პარასკევი, ოქტომბერი 31, 2025

ინოვაციური მეთოდი გორის ჰოსპიტალში COVID 19-ს წინააღმდეგ

როდესაც გორის ჰოსპიტალში თბილისის ინფექციური საავადმყოფოს დირექტორი თენგიზ ცერცვაძე იმყოფებოდა, შეხვედრის შემდეგ, მან ჟურნალისტებს კომორბიდული დაავადებების მართვის ჯგუფის შესახებ მიაწოდა ინფორმაცია. აღნიშნული ჯგუფი ჰოსპიტალში COVID 19-ით დაინფიცირებულ პაციენტებს ინოვაციური მეთოდით მკურნალობს. თენგიზ ცერცვაძის თქმით, მართვის ჯგუფი გორის ჰოსპიტლის თერაპიული მიმართულების ხელმძღვანელმა, მედიცინის საპატიო დოქტორმა ნინო ჭუმბურიძემ ჩამოაყალიბა.

Qartli.ge გთავაზობთ ინტერვიუს ქალბატონ ნინო ჭუმბურიძესთან.

– ქალბატონო ნინო, მოგესალმებით, როგორც ჩვენი მკითხველისთვის ცნობილია, თბილისის ინფექციური საავადმყოფოს დირექტორმა თენგიზ ცერცვაძემ გორის ჰოსპიტალში არსებულ მეთოდზე ისაუბრა, რომელიც COVID 19-ის წინააღმდეგ თქვენი მეშვეობით გამოიყენება. საუბარია კომორბიდულ დაავადებებათა მართვაზე. რას ნიშნავს ეს დაავადებები და რა მართვაზე საუბრობდა ბატონი თენგიზი?

– მოგესალმებით, პირველ რიგში ბატონ თენგიზ ცერცვაძეს მთელი კოლექტივისა და ხელმძღვანელობის სახელით, კიდევ ერთხელ ვუხდი უღრმეს მადლობას სამხედრო ჰოსპიტალში სტუმრობისათვის.

მოგეხსენებათ, რომ ბატონი თენგიზი ჩვენს ქვეყანაში covid-19-ის კლინიკური მართვის ჯგუფს ხელმძღვანელობს და მას ყოველდღიურად (ზოგჯერ დღეში რამოდენიმეჯერაც) მუდმივი კავშირი აქვს რესპუბლიკის მაშტაბით ჩართულ თითოეულ ცხელებისა და covid-19-ის მიმღებ ცენტრებთან. მიუხედავად ასეთი დატვირთული გრაფიკისა, მან გაითვალისწინა კოლექტივის უდიდესი სურვილი პირადად შეხვედრის შესახებ, რაც განპირობებული იყო, რამოდენიმე კლინიკური შემთხვევის, დიაგნოსტიკის, მკურნალობის უკვე არსებული და ახალი მიდგომების შესახებ ჯანსაღი დისკუსიის სურვილით. როგორც თავად ბატონმა თენგიზმა აღნიშნა, სხვა covid-19-ის ცენტრების (ქუთაისი, საჩხერე, თბილისი) მონახულებასაც გეგმავს უახლოეს პერიოდში.

1. კომორბიდული დაავადება, ნიშნავს პაციენტის იმ ქრონიკულ დაავადებას, ან დაავადებებს, რომლის ან რომელთა მიმდინარეობაც შესაძლოა გართულდეს covid-19-ით ინფიცირების შემთხვევაში, ან თავად ამ დიაგნოზმა დაამძიმოს covid-19 და ამ პროცესმა თავისთავად უარყოფითი გავლენა იქონიოს როგორც პაციენტის გამოჯანმრთელების პროცესზე, ასევე მის სიცოცხლეზეც კი.

მოგეხსენებათ, რომ ეს სრულიად ახალი, ჯერ კიდევ ჰიპოთეზურ დონეზე შესწავლილი ვირუსია თავისი ბუნებით და მოქმედების მექანიზმით. „ჯანმომ“ (მსოფლიო ჯანდაცვის ორგანიზაცია) covid-19-ის თანმხლები დაავადებები: შაქრიანი დიაბეტი, გულ-სისხლძარღვთა, სასუნთქი სისტემის პათოლოგიები, სიმსუქნე.. ლეტალობის მხრივ რისკ-ფაქტორებად ოფიციალურად გამოაცხადა. (სხვათა შორის მინდა აღვნიშნო, რომ ოფიციალურ განცხადებამდე 1 თვით ადრე, სიმსუქნე,

ჩვენი ჰოსპიტლის შიდა გზამკვლევში, ე.წ „გაიდლაინში“ უკვე შეტანილი გვქონდა) ჩვენ კიდევ უფრო გავშალეთ შესაძლო რისკ-ფაქტორების ჩამონათვალი. კერძოდ მხედვცელობაში მივიღეთ შაქრიანი დიაბეტის, სიმსუქნის მომიჯნავე პათოლოგიები:

ა) ნახშირწყლებისადმი ტოლერანტულობის დარღვევა,
ბ) მეტაბოლიური სინდრომი,
გ) პრედიაბეტი

