თენგიზ ფხალაძე – ამერიკის შეერთებულ შტატებში დღეს საქართველოს მართლაც უპრეცედენტო მხარდაჭერა აქვს

რიკი მარტინის კონცერტი, რომელიც 16 ივლისს რუსთავის საერთაშორისო ავტოდრომზე იყო დაგეგმილი, მომღერლის გადაწყვეტილებით გაუქმდა.მოქალაქეებმა შეტყობინება Biletebi-ისგან მიიღეს. შეტყობინებაში ნათქვამია, რომ თანხას 3-5 სამუშაო დღეში, იმავე ბარათზე დაუბრუნებენ, რომლითაც ბილეთები შეიძინეს.

„ოპოზიციის ალიანსის“ ერთ-ერთი ლიდერის, ნიკა გვარამიას განცხადებით, ამერიკის შეერთებულმა შტატებმა „ქართულ ოცნებას“ შანსი მისცა ურთიერთობების დალაგების კუთხით, თუმცა ხელისუფლებას ეს „არ გამოსდის“.აღნიშნული შესახებ გვარამიამ გადაცემის წამყვანის კითხვაზე საპასუხოდ განაცხადა. კერძოდ, ჟურნალისტმა გვარამიას ჰკითხა: „მაგალითად, არის ინფორმაცია, რომ „ქართული ოცნება“ ცდილობს ამერიკელებთან ურთიერთობის დალაგებას. რამდენად აქვთ ამისი შანსი? მოვისმინეთ პოზიცია, ღიად ნათქვამი რუბიოსგან ტრაექტორიის ცვლილების აუცილებლობასთან დაკავშირებით. ამერიკელებთან არ გამოსდის ოცნებას?“„ვხედავთ, რომ არ გამოსდით. ამერიკელებმა შანსი მისცეს, განა, არ მისცეს. არ მიმაჩნია, რომ ეს სწორი იყო, მაგრამ ეს მოხდა. მოხდა პრაგმატული ინტერესით“, – განაცხადა ნიკა გვარამიამ.გვარამიას შეფასებით, სინამდვილეში, უდიდესი ამბავია ის ინტერესი, რაც არსებობს ანაკლიის პორტის, საქართველოს სატრანზიტო დერეფნის მიმართ.„სინამდვილეში, ინტერესი, რომელიც არსებობს იგივე ანაკლიის პორტის, საქართველოს სატრანზიტო დერეფნის მიმართ, ჩემთვის, როგორც ამ ქვეყნის პატრიოტისთვის და პოლიტიკოსისთვის, უდიდესი ამბავია, მაგრამ ჩვენც ვეუბნებოდით ჩვენს მეგობრებს და თვითონაც დარწმუნდნენ, რომ გამორიცხულია, არ არსებობს, ბიძინა ივანიშვილი არის კლასიკური გადამგდები. თვითონ თუ არ ხეირობს, არანაირი მნიშვნელობა არ აქვს, ქვეყნის ინტერესი რა არის. რუსეთის ანგარიშგამწევია იმდენად, რომ მისთვის დაუშვებელი იქნებოდა, რაც რუსეთს მინიმალურად მაინც არ აწყობს და ანაკლია სიკვდილია ამ რეგიონში რუსული ლოგისტიკის. ამიტომაც, გამოვიდა კობახიძე თუ ეკონომიკის მინისტრი და თქვა, რომ ჩინეთს აღარ ვაძლევთ. ხვალ რომ არ მისცემს, ეგ რა ვიცით? მეორე – ჩვენ თვითონ ავაშენებთ და შემდეგ გავაქირავებთ, მათ შორის ჩინელი იქნება თუ ირანელი, ვინც უკეთეს პირობას შემოგვთავაზებსო, ეს ნიშნავს, რომ ბიძინა ივანიშვილი თვითონ გადაწყვეტს, ვის მისცემს, მაგრამ მოდით, ახლა გადავავადოთ ეს გადაწყვეტილება და დღეს ასე გამოვაცხადოთო. რუსეთის შეეშინდათ, მაგრამ დასავლეთისაც რაკიღა შეეშინდათ, თქვეს, რომ ჩინეთი არ იქნება. აბსურდია. ჯერ ერთი, საქართველო არ არის ამისი თავისით ამშენებელი, გამორიცხულია. ამდენი ფული არ გვაქვს, რომც მოგვცენ, მოიპარავენ. ეს არის სინამდვილეში ახსნა ამ ვითარების. ჩვენ ვაგდებთ, „ქართული ოცნება“ აგდებს იმ პროექტს. ორი რამ არის, რასაც „ქართული ოცნება“ აკეთებს მომავლის დაღუპვის კუთხით, თორემ აწმყოში რასაც შვება, ყველა ვხედავთ. პირველი – ეს არის ტრანსკასპიური, საქართველოზე გამავალი შავ ზღვამდე დერეფნის მკვლელობა. პირდაპირ ვამბობ, ანაკლიის პორტის მკვლელობა არის ამ ქვეყნის მომავლის მკვლელობა. შანსი აქვს ამ ქვეყანას, რომ განახორციელოს დავით აღმაშენებლის ფორმულა, ნიკოფსიიდან დარუბანდამდე, ოღონდ გეოპოლიტიკურად და არა გეოგრაფიულად. დღეს შეგვიძლია, რომ ეს იყოს, ამას კლავს ბიძინა ივანიშვილი. მეორე – მისი პარაზიტირება უკრაინის ომზე. იმაში კი არ არის მთავარი პრობლემა, რომ დღეს ომის ეკონომიკა ააშენა საქართველომ. ხდება ხოლმე ეს ქვეყნების ისტორიაში, სხვადასხვა ქვეყანაში და მარტო საქართველო არ იქნებოდა, მაგრამ ქართველი ერი ხეირობს? გულწრფელად მაინტერესებს. ეს ხომ ბიძინა ივანიშვილის და მისი „სასტავის“ ჯიბეებში წასული ფულია. სამაგიეროდ, რა იქნება, იცით? უკრაინა მალე რომ ომს მოიგებს, ტრილიონები დაიხარჯება უკრაინის აღდგენაში ათწლეულის განმავლობაში, აი, საქართველოს არ მიასუნინებენ იმ ტრილიონებთან. ბიძინა ივანიშვილის ხალხმა დღეს რომ რაღაც ათობით მილიონი იშოვოს, მომავალი, უზარმაზარი აღმშენებლობითი პროცესების მიღმა აღმოვჩნდებით. იმ ფულს მარტო უკრაინელები კი ვერ აითვისებენ, მთელი ევროპა იქნება მშენებლობით და ფულის კეთებით დაკავებული, იმხელა მოცულობის სამუშაო იქნება. საქართველოს ეტყვიან, წადი და ბიძინა ივანიშვილს მოკითხე პასუხიო“, – განაცხადა ნიკა გვარამიამ.

