კვირა, თებერვალი 16, 2025

თორნიკე მოლაშვილი: ბაჩიაშვილი, რომელმაც ბიძინა ივანიშვილს ათეულობით მილიონი მოჰპარა, გვიმტკიცებს, თითქოს, ქართული სახელმწიფო ინსტიტუტების დამოკიდებულება მის მიმართ არაცივილიზებულია, ხოლო “კრედიტ სუისს”, რომელმაც ბიძინა ივანიშვილი გაძარცვა, ცივილიზებული სამყაროს სტანდარტად მიიჩნევს

„უკვე დიდი ხანია იმის დამალვას აღარავინ ცდილობს, რომ შვეიცარიის საბანკო სისტემას ბიძინა ივანიშვილის წინააღმდეგ შანტაჟისა და ზეწოლისთვის იყენებენ. ამასთან დაკავშირებით განმარტება არაერთხელ გაკეთდა და რაც მთავარია, ბიძინა ივანიშვილის სიმართლე საერთაშორისო სასამართლოებმაც დაადასტურეს!“,- ასე ეხმიანება სულხან მოლაშვილის ძმა, თორნიკე მოლაშვილი გიორგი ბაჩიაშვილის სტატუსს, სადაც ის ბიძინა ივანიშვილის ადვოკატის მიერ გავრცელებულ განცხადება აკრიტიკებს.

თორნიკე მოლაშვილის განცხადებით, ბაჩიაშვილის საქმეზე სასამართლო მალე გაიმართება და საზოგადოება თავად დარწმუნდება, რომ მას არანაირი მტკიცებულება არ აქვს.

„ამ ფონზე, ბაჩიაშვილი, რომელმაც ბიძინა ივანიშვილს ათეულობით მილიონის ღირებულების ბიტკოინი თვალსა და ხელს შუა მოჰპარა, მის წინააღმდეგ აღძრულ სისხლის სამართლის საქმეში არარსებული პირადი შურისძიების მოტივებს ხედავს და გვიმტკიცებს, თითქოს, ქართული სახელმწიფო ინსტიტუტების დამოკიდებულება მის მიმართ არაცივილიზებულია, ხოლო “კრედიტ სუისის”, მთლიანად შვეიცარიული საბანკო სისტემისა და შვეიცარიის ქცევას, ცივილიზებულ სამყაროში დამკვიდრებული სტანდარტების შესაბამისად მიიჩნევს. მალე ბაჩიაშვილის საქმეზე სასამართლო გაიმართება და საზოგადოება თავად დარწმუნდება, რომ ამ კაცს არანაირი მტკიცებულება არ აქვს, ფაქტები კი მხოლოდ მის ბრალეულობას ადასტურებენ! მეორე მხრივ, ბაჩიაშვილმა ზედმიწევნით ზუსტად იცის “კრედიტ სუისის” ქმედებების შესახებ და მათ ქცევას ცივილიზებულს უწოდებს. ამ კაცს მიაჩნია, რომ ცივილიზებული და ნორმალურია, როდესაც შვეიცარიის პროკურატურა უკვე 10 წელია, დამსახურებული კრიტიკის ფონზე, საქმეს არ იძიებს და ამტკიცებს, თითქოს, თავის დროზე განუზომლად დიდი ავტორიტეტის მქონე შვეიცარიული ბანკიდან, ივანიშვილის კუთვნილი მილიარდი ერთმა კაცმა მოიპარა.“,- წერს მოლაშვილი.

მისივე განცხადებით, შვეიცარია ერთ-ერთი ყველაზე სანდო ინსტიტუტების მქონე მანამდე იყო ვიდრე “გლობალური ომის პარტია” მთელ მის სახელისუფლებო ორგანოებში, ინსტიტუტებსა და საბანკო სისტემაში საკუთარ აგენტებს ჩანერგავდა „შვეიცარია ცივილიზებული, ერთ-ერთი ყველაზე სანდო ინსტიტუტების მქონე და სამაგალითო ქვეყანა მართლაც იყო, თუმცა, ეს მანამდე სანამ “გლობალური ომის პარტია” მთელ მის სახელისუფლებო ორგანოებში, ინსტიტუტებსა და საბანკო სისტემაში საკუთარი აგენტების ჩანერგვას მოახერხებდა! სამწუხაროდ, დღეს ის შვეიცარია, რომელიც თავის დროზე უდიდესი ავტორიტეტით სარგებლობდა, საკუთარი თუ სხვა ქვეყნის მოქალაქეების უფლებების დაცვის გარანტად ითვლებოდა და ადამიანების ნდობას მსოფლიოს ყველა წერტილიდან იმსახურებდა, აღარ არსებობს! დღეს მხოლოდ იმ შვეიცარიის ლანდია დარჩენილი!“,-აცხადებს მოლაშვილი.