ყველა ის დაავადება რომელიც არტერიულ ჰიპერტენზიას იწვევს (ჰიპოფიზი, ფარისებრი, კუჭქვეშა, თირკმლისზედა ჯირკვლების დაავადებები). ყურადღება გავამახვილეთ სასუნთქი სისტემის ქრონიკულ დაავადებებზე (ფილტვის ქრონიკული, ობსტროქციული დაავადება-ფქოდი, ბრონქული ასთმა, ტუბერკულოზი..) ასევე ფარული ან მანიფესტირებული სისხლდენით ან მის გარეშე მიმდინარე გასტრო-ინტესტინალურ პათოლოგიებზე (გასტრო დუოდენიტი, წყლულოვანი დაავადებები და სხვა). ასევე ამა თუ იმ ორგანოს ან სისტემის ონკოლოგიებზე, კანისა და ძვალ-სახსროვანი სისტემის როგორც ინფექციურ, ასევე ზოგადად ავტოიმუნურ დაავადებებზე, რომლებიც როგორც თავისი მიმდინარეობით, ესევე მკურნალობის სპეციფიკიდან გამომდინარე შესაძლოა იმუნოსუპრესიის მიზეზი გახდეს.

მხედველობაში მივიღეთ ჩინელი სპეციალისტების მიერ აუტოფრიის შედეგად მიღებული შედეგები, რომლის თანახმადაც როგორც მიოკარდიოციტერბში, ასევე ღვიძლისა და თირკმლის ქსოვილებში ფიქსირდებოდა მიკრო და მაკრო თრომბების არსებობა, რაც აღნიშნული ორგანოების უკმარისობის მიზეზი ხდებოდა.ვირუსის კოაგულოპათიური მოქმედება, ასევე რისკ ჯგუფში შემავალი დაავადებები თავის მხრივ იწვევენ მიკრო და მაკრო ანგიოპათიებს, რაც იშემიური, ჰემორაგიული ინსულტების განვითარების მაღალი რისკია. ამავდროულად პაციენტთა გარკვეულ ნაწილს სხვა ტიპის ნევროლოგიური ჩივილებიც ახასიათებთ (თავბრუსხვევა, კოორდინაციის დარღვევა, მიალგიები…)

დღეისათვის დადასტურებულია ვირუსის უნარი, შებოჭოს რკინის ატომი ჰემოგლობინის მოლეკულაში, რკინის გარეშე დარჩენილი ცილოვანი სტრუქტურა – გლობინი კარგავს ჟანგბადის ტრანსპორტირების უნარს, მიუხედავად იმისა რომ ეს პროცესი განვითარების მექანიზმით მკვეთრად განსხვავდება COO-თი ინტოქსიკაციის მექანიზმიდან, შედეგობრივად ეს ორი პროცესი ერთმანეთის მსგავსია; ორივე შემთხვევაში ვითარდება ჰემიური ჰიპოქსია ჟანგბადის ტრანსპორტირების დაკარგვის გამო. ე.წ „ჩუმი ჰიპოქსია“ ერთერთი ყველაზე ყურადსაღები და ადრეულად სადიაგნოსტიკო სიმპტომია, რომელიც დიაგნოზის დამძიმებას მნიშვნელოვნად უწყობს ხელს.

– როდის დაიწყო ამ მეთოდების გამოყენება, ვინ არიან ჩართულები და რატომ გადაწყვიტეთ მისი გამოყენება?

– რომ შევაჯამო, ვირუსის ტოქსიური ზემოქმედების აგრეთვე მემკვიდრული განწყობის, მავნე ჩვევების, შესაძლო თანდართული ქრონიკული დაავადებების (შაქრიანი დიაბეტი, სასუნთქი სისტემის, გულ-სისხლძარღვთა, ენდოკრინული ცენტრალური და პერიფერიული ნერვული სისტემის, კანის ძვალ-სახსროვანი, ონკო და აუტოიმუნური დაავადებების) გათვალისწინებით, ხელმძღვანელობასთან შეთანხმებით შევქმენით კომორბიდულ დაავადებათა მართვის კლინიკური ჯგუფი, რომელშიც გაერთიანებული არიან: თერაპევტები, კარდიოლოგები, ენდოკრინოლოგები, ტოქსიკოლოგი, ჰემატოლოგი, ეპიდემიოლოგი, ნევროლოგი. ვინაიდან ვირუსის სპეციფიკიდან გამომდინარე, პაციენტების მკურნალობა, მათთვის მანამდე უჩვეულო (იზოლირებულ) გარემოში ხდება, რაც ბევრი მათგანის ფსიქოლოგიურ დაძაბულობას ქმნის, ჯგუფში ფსიქოლოგიც შევიყვანეთ.

