იაგო ხვიჩია: ხალხს “აჭამეს”, თითქოს გადამწყვეტ ბრძოლაში შედიოდნენ, სადაც სიკეთის მხარეს იყო გვარამია, ხაზარაძე, გახარია და “ნაცები”, დანარჩენი კი იყო რაღაც ტიპის ბოროტება

საქართველოს ტექნიკურ უნივერსიტეტში სტუ-ის და თბილისის სახელმწიფო სამედიცინო უნივერსიტეტის (თსსუ) სტუდენტური კლუბების ერთობლივი ღონისძიება - პირველადი სამედიცინო დახმარების გაწევის მასტერკლასი ტარდება. ამის შესახებ ინფორმაციას საქართველოს ტექნიკური უნივერსიტეტი ავრცელებს. მისივე ცნობით, მასტერკლასი, სტუ-ის ნიკო ნიკოლაძის სტუდენტური კლუბის ინიციატივით, პირველად ეწყობა საქართველოს ტექნიკურ უნივერსიტეტში. ღონისძიების ბენეფიციარები საქართველოს ტექნიკური უნივერსიტეტის სტუდენტები და პედაგოგები არიან. პროექტის მხარდამჭერია თსსუ-ის სტუდენტური კლუბი - „მომავალი ექიმები საქართველოსთვის“. როგორც ნიკო ნიკოლაძის საუნივერსიტეტო კლუბის პრეზიდენტი მარიამ კაკაურიძე აღნიშნავს, პროექტის მიზანია, სტუდენტებსა და პროფესორ-მასწავლებლებს პირველადი სამედიცინო დახმარების მიმართულებით მიაწოდოს საბაზისო ცოდნა, რომლის გამოყენებასაც პროექტის ბენეფიციარები პრაქტიკაში შეძლებენ. „საქართველოს ტექნიკური უნივერსიტეტის ნიკო ნიკოლაძის კლუბი, თბილისის სახელმწიფო სამედიცინო უნივერსიტეტის სტუდენტურ კლუბთან ერთად, ვახორციელებთ პროექტს, რომელიც ითვალისწინებს სტუდენტებისთვის და, ასევე, ჩვენი პედაგოგებისთვის პირველადი სამედიცინო დახმარების გაწევის მასტერკლასების ჩატარებას. ჩვენი მიზანია ამ მიმართულებით საბაზისო ცოდნისა და გამოცდილების ტრანსფერი. მიგვაჩნია, რომ მსგავსი პროექტები აკეთილშობილებს საზოგადოებას, რაც, საბოლოო ჯამში, სოციუმის კეთილდღეობაზე აისახება. მნიშვნელოვანია, რომ ჩვენი თანატოლების მხრიდან დაინტერესება დიდია. ეს გვაძლევს მოტივაციას და იმის საფუძველს, რომ პროექტი გაცილებით მასშტაბური გავხადოთ“, - ამბობს მარიამ კაკაურიძე. თსსუ-ის სტუდენტური კლუბის - „მომავალი ექიმები საქართველოსთვის“ დამფუძნებლის, თორნიკე ფუტკარაძის თქმით, პირველადი სამედიცინო დახმარების ორდღიანი მასტერკლასი, რომელიც საქართველოს ტექნიკურ უნივერსიტეტში ტარდება, მოიცავს როგორც თეორიულ ნაწილს, სიტუაციურ ანალიზსა და შეფასებებს, ასევე, პრაქტიკულ სავარჯიშოებს თანამედროვე სტანდარტების შესაბამისი აღჭურვილობით. როგორც თორნიკე ფუტკარაძე განმარტავს, მასტერკლასის გავლის შემდეგ ახალგაზრდები პრეჰოსპიტალურ ეტაპზე პრიორიტეტების სწორად განსაზღვრასა და გადაუდებელი დახმარების გაწევას შეძლებენ. „დაზარალებული ადამიანი შეიძლება შეგვხვდეს ქუჩაში, სამსახურში, თავშეყრის ადგილებში. ის შეიძლება იყოს უცნობი, ჩვენი მეგობარი ან ოჯახის წევრი. დროულად და სწორად აღმოჩენილი პირველადი სამედიცინო დახმარება ზრდის ადამიანის სიცოხლის ხანგრძლივობას. ჩვენი ერთობლივი პროექტის მიზანიც ეს არის - ახალგაზრდებმა სამედიცინო მიმართულებით შეიძინონ კრიტიკული მდგომარეობის მართვის პრაქტიკული უნარ-ჩვევები, სწორად განსაზღვრონ პრიორიტეტები და შეძლონ ნებისმიერი მოქალაქისთვის პირველადი დახმარების გაწევა პრეჰოსპიტალურ ეტაპზე, ანუ იქამდე, ვიდრე პაციენტის მდგომარეობის მართვაში პროფესიონალი მედიკოსები ჩართვებიან”, - აღნიშნავს თორნიკე ფუტკარაძე. პირველადი სამედიცინო დახმარების გაწევის ორდღიანი მასტერკლასის ფარგლებში, საქართველოს ტექნიკური უნივერსიტეტის სტუდენტებმა და პედაგოგებმა, თეორიულ სწავლებასთან ერთად, გაიარეს გადაუდებელი შემთხვევების ანალიზისა და მართვის პრაქტიკული სავარჯიშოები, შეისწავლეს სხვადასხვა ტრავმისას სისხლდენის სწრაფად და ეფექტურად შეჩერების, ჭრილობაზე ნახვევის სწორად დადების, ინტოქსიკაციისა და გულყრის შემთხვევების მართვის, სასუნთქი გზების გამავლობის უზრუნველყოფის, ასევე, გულზე მასაჟისა და ხელოვნური სუნთქვის ჩატარების მეთოდები. სტუ-ის ინფორმაციით, სამომავლოდ, პროექტის ორგანიზატორები - საქართველოს ტექნიკური უნივერსიტეტისა და თბილისის სახელმწიფო სამედიცინო უნივერსიტეტის სტუდენტური კლუბები - პირველადი სამედიცინო დახმარების გაწევის მასტერკლასის გაფართოებას და სხვადასხვა უმაღლეს სასწავლებელში ჩატარებას გეგმავენ.

"ქართული ოცნების" საპარლამენტო სიაში თელავი-ახმეტა-ყვარელი-ლაგოდეხის დელეგატი ირაკლი ქადაგიშვილი აცხადებს, რომ ოპოზიციის აქცია უმიზნოა. „დამარცხების შემდეგ, არჩეული არასწორი პოლიტიკური ტაქტიკის შემდეგ მათ უწევთ თავის მართლება ამომრჩევლების ნაწილთან და უცხოელ პატრონებთან. ეს აქციები კი ემსგავსება უმიზნო აქციას, ანუ აქცია აქციისთვის. ის მიზანი რაც მათ აქვთ იმდენად ილუზიურია, რომ ვერ ხდება ამის გარჩევა, ეს აქცია აქციისთვის კი თავის თავს აუცილებლად ამოწურავს," - აცხადებს ირაკლი ქადაგიშვილი.

საქართველოს პროკურატურა საგარეჯოში დამამძიმებელ გარემოებებში ჩადენილი მეუღლის განზრახ მკვლელობის მცდელობის ფაქტზე ბრალდებულს, დაზარალებულის გარდაცვალების გამო ბრალდებას დაუმძიმებს. ინფორმაციას საქართველოს პროკურატურა ავრცელებს. „შინაგან საქმეთა სამინისტროს მიერ ჩატარებული გამოძიებით დადგინდა, რომ 11 ნოემბერს, საგარეჯოში, ბრალდებულმა გენდერის ნიშნით, შეუწყნარებლობის მოტივით, არასრულწლოვანი შვილის თანდასწრებით, მეუღლეს განსაკუთრებული სისასტიკით, სიცოცხლისთვის სახიფათო დაზიანებები მიაყენა. მიღებული დაზიანებებით დაზარალებული საავადმყოფოში გადაიყვანეს. სამართალდამცველებმა ბრალდებული 12 ნოემბერს დააკავეს. მას ბრალდება წარდგენილი აქვს საქართველოს სისხლის სამართლის კოდექსის 11 პრიმა, 381-ე პრიმა მუხლის პირველი ნაწილით (დამცავი ორდერით გათვალისწინებული ვალდებულების დარღვევა) და იმავე კოდექსის 19, 109-ე მუხლის „თ“, „კ“, „მ“, „პ“ ქვეპუნქტებით  (განზრახ მკვლელობის მცდელობა, ჩადენილი გენდერის ნიშნით, ოჯახის წევრის მიმართ, განსაკუთრებული სისასტიკით, არაერთგზის), რაც სასჯელის სახედ და ზომად 16-დან 20 წლამდე ან უვადო თავისუფლების აღკვეთას ითვალისწინებს. პროკურატურის შუამდგომლობის საფუძველზე, ბრალდებულს აღკვეთის ღონისძიების სახით უკვე შეფარდებული აქვს პატიმრობა. დაზარალებული მიღებული დაზიანებების შედეგად 21 ნოემბერს სამედიცინო დაწესებულებაში გარდაიცვალა“, – აღნიშნულია საქართველოს პროკურატურის ინფორმაციაში.