ქეთევან ნინუაhttp://tiflisnews.ge
საინფორმაციო სააგენტო tiflisnews.ge კონტაქტი- ☎️ 557 13 16 73

„სიცოცხლისთვის უკიდურესად საშიში სიტუაცია” – რა ხდება აშშ-ის რამდენიმე შტატში, სადაც საგანგებო მდგომარეობაა გამოცხადებული

ძლიერმა შტორმმა და წვიმამ, აშშ-ის აღმოსავლეთ ნაწილის გარკვეულ რეგიონებში ძლიერი წყალდიდობა გამოიწვია. ინფორმაციას abcnews-ი ავრცელებს. სტიქიის შედეგად დატბორილია გზები და სახლები. რეგიონიდან მოსახლეობის ევაკუაცია გახდა საჭირო. წყალდიდობის რამდენიმე გაფრთხილება მოქმედებდა გასული 24 საათის განმავლობაში კენტუკის, ტენესის, დასავლეთ ვირჯინიისა და ჩრდილოეთ კაროლინას ნაწილებში. კენტუკიში, სადაც გუბერნატორმა, ენდი ბეშირმა ძლიერი წვიმის წინ საგანგებო მდგომარეობა გამოაცხადა, მთელი დღის განმავლობაში ფართომასშტაბიანი წყალდიდობა დაფიქსირდა. "მთელი შტატი მნიშვნელოვანი საფრთხის ქვეშაა, ღამის 12 საათიდან დილის 4 საათამდე", - განაცხადა ბეშირმა X-ზე გამოქვეყნებულ სტატუსში. ამასთან, ძლიერი წყალდიდობის გამო, რამდენიმე შტატის ადგილობრივი ხელისუფლება იძულებული გახდა, მოხუცთა თავშესაფრებიდან ბენეფიციარების ევაკუაცია განეხორციელებინა. ნაციონალურმა მეტეოროლოგიურმა სააგენტომ წყალდიდობის გამო საგანგებო მდგომარეობა დასავლეთ ვირჯინიისა და სამხრეთ-დასავლეთ ვირჯინიის რამდენიმე ოლქში კვირა დღის, დილის 8 საათამდე გაახანგრძლივა. სააგენტომ აღნიშნულ წყალდიდობას "სიცოცხლისთვის უკიდურესად საშიში სიტუაცია" უწოდა.

სალომე ზურაბიშვილის ცნობით, მიუნხენში კაია კალასს შეხვდა

საქართველოს ყოფილი პრეზიდენტი სალომე ზურაბიშვილი საგარეო პოლიტიკისა და უსაფრთხოების საკითხებში ევროკავშირის უმაღლეს წარმომადგენელს, კაია კალასს შეხვდა. ამის შესახებ ზურაბიშვილი სოციალურ ქსელში წერს. შეხვედრა მიუნხენში გაიმართა. „შევხვდი კაია კალასს და გადავეცი ქართული მედიის წარმომადგენლების თხოვნა ჩვენი პარტნიორებისგან მხარდაჭერის გაზრდის შესახებ. ახალი თავისუფალი და სამართლიანი არჩევნები არის საქართველოს კრიზისიდან გამოსვლის ერთადერთი გზა“,- წერს ზურაბიშვილი სოციალურ ქსელში.  

ბიძინა და ეკატერინე ივანიშვილები – ღრმა მწუხარებას გამოვთქვამთ ბათუმში ტრაგედიის გამო, ამ დროს განსაკუთრებით რთულია სიტყვების პოვნა ოჯახების სანუგეშოდ, ენით აღუწერელია ტკივილი, რასაც ისინი...

