ირაკლი კობახიძე თურქეთში ტრაგედიის გამო პრეზიდენტ ერდოღანს და თურქ ხალხს უსამძიმრებს

ჰაერის დაბინძურებით გამოწვეული გართულება შესაძლოა არ გამოვლინდეს დღეს, თუმცა ხანგრძლივი ზემოქმედების შედეგად შეიძლება განვითარდეს მოზრდილობაში გულსისხლძარღვთა სისტემის პათოლოგია, ფილტვის ქრონიკული დაავადება, სხვადასხვა ონკოლოგიური პათოლოგია, - განუცხადა „ქრონიკას“ პედიატრმა თემურ მიქელაძემ.მისი განმარტებით, ჰაერის დაბინძურება ხდება სამრეწველო და ავტომანქანების გამონაბოლქვით. ცალკე არის სმოგი, როდესაც მძიმე ნაწილაკებით ბინძურდება ჰაერი.„სმოგის ერთ-ერთი მიზეზი შეიძლება იყოს გამონაბოლქვი, ან მტვრისგან მოტანილი მძიმე ნაწილაკები. განსაკუთრებით ბავშვებში ვითარდება სიცოცხლისთვის საშიში მდგომარეობები, განსაკუთრებით ხანგრძლივი ზემოქმედების შედეგად, უბრალოდ იმავე ბავშვებში ქრონიკული დაავადებები არ გვაქვს. ძირითადად ქრონიკული დაავადებების მქონე ბავშვები აღიქვამენ ჰაერის დაბინძურებას, რომელსაც შეუძლია გამოიწვიოს გულსისხლძარღვთა, სასუნთქი სისტემის პათოლოგია. თუ არის რაიმე პათოლოგია დავუშვათ ნევროლოგიური გართულება, თავის ტკივილი, დაძაბულობა, ზედმეტი აღგზნებულობა, სუნთქვის უკმარისობის გამოვლინება, ასევე ბრონქულ ასთმასთან მდგომი დაავადებები. ჰაერის დაბინძურებით გამოწვეული გართულება შესაძლოა არ გამოვლინდეს დღეს, თუმცა ხანგრძლივი ზემოქმედების შედეგად შეიძლება განვითარდეს მოზრდილობაში გულსისხლძარღვთა სისტემის პათოლოგია, ფილტვის ქრონიკული დაავადება, სხვადასხვა ონკოლოგიური პათოლოგია. ჰაერის დამაბინძურებლებმა შესაძლოა ნიადაგიც დააზიანოს, წყალიც და ამან შესაძლოა ონკოლოგიური დაავადებები და პრობლემები გამოიწვიოს. სახელმწიფომ უნდა მიიღოს ყველანაირი ზომა, რომ ეს მავნე ზემოქმედების ფაქტორები დროულად იქნას მოცილებული“, - აღნიშნა ექიმმა.

საქართველოში ესტონეთის ელჩი მარგე მარდისალუ-კაჰარი მუშაობას სომხეთში გააგრძელებს, ახალი ელჩის დანიშვნამდე კი საელჩოს საქმეთა დროებით რწმუნებული გიტა კალმეტი უხელმძღვანელებს. ინფორმაციას ამის შესახებ ესტონეთის საზოგადოებრივი მაუწყებელი ესტონეთის საგარეო უწყებაზე დაყრდნობით ავრცელებს.როგორც მედია წერს, ესტონეთის ქვეყნის საგარეო საქმეთა მინისტრმა 11 თებერვალს საქართველოში ესტონეთის ელჩს შეატყობინა, რომ ის საქმიანობას 10 მარტს დაასრულებს და ელჩად სომხეთში გადავა.საგარეო საქმეთა სამინისტროს პრესსპიკერმა უარი თქვა დაეკონკრეტებინა, თუ როდის შეიძლება დაინიშნოს ახალი ელჩი საქართველოში.როგორც ესტონეთის საგარეო საქმეთა სამინისტროს ვებგვერდზე ვკითხულობთ, საქართველოს ხელისუფლების მიერ დემოკრატიისგან გადახრის, მათ შორის ევროკავშირის კანდიდატის სტატუსისთვის დადგენილი პირობების შეუსრულებლობის გამო, საქართველოს სახელმწიფო ინსტიტუტების მხარდაჭერა ესტონეთის საგარეო პოლიტიკის პრიორიტეტი აღარ არის.ესტონეთის საგარეო უწყება აცხადებს, რომ კიდევ ერთხელ ადასტურებენ თანმიმდევრულ მხარდაჭერას საქართველოს ტერიტორიული მთლიანობის მიმართ.

სტუდენტებს ინტელექტუალური რესურსის მობილიზება სჭირდებათ კონკრეტულ სპეციალობებზე, – ამის შესახებ პარლამენტის პირველი ვიცე-სპიკერმა, გია ვოლსკიმ განაცხადა.მისივე თქმით, შეთავაზებული რეფორმა არის სტუდენტებისთვის, პროფესორ-მასწავლებლებისთვის.„„ნაცების ბუდე“ უხეში გამოთქმაა, რაც არასწორია. თუმცა, ადამიანები, ვინც იქ ახალგაზრდებს ასწავლიან, რასაკვირველია, არიან კონკრეტულ პლატფორმაზე მყოფი ადამიანები. ყოველ შემთხვევაში, მათი უმრავლესობა. მათ კონკრეტული მიზანი აქვთ. ეს ყველაფერი წლებია, გრძელდება. მთავარი ამოცანაა ის, რომ ფაკულტეტების რაციონალიზაცია მოხდეს. ის, რომ ერთ შენობაში 30-მდე სხვადასხვა სპეციალობა ისწავლება, განათლების ექსპერტების მიერ პოზიტიურად შეფასებული არ არის. დედამიწის მცოდნეობა, კიდევ სხვა ფაკულტეტები ქვედარგებს ითვალისწინებს და ექსპერტები ფიქრობენ, რომ ხარისხი იკარგება, როცა საგნების ფართო სპექტრია. სტუდენტებს ინტელექტუალური რესურსის მობილიზება სჭირდებათ კონკრეტულ სპეციალობებზე. სწავლა უფასო იქნება და შეთავაზებული რეფორმა არის სტუდენტებისთვის, პროფესორ-მასწავლებლებისთვის. ასეთი გააფთრებული წინააღმდეგობა მიუთითებს, რომ რაღაც პოლიტიკური პლატფორმა გააჩნიათ“, – აღნიშნა ვოლსკიმ.