სტამბოლის სასამართლომ ისრაელის პრემიერ-მინისტრის, ბენიამინ ნეთანიაჰუსა და 34 ისრაელელი მაღალჩინოსნის მიმართ საერთაშორისო ძებნის გამოცხადების გადაწყვეტილება მიიღო.მედიის ცნობით, სტამბოლის სისხლის სამართლის სასამართლომ ნეთანიაჰუ და საქმეში მონაწილე სხვა პირები „სუმუდის ჰუმანიტარული ფლოტილიის“ წევრების დაკავების გამო ცნო დამნაშავედ.მათივე ინფორმაციით, სტამბოლის სასამართლოს მიერ წარდგენილი ბრალდებები კაცობრიობის წინააღმდეგ მიმართულ დანაშაულებს, გენოციდს, სისასტიკეს, სხეულის განზრახ დაზიანებას და თავისუფლების უკანონო აღკვეთას მოიცავს.ცნობისთვის, „სუმუდის ფლოტილია“ საერთაშორისო სამოქალაქო ჰუმანიტარული ინიციატივაა, რომელიც ათობით ქვეყნიდან აქტივისტებს, ექიმებსა და მოხალისეებს აერთიანებს. ორგანიზატორების თქმით, მისიის მიზანი ზღვით ღაზის სექტორში ჰუმანიტარული დახმარების მიწოდება და საერთაშორისო ყურადღების მიპყრობაა ანკლავში არსებული ვითარებას მიმართ. ისრაელის ხელისუფლებამ არაერთხელ განაცხადა, რომ ისინი არ დაუშვებენ ბლოკადის დარღვევას და მათ ფლოტილიის გემი დააკავეს. გემზე მყოფი აქტივისტები დაკავების შემდეგ ისრაელიდან გააძევეს.

