ივანე ჩხაიძე მშობლებს აფრთხილებს

სჯობს გვიან ვიდრე არასდროს! „ბატონ ოქრუაშვილს“ ბუტას საქმეზე, 7 წელი მიუსაჯეს. თუმცა ვწუხვარ, ადეიშვილი რატომღაც გაამართლეს, - ასე ეხმიანება 2004 წლის 23 ნოემბერს მოკლული ამირან (ბუტა) რობაქიძის დედა, ია მეტრეველი, თბილისის საქალაქო სასამართლოს მიერ გამოცხადებულ განაჩენს.მეტრეველის განცხადებით, მიხეილ სააკაშვილის ბრძანებებს სწორედ ზურაბ ადეიშვილი ასრულებინებდა ყველას, ამიტომ, იმედოვნებს, რომ მას შემდგომი ინსტანციის სასამართლო გამამტყუნებელ განაჩენს გამოუტანს. მისივე თქმით, იმედი აქვს, რომ „ყველა უბედურების რეჟისორს“, გურამ დონაძესაც დაეკისრება პასუხისმგებლობა.„სჯობს გვიან ვიდრე არასდროს! “ბატონ ოქრუაშვილს“ ბუტას საქმეზე, 7 წელი მიუსაჯეს. თუმცა ვწუხვარ, ადეიშვილი რატომღაც გაამართლეს. ადეიშვილის ხელმძღვანელობით მოქმედებდნენ ყველა დანარჩენი სტრუქტურები. მიშა რა ბრძანებასაც გასცემდა, ადეიშვილი ასრულებინებდა ყველას. იმედს ვიტოვებ, სასამართლოს შემდგომი ინსტანცია მაინც გაამტყუნებს გარეწარ ადეიშვილს.ასევე, ვაჟბატონი დონაძე, ყველა უბედურების „რეჟისორიც“ იქნება მიხედული, კიდევ გაბედა და „აკაცუკების“ აქციებზე გამოჩნდა. ეგონა იმარჯვებდნენ.მოვუწოდებ პროკურატურას გაითვალისწინონ ჩემი სამართლიანი თხოვნა და აღასრულონ ბოლომდე სამართალი“, - წერს ია მეტრეველი სოციალურ ქსელში.ბუტა რობაქიძის მკვლელობის საქმეზე თბილისის საქალაქო სასამართლომ განაჩენი გამოაცხადა. ირაკლი ოქრუაშვილს 7-წლიანი პატიმრობა მიესაჯა, თუმცა, მუხლს ამნისტია შეეხო და საბოლოოდ, სასჯელის ზომად 5 წელი და 3 თვე განესაზღვრა.გამართლდა ზურაბ ადეიშვილი, რასაც ბრალდების მხარე შემდეგ ინსტანციაში გაასაჩივრებს.

„მსურს ხაზი გავუსვა, რომ მდგრადი მშვიდობისა და სტაბილური გარემოს უზრუნველყოფის თვალსაზრისით, მნიშვნელოვანი წინგადადგმული ნაბიჯია 8 აგვისტოს, ვაშინგტონში, სომხეთსა და აზერბაიჯანს შორის მიღწეული სამშვიდობო შეთანხმება, რასაც, ბუნებრივია, მხოლოდ და მხოლოდ მივესალმებით. ეს ისტორიული შეთანხმება სამხრეთ კავკასიის სამომავლო, გრძელვადიანი განვითარებისთვის ახალ პერსპექტივებს აჩენს“, - ამის შესახებ საქართველოს პრეზიდენტმა მიხეილ ყაველაშვილმა, სომხეთის  პრეზიდენტთან, ვაჰაგნ ხაჩატურიანთან ერთად გამართულ  ბრიფინგზე განაცხადა.საქართველოს პრეზიდენტის განცხადებით, საქართველო კვლავ მზადაა საკუთარი წვლილი შეიტანოს რეგიონში მშვიდობისა და სტაბილურობის განმტკიცების საქმეში.„რა თქმა უნდა, საქართველო კვლავ მზადაა საკუთარი წვლილი შეიტანოს რეგიონში მშვიდობისა და სტაბილურობის განმტკიცების საქმეში, რაც, გრძელვადიან პერსპექტივაში, მხოლოდ დადებითი შედეგების მომტანი შეიძლება იყოს. მწამს, რომ ჩვენი თანამშრომლობა, მეგობრობა და პარტნიორობა ჩვენს ქვეყნებს შორის ჩამოყალიბებული სამაგალითო ურთიერთობების სულისკვეთებით გაგრძელდება“, - აღნიშნა მიხეილ ყაველაშვილმა.დასასრულ, მიხეილ ყაველაშვილმა კოლეგას, საქართველოში სტუმრობისთვის მადლობა კიდევ ერთხელ გადაუხადა.

