ მსგავსი ფაქტები არ მოხდეს. ჩვენ არავის არ ვერჩით, არავის არ ვესხმით, ლოცვიდან ქაშუეთიდან გამოსულთან ასეთი პროვოკატორი, მანქურთი დემონი მოვიდა ტელეფონმომარჯვებული და ვურჩევ, რომ გამოაქვეყნოს ეს ვიდეო და დადოს საჯაროდ“, – განაცხადა შაქარიშვილმა. 

მიუხედავად იმისა, რომ სასამართლო ეკუთვნის მურუსიძე/ჩინჩალაძეს, ერთი მხრივ ეს არის პრინციპული საკითხი, მეორე მხრივ, უნდა ვიცოდეთ თუ როგორ იმსჯელებს მოსამართლე და რა განაჩენს გამოიტანს იგი ამ საქმეზე, - ამის შესახებ კოალიცია „ხალხისთვის - ძლიერი საქართველოს“ ერთ-ერთმა ლიდერმა, ანა დოლიძემ განაცხადა.„მეგობრებო, როგორც მოგეხსენებათ არ შევავსე პარლამენტის წევრისთვის განკუთვნილი ქონებრივი დეკლარაცია, რის გამოც ანტიკორუფციულმა ბიურომ დამაჯარიმა. საქართველოს პარლამენტის წევრი არცერთი დღე არ ვყოფილვარ, ხელფასი არ ამიღია და არ ვიყავი ვალდებული შემევსო დეკლარაცია. დღეს, მე მოვედი საქალაქო სასამართლოში და ეს საკითხი გავასაჩივრე. მიუხედავად იმისა, რომ სასამართლო ეკუთვნის მურუსიძე/ჩინჩალაძეს, ერთი მხრივ, ეს არის პრინციპული საკითხი, მეორე მხრივ, უნდა ვიცოდეთ თუ როგორ იმსჯელებს მოსამართლე და რა განაჩენს გამოიტანს იგი ამ საქმეზე. როდესაც სხდომა ჩაინიშნება, მე თვითონ დავიცავ ჩემს ინტერესებს. ბრძოლას გავაგრძელებ იქამდე მანამ, სანამ ამ ქვეყანაში სამართალი არ იზეიმებს“, - განაცხადა ანა დოლიძემ.აღნიშნულ კომენტარს კოალიცია „ხალხისთვის - ძლიერი საქართველოს“ პრესსამსახური ავრცელებს.

48 საათით ადრე, ვიდრე პრემიერ-მინისტრი ბენიამინ ნეთანიაჰუ „ჰამასზე“ ზეწოლის გაძლიერების შესახებ განცხადებას გააკეთებდა, ისრაელმა ქალაქ ღაზაზე ახალი სახმელეთო შეტევა დაიწყო. ბოლო რამდენიმე საათის განმავლობაში განხორციელებული თავდასხმების შედეგად, სულ მცირე, 112 პალესტინელი დაიღუპა. მათ შორის არიან ქალები და ბავშვები, რომლებიც სკოლებში აფარებდნენ თავს.ასე გამოიყურება ალ-თუფაჰის უბანი ქალაქ ღაზაში ისრაელის თავდასხმიდან ერთი დღის შემდეგ OMAR AL-QATTAA / AFP.ისრაელის ოფიციალური განცხადების თანახმად, ბოლო რამდენიმე საათის განმავლობაში, მისმა არმიამ შუჯაიას რაიონში, რომელიც ქალაქ ღაზას აღმოსავლეთ ნაწილში მდებარეობს, სახმელეთო ოპერაციები დაიწყო. ისრაელის თავდაცვის ძალების განცხადებით, ამ ოპერციის მიზანი ღაზას სექტორში, ისრაელ-ეგვიპტის საზღვრის გასწვრივ შექმნილი ბუფერული ზონის გაფართოებაა. ამ ოპერაციის ფარგლებში, ისრაელის სამხედროებმა გაანადგურეს „ჰამასის“ პერსონალი და ინფრასტრუქტურა, სამეთაურო ცენტრის ჩათვლით. ისრაელის არმიის მიერ სოციალურ მედიაში გავრცელებული ინფორმაციით, მათი შეტევის სამიზნეებს წარმოადგენდნენ „ცნობილი ტერორისტები, როლებიც „ჰამასის“ მართვისა და კონტროლის ცენტრში იმყოფებოდნენ“. ისრაელი ასევე ამტკიცებს, რომ სამოქალაქო პირებს საბრძოლო მოქმედების ზონიდან გასვლის უფლება მისცა, თუმცა, ამ საკითხზე სხვა დამატებითი დეტალები არ გაუმჟღავნებია. „ორთვიანი ზავის შემდეგ, 18 მარტს ისრაელმა ღაზაზე თავდასხმა განაახლა და აცხადებს, რომ სამხედრო ზეწოლა არის ერთადერთი გზა, რათა „ჰამასმა“ ისრაელის ხელისუფლებას გადასცეს ანკლავში მყოფი დაახლოებით სამოცი მძევალი, მიუხედავად იმისა, ცოცხლები არიან ისინი თუ გარდაცვლილნი“. „ჩვენ ვყოფთ ღაზას უბნებად და ვაძლიერებთ ზეწოლას თითოეულ სექტორზე, ჩვენი მძევლების დაბრუნების მიზნით“, - განაცხადა 2 აპრილს ნეთანიაჰუმ. ისრაელის ახალმა შეტევამ ათასობით ადამიანი აიძულა, კვლავ დაეტოვებინა თავისი საცხოვრებელ ადგილები, სადაც ისინი დაზავების შემდეგ დაბრუნდნენ.