დიდი დიღმის მეტროსადგურ „დიდუბესთან“ დამაკავშირებელი ტრამვაის ხაზის პროექტირებისა და მშენებლობის მიზნით გამოცხადებულ ტენდერში თურქეთში რეგისტრირებულმა ერთობლივმა საწარმომ გაიმარჯვა, – ამის შესახებ თბილისის მერმა, კახა კალაძემ დედაქალაქის მთავრობის დღევანდელ სხდომაზე განაცხადა.„თქვენ იცით, რომ ჩვენ გვქონდა წინასაარჩევნო დაპირება ისტორიული პროექტის განხორციელების. მხედველობაში მაქვს ტრამვაის ხაზი. ამასთან დაკავშირებით ბევრი განცხადება გაკეთდა. ჩვენ ასევე გამოვაცხადეთ ტენდერი, სადაც საერთაშორისო და უცხოურ კომპანიებსაც ჰქონდათ შესაძლებლობა, მიეღოთ მონაწილეობა აღნიშნულ პროექტში. მინდა, მოგაწოდოთ ინფორმაცია აღნიშნულთან დაკავშირებით. როგორც თქვენთვის ცნობილია, დიდი დიღმის მეტროსადგურ „დიდუბესთან“ დამაკავშირებელი ტრამვაის ხაზის პროექტირებისა და მშენებლობის მიზნით აზიის განვითარების ბანკის შესყიდვების წესებით გამოცხადებული ტენდერი მიმდინარე წლის 31 მარტს გაიხსნა. ტენდერში მონაწილეობის სურვილი გამოთქვა და შესაბამისი წინადადებები წარმოადგინა ოთხმა მსხვილმა კომპანიამ და ერთობლივმა საწარმომ, მათ შორის სამი – თურქეთში, ხოლო ერთი ჩინეთში რეგისტრირებული კომპანიაა. წარმოდგენილი წინადადებების შეფასება უკვე დასრულებულია, გვყავს გამარჯვებული კომპანია, თურქეთში რეგისტრირებული ერთობლივი საწარმო, რომელმაც ყველაზე დაბალი ფასი წარმოადგინა. ABD-ს შესყიდვის წესების შესაბამისად განისაზღვრა ასევე ე.წ. გასაჩივრების 14-დღიანი პერიოდი, რომლის გასვლის შემდეგ გამარჯვებულ კომპანიასთან გავაფორმებთ უკვე ხელშეკრულებას“, – განაცხადა კახა კალაძემ.თბილისის მერის თქმით, პროექტი შედგება სამი ეტაპისგან: კონცეპტუალური პროექტის მომზადება, დეტალური პროექტის მომზადება და სამშენებლო სამუშაოების წარმოება. სამივე ეტაპისთვის განსაზღვრულია 36 თვე ხელშეკრულების ხელმოწერიდან.ტრამვაის ხაზი დაიწყება დიდი დიღმის მესამე და მეოთხე მიკრორაიონების შერწყმის მიმდებარე ტერიტორიიდან და დავით აღმაშენებლის ხეივნისა და დიღმის მასივის გავლით დაუკავშირდება მეტროსადგურ დიდუბის მიმდებარე ტერიტორიას.„ტრამვაის ხაზის საორიენტაციო სიგრძე შეადგენს 7,5 კილომეტრს, სადაც მთელი ამ გზის მანძილზე იქნება განთავსებული 11 გაჩერება. პროექტი ასევე მოიცავს შესაბამისი დეპოს მოწყობას, რომელიც გათვლილი იქნება 11 ერთეული ტრამვაის შემადგენლობის მომსახურება-ექსპლუატაციაზე. ხაზის მშენებლობის პარალელურად, გამოცხადდება ცალკე ტენდერი ტრამვაის 10 ერთეული შემადგენლობის შესყიდვაზე, მიმდინარეობს ამაზე მუშაობა“, – განაცხადა კალაძემ.მისი თქმით, ეს ძალიან მნიშვნელოვანი პროექტია.„მე პირადად ძალიან მიხარია, რომ ქალაქს დაუბრუნდება ასეთი მნიშვნელოვანი საზოგადოებრივი ტრანსპორტი, როგორიც არის ტრამვაი. იმედი მაქვს, ეს არ იქნება პირველი და ბოლო პროექტი, რომელსაც საქართველოს ხელისუფლება, დედაქალაქის მთავრობა განახორციელებს. მინდა, მადლობა გადავუხადო ყველა იმ ადამიანს, რომელიც ჩართული იყო პროექტის მომზადებაში, ვინც იშრომა, ვიცე-მერით დაწყებული და დამთავრებული თითოეულ რიგით თანამშრომლამდე. მართლაც ძალიან მნიშვნელოვანია ჩვენი ქალქისთვის ამ პროექტის განხორციელება და ეტაპობრივად საზოგადოებას მივაწვდით დეტალურ ინფორმაციას აღნიშნულ სამუშაოებთან დაკავშირებით“, – აღნიშნა კახა კალაძემ.

საქართველოს პრეზიდენტი მიხეილ ყაველაშვილი კატარის სახელმწიფოს ამირს, შეიხ თამიმ ბინ ჰამად ალ-თანის შეხვდა. ინფორმაციას ამის შესახებ პრეზიდენტის ადმინისტრაცია ავრცელებს.პრეზიდენტის ადმინისტრაციის ცნობით, დოჰაში გამართულ შეხვედრაზე საქართველოს პრეზიდენტმა კატარის სახელმწიფოს ემირს პირადად მიუსამძიმრა ყოფილი ემირის, შეიხ ჰამად ბინ ხალიფა ალ-თანის გარდაცვალების გამო და პატივი მიაგო მის ღვაწლს თანამედროვე კატარის განვითარების საქმეში.„შეხვედრაზე მხარეებმა საქართველოსა და კატარს შორის არსებული პარტნიორობა და თანამშრომლობის განვითარების პერსპექტივები განიხილეს. პრეზიდენტმა მადლობა გადაუხადა კატარის სახელმწიფოს საქართველოს სუვერენიტეტისა და ტერიტორიული მთლიანობის მხარდაჭერისთვის.შეხვედრაზე ასევე ხაზი გაესვა რეგიონში მშვიდობის, სტაბილურობისა და დიპლომატიური დიალოგის მნიშვნელობას, მათ შორის, კატარის პოზიტიურ როლს საერთაშორისო მედიაციის მიმართულებით“, – ნათქვამია პრეზიდენტის ადმინისტრაციის მიერ გავრცელებულ ინფორმაციაში.