პირები, რომლებმაც 2025 წლის პირველ ნოემბრამდე განახორციელეს ტაქსით მომსახურება უნებართვოდ ან სანებართვო პირობების დარღვევით, დაკისრებული ჯარიმებისგან გათავისუფლდებიან, – ამის შესახებ თბილისის მერმა, კახა კალაძემ მუნიციპალიტეტის მთავრობის დღევანდელ სხდომაზე განაცხადა.მისივე თქმით, სატრანსპორტო პოლიტიკის ერთ-ერთ წარმატებულ გადაწყვეტილებად ტაქსების რეფორმა მიიჩნევა.„ტაქსების რეფორმა რამდენიმე ეტაპად განვახორციელეთ: შემოღებულ იქნა მსუბუქი ავტომობილით – ტაქსით (M1 კატეგორია) გადაყვანის ნებართვა; დადგინდა A კატეგორიის ტაქსის ფერის სტანდარტი; აიკრძალა მარჯვენასაჭიანი ავტომობილით მგზავრთა გადაყვანა; დაინერგა მობილური აპლიკაციები ტაქსით მომსახურების პროცესის გამარტივების მიზნით; აუცილებელი გახდა ტაქსის მანათობლის გამოყენება და ა.შ. ბოლოს განხორციელებული ცვლილებებით შეწყდა ნებართვის გაცემაც და ძალაში დარჩა მხოლოდ უკვე აღებული ნებართვები. აღნიშნული გადაწყვეტილებით, პრაქტიკულად უდიდესი ეკონომიკური აქტივი გაუჩნდა თითოეული ნებართვის მფლობელ პირს და მას ეს აქტივი უკვე თავისი შეხედულებისამებრ შეუძლია, განკარგოს“, – განაცხადა კახა კალაძემ.დედაქალაქის მერის განმარტებით, ცვლილებების სრულყოფილად დანერგვა და მათ შორის ტაქსის მძღოლების ადაპტირება რეგულაციებთან გარკვეულ დროს და ენერგიას მოითხოვდა.„მთელი ამ პროცესის განმავლობაში, რა თქმა უნდა, აქტიური და უშუალო კომუნიკაციები მიმდინარეობდა ამ სფეროთი დაინტერესებულ თითოეულ პირთან. ხდებოდა მათთან შეხვედრები, მოსაზრებების გაცვლა და შეიძლება ითქვას, რომ პროცესი მხარეთა მაქსიმალური ჩართულობით მიმდინარეობდა. ამ პროცესებში იყო შემთხვევები, როცა მგზავრთა ტაქსით გადაყვანა ხორციელდებოდა ნებართვის გარეშე ან სანებართვო პირობების დარღვევით. ამიტომ, მივიღეთ აღნიშნული გადაწყვეტილება“, – განაცხადა თბილისის მერმა.კალაძემ მოსახლეობას განუმარტა, რომ 2025 წლის პირველი ნოემბრის შემდეგ ჩადენილ სამართალდარღვევებზე უკვე განხორციელდება კანონმდებლობით დადგენილი პასუხისმგებლობის ზომები მთელი სიმკაცრით.„მივმართავ მოსახლეობას, რომ გაითვალისწინონ ზემოაღნიშნული საკითხები. იმედი მაქვს, რომ ყველა ვიმოქმედებთ კანონით დადგენილი წესების ფარგლებში. ამ საკანონმდებლო ცვლილებებს მივაწოდებთ პარლამენტს. აქვე მინდა, ვთხოვო პარლამენტის წარმომადგენლებს, რომ მხარი დაგვიჭირონ ამ საკანონმდებლო ინიციატივებში, რადგან აღნიშნული საკითხები პრიორიტეტული და მნიშვნელოვანია დედაქალაქისთვის. ასევე, მიგვაჩნია, რომ ცვლილებებს, სამართალდარღვევების შემცირების კუთხით, ქმედითი პრევენციული ხასიათიც ექნება“, – აღნიშნა კახა კალაძემ.

