ირაკლი კობახიძე – დეკლარაციების შესწავლას განახორციელებს დამოუკიდებელი კონსტიტუციური ორგანო სახელმწიფო აუდიტის სამსახური, რომელიც არის ძლიერი ინსტიტუტი

ვაგრძელებთ ბრძოლას გამარჯვებამდე. გვჯერა, რომ ეს ბრძოლა მოიტანს შედეგს და დააბრუნებს ჩვენს ქვეყანას ევროინტეგრაციის გზაზე, – ამის შესახებ ნათქვამია „სტრატეგია აღმაშენებლის“ განცხადებაში.განცხადების თანახმად, „„სტრატეგია აღმაშენებლის“ გუნდი შეუპოვარი ბრძოლის გზაზე უკან არ დაიხევს“.„28 ნოემბერი იქცა დღედ, როცა არალეგიტიმურმა რეჟიმმა ქვეყანა დააშორა ისტორიულ და კონსტიტუციურ მიზანს. ერთი წლის წინ რეჟიმმა გადადგა ნაბიჯი, რომელმაც ნათლად დაგვანახვა, რამდენად შორს არის ხელისუფლების ინტერესები საზოგადოებრივ ნებასთან, ქვეყნის კონსტიტუციურ ვალდებულებასა და ჩვენს ევროპულ მომავალთან. საქართველოს ადგილი იყო, არის და იქნება ევროპულ ოჯახში. ეს არ არის მხოლოდ პოლიტიკური კურსი – ეს არის ეროვნული არჩევანი, ღირსების საკითხი და თაობების სურვილი, ვიცხოვროთ თავისუფალ, განვითარებულ და ღირსეულ სახელმწიფოში. ამიტომ ჩვენ 28 ნოემბერს შევიკრიბებით კიდევ ერთხელ, რათა ხმამაღლა ვთქვათ მთელი მსოფლიოს გასაგონად: საქართველო არ დაბრუნდება რუსეთისკენ, ჩვენი ქვეყანა ვერასოდეს შეეგუება კრემლის მმართველობას, ჩვენ ვართ თავისუფლების მოყვარე ერი და ამას ვერავინ შეცვლის. „სტრატეგია აღმაშენებლის“ გუნდი ამ შეუპოვარი ბრძოლის გზაზე უკან არ დაიხევს. ჩვენ ვერც „სტრატეგია აღმაშენებლის“ ლიდერის, გიორგი ვაშაძის და პარტიის გენერალური მდივნის, პაატა მანჯგალაძის მიმართ დაწყებულმა პოლიტიკურმა დევნამ და ზეწოლამ გაგვტეხა, შეგვაშინა. ვაგრძელებთ ბრძოლას გამარჯვებამდე. გვჯერა, რომ ეს ბრძოლა მოიტანს შედეგს და დააბრუნებს ჩვენს ქვეყანას ევროინტეგრაციის გზაზე“, – ნათქვამია „სტრატეგია აღმაშენებლის“ განცხადებაში.