ყოველივე აქედან გამომდინარე, ჩვენს სახელმწიფო გაიდ-ლაინს, ჩვენი შიდა ჰოსპიტალური გზამკვლევიც დავუმატეთ, რაც კომორბიდული დაავადებების ლაბორატორიულ-ინსტრუმენტალური კვლევების დამატებას და მათ მართვას გულისხმობს სამკურნალო კვებასთან ერთად. (შესაბამისი რაციონით და კალორაჟით) მულტიპროფილური ჯგუფის მიზანი ძირითადი დაავადების (covid-19-ის) მიმდინარეობის დამძიმების პრევენცია და პაციენტთა დროული გამოჯანმრთელებაა. ასევე ფრონტის წინა ხაზზე მებრძოლი ჩვენი კოლეგების (ინფექციონისტები, რეანიმატოლოგები) თავდაუზოგავ შრომაში შეხიდება და მათი ძირითადი საქმის ჯერ კიდევ ჰიპოთეზურ დონეზე შესწავლილ ვირუსთან ბრძოლის შემსუბუქებას წარმოადგენს.

– ამ პერიოდის განმავლობაში, დაკვირვების შემდეგ, შესაძლებელი გახდა თუ არა რაიმე დასკვნის გაკეთება? ძირითადად რომელი თანმდევი დაავადებებისთვისაა ყველაზე მეტად საშიში COVID 19?

– ჩვენი არასრული 2 თვის დაკვირვებით, ყველაზე მეტად საყურადღებოა სიმსუქნე, გულ-სისხლძარღვთა დაავადებები, შაქრიანი დიაბეტი, თანდართული ბაქტერიული ინფექციები.

– მსგავსი მეთოდის გამოყენების რაიმე გამოცდილება თუ არსებობს საქართველოში ან საზღვარგეთ? თუ ყოფილა დაინტერესება სხვა კლინიკების მხრიდან.

– რამდენადაც ვიცი არა, covid-19 ყოველდღიურად იმდენად გაუთვალისწინებელ, არაპროგნოზირებად გამოწვევებს სთავაზობს მსოფლიო და ქართველ მედიკოსებს, რომ გასაკვირი არაა, ძირითადი აქცენტები ინფექციის დროულ ლიკვიდაციაზე და რეანიმაციულ ღონისძიებებზე რომ კეთდება. ჩვენმა ჯგუფმა უკვე გამოჯანმრთელებული პაციენტების შემდგომი მონიტორინგის გეგმაც შეიმუშავა. სამხედრო ჰოსპიტალს გაფორმებული აქვს ურთიერთთანამშრომლობის მემორანდუმი ფილტვის დაავადებათა და ტუბერკულოზის ეროვნულ ცენტრთან. ვგეგმავთ გამოჯანმრთელებული პაციენტების შესაბამის ვადებში სამიზნე ლაბორატორიულ-ინსტრუმენტალურ კვლევებს ბოდიპლეტიზმოგრაფიის ჩათვლით და საჭიროების შემთხვევაში ფილტვის სარეაბილიტაციო პროგრამაში ამ პაციენტების ჩართვას.

ჩემთვის უაღრესად სასიამოვნო იყო, მთელს მსოფლიოში აღიარებული, მედიცინის კლასიკად ქცეული, ჩემი უფროსი კოლეგებისა და პედაგოგების: ბატონი თენგიზ ცერცვაძის; შაქრიანი დიაბეტის ასოციაციის პრეზიდენტის, პროფესორ რამაზ ყურაშვილის; მედიცინის მეცნიერებათა დოქტორის, ფილტვის დაავადებათა და ტუბერკულოზის ეროვნული ცენტრის დირექტორის, მედიცინის დოქტორის პროფესორი ზაზა ავალიანის; მედიცინის დოქტორის გოგი მაღალაშვილის; მედიცინის დოქტორის, ჰემატოლოგ მაგდა ბეთანელის; ცნობილი ნევროლოგ-ეპიდეპტოლოგის, პროფესორ რუსუდან ნიკოლაიშვილის გამოხმაურება და კომორბიდულ დაავადებათა მართვის კლინიკური ჯგუფის აუცილებლობის საკითხის დადებითი შეფასება.

რევმატოლოგიის ინსტიტუტმა ასევე გამოთქვა დაინტერესება covid-19-თან თანმხვედრი რევმატოლოგიური დაავადებების არსებობის შემთხვევაში დაფიქსირების და შემდგომი კვლევებისათვის მათთან თანამშრომლობის შესახებ. ეს საკითხი ძალიან საინტერესოა, ვინაიდან მთელი რიგი რევმატოლოგიური დაავადებების სამკურნალოდ „პლაქველინი“ ხანგრძლივად და წარმატებით გამოიყენება.

ცალკე მინდა აღვნიშნო ქალბატონ მაგდა ბეთანელის ინიციატივა და უანგარო შრომა ჩვენი ჰოსპიტალის ჰემატოლოგ -მაია ელბაქიძესთან ერთად, პაციენტთა კოაგულოპათიებისა და ჰომეოსტაბის ნორმალიზირების საქმეში. ღრმად ვარ დარწმუნებული, რომ ასეთი მულტიდისციპლინარული მიდგომა ბევრად ეფექტური იქნება, ვიდრე მხოლოდ ინფექციის და ამ ინფექციით გამოწვეული გართულებების იზოლირებული მკურნალობა.