პარტია „გახარია საქართველოსთვის“ თავმჯდომარე გიორგი გახარია აცხადებს, რომ ჯერჯერობით არ აპირებს, პარლამენტს უფლებამოსილების შეწყვეტის თხოვნით მიმართოს. აღნიშნულის შესახებ გახარიამ ერთ-ერთი ტელეკომპანიის ეთერში კითხვაზე საპასუხოდ განაცხადა, რომელიც შეეხებოდა, მიმართავს თუ არა პარლამენტს უფლებამოსილების შეწყვეტის თხოვნით. გადაცემაში სტუმრობისას ჟურნალისტმა გახარიას ასევე მიმართა: „რამდენად სწორად გავიგე თქვენი პოზიცია, მანდატს არ დაჭრით თუ არ გაიუქმებთ?“, რაზეც გახარიამ განაცხადა: „კოლექტიურად არ დავწვავთ, თან ისეთებთან, ზოგიერთებთან“. კითხვაზე, პარლამენტში შესვლას ჯერჯერობით არ აპირებთ?“, გახარიამ განაცხადა: „არ ვაპირებთ, დღეს, დღევანდელ გარემოში არ ვაპირებთ. დავუშვათ, ხვალ საოცრება მოხდა და ივანიშვილმა გააკეთა განცხადება, მეგობრებო, ვნიშნავ ახალ არჩევნებს, გპირდებით, კონსენსუსურად ავირჩიოთ ეს, ეს, ეს. ფაქტობრივად, კაპიტულაციაა. როგორ ფიქრობთ, ქართველმა ამომრჩეველმა და ხალხმა, რომელმაც ჩვენ ხმა მოგვცა, ეს გამარჯვება არ უნდა იზეიმოს? საბოლოო ჯამში, ყველა ადამიანი, რომელიც გამოდის არა თავისი პერსონალური, პარტიული ინტერესებიდან, არამედ სახელმწიფო ინტერესებიდან, არასოდეს შეიზღუდავს მანევრის სივრცეს პოლიტიკაში. კითხვის ნიშნები მიჩნდება მაშინვე, როდესაც ვხედავ, რომ პოლიტიკოსები სივრცეს ივიწროებენ, რადგან შეუძლებელია, პოლიტიკოსს არ უნდოდეს, პოლიტიკაში არ გინდოდეს მოქმედების სივრცის მაქსიმალურად გაფართოება. როგორც კი თვითონ ივიწროებ ამ სივრცეს, ვერ ვხვდები, რა ახსნა შეიძლება ჰქონდეს ამას? მით უმეტეს, რომ რაღაც რიტუალურ ცეკვებს ცეკვავ, რომელსაც იცი, სამართლებრივი შედეგები არ მოჰყვება, შემდეგ ცდილობ, რაღაც წნეხის ორგანიზებას. ეს ყველაფერი სასაცილოა“. გადაცემის წამყვანმა გახარიას მიმართა, მასზე ხომ არ არის წნეხი, რაზეც გახარიამ აღნიშნა: „ჩემზე წნეხი ვინ უნდა მოახდინოს? ათი თუ თხუთმეტი ბოტი, ტროლი ჰყავთ, რაღაცებს აწერინებენ და შემდეგ თავის მედიებში ჭიქაში ქარიშხალს ტეხენ. ამ ქვეყანაში დღეს არავის აქვს პოლიტიკაში რესურსი, ჩვენზე ზეწოლა მოახდინოს. შეხედეთ, ფინანსურად ჩვენ როგორ ჩავატარეთ კამპანია. ამასთან ერთად, შეხედეთ, სხვებმა როგორ ჩაატარეს და ვერ ვხდები, როგორ უნდა მოახდინონ ჩვენზე წნეხი. ჩვენი მთავარი მამოძრავებელი ძალა არის ფასეულობები და სახელმწიფოს ინტერესი. დამთავრებულია. გავიგე, რომ რთული იქნება, არ იქნება მარტივი. ვერ ვხდები, რა ინტერესით უნდა შევიზღუდო სივრცე, რადგან ვიღაც იდიოტს მოუნდა, რაღაც მოდელში, ფორმაში მოგვაქციოს? ვერასდროს მოგვაქცევს, არც არის სწორი. ხშირად მითქვამს, არ შეიძლება, ზოგჯერ მოიქცე ისე, რომ სასარგებლო იდიოტი გახდე „ოცნებისთვის“. ჩვენ ხომ არ გვამოძრავებს მიზანი, პარლამენტში შევიდეთ, გვამოძრავებს მიზანი, არჩევნებს შევუნარჩუნოთ აზრი, რომ მომავალ არჩევნებზე ადამიანები უბრალოდ მივიდნენ არჩევნებზე და როგორმე გავაცოცხლოთ ევროპული მომავალი, რომელზეც ევროკავშირმა გამოაცხადა, რომ „ოცნებამ“ მოკლა საქართველოს ევროპული პერსპექტივა. მე სხვა მიზანი არ მაქვს“, – განაცხადა გიორგი გახარიამ.

