თეატრებისა და კინოთეატრების სრულყოფილად ამოქმედება ეპიდემიოლოგიური ვითარების გამო გადაიდო

საქართველოს პარლამენტის წევრი და "ხალხის ძალის" ერთ-ერთი ლიდერი, სოზარ სუბარი გადაცემა "ისტორია დეტალებში," უახლოესი წარსულის ერთ-ერთ მძიმე ეპიზოდს - "ციხის კოშმარს" იხსენებს. სოზარ სუბარი იმ პერიოდში სახალხო დამცველი იყო. მისი თქმით, წინა ხელისუფლების დროს, ციხეებში პატიმრების მიმართ სასტიკ და არაადამიანურ მოპყრობაზე ინფორმაციას თითქმის ყოველდღიურად იგებდა.მისივე თქმით, საპატიმროში არსებული უმძიმესი პირობების შესახებ ყველა უცხოელმა პარტნიორმა და ელჩმა იცოდა, თუმცა ამას მხოლოდ პირად საუბრებში აღნიშნავდნენ და ოფიციალურად განცხადებას არავინ აკეთებდა."მე, პირადად, კვირა არ გავიდოდა, რომ ციხეში 2-3-ჯერ რომ არ შევსულიყავი, ზოგჯერ, ყოველდღე მიწევდა შესვლა სხვადასხვა დაწესებულებებში და ერთი და იგივე ჯოჯოხეთი ტრიალებდა ყველგან. სულ ვფიქრობ, რა იყო მიზეზი, რატომ აკეთებდნენ ამას, თუმცა ძალიან ძნელია ახსნა. დანტე ალიგიერს აქვს ნათქვამი ასეთი სიტყვები - "წარწერა ჯოჯოხეთის კარზე: შემომსვლელებმა ყველა იმედი გარეთ დატოვეთ!" - ყველა იმედი უნდა დაგეტოვებინა იქ რომ შედიოდი, ბოლომდე გატეხილიყავი. შანსი არ უნდა გქონოდა იქიდან ცოცხალი გამოსულიყავი, უკიდურეს შემთხვევაში ჯანმრთელი გამოსულიყავი, ახსნა იმ სისასტიკეს არ აქვს. მაგრამ ამ მიზანს ვერ შეასრულებს ნორმალური ადამიანი, ამიტომ, ყველა სადისტი და ავადმყოფი შეიკრიბა, რომლებიც ერთმანეთს კარგად ცნობდნენ.ციხე ყველა შემთხვევაში ცუდია და მძიმეა, მაგრამ 40 კვადრატულ-მეტრ საკანში იყო 105-106 ადამიანი, იქვე იყო სველი წერტილიც, გამოყოფილიც კი არ იყო. წარმოიდგინეთ, 105 ადამიანი, რომელიც ერთი სველი წერტილით სარგებლობს, სადაც არ იყო წყალიც. პარალელურად, ეს ადამიანები ყოველდღე გაჰყავდათ და სცემდნენ.ყველამ ყველაფერი იცოდა, ყველა ელჩმა, თუმცა არავინ ამაზე ხმას არ იღებდა. იყო რამდენიმე საერთაშორისო არასამთავრობო ორგანიზაცია, მაგალითად, Human Rights Watch, Amnesty International, რომლებიც ამაზე წერდნენ, მაგრამ არცერთი ელჩი, არცერთი საელჩო, უცხოელი დიპლომატი თუ ევროპარლამენტარი ამაზე არათუ ხმას არ იღებდა, არანაირ მინიშნებასაც კი არ აკეთებდნენ. ყველა ელჩი იყო ძალიან ღია და გულწრფელი ჩემთან საუბარში, პირდაპირ ჰყვებოდნენ, როგორი წარმოუდგენელი რამ ხდებოდა, თუმცა, როდესაც მე ვეკითხებოდი, რატომ ამაზე ხმამაღლა არ ლაპარაკობთ, ისინი ამბობდნენ, რომ ჩვენ ამაზე აკრძალული გვაქვს ლაპარაკი. ერთადერთი ელჩი, რომელიც არ იმჩნევდა და არ საუბრობდა სხვებივით ღიად, ეს იყო ამერიკის ელჩი", - განაცხადა სოზარ სუბარმა.