საყურადღებოა ის ფაქტი, რომ საქართველოში დღეს უკვე დაფიქსირდა ტუბერკულოზით დაავადებულ პაციენტში covid-19-ით დაინფიცირების ორი შემთხვევა იმდენად, რამდენადაც ანტი- ტუბერკოლოზური პირველი და მეორე რიგის პრეპარატები იწვევენ Q-T ინტერვალის გახანგრძლივებას, რასაც თავის მხრივ აგრეთვე იწვევს „პლაქველინი“-ც. ეს ფაქტი თავისთავად ცხადყოფს არამარტო მულტიპროფილური ჯგუფის აუცილებლობას, არამედ ცალკეული შემთხვევებისთვის ახალი გზამკვლევის (გაიდ-ლაინების) შემუშავების აუცილებლობასაც. უახლესი ინფორმაციით, (ამერიკულ წყაროზე დაყრდნობით) შაქრიანი დიაბეტის სამკურნალო გარკვეული ჯგუფის პრეპარატებმა ხანდაზმულ პაციენტებში მნიშვნელოვნად შეამცირეს გულის, თირკმლის უკმარისობით გამოწვეული ლეტალობის რისკი. ეს ფაქტები კიდევ ერთხელ მოწმობს გუნდური მუშაობის ეფექტურობაზე covid-19-ის წინააღმდეგ.

– თუ შეგიძლიათ რომელიმე პაციენტის მაგალითზე აგვიღწეროთ მის ორგანიზმში COVID 19-ის განვითარების ეტაპი.

– პაციენტი ქალი, 59 წლის.. covid-19 ორმხრივი პნევმონიით. შაქრიანი დიაბეტი ტიპი 2, კარდიო ვასკულარული გართულებებით, გულის უკმარისობა მე-2 ხარისხის. არტერიული ჰიპერტენზიით. (ანამნეზში მიოკარდიუმის ინფარქტი). კომპლექსურ მკურნალობაში, ინფექციონისტებთან ერთად ჩაერთო კარდიოლოგი, ენდოკრინოლოგი, ფსიქოლოგი, ჰემატოლოგი. ერთობლივი ძალისხმევით მიღწეულ იქნა როგორც ინფექციის დამარცხება, ასევე კომორბიდული დაავადებების მხრიდან გართულების თავიდან აცილება.

– ასევე ერთი ძალიან საინტერესო შემთხვევა დავაფიქსირეთ ჩვენთან ჰოსპიტალში, რაზეც მსურს მოგახსენოთ. covid-19 დაინფიცირებულ 3 პაციენტს აღენიშნა კანზე წვრილი, მოწითალო ფერის გამონაყარი, გადავწყვიტეთ მიგვემართა ღრმა კვლევებისათვის და ამ სამი პაციენტიდან ერთს, წითურას ანტისხეულები M ნორმაზე 2-ჯერ მეტი დაუფიქსირდა.ეს მეტად საინტერესო ფაქტია და შემდგომ კვლევებს საჭიროებს. დაგეგმილი გვაქვს ამ კლინიკური შემთხვევის სიღრმისეული გავლა ბატონ თენგიზ ცერცვაძესთან. ასე რომ covid-19 ყოველდღიურად ახალ-ახალ გამოწვევებს გვთავაზობს და მხოლოდ ერთობლივი, გუნდური ძალისხმევით მივაღწევთ საბოლოო წარმატებას, რაშიც ღრმად ვარ დარწმუნებული.

– გმადლობთ, გისურვებთ წარმატებას!

ქეთევან ნინუაhttp://tiflisnews.ge
საინფორმაციო სააგენტო tiflisnews.ge კონტაქტი- ☎️ 555 100 929

ბუნდესტაგში ადასტურებენ პარტიის „საქართველოსთვის“ წარმომადგენელთან პეტერ ფიშერის შეხვედრას და უარყოფენ ინფორმაციას ელჩის მიერ მამუკა ხაზარაძისგან ძვირად ღირებული ქონების ქირაობაზე