თურქეთის ქალაქ სტამბოლში, ქალი და მისი ორი შვილი გარდაიცვალნენ. ვარაუდობენ, რომ საკვებით მოიწამლნენ.მამა, ერთადერთი გადარჩენილი, ამჟამად მძიმე მდგომარეობაშია საავადმყოფოში. ადგილობრივმა ხელისუფლებამ სასტუმროს, სადაც თურქულ-გერმანული ოჯახი იმყოფებოდა, ევაკუაცია ჩაუტარა, თუმცა დაშავებულთა რაოდენობა ჯერ არ არის დადგენილი. მიმდინარეობს გამოძიება დედისა და ორი შვილის გარდაცვალების მიზეზის დასადგენად.თურქული მედიის ცნობით, ოჯახი გერმანიიდან სტამბოლში დასასვენებლად გაემგზავრა.11 ნოემბერს ისინი ორთაკოიში იმყოფებოდნენ, სადაც ქუჩის გამყიდველისგან მიდიები იყიდეს და შემდეგ ტრადიციული კერძი - შემწვარი ცხვრის სუბპროდუქტები სანელებლებით, პურთან და გამომცხვარი კარტოფილის დიდ ულუფასთან ერთად მიირთვეს.სასტუმროში დაბრუნების შემდეგ ოჯახის ოთხივე წევრს გულისრევა და ღებინება დაეწყო. მშობლებს პირველადი დახმარება აღმოუჩინეს და საავადმყოფოდან გაწერეს, თუმცა ბავშვების მდგომარეობა სწრაფად გაუარესდა.13 ნოემბრის საღამოს დედამ ორივე ბავშვი სასტუმროს ნომერში უგონო მდგომარეობაში იპოვა. სასწრაფო დახმარების სამსახურების სწრაფი ჩარევის მიუხედავად, ბავშვები საავადმყოფოში გარდაიცვალნენ. დედა მეორე დღეს, 14 ნოემბერს, გარდაიცვალა, მდგომარეობის უეცარი და მძიმე გაუარესების შემდეგ.მამა კვლავ ინტენსიური თერაპიის განყოფილებაში რჩება კრიტიკულ მდგომარეობაში. ამასობაში, იმავე სასტუმროში დარჩენილი კიდევ ორი ​​ტურისტი მსგავსი სიმპტომებით საავადმყოფოში მოათავსეს.„ჩვენ მთელ სტამბოლში ვატარებთ შემოწმებას“, - განუცხადა X News Agency-ს რეგიონულმა ჯანდაცვის დირექტორმა აბდულა ემრე გიუნერმა და დასძინა, რომ მოწამვლის შემთხვევების ანომალიური ზრდა ჯერ არ დაფიქსირებულა.გამომძიებლებმა აღმოაჩინეს, რომ სასტუმროს პირველ სართულზე ერთ-ერთი ოთახი ცოტა ხნის წინ პესტიციდებით იყო დამუშავებული.გაზეთ „ჰურიეთის“ ცნობით, პოლიციამ დააკავა სასტუმროს თანამშრომელი და ორი სურსათის უვნებლების კონტროლის სპეციალისტი, რითაც დაკავებულთა საერთო რაოდენობა შვიდამდე გაიზარდა.

სიმართლის პატივისცემისა და კრიტიკისადმი გახსნილობის გარეშე არანაირი „ევროპა“ არ არსებობს, – ამის შესახებ პარლამენტის თავმჯდომარე შალვა პაპუაშვილი სოციალურ ქსელში წერს.მისივე თქმით, ბრიუსელი დიალოგს გაურბის.„გასაკვირი არ არის, რომ ბრიუსელი დიალოგს გაურბის, თან სწორედ იმ საკითხებზე, რომლებზეც, რომ ჰკითხო, ყველაზე მეტი სათქმელი ექნებოდათ.მიზეზი მარტივია – როდესაც საკუთარი პოზიციები ცრუ ნარატივებზე და დეზინფორმაციაზე გაქვს აგებული, ზუსტად იცი, რომ პირველივე არგუმენტირებულ საუბარში ეს ყალბი კონსტრუქცია ერთი მართალი სიტყვის შეხებით ჩამოგეშლება.სიმართლის პატივისცემისა და კრიტიკისადმი გახსნილობის გარეშე არანაირი „ევროპა“ არ არსებობს“, – წერს პაპუაშვილი.ცნობისთვის, საქართველოს საგარეო საქმეთა სამინისტრომ განაცხადა, რომ 2025 წლის 21 ნოემბერს ბრიუსელში დაგეგმილი ადამიანის უფლებათა დაცვის საკითხებზე საქართველო-ევროკავშირის დიალოგის შეხვედრა ევროკავშირის მხარის გადაწყვეტილებით გადაიდო. როგორც საგარეო უწყებაში აღნიშნეს, დიალოგის გადადება აჩვენებს, რომ ბრიუსელი მზად არ არის, მოისმინოს ქართული მხარის პოზიციები.