ტექნიკური უნივერსიტეტის რექტორი პროკურატურას მიმართავს და გამოძიების დაწყებას ითხოვს, როგორ აღმოჩნდა, ერთ ლარად, გიული ალასანიას ხელში უნივერსიტეტის ერთ-ერთი კორპუსი.დავით გურგენიძე აცხადებს, რომ საქმე კორუფციის ნიშნებს შეიცავს, რაც საგამოძიებო კომისიის ანგარიშშიც გამოიკვეთა. კიდევ ერთი მოთხოვნა გამოძიების პროცესში ქონების დაყადაღება და მისი ტექნიკური უნივერსიტეტისთვის დაბრუნებაა."არის იმის ეჭვი, რომ, სავარაუდოდ, იქ იყო სისხლის სამართლის დანაშაული. ამიტომ, ჩვენმა უნივერსიტეტმა, პირადად მე, უნივერსიტეტის კანცლერმა და კოლეგიალურმა ორგანოებმა, აკადემიურმა საბჭომ, წარმომადგენლობითმა საბჭომ ვიმსჯელეთ და გადავწყვიტეთ, რომ მიგვემართა საქართველოს გენერალური პროკურატურისთვის.საქართველოს ტექნიკურ უნივერსიტეტს არცერთი კაპიკი არ მიუღია. მან საქართველოს ბიუჯეტში გადაიხადა თუ არა, ეს უკვე გენერალური პროკურატურის მოკვლევის საგანია. ეს არის უდიდესი ტერიტორია - ისტორიულად, საქართველოს ტექნიკური უნივერსიტეტის ტერიტორია, ეს დაახლოებით 22 000 კვადრატული მეტრის შენობა-ნაგებობებია. ეს არის სპორტული მოედნები, სტადიონები, ლაბორატორიები, ეს იყო უახლესი აშენებული, სადაც ფაქტობრივად ჩვენი სტუდენტები და პროფესორ-მასწავლებლები იმ წუთში შევიდნენ. ამისთვის, მაშინ უნივერსიტეტს გაუჩერდა ავტორიზაცია, გადადგა რექტორი, აკადემიკოსი ბატონი რამაზ ხუროძე. შემდგომ, ასევე გადადგა მეორე რექტორი არჩილ მოწონელიძე და თან ეს იყო ომის პერიოდი, როდესაც ეს ფართები იყო მიტაცებული.ჩვენ ვთვლით, რომ ეს უნდა დაუბრუნდეს ახალგაზრდობას და პროფესორ-მასწავლებლებს. ეს იყო საქართველოს ტექნიკური უნივერსიტეტის ქონება და კვლავ უნდა იყოს საქართველოს ტექნიკური უნივერსიტეტის. ჩვენ ვითხოვთ, რომ ეს ქონება აუცილებლად იყოს დაყადაღებული, ასევე ვითხოვთ, რომ ეს ქონება უნდა იყოს დაბრუნებული ტექნიკური უნივერსიტეტისათვის. ასევე, ვითხოვთ, რომ ის მიღებული მოგება, რომელიც უნივერსიტეტმა მრავალი წლის განმავლობაში ვერ მიიღო, დაინიშნოს ექსპერტიზა და დაუბრუნდეს უნივერსიტეტს, ახალგაზრდობას და პროფესორ-მასწავლებლებს", - განაცხადა საქართველოს ტექნიკური უნივერსიტეტის რექტორმა დავით გურგენიძემ.