გერმანიის მთავრობა პასუხობს პარტიის „ალტერნატივა გერმანიისთვის“ კითხვებს, რომლებიც შეეხებოდა საქართველოში გერმანიის ელჩის, პეტერ ფიშერის მიერ მამუკა ხაზარაძისგან ძვირად ღირებული ქონების ქირაობას, ელჩის მიერ გამართულ შეხვედრებს ოპოზიციის წარმომადგენლებთან და ამ შეხვედრების მიზანს.როგორც ბუნდესტაგის მიერ გამოქვეყნებულ პასუხშია აღნიშნული, ინფორმაცია მამუკა ხაზარძისგან ძვირად ღირებული ქონების ქირაობაზე სიმართლეს არ შეესაბამება.რაც შეეხება ოპოზიციის წარმომადგენლებთან შეხვედრებს, გერმანიის მთავრობა ადასტურებს, რომ პეტერ ფიშერი პარტია „საქართველოსთვის“ წარმომადგენელს შეხვდა და ეს შეხვედრა 2025 წლის 4 ოქტომბერს ჩატარებული ადგილობრივი არჩევნების შემდეგ გაიმართა. როგორც გერმანიის მთავრობა აღნიშნავს, შეხვედრები ვენის კონვენციის შესაბამისად ტარდება.„ფედერალური მთავრობა, პრინციპულად, კონფიდენციალური დისკუსიების შინაარსზე კომენტარს არ აკეთებს“,- ნათქვამია ბუნდესტაგის პასუხში.ამასთან, გერმანიის მთავრობის ინფორმაციით, ამ პერიოდში გერმანიის ელჩი ერთხელ შეხვდა საქართველოს სახელმწიფო კანცელარიის უფროსს და ერთხელ – საქართველოს საგარეო საქმეთა მინისტრის მოადგილეს.„ფედერალური მთავრობის პასუხი პარლამენტის წევრების უდო თეოდორ ჰემელგარნის, გეროლდ ოტენის, ჰაინრიხ კოხის, პარლამენტის სხვა წევრებისა და AfD-ის საპარლამენტო ჯგუფის მცირე ინტერპელაციაზე.ფედერალური მთავრობის განმარტებადიპლომატიური ურთიერთობების შესახებ ვენის კონვენციის მე-3 მუხლის თანახმად, დიპლომატიური წარმომადგენლობის ერთ-ერთი ძირითადი ამოცანაა ყველა კანონიერი საშუალებით ინფორმირება მიმღებ სახელმწიფოში არსებული პირობებისა და მოვლენების შესახებ და ამის შესახებ მოხსენება წარმდგენი სახელმწიფოს მთავრობისთვის. ეს მოიცავს შეხვედრებს მთავრობის წარმომადგენლებთან, ასევე ოპოზიციის წარმომადგენლებთან.1. ფედერალური მთავრობის ინფორმაციით, მართალია თუ არა, რომ გერმანიის ფედერაციული რესპუბლიკის ელჩმა საქართველოში, ერნსტ პეტერ ფიშერმა, ძვირად ღირებულების ქონება იქირავა ქართველი ოპოზიციის ლიდერის, მამუკა ხაზარაძისგან?– არა, ეს სიმართლეს არ შეესაბამება.2. ბოლო ათი კვირის განმავლობაში რომელ ოპოზიციურ ჯგუფებსა და პოლიტიკოსებს შეხვდა გერმანიის ფედერაციული რესპუბლიკის ელჩი საქართველოში, ერნსტ პეტერ ფიშერი?– აღნიშნულ პერიოდში გერმანიის ელჩი ოპოზიციური პარტია „საქართველოსთვის“ წარმომადგენელს შეხვდა.3. არსებობდა თუ არა ამ შეხვედრების კონკრეტული მიზეზები (იხ. კითხვა 2) და თუ კი, რა იყო ისინი?4. რა იყო ზემოაღნიშნული შეხვედრების მიზნები (იხ. კითხვა 2)?– მე-3 და მე-4 კითხვებს ერთად ვუპასუხებთ – მითითება კეთდება ფედერალური მთავრობის განმარტებაზე.5. რა თემები განიხილეს ამ შეხვედრებზე?6. რა მიზეზით გაიმართა ეს შეხვედრები საქართველოში ადგილობრივი არჩევნების ჩატარებამდე რამდენიმე კვირით ადრე? – მე-5 და მე-6 კითხვებს ერთობლივად ვპასუხობთ – ფედერალური მთავრობა, პრინციპულად, კონფიდენციალური დისკუსიების შინაარსზე კომენტარს არ აკეთებს. გარდა ამისა, ფედერალური მთავრობა აღნიშნავს, რომ მე-2 კითხვაზე პასუხში ნახსენები შეხვედრა მხოლოდ 2025 წლის 4 ოქტომბერს ჩატარებული ადგილობრივი არჩევნების შემდეგ გაიმართა.7. რამდენად ხშირად ხვდებოდა საქართველოში გერმანიის ფედერაციული რესპუბლიკის ელჩი საქართველოს მთავრობის წარმომადგენლებს ბოლო 12 კვირის განმავლობაში?– ამ პერიოდში გერმანიის ელჩი ერთხელ შეხვდა საქართველოს სახელმწიფო კანცელარიის უფროსს და ერთხელ – საქართველოს საგარეო საქმეთა მინისტრის მოადგილეს.8. ფედერალური მთავრობის პერსპექტივიდან, როგორ შეესაბამება საქართველოს ოპოზიციურ ჯგუფებთან ან ოპოზიციურ პოლიტიკოსებთან შეხვედრები დიპლომატიური ურთიერთობების შესახებ ვენის კონვენციის დებულებებს?– შეხვედრები ვენის კონვენციის შესაბამისად ტარდება“, – აღნიშნულია გერმანიის მთავრობის მიერ გამოქვეყნებულ დოკუმენტში.შეგახსენებთ, პარტიის „ალტერნატივა გერმანიისთვის“ (AfD) საპარლამენტო ჯგუფმა გერმანიის ფედერალურ მთავრობას საქართველოში გერმანიის ელჩთან, პეტერ ფიშერთან დაკავშირებით მიმართა კითხვებით, რომლებიც 13 ოქტომბერს გამოქვეყნდა.ამასთან, გერმანიის მთავრობის ოფიციალურ ვებგვერდზე ასევე გამოქვეყნდა პასუხები პარტია „ალტერნატივა გერმანიისთვის“ კითხვებზე, რომლებიც საქართველოში არასამთავრობო ორგანიზაციების დაფინანსებას და ამ პროცესში გერმანიის საელჩოს, აგრეთვე, გერმანიის ელჩის, პეტერ ფიშერის მონაწილეობას შეეხებოდა.