ბიძინა და ეკატერინე ივანიშვილები ბათუმში მომხდარი ტრაგედიის გამო მწუხარებას გამოთქვამენ. „ღრმა მწუხარებას გამოვთქვამთ ბათუმში დატრიალებული ტრაგედიის გამო, რომელსაც ორი ბავშვის სიცოცხლე ემსხვერპლა. ამ დროს განსაკუთრებით რთულია სიტყვების პოვნა ოჯახების სანუგეშოდ, ვინაიდან ენით აღუწერელია ტკივილი, რასაც ისინი განიცდიან. მთელი გულით ვუსამძიმრებთ და გულწრფელ თანადგომას ვუცხადებთ უბედური შემთხვევის შედეგად დაღუპული პატარების ოჯახებს, ახლობლებს, მთლიანად აჭარის რეგიონს და ამ დიდი ტრაგედიით შეძრულ ჩვენს საზოგადოებას“, – აღნიშნულია ბიძინა და ეკატერინე ივანიშვილების განცხადებაში, რომელიც „ქართული ოცნების“ ფეისბუქგვერდზე გამოქვეყნდა.

„როიტერი“ – ვოლოდიმირ ზელენსკიმ განაცხადა, რომ აშშ-თან წიაღისეულის შესახებ შეთანხმების პროექტი „არ იცავს უკრაინას“ და უარი თქვა შეთანხმების ხელმოწერაზე

უკრაინის პრეზიდენტმა, ვოლოდიმირ ზელენსკიმ განაცხადა, რომ ვაშინგტონთან წიაღისეულის შესახებ შეთანხმების პროექტი არ მოიცავს უსაფრთხოების იმ ნაწილს, რომელიც კიევს სჭირდება. „ეს დღეს ჩვენს ინტერესებში არ შედის. ეს არ არის სუვერენული უკრაინის ინტერესებში. აღნიშნული შეთანხმება არ გვიცავს. ის ჯერ არ არის მზად ჩვენი და ჩვენი ინტერესების დასაცავად. ჩემთვის ძალიან მნიშვნელოვანია ვისაუბროთ ინვესტიციებზე და ეს სამართლებრივად სწორად, მართებულად უნდა იყოს ჩამოყალიბებული“, – განაცხადა ზელენსკიმ. როგორც სააგენტო „როიტერი“ წყაროებზე დაყრდნობით წერს, ვოლოდიმირ ზელენსკიმ უარი თქვა შეთანხმების ხელმოწერაზე. წყაროების ინფორმაციით, შეერთებულმა შტატებმა წარადგინა დოკუმენტი, რომელიც აშშ-სთვის უკრაინის კრიტიკული მინერალების 50 პროცენტის ფლობას ითვალისწინებდა. წყაროების ინფორმაციით, აშშ-ის ფინანსთა მინისტრმა შეთანხმების პროექტი კიევში ვიზიტისას წარადგინა. როგირც „როიტერი“ წერს, ზელენსკის გუნდი დიდ მნიშვნელობას ანიჭებს იმას, რომ უკრაინამ აშშ-სგან მიიღოს გარანტიები, თუმცა დოკუმენტი ამ გარანტიებს არ მოიცავდა.

შსს-ში აცხადებენ, რომ ბათუმში ორი არასრუწლოვანის დაღუპვის ფაქტზე გამოძიება გაუფრთხილებლობით სიცოცხლის მოსპობის მუხლით დაიწყო

საქართველოს შინაგან საქმეთა სამინისტრომ ბათუმში ორი არასრუწლოვანის დაღუპვის ფაქტზე გამოძიება დაიწყო. როგორც პირველ არხს შსს-ში განუცხადეს, გამოძიება სისხლის სამართლის კოდექსის 116-ე მუხლით მიმდინარეობს, რაც გაუფრთხილებლობით სიცოცხლის მოსპობას გულისხმობს. ბათუმის მერიის ინფორმაციით, ქალაქ ბათუმში, ფრ. ხალვაშის გამზირის #188-ის მიმდებარედ, წყლით სავსე თხრილში ჩავარდნის შედეგად ორი არასრულწლოვანი დაიღუპა.

ბოლო სიახლეები