ვგმობთ ძალადობის ნებისმიერ ფორმას, – ამის შესახებ ევროკომისიის პრესსპიკერმა, ანიტა ჰიპერმა განაცხადა.მისივე თქმით, მიმდინარეობს მუშაობა ქართული სამოქალაქო საზოგადოების დასახმარებლად.„„ქართული ოცნება“ რეპრესიულ ზომებს იღებს, ზომებს, რომელიც ცხადად შთაგონებულია რუსული პროპაგანდისტული მანქანით. ჩვენ ვგმობთ ძალადობის ნებისმიერ ფორმას. რა თქმა უნდა, რაც იქ ხდება, ეს არ არის შეუმჩნეველი. სწორედ ამიტომ ჩვენ ვმუშაობთ სანქციებზე. ჩვენ ვმუშაობთ იმის უზრუნველსაყოფად, რომ ფული არ წავიდეს საქართველოს ხელისუფლების მიმართულებით. ჩვენ ვმუშაობთ სამოქალაქო საზოგადოების დასახმარებლად, ჟურნალისტების და ყველას დასახმარებლად, ვინც მშვიდობიანად მუშაობს უკეთესი მომავლისთვის და უარს არ ამბობენ იმედსა და ღირებულებებზე, რასაც ევროპა განასახიერებს“, – განაცხადა ჰიპერმა.

ირაკლი ღარიბაშვილის, გრიგოლ ლილუაშვილის, ოთარ ფარცხალაძის და მათთან დაკავშირებული რვა პირის საცხოვრებელ სახლებში ჩხრეკა ჩატარდა, – აღნიშნულის შესახებ საქართველოს პროკურატურაში გამართულ ბრიფინგზე გენერალურმა პროკურორმა, გიორგი გვარაკიძემ განაცხადა.მისივე თქმით, ამოღებულია სხვადასხვა ელექტრონული მოწყობილობა, დოკუმენტაცია და დიდი ოდენობით ფულადი თანხა.„განსაკუთრებით მაღალი საზოგადოებრივი ინტერესისა და სისხლის სამართლის საქმეების მნიშვნელობიდან გამომდინარე, მსურს, საზოგადოებას მივაწოდო შემდეგი ინფორმაცია. საქართველოს გენერალური პროკურატურის საგამოძიებო ნაწილში, სუს-ის ანტიკორუფციულ და სახელმწიფო უსაფრთხოების დეპარტამენტებში სხვადასხვა სისხლის სამართლის საქმეებზე მიმდინარე გამოძიების ფარგლებში, დღეს, დილის 10:00 საათიდან მთელი ქვეყნის მასშტაბით ერთდროულად 22 ლოკაციაზე მასშტაბური ღონისძიება ჩატარდა. ერთობლივი ღონისძიების ფარგლებში განხორციელდა საქართველოს ყოფილი პრემიერ-მინისტრის, ირაკლი ღარიბაშვილის, სუს-ის ყოფილი უფროსის, გრიგოლ ლილუაშვილის, ყოფილი მთავარი პროკურორის, ოთარ ფარცხალაძის და მათთან დაკავშირებული სულ რვა პირის საცხოვრებელი ბინების, სახლების და პირადი ჩხრეკები. ამოღებულია სხვადასხვა ელექტრონული მოწყობილობა, დოკუმენტაცია და დიდი ოდენობით ფულადი თანხა. ხსენებულ საქმეებზე აქტიურად ტარდება საგამოძიებო, საპროცესო და ოპერატიულ სამძებრო ღონისიძიებები. გამოძიების მიმდინარეობის და შედეგების თაობაზე საზოგადოებას პერიოდულად დამატებით მოვახსენებთ“, – განაცხადა გიორგი გვარაკიძემ.