ჯეი დი ვენსი – ე.წ. შათდაუნი მადლიერების დღემდე თუ გაგრძელდება, ეს, შესაძლოა, ავიაინდუსტრიისთვის კატასტროფა იყოს

ე.წ. შათდაუნი მადლიერების დღემდე თუ გაგრძელდება, ეს, შესაძლოა, ავიაინდუსტრიისთვის კატასტროფა იყოს, – ამის შესახებ აშშ-ის ვიცე-პრეზიდენტმა, ჯეი დი ვენსმა განაცხადა.„ეს, შეიძლება, კატასტროფა იყოს. მართლაც შეიძლება, იყოს, რადგან ამ ეტაპზე ადამიანები სამ ხელფასს გამოტოვებენ, ოთხ ხელფასს გამოტოვებენ. რამდენი მათგანი არ გამოცხადდება სამსახურში? ამ ადამიანების ნახევარი სამსახურში არ გამოცხადდება, არა იმიტომ, რომ ისინი არ არიან შრომისმოყვარეები ან კარგი ადამიანები, არამედ იმიტომ, რომ მათ სხვა სამსახურის პოვნა მოუწევთ ოჯახების გამოსაკვებად. რა მოხდება, როდესაც უსაფრთხოების შემოწმებისთვის რიგები იქნება, რა მოხდება, როდესაც ხალხს ოთხი საათი მოუწევს რიგში დგომა, როდესაც პილოტები სამსახურში არ გამოცხადდებიან? ეს გამოიწვევს უზარმაზარ შეფერხებებს.ჩვენ გვინდა, რომ ხალხმა მადლიერების დღეს სახლში დაბრუნება შეძლოს. ჩვენ გვინდა, რომ ხალხმა საქმიანი ვიზიტებით იმოგზაუროს. გვინდა, რომ ავიაციის ინდუსტრია ამოქმედდეს. ის ვერ იმუშავებს, თუ დემოკრატები მთავრობას ხელახლა არ გახსნიან. თუ ასე გაგრძელდა, შეფერხებები მიაღწევს იმ წერტილს, სადაც ამერიკელი ხალხისთვის ფრენა ძალიან, ძალიან გართულდება“, – განაცხადა ვენსმა.მისივე თქმით, ბევრი ამერიკელი დაიღალა პარტიული დაპირისპირებით.„ბევრ ამერიკელს ვაშინგტონში პარტიული დაპირისპირება ყელში ამოუვიდა. დამიჯერეთ, ცხრა თვეა, ამ თანამდებობაზე ვარ და მეც დავიღალე პარტიული დაპირისპირებით ვაშინგტონში, მაგრამ ეს ძალიან, ძალიან მარტივია. შეგვიძლია, ყველა პოლიტიკური უთანხმოებაზე ვისაუბროთ, შეგვიძლია, ვიმსჯელოთ, შეგვიძლია, არ შევთანხმდეთ, შეგვიძლია, ხელი ჩამოვართვათ და კომპრომისზე წავიდეთ ზოგიერთ საკითხზე, იმედია. მაგრამ ეს არის ის, რაზეც ყველა ამერიკელი – დემოკრატი თუ რესპუბლიკელი უნდა შეთანხმდეს. გახსენით მთავრობა, შეაჩერეთ ეს სიგიჟე და გახსენით მთავრობა. ეს ძალიან ბევრ პრობლემას იწვევს“,- განაცხადა ვენსმა.ამერიკის შეერთებულ შტატებში ე.წ. შათდაუნი პირველი ოქტომბრიდან გამოცხადდა, რაც დაფინანსების შეწყვეტის გამო ფედერალური უწყებების მუშაობის შეჩერებას ნიშნავს. ამის მიზეზი დემოკრატებსა და რესპუბლიკელებს შორის ბიუჯეტის ახალ პროექტთან დაკავშირებული აზრთა სხვადასხვაობაა. უთანხმოების მთავარი მიზეზი ჯანდაცვის ხარჯებია.

