თეა წულუკიანი: როდესაც ჩვენ ვხედავთ უცხო ქვეყნის თანამდებობის პირებს, რომლებიც ჩამოდიან ვიზიტით საქართველოში და მთავრობის საწინააღმდეგო აქციას უერთდებიან, ეს არის ყველა საერთაშორისო ნორმის დარღვევა

ლიეტუვა განიხილავს აშშ-ის დახმარებას ირანის წინააღმდეგ სამხედრო ოპერაციაში და შეუძლია ჯარების გაგზავნაც კი, თუ ვაშინგტონი ამას მოითხოვს, – ამის შესახებ ლიეტუვის პრეზიდენტის საგარეო პოლიტიკის მთავარმა მრჩეველმა, ასტა სკაისგირიტემ განაცხადა.ლიეტუვის პრეზიდენტის მრჩევლის თქმით, ლიეტუვას აშშ-ისგან ჯარების გაგზავნის თაობაზე არანაირი მოთხოვნა არ მიუღია. სკაისგირიტემ ხაზგასმით აღნიშნა, რომ ლიეტუვის ძალების გაგზავნის შესახებ ნებისმიერი განხილვა ჰიპოთეტურია.ლიეტუვის პრეზიდენტის მრჩეველმა ასევე გამოთქვა მოსაზრება, რომ აშშ-სა და ისრაელს ირანზე დარტყმების განხორციელების საფუძველი ჰქონდათ და ამ ნაბიჯს გარდაუვალი უწოდა ბირთვული იარაღის შექმნასთან დაკავშირებით თეირანის პოზიციის გამო.„სამწუხაროდ, ირანმა არ გაითვალისწინა აშშ-ის მოთხოვნები ურანის გამდიდრების შეჩერების, ბირთვული იარაღის წარმოების შეჩერების შესახებ და პრევენციული დარტყმები განხორციელდა. ჩვენ გვჯერა, რომ აშშ და ისრაელი ამ შემთხვევაში სწორად მოიქცნენ“, – აღნიშნა ლიეტუვის პრეზიდენტის მრჩეველმა.

მოხარული ვარ, რომ სომხეთის რესპუბლიკის პრემიერ-მინისტრ ნიკოლ ფაშინიანთან ერთად ვუხელმძღვანელე საქართველო-სომხეთის ეკონომიკური თანამშრომლობის მთავრობათაშორისი კომისიის მე-15 სხდომას თანათავმჯდომარის რანგში, – ამის შესახებ საქართველოს პრემიერ-მინისტრი ირაკლი კობახიძე X-ზე წერს.როგორც მთავრობის მეთაური აღნიშნავს, საქართველოსა და სომხეთის დელეგაციებთან ერთად, პროდუქტიული დისკუსიები გაიმართა ეკონომიკური თანამშრომლობის გაფართოებაზე და სტრატეგიული პარტნიორობის შემდგომი გაღრმავებისთვის ახალი შესაძლებლობების ათვისებაზე.„მოხარული ვარ, რომ სომხეთის რესპუბლიკის პრემიერ-მინისტრ ნიკოლ ფაშინიანთან ერთად, ვუხელმძღვანელე საქართველო-სომხეთის ეკონომიკური თანამშრომლობის მთავრობათაშორისი კომისიის მე-15 სხდომას თანათავმჯდომარის რანგში. ჩვენი ქვეყნების დელეგაციებთან ერთად, პროდუქტიული დისკუსიები გავმართეთ ეკონომიკური თანამშრომლობის გაფართოებაზე და სტრატეგიული პარტნიორობის შემდგომი გაღრმავებისთვის ახალი შესაძლებლობების ათვისებაზე“, – აღნიშნავს პრემიერი.

სომხეთ-ევროკავშირის ურთიერთობის კონტექსტში ჩვენთვის ძალიან მნიშვნელოვანი პარტნიორია საქართველო, ამ საკითხზე გვქონდა საუბარი და იმედი გვაქვს, რომ მომავალშიც ვითანამშრომლებთ და ხელშესახები შედეგებიც გვექნება, – ამის შესახებ სომხეთის პრემიერ-მინისტრმა, ნიკოლ ფაშინიანმა ქართველ კოლეგასთან, ირაკლი კობახიძესთან ერთობლივი ბრიფინგისას განაცხადა.მისი თქმით, სომხეთ-საქართველოს შორის პოლიტიკური დიალოგი იყო და რჩება ძალიან აქტიური.„ჩვენ უნდა ვნახოთ, სად შეიძლება, ვითანამშრომლოთ კიდევ უფრო აქტიურად და ქმედითად არსებული გამოწვევების დასაძლევად და იმ შესაძლებლობების გამოსაყენებლად, რაც გაგვაჩნია. ამ შეხვედრებზე ნაკლები მნიშვნელობის ის არის, რომ მეგობრები ნაკლებად ვუთმობთ დროს არასაქმიან საკითხებს, ამ თბილ ურთიერთობებს ჩვენ ძალიან ვაფასებთ, ყოველ ჯერზე ამ შეხვედრების შემდეგ პირველი, რაზეც ვფიქრობთ, არის, როდის შედგება შემდეგი შეხვედრა, როდის გვექნება ამის სიამოვნება, რომ კიდევ ერთხელ ვიხილოთ ერთმანეთი. მე ნამდვილად მიმაჩნია. რომ შემდეგი შეხვედრა იქნება მალე და შევძლებთ ჩვენი შეთანხმების ხელშესახები შედეგების ნახვას რეგიონული, ორმხრივი, საერთაშორისო თანამშრომლობის შედეგების ნახვას და ამის მზაობას ორივე გამოვთქვამთ. კიდევ ერთხელ მინდა, გადავუხადო მადლობა საქართველოს პრემიერ-მინისტრს, ჩემს კოლეგას ასეთი მეგობრული ძმური მიღებისთვის“, – განაცხადა ფაშინიანმა.