ვინც გუშინ პრემიერ-მინისტრის მიერ წარდგენილ უმაღლესი განათლების რეფორმას უსმენდა, ალბათ, ჩვენსავით იტყოდა ერთ სიტყვას - „ვეღირსეთ!“. დიახ, ეს ნამდვილად არის საუკეთესო სიახლე უმაღლესი განათლების სისტემისთვის, - წერს სოციალურ ქსელში „ხალხის ძალის“ წევრი თამარ ჩიბურდანიძე.მისი თქმით, უმაღლესი განათლების რეფორმა პასუხობს როგორც განათლების, ასევე, დემოგრაფიულ გამოწვევებს.„ყველა ის საკითხი, რაც წლების განმავლობაში პრობლემური იყო საუნივერსიტეტო სფეროში, გათვალისწინებულია ახალ რეფორმაში, თუმცა, შესაძლოა იყოს საკითხები, რომელიც მოითხოვს კიდევ უფრო მეტ დამუშავებას ამ სფეროს წარმომადგენლებთან ერთად. პრემიერის განცხადებით, ეს კომუნიკაცია აუცილებლად შედგება.წარდგენისას ჩანდა, რომ ყველა მნიშვნელოვანი საკითხი, რასაც ეხება რეფორმა, სიღრმისეულად იყო შესწავლილი. საუბარია უმაღლეს სასწავლებლებში სწავლების ხარისხზე, პროფესორების ანაზღაურებაზე, სწავლების ვადებზე, სამეცნიერო კვლევების ბიუჯეტის გაზრდაზე და მათ ჩართულობაზე დარგობრივი პოლიტიკების შემუშავებისას. ამ საკითხებზე მთავრობის მხრიდან მანამდეც ხდებოდა აპელირება, მაგრამ, საინტერესო იყო დემოგრაფიული პოლიტიკის გატარება განათლების რეფორმაში.საქმე ეხება შიდა და გარე მიგრაციას, დემოგრაფიულად აქტიური თაობის გამოდინებას რეგიონებიდან და გადინებას უცხოეთში. ცნობილია, რომ მიგრაციული თაობის დიდი ნაწილი მიგრაციაში რჩება, განსაკუთრებით, ახალგაზრდები. სწორედ ამ უდიდესი პრობლემის მოგვარების საუკეთესო გზები შემოგვთავაზა მთავრობამ. სწავლების ხარისხის გაზრდა და რეგიონული გადანაწილება ახალგაზრდებს დაამაგრებს რეგიონებშიც და ქვეყანაშიც.მაგალითისთვის, მსურს მოვიყვანო ქუთაისის საერთაშორისო უნივერსიტეტი. მის კურსდამთავრებულებზე ერთგვარი ნადირობაა გამოცხადებული საჯარო თუ კერძო ორგანიზაციებიდან. ამ ახალგაზრდებს არ სჭირდებათ ნეპოტიზმი და ვინმეს დახმარება, თავად ეძებენ დამსაქმებლები. ეს კი შედეგია იმ მაღალხარისხიანი სწავლებისა, რასაც ეს უნივერსიტეტი იძლევა.როგორი განხილვებიც არ უნდა წარიმართოს უმაღლესი განათლების რეფორმაზე, მჯერა, დემოგრაფიული პოლიტიკის გათვალისწინებას არავინ შეეხება.უმაღლესი განათლების რეფორმა პასუხობს როგორც განათლების, ასევე, დემოგრაფიულ გამოწვევებს. მადლობა პრემიერს და განათლების მინისტრს ამ საუკეთესო ცვლილებებისთვის. ველით ასეთივე რევოლუციურ ცვლილებებს სასკოლო განათლების სფეროშიც, რომელიც არის განათლების საძირკველი. სამწუხაროდ, უმაღლესი სასწავლებლების მსგავსად, ესეც გადაგვიგვარეს და გაგვინადგურეს.არ გავიმეორებ ბანალურ სიტყვებს, რომელიც შეიძლება ვიღაცას ყურს სჭრიდეს. საქართველოს ექნება არა მხოლოდ ევროპული დონის განათლების სისტემა ყველა საფეხურზე, არამედ ქართული, რომელიც მოიცავს ჩვენს საუკუნოვან გამოცდილებას განათლებაში და ასევე მსოფლიოს საუკეთესო მაგალითებს“, - წერს თამარ ჩიბურდანიძე.