სულ ორი ვარიანტი გვაქვს: ან აღიარებ არჩევნების ლეგიტიმურობას და შედიხარ პარლამენტში, ან არ ცნობ არჩევნებს ლეგიტიმურად, – ამის შესახებ „გირჩის“ ერთ-ერთმა ლიდერმა, იაგო ხვიჩიამ განაცხადა. მისი თქმით, ოპოზიციას აქვს ეს გადაწყვეტილება აქვს მისაღები და „გირჩი“ მზად არის, თავის დაფინანსებაზე, სამ მილიონ-ნახევარზე თქვას უარი, თუ ბარიერგადალახული ოთხი პარტია დაფინანსებაზე იტყვის უარს. „გეგმას რომ ვერ ამბობენ, მე გეტყვით, რა არის გასაკეთებელი, სულ ორი ვარიანტი გვაქვს: ან აღიარებ არჩევნების ლეგიტიმურობას და შედიხარ პარლამენტში, ან არ ცნობ არჩევნებს ლეგიტიმურად. წარმოიდგინეთ, ამ არჩევნების შედეგად, ჩვენ, „გირჩს“, არ გვაქვს საპარლამენტო მანდატები, მაგრამ მივიღეთ სამ მილიონ-ნახევარი ლარი. ხაზარაძეს და დანარჩენ ჯიგრებს ქართველმა ხალხმა მისცა 20 მილიონ ლარზე მეტი და 50-ზე მეტი მანდატი. 50-ზე მეტი მანდატი და 20 მილიონზე მეტი ლარი თუ არ შემოვა ამ პოლიტიკურ თამაშში და იტყვიან, რომ არ ვაღიარებთ ამ არჩევნების შედეგებს, თუ ამას იზამენ, ჩვენ მზად ვართ, ჩვენს სამ მილიონ-ნახევარზე ვთქვათ უარი და ვთქვათ, რომ არალეგიტიმური არჩევნების „გაპრავება“ არ გვინდა. ამას ვეუბნებოდით ჩვენ 2020-ის წინ. 2020-ში რატომ გადავწყვიტეთ პარლამენტში შესვლა – დავინახეთ, რომ ჩვენი ჯიგარი ოპოზიციონერები ფულის აღებასაც აპირებდნენ და ადგილობრივი თვითმმართველობის არჩევნებში მონაწილეობასაც ამ მთავრობის მიერ დანიშნული ცესკო-თი. თუ ეს მთავრობა არალეგიტიმურია, მისი ცესკო-ც არალეგიტიმურია, მის მიერ დანიშნული ადგილობრივი თვითმმართველობის არჩევნებიც არალეგიტიმურია და ყველაფერზე უნდა თქვა უარი. ჩვენ დაველოდებით, რას გააკეთებენ ესენი. თუ მართლა უარს ამბობენ, პარლამენტი რომ შედგება, მათ მისაღები აქვთ გადაწყვეტილება, ან აღიარებ არჩევნებს, ან ამბობ, რომ ერთხელ თუ არჩევნები „გაფუჭდა“, უკანონო არჩევნების შედეგით პარლამენტში შევედით, ყველა არჩევნები ასე იქნება და საარჩევნო უფლება მოკვდება საქართველოში. ჩვენ მეორეს მხარეს ვართ. ჩვენ მზად ვართ, ჩვენს სამ მილიონ-ნახევარზე ვთქვათ უარი, თუ ყველა ბარიერგადალახული, ოთხი პარტია იტყვის უარს თავის დაფინანსებაზე. ეს ორი და ხუთი თვის მერე კი არა, ახლა საპასუხო კითხვაა, უნდა დაწერონ, არ ვიღებ ფულს, არ ვცნობ არჩევნებს, ან ამას თუ არ იზამენ და საბიუჯეტო ფულს ხელს მოკიდებენ – საბიუჯეტო დაფინანსებას და ხელფასს თუ იღებ, რა ბოიკოტს აცხადებ და შედეგებს არ ცნობ, გიჟი ხომ არ ხარ?!“ – განაცხადა იაგო ხვიჩიამ „ღამის კურიერში“.