დაავადებათა კონტროლის ეროვნული ცენტრი მოსახლეობას მიმართავს

დაავადებათა კონტროლის ეროვნული ცენტრი მოსახლეობას მიმართავს:,,ქვეყნის მასშტაბით გრიპის საწინააღმდეგო უფასო ვაქცინაცია გრძელდება. სერვისი ხელმისაწვდომია შემდეგ დაწესებულებებში:https://ncdc.ge/#/pages/file/87a090e3-e8de-4d08-adaf-aaf0cb8b7128მაღალი აქტივობის გამო, მათთვის ვინც ვერ ახერხებს სამუშაო დღეებში ვაქცინაციას, შეგიძლიათ მიმართოთ შაბათობით შემდეგ დაწესებულებებს მითითებულ საათებში:https://ncdc.ge/#/pages/file/ff45f3ab-8155-426a-b3f3-1971512086e7დამატებითი ინფორმაციისათვუს დაგვიკავშირდით 116 006#NCDC"

აშშ მომავალ წელს ქვეყანაში დაშვებული თავშესაფრების მაძიებლების რაოდენობას 125 000-დან 7 500-მდე შეამცირებს

აშშ მომავალ წელს ქვეყანაში დაშვებული თავშესაფრების მაძიებლების რაოდენობას 125 000-დან 7500-მდე შეამცირებს.დონალდ ტრამპის ადმინისტრაციამ განაცხადა, რომ პრიორიტეტი სამხრეთ აფრიკელებს მიენიჭებათ.როგორც „ბიბისი“ წერს, ეს ქვეყნის ისტორიაში ყველაზე დაბალი ლიმიტია.განცხადებაში შემცირების მიზეზი არ არის დასახელებული, თუმცა ნათქვამია, რომ ეს გადაწყვეტილება „გამართლებულია ჰუმანიტარული მიზეზების ან ეროვნული ინტერესებიდან გამომდინარე“.ცნობისთვის, მიმდინარე წლის იანვარში, დონალდ ტრამპმა ხელი მოაწერა აღმასრულებელ ბრძანებას, რომლითაც შეაჩერა თავშესაფრების მაძიებელთა მიღების პროგრამა (USRAP).