„მთავარი არხის“ ჟურნალისტი გიორგი მამნიაშვილი, რომელიც ვატო შაქარიშვილსა და გოგა ხაინდრავას ფიზიკურ შეურაცხყოფაში ადანაშაულებს, ძველი თბილისის პოლიციის განყოფილებაში გამოკითხვაზეა გადაყვანილი.მომხდარ ინციდენტთან დაკავშირებით მამნიაშვილმა ერთი საათის წინ სოციალურ ქსელში დაწერა.მისივე თქმით, თავდასხმა ქაშუეთის ეკლესიასთან მოხდა.„შემთხვევით დავინახე ვატო შაქარაშვილი და გოგა ხაინდრავა, ვიდეო ჩავრთე და ვუთხარი, რომ მონა იყო თავისი საქმიანობის გამო, ფონდების დაყადაღება ვიგულისხმე. ამის გამო გადავიდა ფიზიკურ ანგარიშსწორებაზე, რამდენჯერმე წიხლი დამარტყა და სახეში სილა გამაწნა ხუთი-ექვსჯერ. პოლიციამ როგორც კი დაინახა, მოვიდა. ეგენი რომ არ ყოფილიყვნენ, არ ვიცი, რა მოხდებოდა“, – განაცხადა მამნიაშვილმა, რომლის კომენტარსაც „რადიო თავისუფლება“ ავრცელებს.შინაგან საქმეთა სამინისტროში მომხდარზე კომენტარი ჯერ არ გაკეთებულა.

3 აპრილს, სურსათის ეროვნული სააგენტომ გაავრცელა განცხადება, რომლის თანახმად, კომპანიაში ჩატარებული ინსპექტირებისას, ადამიანის ჯანმრთელობისთვის საფრთხის შემცველი აფლატოქსინ M1-ის გადაჭარბებული ოდენობის შემცველი რძის პროდუქტები აღმოაჩინეს.აღნიშნული განცხადების შემდეგ საზოგადოებაში უამრავი კითხვა დაგროვდა.შესაძლებელია თუ არა აფლატოქსინის დონის განსაზღვრა ორგანიზმში?რომელი პროდუქტები შეიძლება შეიცავდეს აფლატოქსინის მაღალ კონცენტრაციას?შესაძლებელია თუ არა აფლატოქსინით დაბინძურებული საკვების ამოცნობა სახლის პირობებში?ამ თემაზე საუბრობს თსსუ-ის გივი ჟვანიას სახელობის პედიატრიის საუნივერსიტეტო კლინიკის პედიატრი, თბილისის სახელმწიფო სამედიცინო უნივერსიტეტის პედიატრიის დეპარტამენტის პროფესორი მაია ხერხეულიძე. „ანფლატოქსინი – თვითონ სიტყვაც გვიჩვენებს, რომ არის ტოქსიკური ნივთიერება, რომელსაც გარკვეული ტიპის სოკოები გამოიმუშავებენ. სამწუხაროდ ზოგჯერ მისი საკვებში შერევა ხდება. ძირითადად მას თხილეულში აღმოაჩენენ ხოლმე, თუმცა შესაძლებელია, ის მოხვდეს რძეში, იმ შემთხვევაში, თუ ძროხის საკვებად არის გამოყენებული ისეთი ნივთიერებები, რომელიც ამ ტოქსინს შეიცავს. სამწუხაროდ ჩვენით რომ ავარიდოთ თავი მას, ამის არანაირი რეკომენდაცია არ არსებობს. ლაბორატორიული კვლევაა საჭირო, იმისთვის, რომ საკვებში მისი არსებობა დადგინდეს. რა თქმა უნდა, მას შეუძლია ორგანიზმს სერიოზული ზიანი მიაყენოს, თუ მაღალი დოზით მიიღებთ. დამოკიდებულია რა ხანგერძლივობით მიიღებთ მას და როგორია ადამიანის წონა. თუ კლინიკური ნიშნები არაა გამოვლენილი, პანიკაში არ უნდა ჩავვარდეთ“. – განმარტავს მაია ხერხეულიძე.