"ბიძინა ივანიშვილს პირდაპირ ქვეყნით აშანტაჟებდნენ, მაგრამ მან წინ ქვეყნის ინტერესები დააყენა", - ამის შესახებ დედაქალაქის მერმა „ქართული ოცნების“ დამფუძნებლის, ბიძინა ივანიშვილის ლონდონის სასამართლოში მიმდინარე პროცესის თემაზე ისაუბრა.კახა კალაძის თქმით, წინა შემთხვევებში ივანიშვილის მიმართ მიღებული გადაწყვეტილებები და მისი დასანქცირება იყო პოლიტიკური ნაბიჯი, ახლაც გამორიცხული არაფერია."ჩვენ ვიცით ბიძინა ივანიშვილის მიმართ რა დამოკიდებულება აქვთ. მისი შანტაჟი მიმდინარეობდა. ეს არც დაგვიმალავს და ამაზე ღიად ვისაუბრეთ. მან სხვადასხვა ქვეყანაში სასამართლო პროცესი წარმატებით დაასრულა, თუმცა, მისთვის თანხა არ დაუბრუნებიათ. ცხადია, ეს არის პოლიტიკური გადაწყვეტილება, რადგან ყველა ინსტაციაში გამართლდა. შემთხვევითი არ არის, რომ ბიძინა ივანიშვილს პირდაპირ ქვეყნით აშანტაჟებდნენ. ისიც ვიცით, აქედან გამომდინარე, მან რა პოზიცია დაიკავა და რა გადაწყვეტილება მიიღო. ჩვენ ბევრჯერ გვისაუბრია და ახლაც გავიმეორებ, რომ ყველაზე მთავარი და მნიშვნელოვანი არის ქვეყნის ინტერესები. პოლიტიკა, რომელსაც „ქართული ოცნება - დემოკრატიული საქართველო“ ატარებს, პირველ რიგში, ქვეყნის ინტერესებსა და სუვერენიტეტის დაცვას ითვალისწინებს.დაველოდოთ სასამართლოს გადაწყვეტილებას. იმდენი უსამართლობა ხდება მსოფლიოში, რომ გამორიცხული არაფერია. როდესაც შენ კონკრეტულ ადამიანს სანქციას უწესებ, ეს განმარტებული და კონკრეტულ ფაქტებზე დაფუძნებული უნდა იყოს. ეს არის სუფთა პოლიტიკური გადაწყვეტილება. ჯო ბაიდენის ადმინისტრაცია ძირითადად სიძულვილით, მუქარით, შანტაჟით იყო დაკავებული. გამოვიდნენ და დაასანქცირეს ბიძინა ივანიშვილი, ყოველგვარი ახსნა-განმარტების გარეშე. მაშინ ჩვენ მტკიცედ დავდექით, ქვეყნის ინტერესები დავიცავით. არ მივეცით მათ იმის უფლება, რომ ქვეყანა ომში ჩეთრიათ, მეორე ფრონტი გაეხსნათ, ქვეყანა სანქციებს მიერთებოდა და სწორედ ამიტომ მიიღეს მაშინ ეს გადაწყვეტილება“, - აღნიშნა კახა კალაძემ.

საქართველოს პარლამენტის თავმჯდომარის მოადგილე,  გიორგი კახიანი, ეხმიანება  პარტია „ლელოს“ გენერალური მდივნის, ირაკლი კუპრაძის მიერ, გადაცემაში „ღამის კურიერი“  „იგლ ჰილსის“ ინვესტიციასთან დაკავშირებით  გაკეთებულ განცხადებას, რომლის თქმითაც  მას აქვს ინფორმაცია კონკრეტული სასულიერო პირებისგან, რომ თითქოს აღნიშნულ ტერიტორიაზე იგეგმება მეჩეთების მშენებლობა.გიორგი კახიანი კუპრაძის მიერ გავრცელებულ ინფორმაციას აბსურდსა და სიცრუეს  უწოდებს, მისი თქმით  „ლელო“ ცდილობს საზოგადოებაზე მანიპულირებას, რელიგიასთან დაკავშირებული  თემით, რომელიც საზოგადოებისთვის ყველაზე მეტად სენსიტიურია, ხელისუფლება კი მაქსიმალურად ცდილობს საზოგადოებას მიაწოდოს სრული ინფორმაცია აღნიშნულ საკითხთან დაკავშირებით„ფაქტია, რომ ერთი შეხედვით თითქოს განსხვავებულ პლატფორმაზე მყოფ პოლიტიკურ ჯგუფებს მაგალითად, როგორიც არის - „ლელო“, „ალტ ინფო“ მათ აღმოჩნდა, რომ ამ პროექტთან დაკავშირებით აქვთ საერთო შეხედულებები. როგორც ჩანს მათ ბევრი რამ აერთიანებთ. ის რომ ერთი მხრივ ცდილობენ, რომ რაღაც განსხვავებულობა წარმოაჩინონ ერთმანეთთან მიმართებაში, ფაქტია, რომ რაღაც მსგავსებაც არსებობს თუნდაც იმ პოზიციებში, რომელიც მა საკითხთან დაკავშირებით არის.გარდა ამისა ჩვენ ვხედავთ რას - ისინი ცდილობენ მანიპულირებას საზოგადოებისთვის ძალიან სენსიტიური თემებით, ხან არაბიზაციაზე საუბრობდნენ, ხან მეჩეთების აშენებაზე. ყველაფერ ამაზე ხელისუფლების მხრიდან ძალიან კონკრეტული პასუხებია, რომ ეს ყველაფერი, რა თქმა უნდა, აბსურდია, სიცრუეა, არანაირი საფუძველი ამას არ აქვს, ამიტომაც არის, რომ  მაქსიმალურად ვცდილობთ  ყველანაირი  ინფორმაცია მივაწოდოთ საზოგადოებას“, - განაცხადა გიორგი კახიანმა.