მოსალოდნელია ყინვა – ნოემბრის ამინდის პროგნოზი

კლიმატური მონაცემებით ნოემბრის თვის საშუალო ტემპერატურა ოქტომბერთან შედარებით 5-8◦-ით ნაკლებია აღმოსავლეთ საქართველოში და 4-6◦-ით ქვეყნის დასავლეთ ნაწილში, სადაც კლიმატს საგრძნობლად არბილებს შავი ზღვის სიახლოვე. თვის საშუალო ტემპერატურა კოლხეთის დაბლობსა და შავი ზღვის სანაპირო ზოლში მერყეობს +10, +13◦, ქართლში, კახეთში და დასავლეთ საქართველოს მთიან რაიონებში +5, +9◦, დასავლეთ საქართველოს მაღალმთიან ზონაში და აღმოსავლეთ საქართველოს მთაში +1, +6◦, აღმოსავლეთ საქართველოს მაღალმთიან რაიონებში 2 გრადუს ყინვასა და 2 გრადუს სითბოს შორის.ჰაერის აბსოლუტური მაქსიმალური ტემპერატურა დაბლობსა და ბარში +25, +30◦, მთაში +21, +26◦, მაღალმთიან რაიონებში +15, +20◦-ს აღწევს. ჰაერის აბსოლუტური მინიმალური ტემპერატურა ყველგან უარყოფითია. მისი მნიშვნელობა სუბტროპიკულ ზონაში -4, -9, შიდა ქართლში -18, -21, შირაქისა და ელდარის ზამთრის საძოვრებზე და აღმოსავლეთ საქართველოს მაღალმთიან ზონაში -20, -25, ქვემო ქართლსა და კახეთში -8, -12, მთიან ზონაში -10, -15 გრადუსია. სანაპირო ზოლსა და კოლხეთის დაბლობზე წაყინვები საშუალოდ 3 დღეს აღინიშნება. ქართლსა და კახეთში ყინვიანია 8-13 დღე.ოქტომბერთან შედარებით ატმოსფერული ნალექების რაოდენობა ნოემბერში საქართველოს თითქმის მთელ ტერიტორიაზე მცირდება. ამ თვეშიც ყველაზე ნალექიანი აჭარის სანაპირო ზოლია, სადაც თვის განმავლობაში საშუალოდ 250-300 მმ ნალექი მოდის. ნოემბერში დასავლეთსაქართველოში ყველაზე მცირე ნალექიანობით ზემო სვანეთი,  ზემო იმერეთი და რაჭა გამოირჩევა, სადაც ნალექების რაოდენობა 70-110 მმ-ს არ აღემატება. დასავლეთ საქართველოს დანარჩენ ტერიტორიაზე კი ნოემბერში 130-230 მმ ნალექი მოდის.აღმოსავლეთ საქართველოში ნალექები 100 მმ-ის ფარგლებში მხოლოდ კავკასიონის მაღალმთიან  ნაწილში მოდის. სხვაგან მოსული ნალექების რაოდენობა 30-60 მმ-ს შეადგენს.ნალექების დღეღამური მაქსიმუმი აჭარის სანაპირო ზოლში 140-190 მმ-ია, კოლხეთის დაბლობსა და სანაპირო ზოლის დანარჩენ ნაწილში 60-130, დანარჩენ ტერიტორიაზე 30-90 მმ.დასავლეთ საქართველოში ყველაზე მეტი ნალექი მოდის აჭარის სანაპირო ზოლში _ 140-190 მმ, კოლხეთის დაბლობსა და სანაპირო ზოლის დანარჩენ ნაწილში 60-130, ქვეყნის დანარჩენ ტერიტორიაზე 30-90 მმ.ცალკეულ წლებში ნალექების რაოდენობა შეიძლება მკვეთრად განსხვავდებოდეს საშუალო მრავალწლიური მნიშვნელობისაგან. ასე მაგალითად, აჭარის სანაპირო რაიონებში იგი შეიძლება აღწევდეს 500-600 მმ-ს წვიმიან და15-20 მმ-ს გვალვიან წლებში. ქართლის ვაკეზე წვიმიან წლებში მოსული ნალექების რაოდენობა 100-200, გვალვიან წლებში 1-5 მმ-ია.დასავლეთ საქართველოშავი ზღვის სანაპირო რაიონები: ჰაერის თვის საშუალო ტემპერატურა მოსალოდნელია +11, +13◦, რაც ახლოსაა საშუალო მრავალწლიურ მნიშვნელობასთან. თვის ცალკეულ პერიოდებში შესაძლებელია ტემპერატურის დაკლება ღამით +4, +1◦-მდე, თვის ცალკეულ დღეებში ტემპერატურის მომატება დღისით  +22, +25◦- მდე.ნალექების რაოდენობა მოსალოდნელია საშუალო მრავალწლიურ მნიშვნელობაზე ნაკლები.კოლხეთის დაბლობი: ჰაერის თვის საშუალო ტემპერატურა მოსალოდნელია +11, +12◦, რაც ახლოსაა საშუალო მრავალწლიურ მნიშვნელობასთან. თვის მესამე დეკადაში შესაძლებელია ტემპერატურის დაკლება ღამით  +1, -2◦-მდე, თვის ცალკეულ დღეებში ტემპერატურის მომატება დღისით +22, +25◦- მდე.ნალექების რაოდენობა მოსალოდნელია საშუალო მრავალწლიურ მნიშვნელობაზე ნაკლები.მთიანი და მაღალმთიანი რაიონები: ჰაერის თვის საშუალო ტემპერატურა მოსალოდნელია +7, +9◦(მაღალმთიან რაიონებში  +2, +4◦)რაც ახლოსაა საშუალო მრავალწლიურ მნიშვნელობასთან. თვის ცალკეულ დღეებში შესაძლებელია ტემპერატურის დაკლება ღამით -3, -6◦-მდე (მაღალმთიან რაიონებში -9, -12◦-მდე), თვის ცალკეულ დღეებში ტემპერატურის მომატება დღისით +20, +23◦- მდე,(მაღალმთიან რაიონებში  +15, +18◦-მდე).ნალექების რაოდენობა მოსალოდნელია საშუალო მრავალწლიურ მნიშვნელობაზე ნაკლები.აღმოსავლეთ საქართველოქართლის ვაკე: ჰაერის თვის საშუალო ტემპერატურა მოსალოდნელია +6, +9◦, რაც ახლოსაა საშუალო მრავალწლიურ მნიშვნელობასთან. თვის ცალკეულ დღეებში შესაძლებელია ტემპერატურის დაკლება ღამით შიდა ქართლში -3, -6◦-მდე, ქვემო ქართლში  0, -3◦-მდე. თვის ცალკეულ დღეებში ტემპერატურის მომატება დღისით  +19*, +22◦- მდე.ნალექების რაოდენობა მოსალოდნელია საშუალო მრავალწლიურ მნიშვნელობაზე ნაკლები.გარე და შიდა კახეთი: ჰაერის თვის საშუალო ტემპერატურა მოსალოდნელია +7, +8◦, რაც ახლოსაა საშუალო მრავალწლიურ მნიშვნელობასთან. თვის ცალკეულ დღეებში შესაძლებელია ტემპერატურის დაკლება ღამით  -1, -4◦-მდე, თვის ცალკეულ დღეებში ტემპერატურის მომატება დღისით  +18, +21◦- მდე.ნალექების რაოდენობა მოსალოდნელია საშუალო მრავალწლიურ მნიშვნელობაზე ნაკლები.მთიანი და მაღალმთიანი რაიონები: ჰაერის თვის საშუალო ტემპერატურა მოსალოდნელია  +4, +6◦ (მაღალმთიან რაიონებში  +2, +3◦)  რაც ახლოსაა საშუალო მრავალწლიურ მნიშვნელობასთან. თვის ცალკეულ დღეებში შესაძლებელია ტემპერატურის დაკლება ღამით -6, -9◦-მდე (მაღალმთიან რაიონებში  -14, -17◦-მდე), თვის ცალკეულ დღეებში ტემპერატურის მომატება დღისით +15, +18◦- მდე (მაღალმთიან რაიონებში +12, +15◦-მდე).ნალექების რაოდენობა მოსალოდნელია საშუალო მრავალწლიურ მნიშვნელობაზე ნაკლები.

ბოლო სიახლეები