მიმაჩნია, რომ სომხეთსა და საქართველოს საერთო ინტერესები აქვს იმ საკითხთან დაკავშირებით, რასაც ჩვენი რეგიონი და ევროკავშირი ჰქვია, – ამის შესახებ სომხეთის პრემიერ-მინისტრმა, ნიკოლ ფაშინიანმა განაცხადა.მისივე თქმით, სომხეთსა და საქართველოს აქვს ისტორიული შესაძლებლობა, რსებული პრობლემები და გამოწვევები დაძლიონ.„საქართველოსა და სომხეთის ეკონომიკური ურთიერთობა ღრმავდება, რაც ხანგრძლივ ტრადიციას ეფუძნება. არავისთვის არის უცხო, რომ საქართველო სომეხი ტურისტებისთვის იყო, არის და იქნება ყველაზე სანუკვარი დანიშნულება დასვენებისთვის. საქართველოდანაც იზრდება ტურისტების რაოდენობა სომხეთში. ჩვენ ეს მზარდი ტენდენცია გვახარებს. ეს ცხადყოფს, რომ ჩვენი აქტიური პოლიტიკური მეგობრობა კულტურის, სპორტის, ეკონომიკის, განათლების, მეცნიერების სფეროებში, აისახება ხალხთა შორის ურთიერთობებზე. ჩვენ პრემიერ-მინისტრების დონეზე გქონდა საშუალება, გვესაუბრა წარსულზე. მახარებს, რომ საერთაშორისო პლატფორმებზე სომხეთი და საქართველო აქტიურად თანამშრომლობენ. მნიშვნელოვნად მივიჩნევთ იმ ფაქტს, რომ მხარს ვუჭერთ საქართველოს სუვერენიტეტს და ტერიტორიულ მთლიანობას, პოლიტიკურ დამოუკიდებლობას, რათა რეგიონში ხანგრძლივი მშვიდობა არსებობდეს. ეს არის სწორედ იმის საფუძველი, რაზეც სომხეთმა და აზერბაიჯანმა მშვიდობა დააფუძნეს.მიმაჩნია, რომ ეს ნამდვილად არის ისტორიული შესაძლებლობა ჩვენი რეგიონისთვის და მინდა ვისურვო, რომ საქართველომ ასევე იქონიოს ხანგრძლივი მშვიდობა და მოაგვაროს ის საკითხები, რაც მისთვის აქტუალურია, მათ შორის ტერიტორიული მთლიანობის კუთხით. მივიჩნევთ, რომ ჩვენი რეგიონის გამოწვევა არ არის მარტივი, ჩვენ გვაქვს დიდი ისტორიული შესაძლებლობა, რომ დავძლიოთ არსებული პრობლემები და გამოწვევები. იმედი გვაქვს, რომ ეს შესაძლებლობები გამოყენებული იქნება.დეტალური ინფორმაცია მივაწოდე ჩემს ქართველ კოლეგას იმის თაობაზე, თუ რა ხდება სომხეთში, რეგიონული, საერთაშორისო დღის წესრიგის ფარგლებში. მე მას მოვახსენე, თუ რა ხდება „ტრამპის გზის“ („ტრამპის მარშრუტი საერთაშორისო მშვიდობისა და კეთილდღეობისათვის“) საინვესტიციო პროექტის ფარგლებში, აზერბაიჯანსა და სომხეთს შორის მშვიდობის პროცესის და თურქეთთან ურთიერთობის პროცესში. ასევე მას მოვუყევი სომხეთსა და რუსეთს შორის არსებული ურთიერთობების შესახებ. მიმაჩნია, რომ ჩვენ საერთო ინტერესები გვაქვს და გვამოძრავებს იმ საკითხთან დაკავშირებით, რასაც ჩვენი რეგიონი და ევროკავშირი ჰქვია“, – განაცხადა ფაშინიანმა.მასალა მომზადებულია სინქრონული თარგმანის მიხედვით.

აზერბაიჯანის პრეზიდენტი ილჰამ ალიევი ირანის საელჩოში იმყოფებოდა და სამძიმარი გამოთქვა ირანის ისლამური რესპუბლიკის უზენაესი ლიდერის, აიათოლა ალი ხამენეისა და მშვიდობიანი მოქალაქეების დაღუპვის გამო. ინფორმაციას ამის შესახებ აზერბაიჯანული მედია ავრცელებს.მედიის ცნობით, ილჰამ ალიევს აზერბაიჯანში ირანის ელჩს, მუჯათაბ დემირჩილუს შეხვდა და სამძიმრის წიგნში ჩანაწერი გააკეთა.როგორც მედიის მიერ გავრცელებულ ინფორმაციაშია ნათქვამი, აზერბაიჯანის პრეზიდენტმა ირანის ელჩთან საუბრისას განაცხადა, რომ ყოველთვის საუკეთესო შთაბეჭდილებებით გაიხსენებს აიათოლა ხამენეისთან შეხვედრებს, რომლებიც ირანში ვიზიტის დროს შედგა.მედიის ცნობით, ირანის ელჩმა მადლობა გადაუხადა აზერბაიჯანის პრეზიდენტს საელჩოში მისვლისთვის და სამძიმრისთვის.