რიცხვებითა და სიტყვებით ვინმე თუ ჟონგლიორობს, ის ივანიშვილის ცირკის გაწვრთნილი მოზვერია, რომელიც ტყუილებს აფრქვევს აქეთ და იქით. ფაშისტური კონოტაცია თავისთან სახლში მოიკითხოს, მონღოლეთში, – ამის შესახებ „ლელო – ძლიერი საქართველოს“ წევრმა, თაზო დათუნაშვილმა განაცხადა.მისი თქმით, თბილისის და გონიოს მახლობლად ეთნიკურად კონცენტრირებული ანკლავები არ უნდა შეიქმნას.„მიგრაციასთან დაკავშირებით ჩვენს პოზიციონირებას რაც შეეხება, „ქართული ოცნებისგან“ განსხვავებით, ქვეყანაში ეროვნულ შუღლს არ ვაღვივებთ. ჩვენ ვამბობთ, რომ საქართველოს ორ უმნიშვნელოვანეს წერტილში, თბილისის და გონიოს მახლობლად ეთნიკურად კონცენტრირებული ანკლავები არ უნდა შეიქმნას. ანკლავური დასახლება არის პრობლემა საქართველოს მსგავსი ქვეყნისთვის, რადგან საქართველოს ცუდი გამოცდილება აქვს ანკლავური განვითარების. პაპუაშვილმა ეს ან არ იცის, ან როგორც კლასიკური მოღალატე, ამაზე თვალს ხუჭავს“, – განაცხადა თაზო დათუნაშვილმა.მისი თქმით, „ლელოს“ წევრები არ საუბრობენ მიგრაციის პრობლემებზე, არამედ საუბრობენ ანკლავების პრობლემაზე.„„ქართული ოცნება“ სამარცხვინო მასკარადს აწყობს, იხილეთ მიგრაციის სამსახურის საიტი, სადაც დემონსტრაციული საზიზღარი სანახავი გაძევებები აქვთ. ჩვენ არ ვლაპარაკობთ არავის გაძევებაზე ამ ქვეყნიდან, ჩვენ ვამბობთ, რომ ანკლავური განვითარება და კომუნოტარული ურბანული განვითარება ამ ქვეყანაში ყოველთვის იყო პრობლემა, ახლაც პრობლემაა და მომავალშიც იქნება, მაგრამ მოღალატეებს, სამშობლოს მტრებს და რუსეთის აგენტებს ეს არ აინტერესებთ და ამაზე აწყობენ თავის ყველაზე შავრაზმულ ბინძურ ინსტიქტებს, როგორიც არის ეს რაღაცა მიგრაციის შეზღუდვა და ადამიანების ქვეყნიდან გაყრა. ჩვენ პრობლემა გვაქვს ანკლავურ განვითარებასთან, მასობრივ შემოდინებასთან იმ სახელმწიფოებიდან, რომლებიც ჩვენდამი მტრულად არიან განწყობილი, რუსეთის ფედერაციიდან, მაგრამ რა უნდა ელაპარაკო აზრიანად და კონსტრუქციულად ადამიანებს, რომლებიც საღამოობით ჩაის სვამენ ხოლმე ირანის ისლამური რესპუბლიკის მიღებებზე, პირსისხლიან რეჟიმთან ერთად ფლირტით არიან დაკავებულები?!“ – განაცხადა თაზო დათუნაშვილმა.საქართველოს პრემიერ-მინისტრმა, ირაკლი კობახიძემ ვიდეომიმართვა გაავრცელა, რომელშიც მიგრაციის საკითხებზე ისაუბრა და აღნიშნა: „ევროპაში პროცესების ფონზე საზოგადოების წუხილი და მიგრაციის საკითხით დაინტერესება მისასალმებელია, თითოეული პატრიოტის სურვილია, საქართველომ ეროვნული, რელიგიური იდენტობა დაიცვას“.

ღონისძიება იუსტიციის მინისტრმა პაატა სალიამ გახსნა და მსჯავრდებულთა რესოციალიზაცია-რეაბილიტაციის ხელშეწყობის პროცესში ცენტრის მნიშვნელობაზე ისაუბრა.შეხვედრაზე მოწვეულ სტუმრებს მსჯავრდებულთა პროფესიული მომზადებისა და გადამზადების ცენტრის დირექტორმა თამთა დემურიშვილმა 2020 წლიდან დღემდე განხორციელებული პროექტები გააცნო. ღონისძიებაზე ცენტრის თანამშრომლებს მადლობის სიგელები გადაეცათ. მსჯავრდებულთა პროფესიული მომზადებისა და გადამზადების ცენტრი მსჯავრდებულთა რესოციალიზაცია-რეაბილიტაციის პროცესის მხარდაჭერის მიზნით შეიქმნა. ცენტრის მთავარ ფუნქციას წარმოადგენს მსჯავრდებულთა პროფესიული მომზადება-გადამზადების ხელშეწყობა, მათთვის პროფესიული კურსებისა და დასაქმების პროგრამების შეთავაზება და განხორციელება.