საქართველოს პარლამენტის თავმჯდომარის მოადგილემ, გიორგი კახიანმა ისაუბრა "ქართული ოცნების" ინიციატივაზე, რომელიც კანონთან კონფლიქტში მყოფ, 14 წლამდე პირებთან მიმართებაში სპეციალური კანონის მიღებას გულისხმობს.მისივე თქმით, ინიციატივის მიზანი ასეთი ბავშვების რესოციალიზაცია და რეაბილიტაციაა."არასრულწლოვანები და, ხშირ შემთხვევაში, 14 წლამდე ასაკის ბავშვები სჩადიან ქურდობებს და გარკვეულ კრიმინალურ ქმედებებს. ყველაფერმა ამან, ბუნებრივია, ახალი გამოწვევის წინაშე დააყენა ჩვენი კანონმდებლობაც. ამ ინიციატივის მიზანი არის ასეთი ბავშვების რესოციალიზაცია და რეაბილიტაცია," - აცხადებს გიორგი კახიანი.

„ლელო – ძლიერი საქართველოს“ წევრის თაზო დათუნაშვილის განცხადებით, ტრაგედიაა, როცა ევროსაბჭოს საპარლამენტო ასამბლეა ( PACE) საქართველოს დღევანდელ მდგომარეობას ქვეყანაში დიქტატურის დამყარებად აფასებს.დათუნაშვილის თქმით, ამ რეალობას ვერ ფარავს ვერც დიპლომატიური ენა და PACE-ს მხრიდან აღნიშნული პოზიციის დაფიქსირება სწორია.თაზო დათუნაშვილი ევროსაბჭოს საპარლამენტო ასამბლეის წარმომადგენლების, ედიტე ესტრელასა და საბინა ჩუდიჩის მიერ საქართველოსთან დაკავშირებით გავრცელებულ განცხადებას გამოეხმაურა.„ესაა ორგანიზაცია, რომლის წევრიც საქართველო არის 1999 წლიდან. ამ ორგანიზაციაში მიიღეს შევარდნაძის დროინდელი საქართველო იმ იმედით, რომ ჩვენი დასავლელი პარტნიორები ქვეყანაში ხედავდნენ უდიდეს პოტენციალს, რომ საქართველო, ქართული სახელმწიფო ბევრწლიანი პაუზის შემდეგ მოახერხებდა ევროპულ ოჯახში დაბრუნებას. ქართული სახელმწიფოებრიობისთვის ტრაგედიაა, რომ დღეს ეს ორგანიზაცია საქართველოს პოლიტიკურ ვითარებას დიქტატურის დამყარებად აფასებს, მაგრამ ეს არის რეალობა და ამ რეალობას ვერ ფარავს ვერც დიპლომატიური ენა და არ ფარავს, რადგან ძალიან მნიშვნელოვანია სწორი პოზიციონირება სწორ დროს და PACE-ს მხრიდან ახლა სწორია ამ პოზიციის დაფიქსირება.მთავარი აქცენტი გაკეთებულია იმაზე, რომ არ შეიძლება, დემოკრატიულ, ცივილიზებულ საზოგადოებაში, რომელსაც ესმის საკუთარი სახელმწიფო ინტერესები, ესმის საკუთარი მოქალაქეების კეთილდღეობა და ამაზე პასუხისმგებლობას იღებს, ყველა ოპოზიციური ლიდერი ჰყავდეს ციხეში ან პოლიტიკური დევნის ქვეშ.ეს არ შეიძლება და ამაზე აკეთებს აქცენტს PACE. ეს ძალიან მაღალი დონის გზავნილია „ქართული ოცნების“ ე.წ. ხელისუფლებისთვის, რომ გონს მოეგოს ივანიშვილის რეჟიმი, გონს მოეგოს და დააბრუნოს ეს ქვეყანა იმ წერტილში, რა წერტილშიც უნდა საქართველოს მოსახლეობის აბსოლუტურ უმრავლესობას – ევროკავშირისკენ ინტეგრაციაში. ტრაგედიაა 1999 წლიდან 2025 წლამდე ამ გზის გავლა და დასრულება იმით, რომ PACE-მ საქართველოს დღევანდელი მდგომარეობა შეაფასოს დიქტატურის დამყარებად. არსებობს შანსი, რომ აქედან უკან დავიხიოთ, თუ „ქართული ოცნება“ შეწყვეტს საშინელ პროცესს, რომელშიც ჩათრეული ჰყავს საქართველოს სრული მოსახლეობა“, – აღნიშნა თაზო დათუნაშვილმა.